Thursday, November 30, 2006

صحبة ورد

اشفعلي عندك يا صديق
وولع الشمع اللي فاضل وافتكرني
وزيّت المصباح وفكر .. وافتكرلي
واشربلي كاس وياك وولع لي السيجارة
واكتب عن اللي كان شراع أصبح محارة
واحجزلي وياك تذكرة
وحط ورد على مكاني
بلدي وفل وبنفسج
انا كنت لمحة توهج
واتنتورت حبابيها
كلت ف لهفة بنيها
من كثر خَشْيِتْها
الدنيا حلم التملك
قادر وخشّيتها
تحاوزني لجلن أجيها
واما أدوخ وانهج
تديني أجمل ما فيها
بلدي وفل وبنفسج

1 comment:

Anonymous said...

مش قادرة اتخلص من السخرية المريرة اللى فى اخر 3 سطور

تحاوزني لجلن أجيها
واما أدوخ وانهج
تديني أجمل ما فيهابلدي وفل وبنفسج

فعلا
الدنيا حلم التملك
لكن.. فى اخرتها, مش هنطلع منها الا بورد وفل وبنفسج

برضه مفهوم صحبة الورد بما فيها من زهور جميلة كالورد والفل والبنفسج.. بتوحى بنقاء سريرة الشخص ده وحلمه النقى


manal