Sunday, November 26, 2006

الأربعين

الأربعين مش سهلة خالص
مع انها مش خِطرة بالمرة
ديتها تفهم فين حدود المغامرة
وتقول لروحك من هنا ورايح
مابقيتش زيي زي عمن اول
وزي ما دفنت ايديك ورد الطفولة امبارح
استجمع الحبة اللي فاضلة من الشجاعة
وقول ف نن المرايا
قول بعلو الصموت وما يهزكش
سلام شبابي
أهلا بثلثي الأخير

43 comments:

BIRA said...

على رأي المثل السن ليه حكم ..
بس الحقيقة فيه ناس سنها كبير ولسه شباب مش شباب القلب وبس لأ شباب الصحة ..وضيف إلى ذلك نضوج العقل والرغبات وخبرة الحياه ...
وفيه ناس لسه فس العشرينات وتحس إنها عدت الخمسين
متهيألي الموضوع في الميه والأكل لأن حتى حيوانات الشوارع بقت عندها بلادة غير طبيعية .. زمان كده كنت تهش القطة تخاف وتجري .. دلوقتي ما شاء الله القطة تهشها تضربها تبصلك بطرف عينها وتشخط فيك وإحتمال تضربك و والله شفت الموقف ده بعيني ..

Anonymous said...

طبعا.. عين العقل!! كل سن وله متطلباته الخاصة
واللى أحسن من كده.. أن الأنسان يدرك كده فعلا ومايحاولش ينافق نفسه

زى ماحضرتك دفنت ورد الطفولة وودعت شبابك, هتقدر برضه تواجه المرحلة الجديدة دى... وهتزرع فيها شجر كمان بدل الورد اللى دفنته
:)

وكمان حضرتك لسه شباب يعنى
:) :) :)

manal

Anonymous said...

mr.khaled...I reallky find you as a very creative,innovative,brilliant actor and I like to hear your opinion in our daily life and the political,cultural and social events......please donot publish your poetry only on your blog(it's not fabilous) you can write some articles about your life,our life I think the blog needs some modification ..thanks..
el masry affendi

Anonymous said...

الاربعين دي كسرتني
الوقت بيعدي بسرعة شديدة زي القطر التربو
انا فاضل لي 11 سنة و ابقى اربعين
عارفة ان الشباب شباب القلب لكن مش قادرة امنع نفسي من التوجس قلقا
:(

دايما بحسب عمري بالعشر سنين
فمن عشر سنين كنت 19 يعني في عز شبابي و جهلي و الجهل حلو
دلوقتي بعد عشر سنين تانيين حبقي 39
يعني كبيرة من وجهة نظر الناس و مش عارفة حكون ايه من وجهة نظر نفسي

تعليقي عليها انها خليتني اقول اي بعد ما خلصتها
و الف اي كمان

تحياتي

Elsa said...

جميلة جدا يا خالد، أعجبتني جدا هذه السخرية التي تخفي بعض الأسى ، و هذه المصالحة الجميلة مع ملامح الوجه الجديدة.

tyler durden said...

الفنان خالد الصاوى
أولا كل سنة وأنت طيب وعقبال مليون سنة
أنا أسمى محمد طالب فى تانية آداب قسم أعلام وكنت عاوز أعمل مع حضرتك حوار فياريت لو كان عند حضرتك وقت أنى أقابلك أو أكلمك بالتلفون أو حتى على المسنجر فأنا هبقى فى منتهى السعادة والأمتنان
أنا أيميلى abdo_19_89@hotmail.com
وتليفونى 0120829688
فياريت حضرتك تكلمنى أو تبعتلى أيميل أو تقول أوصلك أزاى
خالص شكرى وتقديرى لك واتمنى لك مزيد من النجاح

Anonymous said...

كده يا حفصوصة... بقى وانتى عندك 19 سنة كنتى فى عز شبابك وجهلك؟ طب راعى ظروفى
:(

غريبة! مع أنى سمعت ان اللى عندهم 19 سنة بيبقوا فى قمة الذكاء والنشاط والجمال والحلاوة و.... احم, احم... أنا مش بتكلم عن نفسى ولا حاجة
:) :)

من الاخر موضوع السن ده مرتبط بالجسد مش بالروح... ممكن الجسد يدبل لكن الروح عمرها ماتشيخ, الا لو احنا حكمنا عليها بكده فعلا

manal

Anonymous said...

صباحك جميل
وكل سنة وأنت بخير
تعرف لما وصلت لسن الأربعين كتبت في يومياتي كلمات تتقاطع مع مادونته أنت اليوم، لكن وبعد عيد ميلادي بثمانية أشهر ألتقيت بتلك الأنثى التي أحبها ، شدتني بعد أن كنت ودعت الكثير من الموروثات الكلاسيكية عن الأسرة ووضعتني أمام العربة من جديد ، وبدأت في الجر، أنجزت خلال السنوات الخمس الاخيرة ثلاث كتب، انجزت هي رسالة الدكتوراة، ومعا أثثنا حياة طيبة مريحة لا ينغصها إلا ما يصلني من أخبار الجزيرة عن الوطن ، لا عليك، ولو كان الثلث الأخير لكن لو استخدمنا تعبيرات حديثة من المناخ اللبناني، فهو الثلث المعطل والدافع، الفاعل، الذي يملك تقييم الثلثين الأخرين ولا من يقف ورائه لتقييمه، هو الثلث الحر الخلاق،الثلث الا إنتهازي، الثلث المقاوم، ستعرف ذلك بعد عام على أكثر تقدير، أنك الان وأخيرا أكتملت
وكل سنة وانت بخير

Yasmin said...

sa7 ya bira el shabab shabab el alb, ma3 enny ma2darsh anker en el 30 de al2aaaany giddan wahy arabet moot, wel 40 giddan giddan, bas yemeken fel mogtama3t beta3etna el ragel fel 40 gheer el set fel 40 ya3ny benet3amel 3ala asasa ennena a3gaz raghm enno nafs el senn...

we de tabee3et el mogtama3 "el lazeez" da...
Bass el otat ghalaba ya bira, masakeen kefaya a3det el share3 :)

Khaled enta katabt da el sana de wala men 3 senen?

Anyway, aham 7aga le ay 7ad eno yetmata3 be kol youm fe 7ayato , yengez feeh, yet3alem 7aga, I think howa da 3omrena el 7a2ee2y...

We kol sana wenta tayeb,raye2, mabsoot we rady..

Yasmin

ياسر حسين - فنان كاريكاتير said...

الفنان الجميل خالدالصاوي
أسعدني كثيرا أن تتاح لي الفرصة لأبلغك بمدى اعجابي بأدوارك السينيمائية وليست مفاجأة بالنسبة لي أن أجدك تكتب مثل هذه المدونات فمن الواضح من شخصيتك في مقابلاتك التلفيزيونية أنك على قدر من الثقافةالفنية والأدبية ليس بقليل وإن كنت أجدك جريء جدا في قبولك لدورك في عمارة يعقوبيان فقد يؤثر على شعبيتك عند العامة
بالنسبة للأربعين فأنا لست عنها ببعيد وان كنت قد راودني نفس الشعور عند بلوغي الثلاثين فما كان مني إلا أن أرتديت جاكيت جلد مثل الذي يلبسونه عصابات الموتسيكلات في اميركا متوهما بأن هذا سيجعلني أبدو شاب روش ولكن لا أخفي عليك أصبحت لا أرتديه إلا في المنزل ولكني آمنت بأن لكل مرحلة عمرية جمالهاومن الجميل في مجتمعاتنا العربية أن الرجل كلما كبر في السن كلما أزداد وقارا ووسامة
عذرا إن كنت قد أطلت عليك وأدعوك لزيارة موقعي
http://yassercartoon.tripod.com

أحمد فتحي - صحفي said...

عزيزي خالد بعد التحية الطيبة،،،
انا استبشرت خير لما لقيت أخيرافنان مصري واخد خط سياسي محترم ، وذلك على الرغم من اختلافي مع هذا الخط ولكني كنت بحترمك، لانه من النادر ان نري فنان له هدف في هذا الزمان، ولكني فؤجئت بك تنزلق في دور الصحفي الشاذ في عمارة يعقوبيان لتخسر كل ما اكتسبت ولتخسر قيمتك في المجتمع ، وانا اعزو ذلك بالطبع تحت تأثير الفنانين المسيسين من الحكومة امثال عادل امام والكاتب وحيد حامد والذين خدعوا الشعب سنين طويلة وهم يصورون انفسهم انهم ابطال ورواد الاعتدال في المجتمع وماهم إلا بعض الاوجارية من ابواق السلطة التي تسترزق بمهادنة اسيادها من الحكام

Anonymous said...

اتمني ان اكون ناجحا فالعشرين
و قويا في الثلاثين
و حكيما في الاربعين
و غنيا فالخمسين
لكي اكون سعيدا في حياتي ما قبل الخمسين و لدي من الذكريات السعيده ما يكفيني ان اعيش في ما يتلو ذلك ...

هاني جورج

Anonymous said...

الفنان الجميل ...خالد ...
واقعياً.. أؤيدك تماما!!
أما بالنسبة لي فبعد مرور 40 سنة من عمري أتعلمت فيها بأصعب وأغلى الوسائل، كنت أتمنى أن يبدأ العد معي تنازلياً إلى أن انتهى نطفة كما بدأت، ويكون حسابي من يوم بدء العد التنازلي... لأثبت قيمة التعليم ...وإلا فلا معنى لما تعلمته.. ووقتها بس أقدر أقول أهلا شبابي..
فيها ايه يعني لو كنا بدأنا بالعكس...؟؟؟؟ حته كده جنان صغيرة
الأربعين مش سهلة خالص (فعلاً) مع إنها مش خِطرة بالمرة (pas pour moi)

fadwa said...

hi khaled how are you?
happy birthday to you
how was this day going on?
any way ,,,for your poem..what i found that alot of people passes this age without doing anything useful..
but you,,,,,,,,i think you have to be proud by your brain which is full of youth ..
any way,,i read about the new film you wrote (el safah)is this true? ,,if its true so congratulations from all my heart,,
hope you to acheive what you wished to ,,
all my deep salutes

khalakhelo said...

اربعين ايه, يا عم صلي عالنبي
قلتلك قبل كده كلام, بس انتا تلاقيك مقريتوش
انتا أصلاً مدفنتش ورد الشباب, آه يمكن دفنت ورد الطفولة, بس ده في الغالب بنعمله واحنا مش واخدين بالنا, بيضحك علينا و يقولولنا لما تكبروا هتبقوا أعقل و أذكى و بتفهمو, فبنكبر للأسف, طبعاً أنا مش بتكلم عن السن, لكن الشباب مش بيبقى كده, و على أي حال مفيش داعي للكلام عنه لأني شايف إن كل اللي هنا -ما عدا أنا- شباب و بعضهم الطفولة لسة بتتنطط في عيونهم, أقصد في كلامهم
كلكو ما شاء الله عندكو القدرة على الحوار و الهزار, الاربعين سن, ميدلش على حاجة بالمرة, و كلكو عندكو أهداف في حياتكو و عندكو مواهبكو و اهتماماتكو
لو على السن, قولولي اللي تحبو تقولوه, بس الحقيقة, أنا إنسان ميت, أو لنقل عندي بتاع 200 سنة لو لازم تتقال سن يعني

خلاصة الكلام
لو وردة الشباب ادفنت خلاص, اعرف انها اتوأدت, مدبلتش, طلعها تاني هتلاقيه لسه بألوانها جميلة, بس تعتني بيها

مفيش مشكلة تقبلوا مني النصيحة يا ولاد, أنا زي جدكو

khalakhelo said...

حفصة
انتي حفصة ؟ طب سمعي
خالد الصاوي برضه بيحسبها بالعشرات, أو في الحقيقة, بالعشرينات, عشان كده بيقول التلت الأخير, و ايش عرفك, مش يمكن تكمل لعمر نوح, انتو اللتنين حساباتكو غلط

منال
حتى انتي يا منال, لو مصرة, إلحقي نفسك, أنا آخر مرة أفتكر اني كنت عايش فيها كان عندي 19 سنة, و كان ده بالنسبالي سن العقل و الذكاء و الحلاوة الطحينية.. لأ منغير الحلاوة
بس هعمل ايه, جالي اللي جالك البلوج انهارده أخد حاجة و سابلي حاجة, يا ريته كان بدل

شريف الصيفي
انتا مش ناوي تشتي بقى ؟

كراكيب
أتمنى أن أكون ناجح و قوي و حكيم و غني في العشرة و العشرين اللي فاتو, و أتمنى مكملش اللي جايين, بس للأسف, أنا لغايت دلوقتي الأخيرة مع تغيير مكان النقطة اللي فوق النون
مأنوكش

الشرقية
سلميلي عالزقازيق
انتي برضه عندك موضوع السن ده واجعلك دماغك ؟
طب بقولك ايه, اعملي بنصيحتي و طلعي الورده اللي مدفونة جواكي, بصي عليها من تحت الكفن, يمكن في البداية تبقى خايفة منك, ماهو مش معقول متخافش بعد اللي عملتيه فيها, بس عامليها كويس و اسقيها, بالتدريج هترجعي تاني بالعد التنازلي زي ما كنتي بتقولي
Et l'on m'appelle l'oriental
Car moi je suis sentimental
Et pourtant je ne fais pas de mal
On m'a surnommé l'oriental
بيتهيألي أنا لو سموني شرقي, هيبقى عشان أنا ارهابي مش العكس
و بمناسبة الكلام عن الصراصير من كام بوست فاتو
Même quand je n'ai pas un dollar
Je chante et j'oublie mon cafard
On m'a surnommé l'oriental
Car moi je suis sentimental
أنريكو ماسياس بيمسي

KHALED-ELSAWY said...

بيرا لا تقلقي ده موضوع بيحصلي كل سنة زي دلوقتي وببقى تمام بعد كام يوم وأتأقلم مع السنة الزيادة:)
منال الله يكرمك متشكر:)
المصري افندي انا منفتح لكل الاقتراحات بس البلوج عملي حاجتين مهمين.. متنفس لطرح كتاباتي الشعرية -او الخواطرية ان شئت- وساحة للحوار منطلقين من مواضيعها غالبا وده خلاني اكون صداقات حقيقي جميلة.. المقالات انا حاططها عالحوار المتمدن والنصوص المسرحية على كتب عربية .. لما اتمكن بمساعدتكم من سبر اغوار التدوين والمواقع اكيد حوصل لفورم جديد شامل ومناسب.. لكن احنا ممكن كلنا نحرر نشرة ونشارك فيها وخصوصا ان معانا فنان كاريكاتير رائع هو اشرف حمدي وناقدات صاعدات كالصاروخ زي البيدا وحفصة ومعلقين واصحاب قلم ممتازين زي اصدقاء كتير هنا .. لو عملنا نشرة على النت واستكتبنا فيها زملاء وزوار وكذا أتصور حنعمل حاجة لطيفة.. نفكر..
حفصة.. بدري جدا عالكلام ده فكرتيني بأختي وهي صغيرة تقعد طول السكة بين مصر واسكندرية تقول احنا قربنا فاضل 150 كيلو.. قربنا فاضل 130 كيلو:).. طبعا القصيدة طارحة الاحساس ده..كلمة 40 كانت صدمة ساعتها خصوصا اني ماحققتش 15 من احلامي المهنية اساسا واللي هي 99% من مجموع احلامي كله:) بس انا دلوقتي 43 والحمد لله مبسوط..
شكرا السا.. تعليقك رشيق يذكرني بمتذوقة رائعة لشغلي هي صديقتي الاستاذة رانيا فتحي..

يا عم تايلور طب قول قصيدة سكة قول كل عام وانت بخير:) ماشي يا عم.. انا برنلك اهه:)
منال انت عندك 19 سنة بس؟؟ ماشاءالله:) دماغك اكبر بكثير والله.
شريف وانت طيب.. كلامك حكيم جدا وحفكر فيه بجد:)

شكرا ياسمين وانت طيبة.. لا السنة دي بالذات ماكتبتش اي حاجة مش عارف ليه.. حالة انبساط متوجس ورضا حذر.. يمكن عندي فكرة ولسه بتستوي في الفرن:)
ياسر شكرا جزيلا وضحكت جدا على موضوع الجاكيت الجلد اللي خلصت على انها بقت روب منزلي:) كلنا بنعمل حاجات كده ماتقلقش:)
أحمد فتحي.. لماذا تخلط بين الممثل والدور؟ ولماذا لا تريد أن تفكر في مشكلة موجودة أو وضع موجود؟ وبالنسبة لخطي السياسي الذي كنت تحترمني لأجله فأنا اشتراكي راديكالي -جذري يعني- ممن يطالبون بثورة عالمية على نظام عالمي قذر ودموي ويطالبون بوحدة الانسانية، دون تمييز بين البشر .. ولهذا فأنا لست عنصريا ضد أي احد ولا أقف إلا ضد الظالمين ولا أتصور أني ناقضت نفسي في اختياراتي الفنية عموما.. ربما لا امثل في اشياء تعجبك ولكني بالتأكيد لا طبلت لأحد ولا زمرت لآخر.. ومن هجومك على عادل امام ووحيد حامد أتصور انك من التيار الديني الذي أوسعاه كلاهما انتقادا.. ولكن دعني أقول لك ان الجماهير تحفظ افلام عادل امام ولا تحفظ الهجوم عليه فلماذا لا تحاولون ان تبدعوا فنا يتذكره الناس عوضا عن تذكرهم للهجوم عليكم مثلا في افلام عادل امام؟ فكر..
لك ما طلبت يا هاني.. ورينا بس حتظبطها ازاي:)
لوريونتال مش مجمع قوي نظريتك بس عاجبني جنونها على كل حال:) شكرا:)
اه خبر فيلم السفاح صحيح يا فدوى متشكر وكل سنة وانت طيبة كمان:)
يا خلاخيلو دايما بتبهرني بنوع المزاج العدمي اللي بينتابك ساعات! يا جدع انت ايه انا ميت دي؟؟ حاجي امسكك من الياقة واحطك تحت الدش واشيلك على الجيم واعين لك عملاق يمرنك.. افهم اللي قلتلك عليه قبل كده ده انت راجل علمي.. انت منتظر تغيير من جوة ويمتد لبرة.. غلط.. غير برة حتتغير جوة.. العب رياضة مثلا -وهو ابسط واهيف الامثلة- علاقتك بشكلك ونفسك وذهنك حتتغير.. ومساء الفل برضه:)

Eno.. said...

اكتشفت بالصدفه انك من اصحاب المدونات على الرغم من اننا بنتقابل كتير عالمحروسه انما اول مره اعرف انك تبعنا من الناس اللي بيطلع منها كلام و مش عارفه توديه فين..!ـ
بس الظريف والواضح ان مروري صادف برضه احتفالية ميلادك.. كل سنه و انت اطيب و اقوى.. كل سنه وانت اعقل و ابسط..ـ
مش هاتفىق تلاتين ولا اربعين.. كل اللي يفرق انت ايه و فين ومين!!ـ

KHALED-ELSAWY said...

وانت طيب يا اينو الف شكر:)

Anonymous said...

إلى المدعو خراخيلو
أنت عايز تنكت،
مش تقول يا راجل علشان ننزل لمستواك

Anonymous said...

طبعاُمعالاعتذار لصاحب المدونة

ياسر حسين - فنان كاريكاتير said...

الفنان الجميل خالد الصاوي
سعدت كثيرا حينما وجدت ردك على تعليقي بهذ ه السرعة واسعدني ان موضوع الجاكت الجلد بتاعي ضحكك ، واحب أن أسجل إعجابي جداً بدورك في فيلم ظرف طارق فأنت تجيد أداء الشخصيات المركبة خفيفة الظل مع التنوع ، على فكرة أنا مستعد في أي وقت لمد مدونتك بكاريكاتيرات من أعمالي ولا تنس زيارة موقعي فإن هذا يسعدني كثيرا،وإلى الأمام دائما ياخالد ومزيداً من الأدوار الممتعة ومزيد من الأشعار المرحة اللطيفة

Anonymous said...

ربنا يديك طولة العمر
طب ده حتى سن الاربعين الراجل بيبقى منور فيه و لسه ما دبلش
:)
و كل سن و له جماله
انت دلوقتى فى مرحلة القلب الشباب و الصحة " ربنا يديمها " و العقل الكبير
يعنى ماسك العصاية من كل حته
غير بقى الامانه شكلك ما يجيبش السن ده خالص

khalakhelo said...

إلى شريف الصيفي
أظنك غلط في اسمي, لأني مظنش إنك بمستوى ردك
على أي حال الجواب بيبان من عنوانه
و لسان الشخص دليل على شخصيته

بنصبح

anna said...
This comment has been removed by a blog administrator.
KHALED-ELSAWY said...

صباح الخير جميعا
اسمحولي اتدخل في الكلاش العابر ده.. شريف خلاخيلو شاب مهزار وماكانش يقصد الغلط فيك كانت مشروع مزحة أساءت الهدف.
خلاخيلو لو راجعت كومنتس شريف حتلاقي منطقي انه يستاء من تعليق فيه استهتار بيه جاي من شاب في عمر ابنه هو ما يعرفوش.
أنّا آسف مسحت تعليقك لأن التدخل لإنهاء سوء فهم بين صديقين حيكون افضل في تقديري لو تم بدون الهجوم اللي من هذا النوع..
انا لا بقول ننافق بعض ولا مستحيل نقفش على بعض ولا مستحيل حد ينتقد حد، كل اللي برشحه اننا نراعي مشاعر بعض عشان انا مستخسر ان اي حد يزعل ويبطل ييجي لمجرد سوء تفاهم بسيط كبر بدون داعي.
شكرا جزيلا وأرجو اعتبار ما قمت به هو مجرد توسط بين اصدقاء ونقطة نظام لا اكثر وليس ممارسة لدور رقابي مرفوض..
وصباح الفل علينا جميعا

anna said...

khaled ana tab3an makansh asdy akabar el mawdo3 benhom. ana la a3raf khalakhelo wala a3raf sherif.bas ana wa7da dayman a2ra kalamak w ta3le2at el shabab welbanat hena w dayman ala7ez en khalakhelo byestahza2 belnas! w da mesh sa7 wala men el e7tram welzo2.
7'sosan lama ma7adesh ye3'lat feh! bsara7a ana etdaye2t w 7aset eny lazem a3ala2 el amarady ba2a 3ashan mehs ba7eb ashof wad3 3'alat w askot 3aleh..
delete my comment if u want bas kfaya eny 7akon sa3eda eny tala3t kalam gowaya w erta7t!!

Anonymous said...

عزيزي الاستاذ خالد ... تابعت منذ فتره ما يحدث علي صفحات هذه المدونه الجميله ... من اول الهانم اللي كانت عماله تحط في امور شخصيه لا علاقه لأحد بها ... لدرجه انها عملت مدونه ...لحد الاستاذ خلاخيلو اللي روح الدعابه عنده عاليه شويه و ده شيء مش دائما مطلوب ... لكل مقام مقال ... مسحك لتعليقات معينه هو عين الصواب لأنه المدونه اساسا لشخص مشهور و ده يحتم انها تكون خاليه من هذه النوعيه من التهريج و التجريح سواء في اول مره او تاني مره بالترتيب .. للأسف ناس كتير مش بتفهم معني ده او بتقدره ... المكان هنا لفنان جميل .. يكتب خواطره و اشعاره ... معرض للوحات فنيه فلا داعي للدخول بأكياس الشيبسي و الأيس كريم لأنه مش مكانه اكيد و برضه لا داعي للتجريح في اللوحات ... او صاحبها الكلام الشخصي له مكان تاني غير هنا ... و هذا هو رأيي
هاني جورج
انتوك

Anonymous said...

و أخيرا اقول لك ...
و تعبر القافله ... و الكل عارف الباقي ...
انتوك

Anonymous said...

i didnot know u are such a sensitive person, I would love to know more about your political points of views.

Anonymous said...

شكرا يا خالد على حضورك وتدخلك
العزيز خلاخيلو، لو موافق على توضيح خالد ووافقت على تبادل الأعتذار أنا مستعد
قبل خروجي من مصر قضيت نصف عمري الأول -وفقا لحسبة خالد- بين شبرا وحي السيدة زينب، يعني أنا ابن بلد ومش منشي، والحياة من غير هزار وضحك حاجة مقرفة جدا، بس على الأقل وكحد أدني يبقى بين الناس قبل ما تهرجمع بعض يكون فيه تقاطع ما، تعارف ما، ارضية ما،
وسأكون صريح أكثر في المعتاد لا أرد على أي سخافات، لكن حظ خلاخيلو أني قرأت مزحته وأنا في مزاج مقريف، فجاء ردي على هذه الوتيرة
أعتذر مره أخرى لصاحب المدونة

Anonymous said...

مساء الخير يا خالد، أشكرك على إعجابك بجنوني... وأسفة اني ما عرفتش أوصلك الفكرة بنجاح... معلش أعذرني انا مش من أصحاب الأقلام بالمرة لكن بحاول على الأقل انى أفضفض شوية مع البلوجرية أحسن ما أكلم نفسي وأتجنن، وبعد إذنك ممكن أرد على Khala Khilo من خلال مدونتك...
بص يا سيدى بيقولوا بالفرنسية C’est Facile A Dire Mais C’est Dur A Faire.
مقدرش أنكر اني بعيش مرحلة جميلة، وانا مقتنعة انها من أحسن المراحل العمرية خاصة عند المرأة ليها سحر خاص عامة، يعنى وردة شبابي لسة ما دفنتهاش، وعاملتها فى حدود خبرتي بكل الأشكال منها الحلو ومنها المر، لكن أنا مرعوبة من اللى جاي.... مش بيقولوا اللى جاي مش قد اللى راح، عاوزة اعمل حاجات كتير وحاسة انى اقدر أقدم لولادي كتير بكل اللى اتعلمته فى الأربعين سنة اللى فاتت.... لكن في زمنا ده الواحد عاوز يومين على اليوم علشان يقدر ينجز حاجة كانت تتعمل اسهل واسرع في السنين اللى فاتت.
Et sûrement je suis très sentimental c’est pour cella je souffre

khalakhelo said...

شريف الصيفي
خلاص, صافي يا لبن ؟
ولله أنا لما قريت تعليقك التاني اتخضيت, ادايقت قوي اني دايقت حد, دورت في كلامي ملاقيتش غير موضوع الشتا و الصيف, طب والله أنا نفسي لسه مصيف, متاخدش الحاجات دي بحساسية كده, و لو المشكلة في تعليق قديم أنا مش فاكره, يا ريت تقبل اعتذاري, أنا مقصدش اهانة أو تجريح
و أهلاً بيك صديق جديد,... لو تقبلني كصديق
على فكرة أنا كنت قريت قصيدتك في تعليقا كلام مرسل, حلوة, بس مكانش في مناسبة أتكلم, و للأسف الفترة دي أنا معشتهاش و أي شعر أكتبه فيها هيكون كذب, و للأسف مقريتش في المدونة اللي كنت قايل عليها غير قصيدة واحدة لأحمد فؤاد نجم من سنتها, يعني عايزين نقرا حاجات أكتر للي حضروا الانتفاضة

خالد الصاوي
ربنا يجعلك دايماً كده محضر خير, و يجعلو عامر

الشرقية
عايزة تعملي حاجات كتير, و عايزة تعلمي ولادك حاجات كتير, هو ده قصدي, انتي كده في عز شبابك, العزاء للي مالوش هدف و مالوش فايدة من أمثالي
بعد الشر عليكي من الsouffrance

كراكيب
انتقاد لروح الدعابة غريب من واحد مسمي نفسه كراكيب و بيمضي أنتوك
بس كل واحد حر في اسمه و في كيس الشيبسي اللي معاه مادام مضرش حد

أنّا
أنا بستهزأ بالناس, طب ماشي هزار تقيل ولا غلاسة, لكن اسهزاء ؟ أنا آسف, محصلش, و بعدين فعلاً محدش غلط فيا, و أنا مغلطش في حد, احنا بنيجي نتناقش و نهزر بس مكنتش أعرف إن ده بيتفهم كده, أرجوكي سيبي كل واحد يتكلم عن نفسه, عشان ممكن اللي تكوني فاهماه كده يكون صاحبه واخده هزار بين صحاب, أكيد انتي مش منهم لأني أول مرة أقرا اسمك هنا

خالد الصاوي كلاكيت تاني مرة
أعتذر لكل الموضوع اللي حصل بسببي في بلوجك هنا
يظهر ان وجودي كان مضايق ناس كتير
أنا زي ما قلتلك أنا وردتي دبلت بس أنا اللي مدفنتهاش, كانت أشبه بمسخ فرانكنشتين أو بفامبير من بتوع الأفلام الأمريكاني
أظن جه وقت دفنها

Anonymous said...

ماشي يا خلا خيلو صافي يا لبن
ملحوظة. القصيدة التي أرفقتها في موضوع انتفاضة يناير ليست قصيدتي، بل هي إحدى أغنيات الفنان عدلي فخري غناها في نهاية السبعينيات ومازالت في الذاكرة لكن مع الاسف لا أعرف كاتب النص

KHALED-ELSAWY said...

أنّا مفيش اوضاع غلط فيه سوء تفاهم بسيط وتم تداركه ارجو اننا نمسح التعليقات العدائية لوحدنا وننسى الموقف وخلاص.
مفقوعة تقدري تشوفي موقع الحوار المتمدن وده عليه مقالات ليا كثيرة.
شريف وخلاخيلو والجميع ارجوكم نعدي الكلاش العابر ده ومحدش يعتذر لي يا جماعة احنا اخوات ومفيش غلط.
خلاخيلو ارجوك بلاش الحساسية الزيادة دي. اما آخر سطرين فدول مشكلتي معاك.. ممكن تفهمني لماذا هذا الاكتئاب الأوفر؟ ابعتلي ميل لو مش طالبة معاك بابليك وان كان رأيي العكس وكلنا كده ممكن نكون سيكو ثيرابي جروب لنفسنا .. واذا لقيتك خدت كورنر حاجيلك البلوج واكسرلك الباب وانفذ خطتي سالفة الذكر.. تشير اب يا عم وبطلب منك انت ولوريونتال تباسولنا مقاطع عذبة من عطور الشعر الفرنسي واخص بالذكر العظماء رمبو وبودلير وفيرلين .. ولدي مفاجأة مزلزلة عرفتها مؤخرا.. رمبو شارك في كوميونة باريس 1831 وبهذا تنهار احدى قلاع الفورماليستس -الشكلانيين- اللي مصرين على مدرسة الشعر اللي لنفسه مش للتجربة الحياتية الجماعية.. المزيد في تقارير لاحقة:)

محمود يوسف - محاسب said...

أيه الجمال ده يافنان
اهو احنا كده هنبقى أسرة مع بعتينا على رأيك في فيلم الباشا تلميذ
مدونتك لذيذة وضيوفك لذاذ زيك
وكمان مدوناتهم دمها خفيف زي مدونة الأخ خلاخيلو وموقع كاريكاتير ياسرحسين على فكرة أنا فوجئت أنه عامل لك لنك لمدونتك في موقعه وحاطط صورتك
ايوه ياعم معجبينك كتير وربنا يحبب فيك خلقه

Anonymous said...

ايه ده يا جماعة... هو كان فى سوء تفاهم هنا؟ على العموم حصل خير والحمد لله أن أنا جيت وأنتم متصلحين مع بعض... مش قلتلكم مبحبش الخناقات
:)

ربنا يخليك يا أستاذ خالد... ايوه والله عندى 19 سنة بس!! شفت بقى الاحراج


على العموم هاسبكم بقى علشان متأخرش عالحضانة
:) :)


manal

وينكى said...

هاى يا شباب
ياترى وحشتكوا زى ما وحشتونى كده؟؟.. ولا أكيد أقل
منوله انتى صحيح عندك 19 سنه لكن ماشاء الله عليكى مخك يوزن بلدين بحالهم
مش كده ياشباب؟؟
اعتقد انى اول واحده قالتلك كل سنه وانت طيب يا سيد خالد.. عشان كده مش هاعيدها تانى, إلا لو قلت.. كل لحظه وحضرتك طيب
اجمل حاجه فى الدنيا ان الواحد يعيش سنه ايا كان.. كل وقت وله جماله.. مش هانستفيد حاجه لو قعدنا نفكر قد ايه ايام زمان كانت حلوه.. لأن زمان كنا بنقول.. يخرب بيت دى أيام .. يارب تعدى بقى بسرعه
مش مهم انا عندى كام سنه.. المهم انا عايشه حياتى ازاى, وباعمل ايه جديد ليا ولغيرى
صح يابيه؟؟

Anonymous said...

ليس السن هو العقبة
أعرف كثير من الاشخاص لا يتعدى سنهم الثلاثين و أشعر بأنهم في الخمسينات من عمرهم

كل ما أعرفه هما مقولتين
You can dance anywhere, even if only in your heart

و تعلم كيف تموت كي تتعلم كيف تعيش

تحياتي :)

المزاجنجي said...

انا معجب بيك على المستوي الفني ومعجب بيك اكثر على المستوي الشخصي وخاصة مواقفك الجادة امام قضايا المجتمع المتعددة واعتقد انك هتكون جزء من التغير القادم للمجتمع واطالبك بعدم تقديم اي تنازلات في الفترة القادمة ، في ناس بتقول انك قدمت تنازل في يعقوبيان بس انا فهم انت ايه اللي كنت عايز توصلوا بتمثيلك دور الشاذ، وهو انك تثبت لنفسك انك قادر على المواجهة

القلب الشجاع said...

مساء الفل استاذ خالد
حلوة المدونة دي بس ليا تعليق
على الأخ مزاجنجي
هو كلامه ممتاز وثورجي بس المدونة بتاعته غريبة شوية
أنا سجلت له رأيي هناك بس أحب أسجل رأيي فى مدونتك انها جميلة ومناضلة ومتفائلة وشجاعة

KHALED-ELSAWY said...

ربنا يخليك يا محمود الف شكر واهلا بيك:)
وينكي صح انت اول حد يقوللي كل سنة وانت طيب وعاوز اقول لكم اني انبسطت جدا السنة دي معاكم وعلى فكرة حاطين ده خبر في جرنال وشوشة:)
كارول حلو تعلم كيف تموت كي تتعلم كيف تعيش.. عندي قصيدة كده بالمللي فكرتيني بيها حبقى احطها:)
مزاجنجي متشكر جدا بس الحقيقة وانا والله صريح معاك انا عديت موضوع اثبت لنفسي اني اقدر اواجه من خبرات اسبق.. هدفي في يعقوبيان كان تقديم شخصية نابضة على الورق ومسكوت عنها في الواقع.. واستفدت طبعا من قدرة المواجهة اللي اكتسبتها على مدار سنين وعبر تجارب فيها الناجح وفيها الفاشل.
القلب الشجاع احييك واشكرك واستشعر فيك كلام ساموراي اصيل وانا من عشاق آثارهم ونفسيتهم.. تحياتي. اما تعليقك على مزاجنجي فدي وجهات نظر طبعا:)

Khaled Khalil said...

Age is an issue of mind over matter. If you don't mind, it doesn't matter.