Sunday, November 05, 2006

الحب آه قاتله الله!

"الحب آه قاتله الله"
في الحي كان راجل مهووس
ف إيد علم والتانية فانوس
داير يدق على الأبواب
وفي الحيطان ينطح راسه
كام باب عليه دمه العناب؟
مين ينسى شكله وأجراسه؟
"الحب آه قاتله الله"
رجعت حبيبتي من البستان
رجعت حبيبتي كراميللا
ف شعرها وردة وفلة
وف إيدها روحي وأشجاني
وقعدنا فين ريح الشجرة
اديتني لقمة وسقاية
وحكيتلي عن جوة البستان
سبحان من اللي من بذرة
بينبّت النخل الوارف
زي ابن آدم ما هو عارف
الحي من حي بيخرج
حتى السمك ساب المية
ايه الحياة؟ سألت هي
الأرض والبطن الحبلى
شجر شجر على بحر النيل
وعيال بترمح عالسكة
موسم حصاد لبست طرحة
ولبست أبيض وشبيكة
شبعت بلدنا بأفراحها
عاوزين نعيش مع بعضينا
ولا نفترق عن بعضينا
ويكون لنا من بعضينا
بنت وولد شبهي وشبهك
مدي ف حياتي أوصالك
مالك مابترديش مالك؟؟
حاضنك لكن باردة ف حضني
لا حاضنة بنتي ولا إبني
الحب آه آه آه
الحب آه قاتله الله !!

13 comments:

Lily said...

Yahhhh ya ostaz khaled, geet 3ala elgar7!!

Bas 3aref, hayeegy elyom elly Masr mesh hatkon feh barda ama ne7donha been 2edeena, e7na ben7ebaha mahma 7asal we hanefdal maganeen beha we mesh nabtala ne7lam be bokra agmal we a3dal le awladna we zay ma 7adretak bet2ol " El7ob Ahh Katalho Allah"....elly bey7eb maye2darsh ghir eno ye2ol keda, ye3mel 7alo beyshteky laken 7ata 2alam el7ob betes3ed 2albo


Kan nefsy tenhy elkaseda be 2amal le bokra a7la, laken akeed tab3an da ebda3 shakhsy mesh men 7a2y en a3adel 3aleeh

we mazalet elkaseda gameela we betlmes watar fe 2alby yekhaleeny mesh 3ayza abatal afakar fe ayam a7la hateegy In sha2 Allah

Albida said...

ليه يا أستاذ خالد بتعيشنا فى جو حالم وجميل .... وفجأة كأنك بتدينا بالطوبة فى دماغنا؟ ليه مابتكملش أحلامك لاخرها؟ ليه دايما حاسس أن حتى لو اللى نفسك فيه اتحقق هيروح منك؟

manal

Hafsa said...

مش عارفة اقول ايه؟؟؟
انا مكنتش ناوية اعلق على دي بالذات

يعني لغاية قبل اخر سطرين كنت حاسة انك بتوصف جنه

و اخر سطرين كانوا
ادم و حوا لما خرجوا منها

KHALED-ELSAWY said...

يا ليلي
حييجي يوم والحب يكبر في الفؤاد
ويمد قدامه الطرق وينور السكك البعاد.. ابقي اقريها في الارشيف:)
يا منولة هو انت حتقعدي قارشة ملحتي كده:)؟
حنعمل ايه يا حفصوص؟ ما القصة انتهت كده

khalakhelo said...

قاتله الله

وينكى said...

بيقولوا أجمل مافى الحب عذابه
لكن أنا مش شايفه كده خالص
فى الأول كنت باقرا حاجه عسووووووووله وحبيتها كتير
لكن النهايه.. مفاجأه بجد
لكن هل بييجى عليك اليوم اللى تفتكر فيه المواقف دى وتبتسم وتقول: كانت أيام
بتفتكرها بسعاده ولا الجرح القديم بيوجعك؟؟

Hafsa said...
This comment has been removed by a blog administrator.
fadwa said...

hi,mr khaled welcome back,,
i was about to thought that you are in prison for exploding someone from your angryness for what had happened in the eid,,,but ,,,alhamdollelah,,,
any way your poem is realy marvelous,,,realy what you feels is so deep,,,
فيه في الموضوع انننننه
what's up?
:0....any way welcome back ya khalood,,,,

KHALED-ELSAWY said...

وينكي انا ببص على اللي فات وابتسم مهما كان واجعني لأنه فات خلاص، لكن ممكن حاجات تفضل مأثرة في شويتين زيادة.
متشكر يا حفصة ولكني لا اقبل الشفقة بتاتا:)
شكرا يا فدوى ومفيش اي انة عشان دي قصيدة مكتوبة من زماااااااااان:)

Hafsa said...

اسفه استاذ خالد لكن مكنش قصدي الشفقة ابدا و عمري ما فكرت بالاسلوب ده
معلش يمكن خاني تعبير او كلمة
اسفة كمان مرة لاني لا اعتقد بالشفقة في علاقة بين اي اتنين ايا كان نوعها سواء كانت صداقة او زملاه او حب

KHALED-ELSAWY said...

ايه يا حفصة بهزر معاكي مالك حسستيني اني لازم ابقى حزين على حالي بجد:)

Hafsa said...

dont be 7azeen, i was just afraid of the slightest idea that i might have said sth inappropriate.

please take off the word verifecation pleeeeeeeeeeeeease.

regards

KHALED-ELSAWY said...

يؤسفني يا حفصة اني اقول لك اني مضطر للفريفيكيشن شوية عشان بكره الاعلانات العشوائية.. شوية بس:)