Monday, November 13, 2006

سلام للرقابة

بلدنا ست البلاد عالعلم رافعة الأدب
إسمع غناها وشوف أفلامها تلقى الأدب
ماما الرقابة وبابا تجعل لغانا أدب
عارفة الحرام والعيب حافظة العلوم والأدب
بس الصراحة اللي راحة تنعد قلة أدب
لو حتى كنا صيع برضه الصياعة أدب
أجدع سلام للرقابة ومية مسا عالأدب

38 comments:

Anonymous said...

تعرف حضرتك يا أستاذ خالد أن فى المعجم الوجيز.. مادة (رقب) يعنى حفظ وحرس!! اسم على مسمى فعلا
:) :)
أصل هيا بتحفظنا من كل فكر حر ممكن يطمع الناس فينا وبكده فهى بتحرسنا من العين برضه لحسن حد يقول الناس دى بتفكر ويحسدنا... شوفت هى قد ايه خايفة علينا
:) :)

و "ميه مسا عالأدب!" بتاعنا

manal

Anonymous said...

looooooooooool, to7fa
ma a7la elreqabah

salam

KHALED-ELSAWY said...

اهلا اهلا.. ازيكم؟

Lily said...

LOL

3andek 7a2 ya manal, fe3lan elrekaba lazem tekhaly balha en virus eltafkeer ( sawa2 7or wala mesh 7or) ye3dena wala 7aga, jefaya elly 7asalena men anfelwanza eltoyoor!

وينكى said...

سلام مربع للأدب
على كده بقى مافيش أحلى من قلة الأدب
بلا رقابه بلا بطيخ بقى

Anonymous said...

وسمعنى سلام:
العنب العنب العنب
اكل العسل حلو.. بس النحل بيقرص
شرب الحشيش حلو ...بس الراجل يجى ويكرّس

الناس بيقولوا ان دى اغنيه فى شوارع قاهره المعز.. يعنى الرقابه سمحت بدى ومنعت اولاد حارتنا لمده 30 سنه

منك لله يا البيدا

KHALED-ELSAWY said...

وينكي لا مش القصد طبعا.. انا بس شايف ان فيه تناقض كبير بتعمله الأجهزة الرقابية عندنا وده اللي اشار اليه المهاجر المصري صح قوي.. فيه اسئلة بقى بتفرض نفسها.. ليه رقابة؟ ومين اللي يتولاها؟ أي جهاز؟ وازاي نتأكد انها مش حتكون أداة قمع ووأد للأفكار الاصلاحية عموما ولو مضطرين ليها تبقى لأي فئة عمرية؟ عندي طبعا اقتراحات كثيرة هنا بس مبدئيا نشوف اجابة على السؤال المركزي.. ليه الرقابة على الفن والأدب والاعلام والبحث العلمي؟ صح ولا ايه؟

أبو أمل said...

ده انت مغلول
ع الآخر
من الرقابة
يعنى نسيبك على حل شعرك انت والمبدعين من غير ما حد ينكد عليكم كده

KHALED-ELSAWY said...

ابو امل ازيك؟:)قال يعني فيه عشر موظفين يقدروا يقولوا مصر تشوف وتسمع ايه احسن من عشرة مليون:)صح؟

Anonymous said...

يا ساتر يارب يا رأفت! ده أنت قلبك أسود أوى
:)

طب عقابا ليك بقلى انا هابعتلك أغانيكى المسفة كلها يا مصر... هأخليك تقول حقى برقبتى
:) :)


manal

khalakhelo said...

باين القعدة هتطول هنا
معلش أصلي شايف موضوع الرقابة ده مهم جداً, مش على الأدب و بس, لكن لو فيه حد من حقه يختار ايه اللي يصلح و ايه اللي ميصلحش يبقى يختارلنا بقى نعيش ازاي, و يا ريت نخزم دماغتنا عنده, ماهي معدش ليها لازمة

لكن يعني لو سبناها كده منغير رقابة, الجمهور مش شرط يختار الأحسن, الأحسن ده مش رأيي لكن رأي الأغلبية, يعني الناس كانت بتروح فيلم اللمبي مثلاً و يطلعو يقولو ده اسفاف و بالعقل استخفاف... بس بصراحة كان حلو الاسفاف ده
أنا مشفتش فيلم الليمبي للأسف بس مظنش ان كان فيه أي حاجة تثير الغرائز أو ما شابه, يعني التفكير اللا منطقي مش مقتصر على الإثارة بس

كذلك الأغاني, أكتر الأغاني نجاحاً في مصر أغباها, حاجات كده مش راكبة على بعضها لا النص مع اللحن ولا حتى اللتنين مع أداء المغني, لكن مقدرش أحكم على رأي الأغلبية
بس أنا أعتقد ان الأغلبية دي مظلومة برضه لأنهم مسمعوش أغاني حلوة قبل كده أصلاً, يعني أغلب الناس متعرفش مرسيل خليفة ولا عايدة الأيوبي ولا كاميليا جبران ولا ناس كتير, و أظن لو سمعوهم عن كبر مش هيعجبوهم, لأنهم متعودوش على كده, كفاية عليهم ميلودي و مزيكا
امبارح كنت بدور على أي مكان أنزل منه أغاني لكاميليا جبران ملاقيتش لا في 6arab ولا في 6rb ولا في سالمية
بس لقيت في سيت تونسي بتاع الشيخ امام !

KHALED-ELSAWY said...

ابقوا بصوا على مقالي ده http://www.rezgar.com/debat/show.art.asp?aid=78526 فيه حاجة عن نشأة الرقابة عندنا وقولولي رأيكم

KHALED-ELSAWY said...

استفتاء:
في معالجتي لموضوع الشخصية اللي دخلت البلوج للتشهير كان أدائي:
1. سيء جدا
2.سيء
3.معقول ومتناسب
4.هايل كان لازم رد فعل عنيف
5.وليه تهتم اصلا بكلام فارغ زي ده؟
6.لازم تعمل كنترول من الاول اكثر من كده عالتعليقات
7.لا مش من حقك بقى تمسح التعليق اللي مايعجبكش حتى لو شتمك بشكل شخصي

على أن توكل مهمة الاستخلاص النهائي لأحد الزملاء المتطوعين للقيام بمهمة اطلاعنا على النتيجة النسبية لآراء أصدقائنا لو معندوش مانع.. وشكرا

Khaled Khalil said...

3.معقول ومتناسب
بالنسبة للمفاجئة
بس رأيي إنك تعمل شوية كنترول على الدخول, يعني لو خليته للبلوججرز بس هتخلي اللي عايز يغلس يغلس على نفسه برضه و يضطر يعمل حساب أو أكتر على بلوجر و ده يتوقف على غلاسته طبعاً
بس موضوع الوورد فيريفيكيشن ده مظنش له لازمة, يعني كل الناس تعرف تقرا, ولا انتا بيجيلك هنا سبام ؟

Anonymous said...

أنا يا أستاذ خالد معنديش مانع أقوم بالموصوع ده

بصوا يا جماعة... الاختيارات موجودة فى التعليق بتاع الأستاذ خالد... كل واحد يختار رأى من هذه الأراء ويكتب رقمه بس فى أول التعليق بتاعه

الاستفتاء ده هيفضل شغال لحد لما الأستاذ خالد ينشر حاجة جديدة... وأنا بعد لما نخلص هأفرز الأصوات وهاقولكم النتيجة والنسب المختلفة
ماشى؟


manal

Anonymous said...

اه.. نسيتى أقول رأيى

اختار رقم 4 و6

اخترت اربعه على أساس أن الموضوع حصل خلاص وأن رد حضرتك كان قوى
وستة علشان كان ممكن الموضوع ده يتمنع من الأول عن طريق منع التعليقات المجهولة

manal

Khaled Khalil said...

أنا مكنتش أعرف انك بتكتب في الحوار المتمدن
بس مقالتك حلوة فعلاً, الجزء بتاع المسرح في بداية القرن اللي فات مكنتش أعرف عنها أيتها حاجة
بس نرجع للآخر, لسة مش فاهم نظرتك للي المفروض النظام الفني يبقى عليه
يعني نظام لامركزي عشان الدولة متسيطرش عليه و كذلك نظام متحرر من رأس المال
ممكن تشرح بالتفصيل وجهة نظرك, يعني الفيلم أو المسرحية مين اللي هينتجهم, و ده مش هيبقى له دور في اتجاه العمل ؟ طب ازاي ؟

Anonymous said...

أنا اللى فهمته من المقال أن حضرتك ضد احتكار الشركات الرأسمالية لانتاج الفن لأنها بتعتمد فى ذلك على أسباب مالية بحتة! يعنى ملهاش دعوة بالمادة المقدمة
وان الفن يكون فى ايد الدولة هو ده اللى احنا عايزينه, بس المهم الدولة هاتتعامل معاه ازاى
الدولة ممكن تكون مسئولة عن الأشراف على الفن وانتاجه ومع كده تطلق الحريات للمبدعين والفنانين والفكر الحر
أنا مش شايفة أى تعارض فى كده

manal

KHALED-ELSAWY said...

طيب نفرق بين حاجتين..الرقابة والانتاج.. الرقابة موافق عليها للأطفال حتى سن كذا ثم مرحلة اكثر تحررا حتى سن رشد ما نتفق عليه وبعدها محدش له دعوة بحد في موضوع الارسال والاستقبال وده مش حيبقى فوضى في رأيي الا لو التربية الاجتماعية من أساسها ضايعة وعشان ما تبقاش ضايعة لازم الواحد يشوف ويختار، طيب ايه حائط الصد ضد الابتذال بكل اشكاله؟ الجماعات الناشطة اللي بتتحرك وسط الجماهير للتوعية والتعبئة وكده..بس أهالي في بعض وده في منظومة اجتماعية شكلها اصلا كده.. المبادرات الأهلية هي وقودها والرأي العام بيتشكل بسلاسة لأن مفيش تعويق لحرية تبادل المعلومات والآراء ومفيش اضطهاد لأي نقد سياسي او اجتماعي او غيره.. الندوات بتعبيء الناس ضد الفيلم السيء أو المبتذل أو الخبيث اللي هو ضد الجماهير ومصالحها الحيوية..بس التعبئة مش لمنعه بل لحصاره وشله.. لأن المنع لو كان معك النهارده ممكن ينقلب ضدك بكرة وسيف الرقابة على الفن مثير الغرائز ممكن جدا يفضل بيستخدم بشكل أساسي ضد انتقاد السلطة. وحتى في الرقابة على الأطفال فحتبقى قواعد مفهومة وبينفذها فنانين مش حكوميين.
الموضوع الثاني هو الانتاج ويترافق معه التوزيع وكل اشكال استثمار الفن والأدب.. رايي ان مشكلة الفنان الكبيرة تتحل لما يكون بيشارك مع الفنانين زملائه في انتاج العمل والتكسب منه.. وده يبان اكثر لو تصورنا مجتمع كامل بيدور حوالين مركز العمل مش مركز الثروة.. مجتمع أكثر إنسانية لن الحياة مابقيتش سوق متناحر بل بقى المجتمع منظمة كبيرة متضامنة ومتعاونة من خلال شبكات انتاجية كبرى وحلقات انتاجية اصغر وكله موصول ببعضه من منطلق ان كلنا شركاء في الانتاج وبالتالي شركاء في الثروة مع مراعاة طبعا مكافأة المنتج أكثر وهكذا.. في الاطار ده حيبقى المجتمع بيمول انشطته الثقافية والفنية..الخ مش منتجين لا يهدفون الا الى التربح من الفن.. الاغتراب في حالة الفنان في رأيي انه يكون بعيد عن جمهوره وانه يكون مش منتج عمله .. مع التقدم التكنولوجي الكبير ورخص المستحدثات تدريجيا حتقدر مجموعة الشباب تعمل فيلمها باستقلال والشاعر ينشر بسهولة وهكذا.. وآسف على الاطالة

Anonymous said...

الرقابة.............ياسلام ياسلام دي حبيبة قلبي من جوة كده ,ده انتم جاينلي على الجرح تقريبا خصوصا دلوقتي وعلى رأي عادل امام ده جايلي انا بقى:)
ده انا في الكليه بعمل مشرع التخرج والمعيده في اول مره كده راحت قالتلنا بصوا يا بنات انتم حريييين اختاروا الموضوع اللي عاوزينه بس يبقى بعيد عن الدين والسياسة وعن الريس والبولييييييييييييييس
ورقصني ياجدع:)
كل ده واحنا لسه في الكلية امال بره هيقولوا ايه الحلوين
المشكلة بجد ياجماعة ان في ناس بقى عندها حالة الرقابة الذاتيه دي بمعنى ان الواحد بقى مبيكتبش ومبيقترحش من الاول وبقى بيقول لا مش هيوافقم يعني بقى الواحد بيراقب نفسه....فاهمين قصدي
انا جديده هنا على فكرة وعلى رأي برامج التالته الممتميزه
ممكن تقبلوني صديقة جديدة للبرنامج:):):)

KHALED-ELSAWY said...

بترفلاي هو انت عملت البلوج بتاعك من غير ما تحطي اي بوست او معلومات عنك ليه؟ عشان تقدري تخشي على البلوج بعد ما حددت الدخول بالبلوجرز؟ اصلي رحت لقيته أنشيء في نوفمبر ومفيهوش ولا حاجة.. يعني اول نشاطك بعد ما عملت البلوج انك جيت هنا مش حطيت بوست حتى واحد.. مش غريبة شوية؟:)

Anonymous said...

4-
الاستفتاء ده هيبقى بجد ولا زى نتيجه انتخابات الرئاسه ومجلس الشعب فى مصر؟؟
اختيار 6 المفروض ينشال.. مفيش كنترول فى الراى.. الحريه ناخدها بحلوها ومرها.. بس المهم نتناقش باسلوب حضارى مش صديقه عزيزه ..

Anonymous said...

لا الترتيب مش زي ما انت قلت الترتيب اني دخلت هنا وحبيت ارد على اللي انت كاتبه فمعرفتش كان لازم يبقى عندي البلوج والحقيقة المره اني احممممممم (ليه الاحراج ده بس)
انا مكنتش لعرف قوي عن البلوجز دي الا قريب جدا لما اكتشفت ان كل الصور و الداتا عن موضوع وسط البلد في كل القنوات اتجاب من بلوج واحد فبدأت
افهم ايه الموضوع
ليه بقى السؤال المحرج اللي خلاني اكشف عن جهلي التام ده ؟؟

KHALED-ELSAWY said...

فين حفصة امال يا جماعة؟ وفين انتوك؟ هي الناس مخنوقة من القصايد الأخرانية ولا ايه؟:)

وينكى said...

معلش يا أستاذ خالد أنا تقريبا ماعرفتش أوصل وجهة نظرى صح.. أنا شايفه ان رقابة اليومين دول رقابه على كل اللى يوجع دماغ الحكومه م الآخر
ودا راجع للفئه المتحكمه فى العمل الخاضع للرقابه..أنا معاكوا فى استعجابى بالنظريه الرقابيه المصريه المهلبيه مش أكتر
ومعلش أنا مش فاكره موضوع اللى دخل وشهر فى المدونه
عشان كده مش هاقدر أجاوب على الاستفتاء دلوقتى

nour said...

6
انا مش عارفة انا جايه متأخر و لا ايه بس واضح ان محدش مفتقدنى.. ايه يا منال؟:)))
المهم موضوع الرقابة ده بقى هو انتوا اتكلمتوا فيه كتير فهيبقى عبط آجى اقول رأيى دلوقت..بس انا شايفة ان مفيش حاجة اسمها رقابة..ليه يعنى كام موظف يكون مس}ل عن اختيار و مزاج شعب بحاله..بس فى نفس الوقت لازم يكون فى رقابة داخلية..رقابة ناشئة عن طريق تربية سليمة و تعليم سليم يعنى لو ده مش خيال علمى اليومين دول

وينكى said...

على فكره يا أستاذ خالد
انا لسه جايه من بروفه فى مسرح الجامعه واتفاجئت بالمخرج ( فيصل عزب) جايبلنا نص نقراه اسمه ( الميلاد) بتاع حضرتك.. وبالأماره حضرتك اديتهوله امبارح
لك أن تتخيل انا اسبهليت ازاى وعنيا فنجلت وكنت هانط من الكنبه اللى كنت قاعده عليها
يالهوى يالهوى
أنا بجد اتفاجئت وفرحت قوى قوى قوى
النص تحفه ومن النوع التقيل وعاجبنى اسلوبه جدا
يمكن هو عاوز شويه اعداد وان شاء الله هناخد بيه أول جامعات
أنا جايه من هناك جرى علشان ألحق أقولك.. لدرجة انى كنت هاتخبط من 3 عربيات فى الشارع
والمخرج كمان كان فرحان بيا وقاللى انتى ممثله كويسه قوى
يافرحتى

KHALED-ELSAWY said...

نور موافقك.
وينكي بجد؟ اما الدنيا صغيرة بشكل:) طيب قشطة جدا.. حندردش بقى بشكل مكثف اكيد وربنا معاكم وسلميلي على الفريق كله وانا مستعد آجي مرة وندردش في النص وتجربتي لما قدمته بفرقتي سنة 97 وقبلها تجربتي مع فريق آداب وصدامي مع ادارة الجامعة على النص.. يعني.. المهم المخرج يبقى حابب يعمل قعدة كده وانا عينيا لفريق وينكي هانم:) وحتاخدوا مركز اول جامعات انشاءالله المهم تاخدي بالك وانت بتعدي الشارع:)

Anonymous said...

أنا برضه ماسألش عليكى يا نورا.... طبعا وحشتينا يا بنتى وكلنا مفتقدينك
حتى شوفينا كده كلنا قاعدين نعيط ونقول فين نورا؟ فين نورا؟
:)

manal

karakib said...

انا متابعك ي استاذ و بقرا جديدك دايما و حلو كالعاده لكن امتحانات اعمال السنه اسأل نور و هي تقولك كمان الحاله النفسيه شكلها ايه ...
و حفصه كمان هي اللي كانت بتبعت تقول لي عالجديد عندك :)
هاني جورج
انتوك

Lily said...

Khalakhelo...Ana 3andy CD le Camilia Jobran bas ana 7aleyan fe Canada, ISA hakon fe masr 3ala akher December we momken a7awel ashof tare2a awasalholak beeha

Ana ma3ak ya Ostaz khaled fe en lazem yekon fe 7oreya ll nas fel ekhteyar we en eltarbeya heya el3amel elasasy elly yekhaly elnas ba3d ma te3ady sen mo3ayan ye2daro yekhtaro be shakl saleem
bas da bardo hayraga3na le no2ta mohema we heya en elmafahem el3ama 3an elsa7 wel ghalat wel 3eeb we 7aram mokhtalefa bein elnas we magal elkhtelaf kebeer 2awy mesh mogarad foro2 baseta we betzeed yom 3an yoom, fa elnateega en e7na bardo hayentehy beena el7al le 7agat mely benshofah delwa2ty wely absat tasmeya leha heya key2 fekry ( mental throw-up)

nefta7 elbab wala ne2felo? de hatefdal dayman moshkela, we kol 7al menhom sawa2 fat7 aw 2afl sela7 zo 7adeen, ana shayfa en 2abl ma netkalem 3ala elrekaba lazem netkalem 3ala elkeyam elly kanet zaman wa7da bein elnas mahma ekhtalfet mostwayathom wel naharda ba2t samak laban tamr hendy

Wala 7adretak eh ra2yak?

Anonymous said...

إحساسى بصدق مشاعرك و قوة إيمانك لا يمنعان إساسى أنك مش ناوى تجيبها البر ،،، و برضه و لا يهمك وقل ما تؤمن به...
G.sawy

مُزمُز said...

هاهاهاهاهاههاه


بديعة جدا جدا

تحياتي وأنا بصراحة شديد السعادة لاكتشاف مدونتك

KHALED-ELSAWY said...

ابي الحبيب شكرا على دعمك لي حتى في المواقف التي يتراجع الكثير جدا من الآباء عن دعم ابنائهم فيها.. اذكر في 82 مظاهرة الازهر ضد اجتياح بيروت.. كنت انا مع الطلبة وكنت انت مع المحامين:) دمت لي دعما ومثلا اعلى:)
مزمز متشكر جدا واهلا بيك.

Anonymous said...

يوووووووووووووووه انا ليه متأخرة دايما كده ؟

ما علينا
انا فعلا مش عارفة هى الرقابة دى دوها ايه بالظبط
اصل فى حاجات كتير بتعدى من تحت ايديها ما يتحكيش عليها و اللى بسمعه ما بيعديش من تحت ايديها كل حاجه ليها فكر
تقريبا دى سياسة عليا ان الشعب لازم يبقى فلة و دماغة بلاطة

كفاية فيلم دنيا الموقوف ده علشان بيناقش قضية الختان

بلاوكسة
و الله بلا وكسة


قال رقابة قال
قال سينما نظيفة قال
الرقابة هى اللى عايزة رقابة تنضفلها دماغها

OpeRon® said...

As a LATE response to the comment control system, I believe that everyone has to freely express his mind . HOWEVER, it is certainly up to Mr. El Sawy to decide what should appear on his blog ..

which means that Mr. El sawy can do one of two things:
1- Activate Comment Moderation , which entitles him to screen the comments before they get published in the comment area
Or..
2- Periodically check his blogs and delete what he thinks is not appropriate to be here

Myself, I prefer the second option, cos sometimes you get lazy to screen the comments and approve or decline them on individual basis

& Again, I suppose that restricting commenters to bloggers only is not so effective, because There're a lot of other blogging servers that can host people's blog .. I was a Blogger.. but I moved to my own wordpress blogging space to be in total control of my blog tweaks!

KHALED-ELSAWY said...

انا حرة هي دي الروح الثورية بجد.. احييك:)
اوبيرون انا مش حرقب الكلام قبل ما ينزل عندي حتى لو دخل من هذا الثقب بعض الحشرات اللي عاوزة تنهش في بدون داعي وده بالضبط رأيي في موضوع الرقابة نسيب كله يقول ولما حد يغلط غلط مباشر نتصرف معاه طبقا للقواعد العامة اللي نوافق عليها كمجتمع.. وفي حالتنا انا منفتح لاقتراحاتكم بخصوص الشخصية القذرة اللي بتشتم دي:)

OpeRon® said...

Mr. El Sawy,
I totally agree with you policy of freedom of expression .. In wordpress, there's a banning system than can prevent a specific person or Ip from posting comments to your website ..
I hope Blogger will get this soon .. 3shan msh talba ..

Marvelous work .. Go on
www.operon.tk