Saturday, November 18, 2006

البنت قالت للولد

البنت قالت للولد
الحلم مش بيت من رمال
الحلم بحر وللأبد
قارب وقارب في ارتحال
البنت قالت للولد
الحب مش هو الحنين
الحب عصفر إتولد
لما التقت عصافير حنون
البنت بصت للولد
كان الولد شارد شريد
واما التفت كانت اختفت
واما نداها اتبسمت فوق في السما
واما سعى يوصل لها
همست وكانت في الوريد
نايمة بتحلم.. بالولد

31 comments:

وينكى said...

انا حسيت باتنين لسه صغننين ولسه بيعرفوا مع بعض ايه هو الحب
الحب البكر الذى لم تشوهه الهموم والحسابات والماديات
الحب الذى لا يخجل الحبيب من البوح به لحبيبه
الحب الذى هو حق مقدس لقلبين وليدين
رقيقه قوى ياسيدىودا بيحسسنى ان فيه حاجه حلوه بتحصل اليومين دول
يارب دايما خير

Anonymous said...

الله... القصيدة كلها كأنها حلم جميل بنمر بيه

كلمة عصفر تدل على أن فى شئ لسه صغير.. بكر.. طاهر

مش عارفة ليه حسيت ان البنت نفسها هى الحلم
الحلم بحر وللأبد... فهى تسكن بالوريد أى أنها ستظل موجودة للأبد
قارب وقارب فى ارتحال... لأنها تختفى فجأة, وعندما يناديها الولد يجدها فى السماء (وكأنها بعيدة عنه.. لا يمكن الوصول اليها) وعندما يسعى للوصول اليها يجدها أقرب منه من نفسه... وهذا هو الحلم

القصيدة جامعة بين أجمل حاجتين فى الدنيا دى كلها.. الحلم والحب


manal

Anonymous said...

انا متفقة مع منال تماما
القصيدة محاطة بوهج براءة غير طبيعى
يمكن ده اللى جاب احساس الحب البكر عند وينكى
وانا شايفة ان تفسير وينكى و منال كلاهما صحيح
وبيصبوا فى خانة واحدة
وان كنت مع منال أكتر

الاحساس حلو قوى عايزة أقول طفولى
بس بمعنى انه عاكس بنت وولد صغار فى السن ... و على فكرة الاحساس ده صعب أوى يتوصف صح زى ما بيقولوا انه صعب حد يكتب اغنيه و للا فيلم للأطفال لانها نفس المعادلة أو ما شابه
حد ناضج بيكتب بحرفية باحساس حد برئ لسه الايام ما عكرتهوش
مش سهلة

عندى سؤال واحد

لما التقت عصافير حنون

مش فاهمة حنون
دى يعنى حنينة ؟

لو الاجابة حاجة سهلة
معلش بقى ماتقولش عليا غبية
أصل ماخدنهاش فى المنهج

ههههههه

Anonymous said...

رد الولد ع البنت قال
الحلم بيت بيضمنا
إنتى وأنا ف حضن السما
ويا القمر
وبحبنا،
الحلم بكره ح يكتمل
ونشوفه أوضح
م الحقيقة والخيال..

أبو أمل said...

مش ممكن البنت تحلم
بالولد اللى جاى بكرة
هى بتحلم
بالولد اللى شايفاه وبين إيديها
البنت الصغيرة يعنى

Anonymous said...

انا متفقة مع منال ووينكي، بس شايفة ان القصيدة يمكن يكون فيها ندم مستتر.
الولد مقدرش يسيب الاحلام و ينزل للواقع. ويوم ما انتبه كانت البنت اختفت و حولها لحلم في حياته.
التعبيرات في القصيدة هايلة، بتعبر عن الواقع و انه وليد محتاج اهتمام بكلمات بسيطة :)

Anonymous said...

Khaled, your imagery and soft sense of romance never stops touching me! I also like the implication of innocence here. I just love this one!

Anonymous said...

انها من أجمل ما قرأته لك يا خالد . بجد انت انسان رقيق جدا. كل ما اشوفك في فيلم أبو علي أقول سبحان الله بجد! ازاي تقدر تقوم بدور شرير كده وانت حالم بالشكل ده .
تحياتي

Anonymous said...

//
فعلاً، مرهفة جداً
وصادقة يا فنان
//

أحييك

Anonymous said...

القصيدة جميلة بتعبر عن الواقع المولم الذى يعيشة الشباب- بين المتاح والغير متاح -كل شى بمقابل حتى الحب -لكى تسعد بالحب لابد ان يكون معك مال لتحقيقة- والبنت سوف تختار من يحقق لها الحلم -من يحقق لها الحلم -مع تحيانى واتمنا ان اكون فهمت القصيدة فهم صحيح ولكم الشكر-

Rana K S A said...
This comment has been removed by a blog administrator.
aliaa abdalfatah said...

البنت قالت للولد
خلي بالك من البلد
من حبي من اهلي الوتد
من شوقي ليك اللي اتولد
من خوفي عليك من الهدد
ما انا أصل عشقي ليك خلد
والبنت قالت للولد !!!!
معلش اقتبست الكلمتين دول من عندك
فعلا كلمات رقيقة ومعبرة

ابن مرّ said...

وكمان بتكتب شعر!!!
وشعر حلو!
كده فاضل بس نسمعلك أغنية قريب وتكون من كلماتك وتلحينك وغنك وبجد بعد كده حتبقى جبت آخرالفن وحققت أسطورتكالذاتية على رأي عمّنا باولو كيليو

YMK said...

It is a very warm poem. It touches my heart with its innocence and purity. What I like most about it is the way it portrays how we could simply and easily lose our love and realize this when it is already too late to catch it. Eventually, we will end up with nothing but dreams. Actually, dreams are what keep us going.

Yomna

Anonymous said...

I have looked through all the poems you wrote I believe this was the best, it touched me deeply cause I think “for me” it talks about that moment in time when one think that love is possible, and then wakes up to find out its just a dream of perfection and of an imaginary Mr. Perfect that you will never find.

Mr. Khaled I think that your poems, from my humble point of view, are very sensitive and touching, I think you should collect them in one book and think of publishing them, you have a big base of fans that would love to read for you.

Mariam Mekiwi said...

Ana 3andi kaza ta3leeq:
1.) This poem contains deep, warm and innocent feelings.
2.) Gives you the impression you want to fly because of the happiness you get when you first read it.
3.) Gives you then the feeling you want to cry because you lost something.
4.) Overwhelmed with so many contradictory feelings.

All the words lead you to understand the true little tiny winy love. the neuborn love.
All this lead me to ask the question why do flowers represent love when they just fade away like anything?

- Just perfect Mr. Khaled thank for giving us the chance to read your wonderful poems.

Mariam

Anonymous said...

مسلء الخير
دي تاني زيارة لي لمدونتك/ كم هي رقيقة سردياتك، جاية من زمن بعيد، لسه بقايا من رائحته في النغاشيش
مع الأسف لتواجدي خارج البلاد لا اتابع الحركة الفنية سوى ما يصلني عبر الفاضائيات وهي بالطبع لا تعكس الصورة الحقيقية، لكن ادوارك التي رايتها حتى الان تعكس حضور قوي ومميز ، أجد نفسي أضعك في خندق نبيل الحلفاوي، وعلى فكره هو شاعر رائع أيضاً. اسمح لي بدعوتك لمدونتي مصريات وفيها اتناول بعض من أوراق التراث المصري
شكرا لك تواجدك
شريف الصيفي
ألمانيا، هانوفر

OpeRon® said...

This is my first time to visit your blog, however.. I find the poems here are pretty deep hearted and profoundly sensible.. keep it on ,although I do not much taste for arabic poetry, but I guarantee you have a gift of writing ...

On the other hand, I admired your role in the The Yacoubian Building, You really managed to personify this character in a real manner.. I do understand you're not a homosexual, however, You really got the feelings, the actions, the whole thing on the screen .. I could really get in touch with the character
however, the scenario at the end of the moving was a little bit hasty and missed very important crucial details , however, I saw this movie like 3 times

Out of my objection to the route the novel took place to , I find it completely appropriate for the current concept at such time among the population. moreover, I find it a little bit negative regarding a whole community of homosexuals lying out there...

Dammit .. I keep Blabbing about the movie! .. Ravishing Blog you have.. Keep it up

P.S. try to enable anonymous comments because most bloggers went on wordpress.. so their blogger ID is not showing their up-to-date blogs
www.operon.tk

Dr.MeDo said...
This comment has been removed by a blog administrator.
Dr.MeDo said...

السلام عليكم يا جماعة

انا متابع البلوج ده من فتره بس دي اول مرة ليا ابعت فيه

يا استاذ خالد انت بجد فنان لمس المعنى الحقيقي للفن

بعيدا عن الشكليات و التعقيدات و الفلسفة

وانا اتشرف اني اكون واحد من المعجبين بتوعك

و انكم تقبلوني معاكم زميل هنا في البلوج

KHALED-ELSAWY said...

صباح الفل على الجميع معلش كنت مبعوت جامد اليومين اللي فاتوا:)
الحمد لله يا وينكي كله تمام والحاجة الحلوة اللي بتحصل حاليا اني متصالح مع نفسي نسبيا رغم اقتراب يوم ميلادي اللي عادة بيكون فرصة لتعذيب النفس:)
منال تبهريني كل يوم عن يوم بلمحاتك النقدية.. وحياة العشرة البلوجرية لتقري شويتين في النقد والله حتبقي ناقدة شعر قوية.
انا حرة حنون اصلا تقال للمذكر وللمؤنث المفرد زي عجوز.. وحاولت استخدمها لجمع المؤنث وهي مش صح لغويا بس مش مضايقة ودني.. ولو مضايقة ودان كتير مش حعمل كده تاني:)
قدري اهلا بيك ايوة كده خليك معايا عشان لو اتزنقت تكمل لي:)
ابو امل انت صعبتها اكثر مش فكيتها:)
ايمي عاجبني تفسيرك.
ريمي متشكر حقيقي.
اشرف ازيك واحشني..متشكر قوي يا صديقي.. بص انا في الاتنين الحلم والوداعة يعني مع العنف ودي طبيعتي طول عمري وعشان كده بقيت اخش اي حالة وانا مطمن انها بتاعتي بشكل او بآخر..
محمد العشري متشكر جدا واهلا بيك معانا.
جيمي يمكن اللي حسسك بكده انها اكثر منه واقعية.. بس في الآخر هي برضه حالمة وبيه تحديدا.. بقدرته على فهم كلماتها وتنفيذها مثلا.. لكن البنت بتاعتي والولد بتاعي دول ملهمش اي علاقة بالطموح المادي رغم مشروعيته في حدود معقولة.. عموما انابرحب بيك وبمشاركاتك التالية.
علياء شكرا جزيلا واتفضلي مدي ايديكي ما تتكسفيش واقتبسي براحتك:)
ابن مر لو شفت مسرحيتي اللعب في الدماغ كنت حتشوف محاولتي اني احقق اسطورتي الذاتية بتاعة عمنا كويلو.. لأني كنت المؤلف والمخرج وممثل بالعرض وكمان كاتب الأغاني وملحنها حيث اني بعزف عود ومخرج الفيديو اللي على الشاشة ايضا.. يعني الجنون الرسمي يا معلم:) ولو ايميلك موجود حبعتلك اغنية منهم.. وبشكرك قوي.
يمنى كلامك عميق وقريب قوي من الموضوع على فكرة.. بحييكي.
فدرا متشكر قوي.. انا فعلا بحضر للنشر ودي على فكرة مش حتكون اول مرة.. لي تجارب بايخة مع النشر قبل كده خصوصا في الديوانين اللي فاتوا بعث الخيول ونبي بلا أتباع.. بس اتمنى المرة دي اوفق في امور التوزيع وكده.. المهم اني لقيت الناس بعد ما كنت حاسس ان محدش قرا شعري خالص عكس مسرحياتي المنشورة.

مريم ده انا بجد انكم مهتمين تقروا وتعلقوا..بجد مليتوا جزء مهم في حياتي كنت حزين اني عايشه لوحدي فقط.

شريف تحياتي لك في المانيا الحبيبة بلاد الفلسفة والموسيقى والعمل الجاد.. بشكرك على لطف تعليقك وخليك معانا بقى وحزور مدونتك.

اوبرون متشكر قوي ومعاك في تعليقك بشكل عام.. وحاضر حخللي الكل يعلق انا اصلا كنت عامل كده ودخلت تعليقات وقحة من شخصية سافلة فحددت الردود بالبلوجرز بس الشخصية المنحطة دي عملت بلوج وبتشتمني بدون سبب مفهوم فكده كده ملوش لزوم حاليا.
د.ميدو الشرف ليا صدقني.. وتشرفنا دايما بقى..نسخة من مفتاح البلوج للدكتور بسرعة:)

fadwa said...

happy birthday ya gameel
awalan ,,i feel so confused i didnt win the compition,,
cause simply it was(kosa)
as every thing happens but i won the word((((tooooooz))))
they asked me if i had any grades in poetryb i told themالاولي علي مستوي المعاهد القومبه للجمهوريه
one of them surprised me by saying (toz)
sure i didnt shut my mouth
but anyway
am not angry anymore
happy birthday a gain ya khalod

KHALED-ELSAWY said...

فدوى متشكر وانت طيبة.. بالنسبة للجدع بتاع طوز ده اليك المطلوب.. تحفري شكله والطوز بتاعته في دماغك عشان لما بكرة انشاءالله تحققي اعلى المراكز في نفس الشيء وتقابليه تسلمي عليه بمنتهى الذوق -وانا بعمل كده الحقيقة احيانا لما حد بيكون حرقني بكلمة كده- وتقوليله اخبارك ايه؟ حققت ايه؟ يا رب تكون كويس.. واستمتعي بتضاؤله لحظتها وتأمليه كيف يضرب نفسه بالشبشب داخليا، واستأذني وانطلقي للأمام وللأعلى.. مش مهم تردي عليه بالكلام المهم تردي بالفعل.. الاغبياء من امثاله بيدفعونا احيانا لتحقيق معجزات ولا يهمك.. لما نعمل مسابقتنا الادبية تعالي وحاولي تكسبيها:) كل حبي لأختي الصغيرة الصلبة.. وسلميلي على اختك واولادها اللي متابعيني في الكرتون:)

Anonymous said...

I just want to confirm that I kissed 42 street and time square for you. lol

ابن مرّ said...

مسسسسسرحية اللعب في الدماااااااااااااااااااغ أنا حضرتها 3 مرااات وكنت عارف انك المخرج بس السكرين بلاي وكماااااااااااااااان الأغانييييييي كانت عجباني أوي
وتصميم الرقصات والعود مكانش تسسسسجيييل بجددد أنا كنت شايفها تنسسييق رائع من المحرج مع الناس اللي عملوا كل حتة من دوول!
ferro_13@hotmail.com

بجد يا ريت تبعتلي أي حاجة وبالذات الأغنية بتاعت حيجي يوم تحياتي وشكرا لمرورك وان كنت لم أستغرب هذا من انسان محترم زييك
بالمناسبةاحنا اتقابلنا كتير وان كنا ما نعرفش بعض

KHALED-ELSAWY said...

المهاجر هاهاها:) شكرا جزيلا.. لو تقولي في اي ايميل ريفيو سريع كده ايه احدث العروض المسرحية اوف اوف برودواي اكون شديد الامتنان.. ولو هو موضوع قصير حطه هنا يمكن حد يحب يعرف.
يا بن مر تشك ايميلك:) تشرفنا يا باشا.

Anonymous said...

1. The Lion King
2. Mamma Mia!
3. The Phantom of the Opera
4. Spamalot
5. Wicked
6. Chicago
7. Rent
8. Hairspray
9. The Color Purple
10. The Drowsy Chaperone

دول احسن عروض واحسن مبيعات
علشان تشترى تذكره لازم تستنى شهر.

جوليا روبورت كانت عامله شو برده بس فشل فشل زريع..لان الناس فى نيويورك ما بيحبوهاش

Hugh Jackman
كان عامل ميوزيكال واخد بيه جايزه تونى

ان شاء الله لما اجى هاجيب لك الدى فى دى بتاع احسن شو
وانا هابعت لك لينك للريفيوز

KHALED-ELSAWY said...
This comment has been removed by a blog administrator.
AYDA said...

تعبير رائع ومع ان الكلام غاية فى الرقه لكن اجده واقعى جدا..فلغة الرجل فى الحب غير عن لغة المراة فى الحب..

radwa said...

حنين اوي الكلام
يحسسك قد ايه الحب بيغير دنيه الواحد بيخليها تكبر مع بساتطها متناقضات كده متجيش الا في قلب بيحب

اقولك حاجه سر...مكنتش فاكره دماغك كده
تحياتي يافندم
رضوي

L.G. said...

القصيدة حلوة
بس ليه فيه حاجة دايماً عندك بتحن لمرحلة الطفولة والشباب والنضج مش أد كده
ودايماً بتحط صور أطفال وحتى صورتك وانت طفل ؟؟؟
هو الفرق كبير بين المرحلتين في حياتك ؟؟
ايه اللي غير حياتك للدرجة اللي بعدتك عن طفولتك كل المسافة دي