Monday, November 13, 2006

هامش



من هذا الهامش من أعلى لحظات الضعف
يزحف شعري جيشا من نمل في عرش الأمس
من هذا الهمس
تتولد إيقاعات الزمن القادم
من هذا الركن الناعم
أشحذ نصل السيف
وأبايع نفسي

7 comments:

Anonymous said...

فعلا... كل قوة تولد من ضعف
وكل مستقبل يولد من ماض
وكل صوت يولد من صمت
وكل بطل.. يولد من أنفسنا

manal

Anonymous said...

المعنى حلو من غير تفسير
و لكن حاسة ان في شئ مكسور بالنسبة لبناء البيت
يعني شبة جملة "من هذا الهمس" حسيت انها
كانت ممكن تتكتب في سطر لوحدها لانها مرتبطة بالسطر اللي بعدها اكتر
شكل الشعر ساعات بيكون مهم في توصيل الحالة الشعرية اللي عاشها الكاتب

بالنسبة للصورة في حاجة مش مخلياها تبان بشكل كامل مع البوست
و للصدفة لما كبست عليها شفتها بوضوح و بشكل اكبر
مع انك عرضتها قبل كده لكن اول مرة ادقق فيها
هل يا ترى ليها معنى؟
درع الفارس عليه شعار الصين و مع ذلك الفارس بيقتل حية
و في الابراج الصينية برج الحية يشهد له بالذكاء الهادي و الحكمة على عكس ما كل الناس بتعتقد انهم خبثا و يرمزوا للشر

معلش انا بدافع عن الحية لانها برجي الصيني
:)

KHALED-ELSAWY said...

ده رسم مستقى من رسم أسطوري متكرر في عدد من الموروثات الشرقية.. شبه صورة حورس يقتل فرس النهر خادم عمه المجرم سيث ومارجرجس يقتل الثعبان-الشيطان، والشخص في الرسم هنا هو ليون تروتسكي الرجل الثاني في الثورة الروسية والذي كان قائدا للجيش الأحمر-ميليشيات الجنود والعمال والفلاحين والذي صمد به أمام عدد رهيب من جيوش الرأسمالية وقتها والتي حاولت دفن الثورة الاشتراكية بسرعة قبل انتشارها في كل أوروبا.. وقد أصبح تروتسكي حامل راية الاشتراكية الحقيقية بعد انحرافات الستالينية وقد قتله رجال ستالين في المكسيك بعدما كتب كتاباته المهمة شارحا لجوهر الاشتراكية وراصدا تاريخ الثورة الروسية ومحللا احتياجات اللحظة وناقدا للامبراطورية الستالينية

Khaled Khalil said...

معلش مش بحب أتناقش في الشعر, بقرا وانا ساكت

بس موضوع حورس يقتل فرس النهر عمري ما سمعت عنها, عندك ليها صورة ؟, خسارة أنا بحب فرس النهر زي ما الأطفال بيحبوه, حتى ده اسمه سيد قشطه:(

بس الصورة استوقفتني فعلاً, مارجرجس شيوعي
أنا أول مرة أعرف ان تروتسكي كان قائد الجيش الأحمر, أنا قريتله أيام ما كان في تركيا قبل ما البلاشفة يتصالحو مع المنشفيك
بس لو كنت أعرف انه راجع كنت حذرته, أنا عارف انه ماكانش هيعمر بطولة لسانه لأنه عدو الطرفين أمريكا و الاتحاد السوفيتي

Khaled Khalil said...

لو حد عايز يقرا عن تروتسكي ممكن يشوف هنا للأسف الصفحة العربي فاضية, أو هنا
لو حد عايز يقراله في هنا و هنا حاجات مترجمة

karakib said...

قوتي في الضعف تكمن
انتوك

KHALED-ELSAWY said...

خلود الأصل هي رسمة حورس يقتل فرس النهر، ثم تم استيلاد رسمة مارجرجس منها وده عادي جدا في مختلف الثقافات وفي مصر بالذات حيث تنتقل المعاني الأقدم إلى الأجيال الأحدث بحيث تنسجم العقيدة الجديدة مع المفاهيم القديمة، لو عاوز تدور أكثر شوف د.سيد عويس. متى أصبح هناك أيقونة مقدسة بيستخدمها كل من وجد تشابها بين دعوته وبينها والميكانيزم ده بيزيد في حالة المضطهدين وأنصارهم، وعلى هذا الأساس كون أنصار تروتسكي هذا الرسم لأنه لفترة طويلة كان فعلا حامي راية الاشتراكية الحقيقية. تروتسكي مناضل شديد الأهمية ومفكر رائع قدر يشوف حاجة عكس الجميع وكان صح فيها لوحده لغاية ما بقى له أنصار كثير ، والنهارده بتصدق رؤيته وتحليلاته. وهو كمان اللي صاغ بيان نحو فن ثوري البيان المؤسس للحركة السريالية ووجهة نظره في حرية الفن واستقلاله شيء جميل عكس الواقعية الاشتراكية التافهة بتاعة الستالينية. ومكتوب عنه ثلاثية بعنوان النبي الأعزل-النبي المسلح-النبي المغدور كتبها اسحق دويتشر.
أما موضوع فرس النهر فأنا كمان كنت زيك لغاية ما عشت مع الأنيمال تشانل فترة واكتشفت انه حيوان عنيف وخطر وبيهاجم البشر بل والتماسيح تخيل!! وده معناه ان وقت الأسطورة كان النيل مليان تماسيح وأفراس نهر وبالتالي اكتسبت الصفات الشريرة والمخيفة وأصبح منطقي ان حور المنتقم لوالده أوزير إله النماء يواجهها كتحوير لفكرة الشر في العالم. معرفش منين جاله مسمى سيد قشطة بس المؤكد ان أعلى حاجة اتقالت عليه سيد بك قشطة ليكون قريبكم ولا حاجة في شاهد ماشافش حاجة:)