Sunday, November 05, 2006

افتتاحية


بالخط الاخضر بفتتح كراسي
ورق الشجر زاده وزوادي
وارسم عيونك ترتفع راسي
كما نخلة وارفة ف حضنك النادي

89 comments:

Albida said...

جميلة أوى الأفتتاحية دى خاصة وأنا بقرأها كده فى اول اليوم والصبح بيشقشق... مع انى لسه مانمتش والله
:(

اه.... على فكرة يا أستاذ خالد المقال اللى أنت قرأته ده انا محضراه علشان الفكرة بتاعت البلوج المشترك اللى قلتلكوا عليها... المهم ان مفيش حد سأل فيا وقالى رأيه غير حفصة
تسمحلى أن انا اقلهم تانى؟
يا جماعة ايه رأيكم لو احنا (انا وحفصة ونهى ووينكى ونورا.. واى حد يحب يشترك معانا طبعا) نعمل بلوج مشترك ردا على احداث العيد, نعبر فيه عن رأينا ونحاول نوجد حلول ونتطرق فيه لمواضيع تانية برضه! يعنى من الاخر يبقى لينا صوت

ارجوكم يا جماعة بلاش تنفيض! حسسونى أن احنا لينا لازمة فى الدنيا دى

وصباح الفل والياسمين والسعادة عليكم كلكم
:)


manal

Hafsa said...

ربنا يجعلها سنة خضرا عليك يا خالد يا بني
ايه الكلام الحلو ده؟ صحيح ما هو عادي يطلع منك الكلام الخير الاخضر ده


منولة حبيبتي
الوقت ان احنا نقول فيه راينا عدى خلاص
دلوقتي جه وقت ان نعمل حاجة مش نعبر عن راي
المهم انا مكنتش حابة اتكلم عن الموضوع قبل ما اخلصة و ده لاني نجمي خفيف و بحسد نفسي :)
انت من اول مرة قلتي فيها عن موضوع ان احنا نعمل حاجة عشان نوقف التحرشات و نوعي بنات غيرنا وانا طلعت كتيبات عندي و عمالي بقرا فيها عشان اشوف منها ايه اللي ينفعنا و اديني بترجم فيهم
بس المشكلة اني كسولة جدا جدا جدا
و بالنسبة لي الكسل احلي من العسل و الله
فلذلك الموضوع حياخد مني فترة لغاية ما انهيه
و للاسف لما بكون بشتغل في موضوع معين بقعد احدف فيه يمين و شمال عشان احب اظهره دايما بشكل كامل و ده عمره ما حيحصل
فتلاقيني بشتغل خطوة اه و عشرة لا

دعاكي انتي و كل الناس الطيبة

استاذ خالد ابوس ايدك شيل الورد فيريفكاشن عشان اناعنيا بتحول لغاية مابفك الحروف و لك عليا لو الولد اياه جه تاني ان احطبق عليه دروس الدفاع عن النفس اللي عندنا هنا في الكلية
ارجوك
لانه في النهاية ممكن برضة يكتبها و برضة يطبع تعليقاته السخيفة
شكرا

تحياتي

KHALED-ELSAWY said...

منال فكرة ممتازة وبقترح بلوج باين من مسماه مثلا "نصف المجتمع" أو "هدى شعراوي" أو حتى "البنت زي الولد" حاجة كده.. المهم يؤصل لأفكار علمية تتناول نصف المجتمع وعلاقتها بالرجل وبالسلطة وبالمؤسسة الدينية والشارع والعمل.. حاجة كده بتحترم الست ومش عنصرية في نفس الوقت.. فاتحة دراعاتها للرجال اللي بيناصروا قضايا المرأة وبتدافع عن كل المضطهدين في سياق ان تحرر المرأة مرتبط بتحرر عام لجميع المضطهدين.. ومواجهة سافرة مع الشباب اللي شايفين ان الضحية هي المذنبة.. كده يعني.. ويسعدني اشارك معاكم بمقالات نارية وخطب مدوية وسخرية مريرة وكله..
حفصة ده وقته الحقيقة ورأيي انك اثناء فترة الكسل تشتغلي على ترجمة حاجات تخص الموضوع نفسه من والى الانجليزي وهو اضعف الايمان:)

purple rose of cairo said...

على رأى الست "العيب فيكم و فى حبايبكم... اما الحب يا روحى عليه"
صباح الفل يا خالد
ايه الشعر ده كله و ليه برضه القسوة و التشاؤم ده كله؟
قاعدة من الصبح باقراك و افكر "ليه الراجل ده موجوع كدة؟"
معقولة فى سنك ده لسة ما حققتش ذاتك فى علاقة حقيقية والا على المستوى العملى والا الاجتماعى؟ لا مش قوى كدة
كل قصائدك توجع القلب
الدنيا بتوجع كثير بس ارجع اقولك صالحها تصالحك
على فكرة يوم الخميس فى وقفة ضد التحرش على سلم نقابة الصحفيين
تعالوا تضامنوا و انت يا خالد لازم يكون لك موقف اولا لانك سينمائى و اللى حصل ده بيحصل فى افتتاح كل الافلام والا مابيحصلش؟؟
ثانيا لانك متهم انك بتكره بنات حواء:) 

المواطن المصري العبيط said...

يا جماعة أرجوكم ما تكبروش الموضوع وتعملوا جبهة مضادة، لأن مفيش جبهة الناحية التانية أصلا، الحرب اللي انتوا ناويين تدخلوها ضد الرجال هي حرب وهمية ولابد أن تفصلوا جيدا بين سلوك عام وبين سلوك جياع، القضية دي مع المجتمع كله، تقاليده، أعرافه، أحزابه، نظامه السياسي، معتقداته الدينية الخاطئة، وتشوهاته النفسية، وهي كلها عوامل تحفيز سرعت ما حدث ودفعت هؤلاء الشباب لتفجير كبتهم في هيئة هذا السلوك المرعب

لازم نفكر مع بعض، مش علشان نواجه احداث العيد، لكن علشان نواجه القيم الفاسدة اللي أدت لهذا

أنا عملت تحليل اجتماعي حول الدوافع التي دفعت هؤلاء الشباب لمثل ما حدث في وسط البلد، وقد كتشفت ان مجتمعنا ده هيودينا في داهية، وان اللي عملوه ده مقدمة لما بعد ذلك، ابقوا شرفوني واقروه لو عايزين، وقولوا رأيكم لو معجبكمش

على العموم تحياتي لخالد الصاوي وضيوفه على مدونته الهادئة تلك

khalakhelo said...

نبتدي من الآخر للأول

المواطن المصري العبيط
حرب ايه اللي ضد الرجال, انتا عبيط ؟
آسف
بعدين مانتا بتقول انها حرب ضد عادات غبية في المجتمع, مانتا بتفهم أهه, أمال بيقولو عليك عبيط ليه ؟
آسف برضه

الوردة الفوشيا (تقريباً يعني مش عارفه بكود الآر جي بي)
العيب فينا, يمكن, في حبايبنا لأ
العيب فيه هوه, واديكي بتقولي, يا روحي عليه, هيطلعلك روحك انتي رخره

خالد الصاوي
مش عارف ليه مستغلس الأسامي دي
نصف الدنيا و ماهيش كمالة عدد
أنا بقترح اسم أخوّة مثلاًfraternity أو fraternitée
يعني اسم بسيط و مباشر
بس ده يعتمد على هدف المدونة, دفع الظلم الموجه للبنات ولا الارتقاء بالعلاقة بين الولاد و البنات بصفة عامة

حافصة
عنيكي بتحول من الورد فيريفيكيشن,!! انتي تلاقيكي برنامج ذكي اصطناعي و بتحاولي تقنعينا انك بني آدمة, على مين, أمال هما اخترعوا الورد فيريفيكيشن ليه, عشان البرامج اللي زيكو

البيضة (مش عارف أنا قريت صح كده ولا لأ) المهم, منال
أنا مقرتش المقال هوه فين ؟
أنا موافق.... تعملوا بلوج مشترك

بالمناسبة لقيت الموضوع ده
http://malek-x.net/node/269
بيجمعوا شهادات لبنات اتعرضوا لتحرش
انشروه

ييه رجعت تاني للورد فيريفيكيشن

وينكى said...

أنا متحمسه جدا للفكره..ولدرجة الشعلله
بس زى ما قال المواطن المصرى.. احنا هانقف فى وش العادات الباليه والقيم الفاسده والظروف اللى أدت إلى التخلف الفكرى اللى خلى الشباب يجيلهم حالة سعار
مش ضد الراجل بشكل عام.. وانتوا فاهمين قصدى
بس أنا عاوزه أعرف.. هو مش الكلام دا ممكن ننشره كجزء من مدونة كلنا ليلى؟
بما ان الموضوع يمس الأنثى والظلم الواقع عليها؟
ولو عاوزين نعمل بلوج جديد ماعنديش مانع.. وهاجيبلكوا ناس تشارك كمان

Nohaz said...

طيب ليه عن العيد و الظلم و النكد
يا حاجة منال ولا تنسي نصيبك من الدنيا

ما يبقي بلوج عام و فيه فرفشة و نكد و سياسة و دين و الي عايز يعمل اي حاجة يعملها
ولا أية رأيكوا
____
يعني ده حتي انت بتردي علي بوست للاستاذ خالد كله تفاؤل و أخضر وأشجار وارفة
تقومي تقولي ظلم وقهر؟؟؟
انا مش حاسة ان الست مظلومة
زي ما بيقع قهر علي الست بيقع علي الراجل
ده تقريبا في دعاء اعوذ بالله من قهر الرجال حاجة كده لانه بيكون اقوي
زي عارفة و ده رأي الشخصي ان الست كسرها صعب لانها بتروح و تيجي مع الريح متسيبش الريح تكسرها الراجل غالبا بيقف قدام الريح بصلابة و عناد تخليه كسره اسهل و اكثر تأثيرا

nour said...

تحفة..فيها حاجة كده هزتنى ايه معرفش..
منولة..معاكى فى المشوار ده..انا اصلا متحيزة للمرأة ضد المجتمع الذكورى الطبقى الابوى على رأى د.منى نوال حلمى
:))))))
لا بجد انا معاكى فى البلوج ده..
خلاخيلو لسه معجبة باسلوبك و كلامك و لسه بنمسى يا استاذ
استاذ خالد ازيك يا استاذ

nour said...

نهاز عندك حق..يا ريت يكون عام بس مرتبط باهتمامات المرأة بشكل او بأخر
مين اللى هيعمل البلوج بقى؟

nour said...

ياريت يا استاذ خالد تسيب مهلة ما بين بوست و التانى علشان انا مش عارفة الاحق على الابداعات دى..انا بلهث وراها:)

Albida said...

أستاذ خالد.. شكرا على دعم حضرتك الجميل ده
:)

يا جماعة أنا مبسوطة اوى لتحمسكم للموضوع ده... على فكرة البلوج مش هيبقى عن المرأة الغلبانة فى مواجهة الراجل الظالم والكلام الفاضى ده! دى هيبقى عبارة عن نقد واقعى لمجتمعنا من خلال وجهة نظرنا ومن خلاله ممكن ننشر أفكارنا ونأثر على ناس تانيين... أحداث العيد هتبقى مجرد انتلاقة لينا

خلاخيلو... بيضة ايه بس؟ والله ضحكتنى... شكلك لسه متأثر بالبيض والعجة
:)
المقال اللى انا بقول عليه هيتنشر فى البلوج الجديد بتاعنا ان شاء الله

نهى... ممكن طبعا نتناول قضايا تانية بأسلوب هزلى بس بشرط يكون ليها علاقة بهدفنا الأساسى
بما أنك المهنكسة اللى فينا, عايزكى تشاركينى فى موضوع تصميم البلوج ده
:)

نورا.. بحب حماسك اوى

manal

Julliet said...

رغم عشقي لكلماتك الرقيقة و العنيفة الا اني اصبحت مدمنة اختياراتك الرائعة للصور.

ragazza11 said...

حلوة أوى البنوتة دى المدونة دى كلها تفاؤل و خضار

أنا شايفة ان التحرش الجنسى دة عادة فى مجتمعنا عادية أى واحدة فينا بتمشى فى أى منطقة حتتعاكس. للأسف ان الاعلام له دور رئيسى فى تكوين صورة المرآة الجسد بلا عقل. أى حد يبص فى الجرايد الرسمية يلاقى ان الأخبار عن المرآة يكون فى صفحة الفن و هى لابسة أقل القليل أو المرآة و الطفل و لا يوجد اعلام عن المرآة فى اطارات تانية..أنا شخصيا ببقى عايزة أرجع من الموضوع دة و مش فاهمة ليه كل الأخبار عن الرجال؟؟ المرآة فى المسلسلات العربى دايما متلخبطة و مش عارفة تاخد قرار أو بتعيط أو بتغير من سلفتها أو بتعمل عمل لضرتها يعنى باختصار ملهية على عينها و الراجل سيد القرار العاقل الراسى فى كتير من الأفلام نلاقى سبع البرمبة لبس المدام الم و أحب اقولكم انو لو فى أمريكا (مع تحفظى على عيوب كتير هناك) كانو المؤسسسات
نسائية قومت الدنيا و ما قعدتهاش القضية حقيقية جدا و تقرف جدا فيه جمعيات نسائية بتقاوم العنف ضد النساء زى رابطة المرآة العربية و مرة حضرت لهم مؤتمر صحفى و تعجبت من هجوم أعلام الصحافة بحجة انها مش قضية مهمة فى مجتمعنا !! و عجبى على رآى صلاح جاهين

Khaled Khalil said...

أنا لغايت دلوقتي مفهمتش بلوجكو المزمع انشاءه ان شاء الله هيبقى على ايه ؟
يعني عن فشل المجتمع الذكوري المزعوم ولا عن قضايا اجتماعية ده جزء منها
بس في الحالتين هشارك....في التعليقات
بس أنا مش عايز أقلبه لمجتمع أموي ولا عباسي بدل الأبوي, وفي الآخر مش فارقة
مانتو عارفين نور دي متحيزة, و اهى اعترفت على نفسها

يا ريت بس تتفقوا بدل ماتعملوها و تختلفوا عليها و تتخانقو, بعدين لسه واحده قايلهانها متحمصة و واحدة متشعللة و واحدة متعطشة للدماء

Nohaz said...

والله يا منال انا احتمال مقدرش ادخل النت الفترة الي جاية
ضغط شغل جامد
خلوا بلكوا من نفسكم يا بنات

purple rose of cairo said...

مساء الفل على البلوجاوية
موضوع البلوج المقترح رائع يا ريت تشتغلوا عليه بجد لانه احتل البلوج ده و شغلنا عن المدونات الشعرية بتاعة خالد الصاوى
يا خالد يا ريت تحضرنا والا انت طفشت
انا بادعوك ثانى تعلن عن موقفك من حوادث التحرش اللى حصلت اول و ثانى ايام العيد
اولا لأنك سينمائى و ده دايما بيحصل فى افتتاح الأفلام
ثانيا لأنه بيشاع عنك انك عدو المرأة :)
اخيرا و ده الأهم كلامك كله يوجع القلب
ارجع اقوللك
اعتذرلها و صالحها
اكيد حتسامحك
حبها تسعدك و تودك
دى تجربتى معاها
يمكن انا محظوظة
و احتمال اكون فاهماها

KHALED-ELSAWY said...

بربل روز..على اي اساس قلت اني بكره الستات؟؟ انا عندي صديقات من أيام المدرسة والجامعة ومن كل شغل اشتغلته، وطول عمري بدافع عن مساواة الجنسين في الحقوق والواجبات، وعن حصول المرأة على حقوقها المسلوبة، وانا اول واحد كتب كلمتين يوم 25 مايو على النت اهاجم فيهم اللي تعرضوا للستات في المظاهرات.. معلومتك مش سليمة نهائيا الا لو كان تصورك اني مدام ماتجوزتش ابقى بكره الستات وده يبقى طبعا تصور طفولي شوية. يعني يمكن دي الفقرة اللي في كلامك استوقفتني أرد عليها.
بالنسبة للبلوج المقترح.. رايي أولا انه يكون له هدف محدد وهو مواجهة التمييز ضد المرأة بشكل أساسي وفي اطار مواجهة التمييز بين البشر عموما، ثانيا هو بالمعنى ده عضويته النشطة من البنات والشبان كتفا بكتف والا نبقى بنواجه التمييز بتمييز آخر، ممكن يبقى فيه روح مرحة أحيانا من غير ما يبقى بلوج هزلي لأن له مهمة واضحة ومحددة وهي جعل الناس تفكر ليه الغالبية متصورة ان الست أدنى من الراجل خصوصا في بلادنا؟ نعرض للتأثيرات السلبية من البيت والمدرسة والسلطة والشغل..الخ، نفند كلام الممسوسين بأفكار ضالة او عتيقة مغلفة بشعوذة دينية وأغلبها لا اساس له من الصحة وهكذا.

purple rose of cairo said...

قلت متهم بانك بتكره المرأة ما أكدتش الاتهام... عموما طمنتنا يا راجل... بس كتابتتك فيها اتهامات كثير لبنات حواء برضه... ما علينا يمكن ده من واقع تجربتك اما عن عدم زواجك فانت وضحته فى فقرة رزان و عباس فى البيت بيتك و مفهوم تماما انك اخترت تركز فى تحقيق ذاتك فى مهنتك... نرجع للشعر فين الايجابية و التفاؤل يا خالد؟ فين التسامح؟ فين الحب؟ احكامك فيها قسوة تخوف ... احكام على الناس و المشاعر و العقول ... صالحهاو مازعلهاش و ما تزعلش ....يا صديق المرأة و مناصرها... سلام

purple rose of cairo said...

تعرفين أين هي المشكلة؟
عندما ألعب الحب لا تؤلمني النساء
لكنني حين أعشق أذوي
فأضعف مثل النساء التي عشقتني

تشبهين الجميع ولا تشبهين أحد
متعة الحقد والغنج في نظرة واحدة
بسمة شيطان على ملامح ملائكية
وفورة الجليد المفاجئة في مواسمك الدافئة

ليست لدي مع النساء ذاكرة
التي أحببتها من ألف عام تشبه الحالية
نفس الأنوثة..
نفس الإجرام..
نفس السطحية!

نفس الاجرام و نفس السطحية!!!! اتهام خطير و الا تجارب مؤلمة؟؟؟؟
ده قصدى يا خالد مش قصدى انك ماتجوزتش...
الحب اه الحب قيمة سامية الله يحميها!

nanosh said...

hi im new here ,
can i be accepted?

nanosh said...

im faten,
and im so proud of the high degree which is acheived by this blog

AYDA said...

كلام جميل جدا

KHALED-ELSAWY said...

شكرا عايدة وفاتن:)

nour said...

منال نتفق على الايميل بقى يا منولة..بما ان نهى مشغولة نصممه احنا هو احنا صغيرين؟:)
و ان شاء الله هيكون تمام..بس اقترحوا اسم...بنانيت؟بنوتة؟هى؟ ايه؟

smraa alnil said...

بالخط الاخضر تفتح كراسك وانا كلي خطوط حمراء لا يتعداها عقلي
واصبح ورق الشر زادك وانا ورق الليمون اذاقني مرارته
وترسم عيون حبيبتك لترفع راسك
وانا رسمت قوس قزح نتيجة لغضب امطاري
نخلة مائلة صامدة
لكن تظل مائلة
اعذرني يا استاذ خالد علي كلامي بس بجد افتتاحية رائعة
واتمني اني اكون من زوار بلوجك الرائع

وينكى said...

البلوج خلاص اتعمل يا شباب
واسمه: صوتها
بجد عجبنى قوى.. متشكرين يا البيدا.. انتى اللى دايما سابقانا بخطاوى كتير
تعالوا شوفوه وقولوا رأيكوا
www.sotha.blogspot.com

AYDA said...

بربل روز..الصديقه.. احيانا نعبر عن تجربه مررنا بها او عن خبرات سمعناها ممن حولنا وندونها باحساسنا لكن لا يعنى ان الكلام معمم واننا سننزوى بانفسنا لنتباكى فى الظلام..وهنا لحظة دونتها الكلمات تعبر عن مكنونات قلب..
انا احب القطط كثيرا وحين اتحدث عنهم واقول انهم يتصفون بالصدق فى المشاعر وانهم يتصرفون بتلقائية ولديهم اخلاص ليس ككثير من البشر بوجهين..فاجد الناس يقفزون الى استنتاج غريب!!
انى تعرضت لازمات عاطفيه جعلتنى افقد الثقه فى البشر واتجه الى عالم الحيوان :)))))))

Albida said...

العفو يا وينكى على ايه! المهم بس يكون عند حسن ظن الناس اللى هتزورنا والا هنتضرب
:)

manal

بعدك على بالى said...

اذا حضر الشعر صمتت "المفترض" كل الابجديات الأخرى مع كامل احترامى للقضية المطروحه وللنقاشات المثمرة والتى فى راى مجرد كلام تنفيس لن يقدم او يؤخر،، مايجعلنى اطالب مجددا بالصمت او السكون مؤقتا، او ربما مرحليا

فنحن فى حضرة الشعر وله جماله و سحره

تحياتى لصاحب المدونه ممثلا مبدعا وشاعرا مرهفا شديد الحساسية (ادركت الان لماذا انت مبدع)

تحياتى

khalakhelo said...

أنا آسف ياللي على بالي, بس مطرين نتكلم, و أنا فقدت من سنة قدرتي على الشعررة, معلش استحملي بقى

وينكي, بلوج ايه اللي خلص ؟
www.sotha.blogspot.com ?
متأكده ؟, ده خلص من زمان, و آخر تعليق فيه, هو الأول برضه كان في اتنين أغسطس
هو في حد هنا انجليزي اسمه إيان و بيدلعوه ياض يا سوثا ؟ أصل بلوجو ضاع منه
أو يمكن إطّبق

بعدين صوتها ايه, ليه الغلاسة دي, احنا كده منقدرش نعلق فيه, ماهو بيعبر عن صوتها
مش كده ولا ايه ؟
ماتحضرنا يا خالد يا صاوي
أو يا أستاذ خالد الصاوي أيهما أحب اليك عشان لاقيت هنا ناس عندها حساسيات غريبة

Albida said...

يا جماعة البلوج عنوانه
sotaha.blogspot.com


manal

Khaled Khalil said...

يا جماعة هو مدونتكم المشتركة هتبقى عن حقوق المصريات ولا حقوق المرأة بصفة عامة ؟
أصل أنا سمعت عن وأد في الصين, طبعاً انتو عارفين موضوع الإبن الواحد لكل أسرة, فالناس هناك بيفضلوا الولاد و لو حد جاتله بنت يوئدها عشان يخلف تاني لغاية مايجيله ولد
أنا لسه متحققتش من صحة الموضوع ده, بس لو اتأكدت هقولكو عليه

أنا عارف ان الصين مش بتستهوي ناس كتير, بس الإنسانية لا تجزأ
مع احترامي لأولوياتكم
سلامي على الجميع

وينكى said...

انت اتكلمت عن مصيبه بتحصل
والمهازل ضد المرأه كتيره قوى فى كل كمان فى العالم
بس لو اتكلمنا عن كل دا.. لازم تبقى عندنا الخلفيه الكافيه عشان نتكلم صح
وأتوقع ان دا هياخد بعض الوقت
حاليا لازم نركز على اللى احنا لامسينه ومقربين منه
وعادى لما تعلق يعنى وتقول رأيك
ماهو فى الأول وفى الآخر البلوج دا معمول عشان نطرح وجهات النظر المختلفه
شكرا يا منال على التصحيح
سبقتينى كالعاده

smraa alnil said...

بصوا بقي
انا ساكتلكم من الصبح لاني من زمان احترفت الصمت
اسمحولي اني ادخل بينكم واقول راي انا كمان
يعني هي جت عليا انا
بالنسبة للمرأة اذا تصرفت بشرقيتها المعهودة دون مساحيق ودون النظر لتصرفاتها الغربية المتداخلة علي عصرنا هذا فانها سوف تتصف بالسذاجة
وبالنسبة لوأالبنات في الصين فالله اعلم بهذه المعلومات ولكني اشك فيها فالصين برغم تعدادها الا انها تحافظ علي سلالتها وعراقة حضارتها وهي عندها من لحضارة ما يمنعها من فعل ذلك والا قامت عليها الجمعيات وحقوق الانسان والحاجات الوهمية اللي احنا بنسمع عنها في بلدنا دي
واي كان الواحد بيكتبوا لازم مش بس يعبر عن صوته
لا دة لازم يعبر عن اللي جواه الجزء الخفي من حياته وشخصيته
عشان يقدر يحس بالقوة ويكسر جدران الخوف
دوشتكم معايا وصدعتكم
سلاحف

amal said...

قرأت فى جريدة الانباء العالمية التالى :
علم مراسلنا بالقاهرة أن ما تعرضت له منطقة شوارع قصر النيل و26 يوليو وسليمان باشا وطلعت حرب في وسط القاهرة أول وثاني أيام العيد من هجمات استهدفت التحرش بسيدات وبنات مصر نفذتها موجات مجهولة من الشباب كانت مخططة ومنظمة ومعدة بشكل جيد من قبل تنظيم داخل مصر يعرف بعبدة الشيطان وهو تنظيم ماسوني علي اتصال بمنظمات داخلية وخارجية تنسق مع أجهزة خارجية بهدف إحداث حالات من الفوضى الخلاقة في مصر وتم وضع الخطة علي ثلاثة مراحل أول مرحلة تنفذ في عيد الفطر بوسط القاهرة تليها مرحلة في الكريسماس تشمل مختلف أحياء القاهرة وعدد من المحافظات علي أن تنفذ المرحلة الأخيرة في عطلة عيد الأضحى المقبل بشكل يصنع الفوضى الخلاقة وفي هذا المرحلة يقود عبد الشيطان عمليات التحرش ويتدخل إلي جانبهم كما هو مخطط الشباب من العامة ثم يشتبكون مع الأهالي وتحدث حالات هياج عام تنتهي بتدمير القاهرة والبلد..

والنظام وعلي الرغم من تنفيذ عبد الشيطان للمرحلة الأولي من المخطط بنجاح وتدخل الأمن وإلقاءه القبض علي 70 شاب من بينهم أبناء ثمانية وزراء

Anonymous said...

إيلاف >> سياسة

إمام مصري يزعم رؤية النبي يصلي بمسجده
GMT 17:00:00 2006 الأربعاء 8 نوفمبر نبيل شرف الدين


هوس ديني كاسح وفتاوى تحرض على القتلإمام مصري يزعم رؤية النبي يصلي بمسجدهنبيل شرف الدين من القاهرة: لا يمكن لأي مراقب موضوعي لأحوال المجتمع المصري خلال هذه الأيام، أن يتجاهل حالة تفشي "الهوس الديني" في مصر على نحو وبائي لا تخطؤه العين، وعلى سبيل المثال لا الحصر فقد شهدت القاهرة خلال الأيام القليلة الماضية سلسلة من الأحداث قد لا تبدو للوهلة الأولى مترابطة، لكن وضعها ضمن سياق واحد قد يشير إلى دلالات هامة، إزاء خطورة المد الأصولي الكاسح الذي بات معه ملايين المصريين يتبنون آراء متطرفة، كتلك التي يعتنقها أعضاء المنظمات الإرهابية المسلحة، وإن لم يكن هؤلاء البسطاء أعضاء في تلك المنظمات والجماعات أو حتى سمعوا بها من قبل . فخلال أيام قلائل أطلق نائب برلماني ينتمي لجماعة الإخوان المسلمين تصريحات تحريضية، قال فيها إنه ينبغي إعدام رئيس الوزراء المصري أحمد نظيف، ووزيري الأوقاف والاستثمار، بزعم أنهم يتربصون بالإسلام، وفي الوقت نفسه شن الإخوان المسلمون والسلفيون حملة شرسة على الدكتورة سعاد صالح أستاذ الفقه بجامعة الأزهر، لأنها أفتت بأن النقاب ليس زيا إسلامياً بل زياً بدوياً، وهاجمت انتشار ظاهرة النقاب على نحو كاسح في مصر.وأعربت المنظمة المصرية لحقوق الإنسان عن مخاوفها من أن مثل هذه الآراء تعد من قبيل التحريض على قتل مسؤولين سياسيين، مما يعود بمصر إلى ما جرى أثناء عقد التسعينات من القرن الماضي، عند استهداف أعمال العنف المسلح للمسؤولين السياسيين والمفكرين والأدباء .الرسول في مصرثم كللت تلك الوقائع الغريبة بقصة أكثر غرابة ولا تخلو من الإثارة، بطلها إمام مسجد شهير في مصر، زعم أنه رأى النبي محمداً يصلي في مسجده، وأنه أوقف الصلاة فجأة ودعا النبي ليؤم المصلين . الشيخ الذي يدعى جابر الدسوقي، ليس من ذلك الطراز الجديد من الأئمة الذين يوصفون بالدعاة الجدد، بل هو رجل بلغ من العمر 70 عاماً كما أنه يمارس عمله منذ زمن، إذ يؤم المصلين بمسجد "الحامدية الشاذلية" الشهير منذ 33 عاما .ثم ظهر الشيخ جابر الدسوقي ومعه الشيخ مبروك عطية، عبر برنامج (القاهرة اليوم) الذي تقدمه فضائية (أوربت) حيث قال الدسوقي رداً على سؤال عن رؤيته الرسول "كأني رأيته"، ثم سرد الرواية التي بدأت فصولها قبل الصلاة بيوم، عندما رأي أحد المصلين بالمسجد الرسول في رؤية منامية، وزعم أنه قال له : "نلتقي ليلة القدر في الحامدية الشاذلية"، وبعدها جاءت له سيدة وقالت: "لقد رأيت الرسول بين المصلين في ليلة القدر".وبعد انتهاء الدسوقي من صلاة التراويح في هذا اليوم ثم التهجد شعر ببعض التعب قبل صلاة الفجر، وأراد أن ينتهي من الصلاة بسرعة، وقرر أن يصلي ببعض قصار السور، وأثناء صلاة الفجر صمت الدسوقي فجأة، وقال : "تفضل يا رسول الله"، وظل صامتا لنحو خمس دقائق بعدها قال للناس: "الرسول هو الذي يؤمنا في الصلاة".واستمرت الصلاة لأكثر من ساعة، وظل المصلون يبكون وسادتهم حالة من الانفعال الشديدة، وكان بين الشهود على تلك الواقعة كل من : عصام الأمير رئيس القناة الثانية في التلفزيون المصري، وعمرو الليثي رئيس تحرير صحيفة (الخميس)، الذي أجري حوارا مع جابر الدسوقي، روى فيه ما حدث في الحامدية الشاذلية في ذلك اليوم الذي كان يوافق 28 من شهر رمضان الماضي .وإثر ذلك فقد بادرت وزارة الأوقاف المصرية إلى منع جابر الدسوقي، من إمامة مسجد الحامدية الشاذلية من الخطابة، وأرسل مجلس إدارة المسجد خطابا للدسوقي، يطلب فيه تجديد ترخيصه بالخطابة من وزارة الأوقاف قبل أن يعتلي المنبر مرة أخرى .والطريقة الحامدية الشاذلية يرأسها إبراهيم طلعت سلامة الراضي، وهي التي أسست جمعية المجمع الإسلامي ومسجد الحامدية الشاذلية المشهرة برقم 1414 لسنة 1999 طبقا لأحكام القانون رقم 84 لسنة 2002 بشأن قانون الجمعيات والمؤسسات الأهلية في مصر .

Albida said...

مش عارفة... دايما بجد صعوبة فى تصديق موضوع نظرية المؤامرة ده! لكن هو مش بعيد

على فكرة كل الأحداث اللى بتمر بيها مصر دلوقتى من انحلال أخلاقى و "فتى فى الدين" وسعار جنسى, و"حلبسة سياسية"... الخ, بترجع تقريبا لأسباب واحدة
وفى رأيى.. دى العلامات اللى بتنذر بانفجار البركان


manal

KHALED-ELSAWY said...

سمراء النيل أهلا بيكي ومنورة البلوج.
وينكي أنا رحت العنوان ده لقيت بنية أجنبية وملقيتش حاجة ثاني.
بعدك على بالي متشكر جدا جدا كلامك في منتهى الرقة.
يا خلاخيلو يا صديقي لو كانوا عملوا البلوج فعلا فخلاص احنا معاهم على أي مسمى..الأسامي مش مشكلة كبيرة وخصوصا لو قريبة في معناها..ممكن احنا نتجاوز عن المعنى المباشر لكلمة صوتها ونعتبر انه الصوت المدافع عنها يعني ونتلكك ونخش نكتب..يعني عرضها ما تكشكشهاش قوي كده:) المهم بلوج يدافع بحزم وتماسك في الرؤية عن نصف المجتمع. ده رأيي. بس المشكلة اني مش عارف اوصله الحقيقة.
آه فيه تصحيح من منال لاسم البلوج اذن نشوفه ونواصل التعليق بعدها.
خالد خليل رأيي اننا نركز على مصر في اطار التزام عام بالدفاع عن كافة المضطهدين مش مصريين بس ولا ستات بس.. لكن ده اطار عام او بالأدق اسمه إطار مرجعي.. يعني مرجعيتنا إنسانية عامة تنتصر للمظلوم والمضطهد مع تركيزنا كما قلت على قضية المرأة المصرية لأنها فعلا تستاهل حركة قوية اليوم.
متهيألي كلامي مع كلام خالد مع تعليق وينكي على خالد ممكن يوضحوا الفكرة العامة دي.. يعني مثلا هل نعلم أن المرأة لا تملك عالميا من الثروة الا واحد بالمائة؟ لو الرقم ده صحيح فله دلالة رهيبة ويكشف بوضوح زيف الغرب والشرق معا في قضية المرأة لأنه يكشف بتحليل أعمق زيف النظام العالمي اقتصاديا واجتماعيا بالتالي.
واخيرا أعتقد ان محاولة تصور ان احداث العيد مخططة هو ميكانيزم دفاعي عشان نقول لنفسنا ما هو مستحيل ده يحصل لوحده.. رأيي الشخصي..لا ممكن.. وحتى لو كانت فيه مبالغات..ممكن..وصورة تهجم جماعة كبيرة من المنسحقين على من هم أضعف منهم ممكن فهمها في اطار مصر بكل تناقضاتها واحتقاناتها..نصدق ونواجه أفضل..لأن الانكار لن يفيد. فيه الف ارهاصة والف مؤشر على امكانية حدوث هذا.. وهنا الخطر.

karakib said...

راجوز و سايقها هبل في جنان .. و انا قلبي .. ملأن جدعنه و حنان .. و ابان ساهي سهتان سهيان انما عقلي للعدل .. ميزان ... انا فلته انما مش فلتان و ساعات حرنان ... و ساعات زنان ... يمكن علشان وحداني ... ماليش اراجوزه تاخدني بالاحضان

Albida said...

والله يا جماعة انا حاولت أعمل لنك من خلال الكومنت ده بس فشلت
اللى مايعرفش يوصل للموقع يدخل على البلوج بتاعى وهو هيلاقى ليه هناك لنك


manal

Khaled Khalil said...
This comment has been removed by a blog administrator.
Khaled Khalil said...

صوتها

khalakhelo said...

أنا شخصياً أصدق جداً موضوع انها كانت مخططة ومنظمة من قبلها
أنا أعتقد إني فاهم قصدك يا عم خالد الصاوي, بس مهما كان في شرعية معينة بتمنعهم من المجتمع نفسه, و مينفعش حد يكسرها لوحده, لازم على الأقل ابتدا 15 أو 20, و بعدين ممكن يزيدو لألف أو أكتر, بس لازم ستارتر
و سواء كانو عبدة الشيطان ولا عبدة الجرجير ولا ابليس بذات نفسه هنضربهم
حتى لو كان ضربهم جزء من المؤامرة, مقدامناش غيره, يعني نسيبهالهم ؟
بس أنا لسه مش فاهم هيعملو ايه في راس السنة, ده حتى كل الناس بتبقى في بيوتها عشان تحدف صوايخ, أو على الأقل عشان ميتحدفش عليها ازاز

Albida said...

متشكرين جدا يا خالد.. نردهالك فى الافراح أن شاء الله
:)


manal

Anonymous said...

el kalam el 3al blog gamed fa7t bas el moshkela en sa3at beyeb2a el 7'at so3'ayar

Khaled Khalil said...

أفراح ايه, إنتي شكلك مش ناويا ترديها
طب قولي مآتم, أنا مليش أفراح

tafaseel said...

جميلة بجد
بس انا بردو نفسي افهمك
انت غامض جدا بالنسبة لي
حاول تزورني

Anonymous said...

انا اسفه يا تفاصيل لكن انت عاوز مين بالظبط اللي يزورك؟؟
و بعدين الشخص الغامض ليك ده يعني لو هو او هي زاروك حينجلي الغموض ده مثلا و لا ايه يعني؟؟

تحياتي

حفصة

tafaseel said...

مع تحياتي يا حفصة
انا وصفت استاذ خالد من وجهة نظري هو فنان انا باحترمه جدا من زمان بس ساعات انا باحس اني مش فاهمه كويس
اما بالنسبة لدعوتي ليه للزيارة ف هو ك شخص انا باحب شغله و باحترمه يشرفني انه يزورها
و يا ريت تزوروني كلكم
ملحوظة كنت اتمنى ان يرد هو و ليس نائبا عنه

Anonymous said...

استاذ خالد موكلنيش ارد بالنيابة عنه
مش قصدي ازعلك لكن بس استوقفني التعليق

تحياتي

karakib said...

انت فين؟ انا قريت اسمك علي فيلم كمؤلف ... هو ده حقيقي ؟؟؟ و ما تقلش
انتوك

mony said...

لازم ترد يا خالد إذا كان الكلام ده صح و اللا كدب مش مهم بس المهم فين الحقائق لازم ترد

KHALED-ELSAWY said...

كراكيب حلوة قوي:)
qd حاخد بالي من موضوع الخط ده شكرا.

تفاصيل حاضر حزورك واشوف ايه موضوع الغموض ده:)
انتوك ايوة حقيقي الفيلم اسمه السفاح عن قصة حقيقية وكاتبه انا وزميلي عطية الدرديري وحيبدأ تصويره قريب انشاءالله.
بالنسبة للي بيتكلم او بتتكلم نحب الأول مادام حنخش في تجريح من النوع المنحط ده اننا نعرف مين اللي بيتكلم.. ولا غلط؟ لو انت شخص جبان أو جبانة ولو انت متصور انك بشغل العيال ده حتوصل للي في دماغك انت او اللي وراك ايا من كانوا فتبقى ساذج أو ساذجة.. انا واصدقائي دول عاملين مجتمع صغير للشعر وتبادل الافكار مش للنميمة القذرة ولا للتشهير بالناس.. لو انت ليك عندي حق ومستفز مني قوي كده قول انت مين وايه المطلوب.. لو انت واحد او واحدة من اللي طردتهم من الفرقة لسبب او آخر مثلا أو مأجور من جهة ما لسبب أو آخر برضه فانت جيت للمكان الغلط.. الناس اللي هنا مش مهتمة بوقاحتك صدقني. اخلع.. انصرف:)

KHALED-ELSAWY said...

عاوز اضيف حاجة يا جماعة ، من سنتين كده كانت بتجيلي تليفونات سافلة ليا ولأهلي كمان واتكتب عن الموضوع ده في الجرايد وعلى النت وقتها، كانت فيه شخصية ما من كثر جنونها تصورت انها لو لم تحصل علي بالذوق حتولع عربيتي وكلام تافه من ده.. سواء برضه كانت الشخصية دي على علاقة بالكلام المنحط ده او لا فده بيدينا فكرة عن نوع أعدائي للأسف.. نوع جبان مايقدرش يواجهني ولو قدام الناس كده، وخسيس بيدي لنفسه الحق انه يكون سافل مع اهلي في معاكسات تليفونية بلغت عنها وقتها.. نوع مختل ولا يرد عليه الا بكلمتين.. خليك شجاع أو شجاعة وواجه.. ها.. حتواجه ولا جتنصرف؟

KHALED-ELSAWY said...

وأخيرا بعتذر للجميع اني مسحت البوست الشاذ ده عشان فيه تجريح بناس ثانية وانا مش بمسح اي تعليق يهاجمني فنيا او فكريا او على مواقف عامة ولكن لازم يكون تعليق يخصني انا بس وشكرا للجميع

Anonymous said...

خلاص يا أستاذ خالد روق دمك:)... ماعتقدش أن اللى كتبت الكلام ده هترجع تانى بعد الكلمتين الجامدين دول, خصوصا أنها معندهاش الشجاعة الكافية علشان تقولنا هى مين وعلى أى أساس بتقول الكلام ده

أعملك لمون؟ ولا بلاش!.. تلاقيك كرهته من ساعة الأنفلونزا اياها
:)

manal

Anonymous said...

الى الصديقه العزيزه
انتى السبب اللى خلانى اكتب حاجه هنا فأنا دايما اقرأ وارجع الى قواعدى سالما الى نيويورك الحبيبه. لنفرض يا صديقه يا عزيزه ان مستر خالد فعلا واد لعوب ومقطع السمكه وديلها فدى فى البلاد المتخضره للى مافيهاش ناس زيّك بيسموها حريه شخصيه. هو حر يعمل اللى عايزه فى حياه الشخصيه. لو عمل حاجه غلط هتعيبه عند جمهوره يعنى هو الخاسر الوحيد. انت بأه مخنوقه وواخده الموضوع على صدرك ليه. لو خايفه ع البنات اللى هنا, اطمنى دول بنات رجاله بجد وماتخفش عليهم. روحى يا شيخه خنقتينى الله يخنقك.
جتكم نيله مليتوا البلد

Anonymous said...

يسلم (بقك) يا رأفت
:)
فعلا تنفع فتوة للبلوج بتاعنا
:)

وبالنسبة لطنط اللى كل شوية تدخل وترمى نفس الكلام كده (الظاهر حد محفظهولها)! مرسى جدا على النصيحة وشاكرين أفضالك.. ونستغنى


manal

Anonymous said...

اى خدمه يا منال..
ابعتى لى ايميل علشان عاوز اكتب حاجه لصوتها. كنت ها ابعته لحفصه بس مش لاقيها

واحده said...

خالد بيفرح بكلام يطلعه في سابع سما حتى لو مش حقيقي و بيشيل التعليقات اللي بيتكتب فيها آراء الناس فيه بصراحة.
وده أكبر دليل على صحة كلام الاخت اللى سمت نفسها صديقة عزيزة!!!!

Anonymous said...

ايه ده ايه ده؟؟؟
اخرج ساعتين ارجع الاقي البلوج مقلوب بالشكل ده
مين الولية دي؟
مين داسلها على طرف؟
هي هبلة و لا عاوزة تفتح بلوج جديد و حابة تعمل فرقيعة؟

ايه المصايب اللي بتتحدف علينا دي

Anonymous said...

يا أخت واحدة.... الكلام اللى أنتى بتقوليه ده مالوش اى أساس من الصحة والدليل على كده: ألقى نظرة صغنونة كده على المدونة هتلاقى ناس كتيرة اوى هاجموا الأستاذ خالد وهو ساب تعليقاتهم ورد عليهم كمان
المرة الوحيدة اللى مسح فيها تعليق كان واحد حاطط أعلانات

وبقى أتاكدى الول قبل ماتحكمى على حد... أحنا بقلنا كتير هنا فى البلوج وعارفين الأستاذ خالد بيعمل ايه

manal

واحده said...

يا أخت منال انا مش ضد الاستاذ خالد انا قلت كده عشان امبارح بليل حطيت تعليق في منتهى الاحترام والحيادية وكان تعليق على موضوع الصديقة العزيزة و هو حذفه..أنا لا صدقتها ولا كدبتها.
كل اللي قلته ان لازم الواحد يكون صادق مع نفسه قبل مايكون صادق مع الناس!
يعني لازم اقول انه انسان عظيم و مفيش منه اتنين عشان يسيب تعليقي؟
عموما لو هو كان شايف انه على حق وان كلامها غلط كان ساب التعليق مادام مفهوش كلام بذيئ وجارح!!!

KHALED-ELSAWY said...

اولا اللي كاتبة التعليقين نفس الشخصية فأنا حرد عليها تحت أي مسمى__ أسلوبك يفسد دعواك__ لو لك حق قولي انا فلانة وحقي كذا__ لكن ده أسلوب رخيص ينم عن شخصية مريضة تستحق العلاج مش الهجوم المضاد الحقيقة_ ثانيا انا مش بمسح الا السفالة ضد أطراف ثانية زي خطيبتي السابقة اللي هي انسانة رائعة ومازلنا زملاء في الفرقة وعلاقتنا الشخصية والعائلية جيدة وده يوضحلك قد ايه بحرص على دوام العلاقة بالمحترمات وماليش عداوات الا باللي بكتشف انها منحطة_ غالبا انت واحدة منهم_ غالبا انت نفس المريضة بتاعة زمان_ مش مهم_ انا مش حمسح كلامك لأنك حتكتبيه تاني_ حخليه كنموذج لحالة تستحق الدراسة وبدعو كل أصدقائي لمتابعتها_ فيه انسان محترم وناضج وطيب يلجأ لكده؟ خللي كلامك شهادة إدانتك_ بس بحذرك ممارسة العدوانية الجبانة فترة طويلة بتصعب حالتك وبتأخر شفائك_ بيسموا أمثالك في السيكولوجي سايكوباث يعني خرب الروح_ دول اصلا علاجهم صعب فماتصعبيهاش اكثر_ وفي النهاية ارجع وألوم والديك لأنهم اهتموا بأمور أخرى غير تربيتك_

واحده said...

على فكرة يا استاذ خالد ويا شباب و يابنات.. اقسم بالله اني مش نفس الشخص اللي كتب الكلام ده.. انا مجرد واحده قالت تعليق محايد. انا معرفش الاستاذ خالد كفاية ولا اعرف البنت اللي كتبت الكلام ده.
وكان من الاحسن يا استاذ خالد انك تتأكد الاول احسن ماتقول كلام جارح يطلع من انسان محترم!!!

Anonymous said...

طيب يا واحدة ايه رايك تكتبي اسمك الحقيقي؟؟و لو فعلا كتبتي اسمك الحقيقي ساعتها بس استاذ خالد هو اللي يقرر اذا كنتي واحدة محايدة و لا لأ

و بعدين انا متاكده ان استاذ خالد محذفش بوست الانسة اللي دخلت تقل ادبها الا عشان زي ما هو قال انه فيه كلام بيجرح

الحاجة التانية اللي اعتقد انها فاتتك و بينت شئ صغير للي بيفهم
لما اي حد بيكتب نعليق
سواء التعليق ده اتحذف من صاحب البلوج او من صاحب التعليق نفسه فده بيبان
:)
يعني لغايه دلوقتي استاذ خالد بيقول انه ملغاش غير تعليق الشخصية اياها مع ان اللي باين على الصفحة هو تعليق ملغي من الكاتب نفسه
واهي الهانم كتبت تعليق تاني و برضة لسه باين
لكن تحيزك و ردك على الموضوع ، ده اذا كنت كتبتي حاجة، و ظهورك المفاجئ على الموقع نفسه خلاني استغرب
يعني احنا عمرنا ماشفناكي في ولا بلوج عشان اقول انك متواجدة على الساحة التدوينية

تقومي فجاة تخشي كده و تعلقي بشكل (موضوعي)؟؟؟؟؟؟
ممممممممممممممممم

يعني عرفتي منين ان خالد مسح و ان فيه شخصية كتبت كلام حقير و انه و انه

رويترز خبرتك يا شابة و لا الاسوشيتد برس؟

يعني حتى مش عارفة تكدبي؟؟
والله انا بكدب احسن من كده حتى لما اكون مش مهياة نفسي
طيب على الاقل وضبي الخطة صح او اعمليلك نظام هجومي متكاتف الادلة!!!

بجد فلمك فاشل من فكرته

ربنا يهدي الكل

تحياتي

واحده said...

بصي يا شاطرة.. ياللي مش بتعرفي حتى تتكلمي زي الناس المحترمين.. اولا انا كلامي كله كان بأسلوب محترم.. وأداب الحوار تفرض عليكي تردي على المحترمين باحترام. ده أولا.
ثانيا.. انا دايما بتابع البلوج بتاع استاذ خالد و مش معنى اني مش بعلق او محدش شاف اسمي قبل كده يبقى انا داخله اكتب كلمتين واجري.
ثالثا. انا اقسمت بللي خلقني و خلقك واللي قادر يشل ايدي اللي بتكتب لو كنت بكدب اني مش نفس الشخص اللي مسميه نفسها صديقة عزيزة دي ولا اعرفها ولا عمري اتكلمت معاها ولا اتكلمت مع اي حد يعرفها.وكمان انا مش بهاجم خالد عشان تتكلمو معايا بالأسلوب ده. اللي مش عايز يصدق هو حر انا مش مضطرة اكدب لأي سبب من الأسباب لأني مش بخاف و مش مضطرة احلف تاني.
وعموما شكرا على زوقك وكتر خيرك.

واحده said...

على فكرة.. انا قلت انه مسح اول تعليق ليا عشان انا كتبته بليل و دخلت الصبح مالقيتوش!! وده اللي خلاني مستغربه!!

يعني انا لا بكدب ولا بخرف وبيتهيألي.

Yasmin said...

This is what appears..

Comment Deleted

This post has been removed by the author.

Friday, 10 November, 2006
---------------------

يعنى اللي كتب التعليق هو اللى مسحه!!!

واحده said...

تعليق البنت اللي غلطت في خالد هو اللي ماتحذفش وهو نفسه اللي بيقول انه حيسيبه. وتعليقي انا هو اللي اتحذف.
ركزي شويه يا حفصة وقولي كلام مفهوم!

salateenoo said...

واضح يا أستاذ خالد ان المدونة بتاعتك تحولت لساحة عراك بناتي جدا..

اذا كان التعليق على اشعارك وكتاباتك الجميلة سيلهيك عن متابعة الكتابة ..فأرجو منك أن تغلق التعليقات على المواضيع ..

nour said...

هاهاهاهها
خايفة على البنات اللى فى البلوج..
دى احلى نكتة سمعتها..لا البنات بيعرفوا يحموا نفسهم كويس
و يا جماعة محدش ينرفز نفسه و لا يتخانق
الاخت قالت رأيها و احنا مش مصدقينها..و احلى حاجة هو التجاهل التام خليها تتكلم و احنا برضه مش هنسمع
بالنسبة للاخت واحدة كان نفسى اقولك ان الاسلوب بين الاتنين واحد و ان اسلوبك بينط من كلامك بشكل يخلينا متأكدين ان انت نفس الشخص بس للاسف مقدرش اقول كده لانك حلفتى و انا مش بكدب حد..
خلاصة الكلام اللى ليه عندك حاجةيا استاذ خالد يقول اسمه و هو مين بصراحة و يجى ياخدها
و اللى ملوش ميلزموش
و ارجوك طنش العوء ده و اكتب حاجة جديدة بقى علشان ننضف عينينا و وداننا اللى قرت و سمعت الكلام الفارغ ده.
محدش ثقته فيك اتهزت يا استاذ و مظنش واحد كان بكل هذا الحزن و الغضب بعد التحرش بالبنات فى وسط البلد ممكن يعمل كده..و لو عمل حتى كل واحد حر فى علاقاته و محدش بيضرب حد على ايديه

khalakhelo said...

يا خبر, كل ده حصل في غيابي, دا أنا المفروض أركز أكتر من كده بقى

اهدا انتا يا خالد يا صاوي, مش طلعت وحش, مش تقولنا الأول

بصي بقى يا صديقة يا عزيزة يا أوي
ماتسيبيكي منا و تروحي لعزيزة, طب بلاش, طبعاً أنا مصدقك إن الأخ خلود طلع وحش و مايتآمنلوش, أيوة ياختي, احنا عارفينهم, صنف نمرود
غير كده أنا مقدر خوفك و حرصك على البنات اللي هنا, البركة فيكي بتوعيهم, بس أنا كنت عايز أقولك مش كل البنات عدم اللا مؤاخذة.. سذّج
طبعاً أنا عارف انتي مش ساذجة, بس انتي نيتك كويسة, بس البنات اللي هنا عندهم في راسهم دايرة إلكتروني بعيد عنك معقدة شوية, نهايته, بيفكرو يعني

يا واحدة, بالراحة ايه الإسم الغريب ده, هو حد كان قال عليكي اتنين قبل كده, حتى لو طخينة, أنا أكيد أطخن و عمر ما حد قال عليا اتنين ولا تلاتة
بصي بقى انتي لو أهلك مسموكيش, أنصحك تروحي أقرب سجل مدني تغيري اسمك, أصل زي مانتي عارفة أنا واحد و هي واحدة و هو واحد, مش هنعرف بعض كده, فاهماني, ده غير ان الله هو الواحد الأحد
اسمعي كلامي و جربي تشوفيلك اسم حلو, زكية فتحية حنفية, زي ماتحبي, بس يا ريت نبقى عارفين بنكلم مين

ياسمين, أنا آسف التعليق اللي صاحبه مسحه ده كان بتاع خالد خليل, كان بيحاول يعمل لينك بس هو فاشل من يومه

نرجع تاني لخالد الصاوي الوحش, تعرف أنا مرة واحد جالي بلوجي شتمني منغير سبب, بس خالد خليل (هو مش هييجي هنا دلوقتي للشبهه) رد عليه و عمل الواجب و شتمني برضه, بعد يومين تلاته لقيت واحد بيشتم مش عارف بيشتمني ولا بيشتم اللي شتمني بس كان شخص قذر و ده كان باين من التعليق رحت حذفته و منعت تعليقات المجاهيل
أنصحك تمنع تعليقات المجاهيل, يبقى أوضح لو صاحبة الكلام اضطرت تعملها حساب عالبلوججر

واحده said...

يا جماعة والله عيب كده.. يا استاذ خلاخيلو يعني انت اسمك خلاخيلو؟
ماهو اكيد اسم مستعار زي اي اسم هنا وزي ما انا اسمي المستعار واحده!! و مفيش حد من حقه يسأل عن الاسم الحقيقي لحد تاني!
على فكرة ماتفكروش ان خالد حيبقى مبسوط من الكلام اللي انتو بتهاجموني بيه ده عشان ترضوه لأنكو بتهاجموني بأسلوب غير محترم. وفي المقابل انا برغم كلامكو الساخر برد عليكو باحترام.
انا من أكتر المعجبين بالرائع خالد الصاوي و مفتكرش ممكن حد يقول على خالد الصاوي رائع يبقى هو نفس الشخص اللي قال عليه الكلام اللي قالته اللي مسميه نفسها صديقة عزيزة دي.
ويا استاذ خلاخيلو يا محترم.. انا برضه مش حغير اسمي عشان دي حريه شخصية ومش من حق اي حد يفرض عليا اعمل حاجة انا مش عايزاها.
كل الاحترام والتقدير لكل من هاجمني وكل التقدير للاستاذ خالد الكاتب والممثل الرائع! وارجوكو يا جماعة عشان البلوج ده يفضل جميل ومحترم زي ماهو دايما كده.. ياريت كل واحد يلتزم بإبداء رأيه بأسلوب متحضر و راقي سواء كان مؤيد أو معارض.

Anonymous said...

يا جماعة سواء كانت واحدة هى الصديقة العزيزة ولا لا فالله اعلم بحاجة زى كده... ويا واحدة لو كنت فعلا واحدة تانية فاحنا اسفين بس أنتى اللى دخلتى شمال الصراحة! ولو كنت نفس البنت فربنا يسامحك

وياريت يا جماعة منكبرش الموضوع أكبر من كده
مش عايزين نخلى طنط اللى كتبت الكلام ده تحقق غرضها الدنئ وتوقع بينا وتقلب البلوج المحترم ده لساحة عراك

خلاص بقى يا جماعة... فضوها سيرة
صافى يا لبن؟ ولا عايزينى أعملكم حفلة تانية فى البلوج عندى
:)


manal

واحده said...

ميرسي لزوقك يا منال بس انا مدخلتش شمال ولا حاجة انا قلت رايي بس مش اكتر.
عموما حصل خير و ربنا يسامح كل اللي غلط فيا. وزي مانتي قولتي الله اعلم اذا كنت انا هي ولا لأ. بس انا حلفت بللي أعلم مني و منكو كلكو.
حصل خير

Anonymous said...

حصل خير فعلا
بس هي المشكلة اني فعلا ركزت في كل اللي انكتب و بالمنطق بان اللي بان
و انتي اللي ابقي ارجعي ركزي في المكتوب او حتى ارجعلي لتعليق واحدة اسمها ياسمين
بس ابقي اقري التعليقات كلها اقبل ما تردي

KHALED-ELSAWY said...

انا شايف ان الحالة صعبة يا أنسة بجد _ _ عموما أديك عرفت الناس النظيفة بتقعد فين_ كملي لفتك في فضاء النت الرحب وأما النوبة تعدي ابقي عدي_ البنات صديقاتنا عاملين بلوج اسمه صوتها للدفاع عن المرأة فاهمة الدماغ ؟ يعني بنات ثانية غير اللي انت طالعة في وسطهم_ والشباب هنا مهذب وعاوز حل لمشاكلنا يعني حو تاني غير اللي انت ترعرعت فيه_ انا بنسبة 90 في المية عرفتك بس برضه مش حظلمك_ ربنا يشفيك بجد.

Anonymous said...

ربنا يخليك يا أستاذ خالد نزل حاجة جديدة بقى! علشان أنا اتشاءمت من البوست ده

وياريت كلنا ننسى اللى حصل

نهاركم فل وياسمين... نهاركم ايه؟!! قصدى مساكم
ماعلينا.. كل واحد حسب التوقيت المحلى لبلده
:)

manal

أبو أمل said...

بس حاسب النخلة
تقع علينا

tafaseel said...

وانا كمان زهقت من الجو العجيب ده
شكرا على ردك
و مستني زيارتك
علي البورسعيدي

khalakhelo said...

ايه الكلام ده يا "واحدة" أنا مش عارف ايه الأسلوب غير المحترم اللي استخدمته, أنا بقولك اسم واحدة مش واضح, يعني لما أقول واحدة دخلت البلوج انهارده, فهمتي ايه ؟
و بعدين أنا لا شبهت على انك صديقة عزيزة ولا صديقة لدودة, بلاش محاولة اجتذاب الأعداء دي, أنا مغلطش فيكي و مش مضطر أعتذر
أنا بس كنت عايز الناس هنا تبقى عارفة بعضها, مش بالشكل, ولا بالإسم الحقيقي, بس بطريقة تثبت إن الشخصية اللي بتتكلم دلوقتي بالإسم ده هي اللي هتتكلم بيه بعدين, مش ممكن أنا أدخل باسم واحدة دلوقتي ؟
يا ريت لو تعملي حساب على بلوججر.كوم عشان محدش يدخل باسمك
و على أي حال, أهلاً بيكي

واحد said...

فهمتي يا واحدة ؟

خَلاخِلّو

purple rose of cairo said...

انا جيت اقرا شعر لكن للاسف جيت لاقيت نميمة و ردح و اسفاف
و الكل هنا متهم

الاسبوع اللى فات حضرت نقاش بين بعض السينمائيين حول طرح السيرة الذاتية للفنان فى اطار درامى
اتكلمنا عن ام كلثوم و السيندريلا و العندليب و كان السؤال المطروح هل من حق الكاتب التطرق لتفاصيل الحياة الخاصة للفنان؟ هل الفنان انسان له اخطاء من حق جمهوره ان يتطلع عليها و الا الفنان نصف اله مابيغلطش ابدا... الحقيقة هو انسان و بيغلط و نجوميته بتسمح لجمهوره انه يقتحم حياته . السؤال الثانى هل من حق الجمهور محاسبة الفنان على حياته الخاصة؟ ماظنش ده حق الجمهور... الجمهور حقه فن.

اكتب شعر يا خالد و معلهش انت فتحت لنفسك مساحة عامة بتسمح للناس انها تكلمك مباشرة. لو الصديقة كذابة حقك تكذبها و لو هى صادقة حق جمهورك يسامحك و يقبل انك بشر بيغلط او انك راجل مقطع السمكة و ذيلها او يرفضك و يصدر عليك احكام و يتهمك بالفسق و المجون الخ الخ و حقك برضه انك تتمسك بخصوصيتك و تتجاهلها و تكتب شعر

اكتب شعر يا خالد

purple rose of cairo said...
This comment has been removed by a blog administrator.
purple rose of cairo said...

اسفة يا جماعة تعليقى نزل مرتين.... مش عارفة ليه و مش عارفة امسحه

Anonymous said...

عندك حق يا
purple rose of cairo

خلاص بقى يا جماعة.... أبوس ايديكم واحد واحد كفاية كلام فى الموضوع ده! ياريت نقفله ونتربس عليه بالضبة والمفتاح ونرمى المفتاح فى أقرب بلاعة وننساه خالص
أنتم حرين اللى هيكتب تعليق تانى بعد ده -غير الأستاذ خالد طبعا- أنا
هاحرمه من الميراث
:) :)

ورغبة منى فى تغيير الموضوع.. احنا -بنات صوتها- عاملين استفتاء! ياريت تزورونا وتقلولنا رايكم

فى لنك للبلوج فوق عامله زميلنا خالد خليلى


manal

KHALED-ELSAWY said...

بربل روز لما واحد يخش على ناس بتتخانق ويكون رد فعله "ايه قلة الأدب دي كلكم غلطانين " الضارب والمضروب سواء يبقى شخص بلا إضافة.. مجرد لقى فرصة انه يقول كلمتين وخلاص.. انت مش الميس الناظرة عشان تغلطي في الكل وتفرقي نصايح.. لا انت فاهمة الموضوع ولا بالتالي عندك شيء مفيد تقوليه يبقى الصمت أفضل.. تعليقاتك السابقة لو تفتكري نادرا ما كان ليها علاقة بالشعر أصلا.. وانت أول حد ييجي ويحول الكلام من الشعر لحياتي الشخصية.. أي واحد بيفهم في تحليل الجمل حيعرف العلاقة الوثيقة بين كلامك وكلام واحدة وكلام صديقة غير عزيزة بالمرة.. فبلاش تحاولي تذاكي علينا.. تغيير الأسماء مش معناه ان الروح متغيرة.. انا رديت على اتهامك الوقح ليا مرة وتجاهلت الرد على أسلوبك السخيف أكثر من مرة ودلوقتي بقولك لو مش حتعرفي تحترمي الناس هنا وتحترمي حرية الحوار والخناق حتى حتسمعي ما لا يرضيك.. أعتقد مفيش أوضح من كده.. محاولة افساد البلوج محاولة متوقعة.. ومحاولة تشويه صورتي مفهومة طبعا.. بس معلش كان غيركم أشطر:)
منال فهمت وجهة نظرك .. بس صبرا عشان تتضح الحقائق قدام الكل.
في النهاية يا جماعة انا بعتبر انه فيه فيروس أصاب البلوج اسمه كذا مرة أو كذا مرة تانية المهم انه نفس الروح لأنه نفس الفيروس. 3 ستات بيدقوا على نفس المسمار.. عاوزين يقولوا ان الراجل ده اللي هو انا شخص فيه العبر.. راجعوا كلامهم كده.. ليه فيه حد مهتم يقول كده؟ انتقام؟ من ايه؟ ما تقول بوضوح من غير الاسلوب الساقط ده.. ماتقدرش.. عشان ماعندهاش اللي تقوله.. مثلا بربل روز.. قوليلنا كده منين معلوماتك اني بكره الستات؟:) طيب اذا كنت بعمل عكس ده وبقول عكس ده برضه تبقي جبتيها منين؟ وليه تحمست لفكرة انك تخشي البلوج اللي مفيهوش غير شعر ومقالات وتبادل آراء عامة عشان تزرعي مسمار الحياة الشخصية؟ طيب يا صديقة غير عزيزة هل فعلا كلامك نابع من خوفك على البنات ولا لك اسباب تانية؟ ولو هي اسباب عادلة مارحتيش محاكم ومابلغتيش جرايد ليه؟؟ وأخيرا واحدة.. ايه سر حماسك؟ اني مسحت وقاحة صديقة؟ طيب وانت مسحت كلامك ولا انا؟ وهل معقول لما امسح تعليق يتكتب تاني بالمللي؟؟ يعني مسيفاه وورد وبتنقله بس.. يعني مرتبة للتشهير مش كلام عفو الخاطر.. ثقتي في ذكاء كل أصدقائي كبيرة زي ما فهمت حفصة كده الموضوع بدري..انا واثق ان اللي حيدقق حيفهم سر اهتمامي بكشف الامور.. بربل وواحدة وصديقة هم نفس الشخص او على الاقل خالص.. واحدة منحطة وصديقتها الاكثر انحطاطا للأسف.