Wednesday, November 01, 2006

لابد من


لابد من حركة مباغتة
أراوغ الجميع بها
آخذهم في اتجاه ما
ثم كسهم ناري أطير
في اتجاه معاكس تماما

لابد من حركة مباغتة خطيرة
أكاد أكسر فيها عنقي
أكاد أخسر فيها حياتي القصيرة

لابد من حركة مباغتة بارعة
ألم بها كرامتي المنثورة
وأرد بها للحياة الصفعة

10 comments:

Hafsa said...

اخر سطر فكرني بحاجة كتبتها بس الاسبوع اللي فات
اما عن المراوغة فهي واجبة و مطلوبة
"
فمكروا و الله خير الماكرين"

تحياتي

KHALED-ELSAWY said...

دي كتبتها بعد ما خنقوا فيلم عبد الناصر اللي هو كان فرصتي الكبيرة جدا لحظتها.. منهم لله:)

fadwa said...

we are with you in whatever you are doing,,,
we are with you,,,
and why did they refuse your film,,?

Albida said...

أنا شايفة أن حضرتك بتحب الحركات المباغتة أوى... فاكر لما قلتلنا أن الاصلاح فى مصر مش هيجى الا بحركة مباغتة... كأننا سايقيين عربية وحوادنا الدريكسيون مرة واحدة ناحية الشمال... ويحصل اللى يحصل بقى

manal

foxamr said...

حركة مباغتة تلك ما نريدها حركة مباغته تفتح في الوجه انفاق اندهاش تتسع العين لتمر منها الاف الاسئلة
حركة مباغت استاذي العزيز بلا جسد كيف نتقنها؟؟؟؟

وينكى said...

نظريا ممكن يكون الكلام دا معقول وحلو جدا
لكن الحركه المباغته دى.. مش لازم تكون مدروسه كويس.. نعرف ايه نتايجها وعواقبها؟
أنا باعشق المفاجآت والمباغتات
لكن شكلى هايبقى وحش برقبه مكسوره.. يؤهلنى لاتخاذ مكانى على باب السيده
معلش أصلى قاعده دلوقتى الساعه 4 صباحا( وقتى المفضل) وفايقه ورايقه عالآخر
اللى بيحب الشيكولاته يقول قبل ما تخلص

Violena said...

جميلة تلك الحركة المباغتة

أجمل ما قرأت لك :)

nour said...

حلوة اوى

Romahali said...

it is really nice one... when i read i felt that we have to do what we want ...not to take something is not yours but something they take it from u by force .. it is not stealing but it is kind of war plane ....to have somthing it is belong to u came so difficult now...
u know Mr. Khaled i try now to look by the ant eye's" عين النملة" " as u said bfore" i guess now it will work en shaa allah some how in my work .. i spend this time try to think how to change the bad style in our work or life ..i guess u r right ... i did somthing at my work... some how i try to break the stubid rules ..but i am waiting the result in the next two days en shaa allah so i hope from God to help ...
thanks so much for readng and for the comment that i will never forget

by the way i see your blog everyday but i did not add comment most of the time...as i told u i am addicted.. i can stop look at it ...happy valantine 4 u and 4 all ur friends in the blog...

Romah

KHALED-ELSAWY said...

مارفضوهوش يا فدوى هم بس رزلوا علينا جامد واحنا بنعمله وشنكلوه في السكة كتير لكن هو في النهاية مقدرش يدافع عن نفسه فنيا في الأساس.. اهي تجارب بنتعلم منها.
منال يحصل اللي يحصل دي مدياني احساس اننا حنغامر بمصر وده طبعا مش قصدي بالضبط، المغامرة مطلوبة لكن بعد حسابات كثيرة، ولو فيه نسبة عالية من الخطر لازم نضبط اقتراحاتنا على هذا الأساس.. مغامرة آه لكن مخاطرة متهورة اكيد لا.. لكن اللي اقصده اكثر هو انك لما تلاقي الخطة تنفذيها ازاي؟ بحركة مباغتة.. هكذا ينتصر القائد الأرب -زي الأروبة كده- على من هم أكثر منه عددا وعتادا احيانا:)
فوكس معنديش نظرية متكاملة عن فنيات الحركة المباغتة، على حسب السياق المطلوب فيه التحرك.. ولكل مقام مقال.
وينكي حاسس اني رديت كده عليكي صح؟ وعموما لو حاسة ان رقبتك حتتكسر متعمليش الحركة طبعا بس ساعات بتدخلي المعركة بغض النظر عن الخساير المحتملة -ورقبتك العزيزة منها طبعا لا قدر الله- بناء على حسبة تانية.. بس انا معاكي لو نسبة الخطر عالية قوي لازم نؤجل الفعل.. وهي في النهاية دقة توقيت زي القتال بالسيف أو اللعب على المتوازي.
شكرا فيولينا..على كده حتحبي بجانيني عازف الفيولينا الفظيع المجنون طبعا:)
روماه انا سعيد جدا ان فكرتي أكلت معاكي:) وسعيد أكثر انها بتقول وعاملة نتايج .. ربنا يفرح قلبك فرحتيني بجد:)