Sunday, November 05, 2006

رسالة

مالكش حق تعيش يا واد
لو كنت محروم مالألم
وان لم يمس الحزن قلبك لم تكون إلا عدم
وان رق قلبك ولا لان ولا انقسم
تبقى صحيح يا واد بشر
وان هشّ عودك وانكسر
تبقى بديت تحبي وتحب
ده الكون ده كله كان محب بدون حبيب..حتى انفجر
وجريت يا واد في الأرض سابقت الشجر
وحاربت كل الموجودات
وحاربت كل الموجودين
الحزن دين
وانت اللي لازم تحمله
ومالكش حق انك تقدم الاستقالة
ومالكش قلب تعود ماوصلتش رسالة
الكون غرام..وانت اللي هايم في الألم
إن دق قلبك وابتسم
تبقى بقيت يا واد رجال
قادر قدارة على الفرس وعلى العيال
الكون غرام
والنفس لانت للجام
وانت اللي لازم يا ولد تضرب جرس
وتصحي كل الموجودات
وتصحي كل الموجودين
ماتخافش من لحظة فرح
ماتخافش من هفوة أنين
وان زقزقت أمة كناريا ف مهجتك ولا بكت
تبقى بقيت يا واد عجوز
تبقى استويت زي النخيل
زي العنب..زي السنين
ويبقى يابني حلال عليك
ترجع وتحلم باللعَب:)

6 comments:

maaly said...

مش لاقية كلام اعبر بيه، غير أني أقول فعلاً أحسنت، كلام يمس القلب بجد، معبر جداً

Romahali said...

i am totally with Maaly..she is right ...there is nothing i can say about it ...it describe different stages of human stages in his life especially the one related to his heart...and i guess maybe it is the same categories with man or women they had the same emotion ..but different ways to express about.
love and getting old " some how" give u kind of power ..and good decision to take.
and when u getting more old wil return to child again.
that is what i feel may be wrong may be right?

aha again guys happy valantine for every one and special 4 u Mr. Khaled

Romah

KHALED-ELSAWY said...

شكرا روماه وعيد حب سعيد لك ايضا وللجميع

وينكى said...

حلوه قوى فكرتها وصورها
ابداع حقيقى
عندى احساس مستمر مش عارفه ليه
دايما باتخيل القصايد العاميه كأغنيه بصوت على الحجار
غريبه مش كده؟؟

Hafsa said...

i thought that valentine's day is in 14 of february?????

Albida said...

أصل احنا عندنا هنا فى مصر واحد تانى يا حفصوصة... فضا بعيد عنك! من قلة الأعياد عندنا

ربنا يستر بس ومايجيش اليوم اللى نحتفل بيه بعيد الاستقلال الأمريكى ولا عيد الحصاد الصينى
:) :)

manal