Tuesday, November 14, 2006

ابتهال

يا رب يا ملك الرحمة
إديني من صبرك نفحة
الظلم قادر في العالم
والرحمة مالعالم شاحة
إديني عود أخضر نابت
وزمزمية وفول نابت
واطلقني في أرضك صابر
وعلى المرار افضل ثابت
إديني قوة تدفيني
وتحط لي في قلبي الفرحة
واصفح يا ربي عن ذنبي
لو كان لي ذنب ف غير نفسي
واللي عملته أنا ف نفسي
إشرح لي ليه كنت أسيره
واشرح لي صدري بألحانك
واديني من فنك حبة
واديني عالشّيْطان قدرة
واكسر له سيفه ومناخيره
واوهبني من عندك شابة
تفهم فؤادي وتعبيره
وتخرج الخوف من جسمي
وتملا بيتي بمحبة
طمعان كمان فيك انا أكثر
طمعان كما العود الأخضر
إرويني أكبر ف رحابك
وقلبي يسعى ف ركابك
وأواجه الظلم السافل
بإيدين بتقدر وتقاتل
حدّ الضرورة ما تحوجني
واسترني ورا مليون ساتر
إكشفني بس لأحبابي
واكشف لي خطة أعاديا
واديني بدل السيف مية
وقبلهم هاتلي شبابي
وكمان أنا طمعان ثاني
فيك يا رحيمي يا رحماني
تديني رحمة بمهزومي
واملك فؤاده محبوبي
ويكون لي بيت وسط بلادك
وعيال ما تورثشي عيوبي
وأموت وانا مرتاح جدا
إني بقيت أبّاً جداً
وسبت في الدنيا علامة
ويقولوا كان راجل جداً

84 comments:

وينكى said...

آآآآآمييييييين يارب

Mariam Mekiwi said...

Howa da begad el Do3aa2 el men el 2alb!! begad mesh 3arfa a3abbar 3an e3gabi bel namat da men she3r, gameel geddan we mo3abber we ma7sous awii!! Thank you Mr. Khaled i was delighted

احمد بهاء said...

السلام عليكم ورحمة الله وبركاته


ما اجمل ان يجد الانسان ما يعبر به
عن داخله

فالبنسبة لي وجدت نفسي
واستطعت ان اعبر عما بداخلي في مدونات جيران

ادعو الله ان يوفقك الى ما فيه الخير
والى الامام دائما مع الجديد المفيد
بارك الله فيك

انتظر زيارتك الكريمه
الى صفحتي المتواضعه مع ابداء
تعليقاتك واراءك على ما تحتويه من موضوعات

www.gharamoh.jeeran.com
احمد بهاء

دمت بالخير

ragazza11 said...

هاى يا خالد

حقيقى حلوة و بتعرفنا بجانب آخر من شخصيتك خالد الصاوى الانسان اللى قطع مشوار طويل فى هذه الدنيا - المدونة دى بتبين النضج فى شخصيتك لاننا فى النهاية نكتشف أن السعادة تتحقق باشياء قليلة جدا الحب و القرب من الله و حتى من ليس له ديانة فانه يخلق شيى يتعبدة مثل العمل أو الطبيعة كلها فى النهاية شيى واحد .

Anonymous said...

امين
بحق جاه النبي

Anonymous said...

سلام

Anonymous said...

اولا اشكرك على انك شلت الورد فيريفكاشن
ثانيا احب اوضح حاجة
حضرتك في ردك على بترفلاي قلت
"
بترفلاي هو انت عملت البلوج بتاعك من غير ما تحطي اي بوست او معلومات عنك ليه؟ عشان تقدري تخشي على البلوج بعد ما حددت الدخول بالبلوجرز؟
"
الورد فيريفيكشن لا يمنع دخول الغير مدونين لانهم ممكن يدخلوا بيها او من غيرها و برضة حيفضلوا يدخلوا لو هما مش مدونين الا في حالة واحدة
اذا حضرتك رحت عند سيتينجز بتاعت الكومنتس و اول لاختيار حيكون بتاع مين اللي تحبه يعلق
ساعتها حضرتك تغيره و تحطه على بلوجرز فقط

ارجو اني مكنش بتفلسف و ميكونش حضرتك عامل حاجة اعلى من مستوى فكري و منظري يبقي مسخرة في الاخر

تحياتي

Anonymous said...

صحيح نسيت اقول اني انا الانونيموس قبل تعليقي
قال ايه؟
قال كنت بجرب و بعدين اكتشفت عدم وجود ورد فيريفكشن
هههههههههههههههههه
و معرفتش امسحه
بس حبيت اوضح
السماح بقي لاني مهرتلة بقالي يومين
اسفه
سلام

KHALED-ELSAWY said...

شكرا مريم:) أخبار الموضوع الصحفي ايه؟ طلع كويس؟ وكلمت صديقنا اياه ولا ايه؟:) سلميلي على آدم اداني كتاب تحفة على فكرة.
شكرا يا احمد كلامك كله ذوق بجد واهلا بيك دايما:)
شكرا راجاتسا.. الا هو اسمك معناه ايه؟
خدي راحتك يا حفصة:)

Anonymous said...

فعلا دعاء جميل يا أستاذ خالد... جامع كل شىء تقريبا ممكن أن يطلبه أنسان من الله
حسيت فيه أوى بضعفك واحتياجك لربنا.. ربنا يحققلك اللى نفسك فيه يارب


manal

Anonymous said...

بجد يا خالد, واسمحلي اقولك يا خالد علي طول, انت لو مكنش الكلام ده بيعبر عنك ف هوا اكيد بيعبر عني و عن اللي جوا ناس كتير اوي, لأننا كلنا عايشين بشخصيتيين واحده منهم هيا اللي بتدعي الدعاء دهو والتانيه عكسها تماما, التانيه دي هيا رغباتنا و غرائزنا اللي بنحاول نتحكم فيا عشان متخرجش بره ويا رب نعرف نتحكم فيها عشان لو طلعت هتبقي مصيبه, هنبقي شياطيين ماشيه علي الارض.
و سوري اذا كنت طولت و لكيت شويه بس كان نفسي اقول الكلام ده لحد .

بجد يا خالد ربنا يوفقن ويكرمك

Anonymous said...

آمين يا رب العالمين

ما شاء الله
كلام صافي طالع من القلب

Lily said...

Ya Rab ameen ya ostaz Khaled

Ana elnaharda begad kont meday2a gedan fo2 ma momken tatakhayal, la2eny seme3t 7adota tanya 3an elta7arosh fe Masr, we mab2etsh 3arfa a2ol eh, tesada2 eny khayfa agy zeyara? mesh 3arfa anzel elshare3 ezay , we 3ala ra2y elfagoomy
meen me2amen yemshy amen , aw me2amen yemshy fein

howa da e7sasy belzabt, Ana asfa eny fata7t mawdo3 maloosh 3elaka bel post beta3ak bas ana fe3lan 7asa eny hata2 we hamoot mel gheez, hab2a a3ml le 7adretak forward ll email elly khalany mo7bata keda

elmohem, ana ama 2aret el post dah la2et nafsy ba2ol ameen ameen ameen men 2alby we mesh babatal, rabena yezee7 3ana elghoma de ba2a la7san tawelet 2awy

Rana K S A said...

i think the way u talked to god was glorious.its very hard to put such words together thus, we usually use the ones in holy books' . ur prayers shall ever be a grace khalid :)



رب عبدك قد ضاقت به الاسباب
وأغلقت دونه الأبواب
وبعد عن جادة الصواب
وزاد به الهم والغم والاكتئاب
وانقضى عمره ولم يفتح له الى فسيح مناهل الصفو والقربات باب
وانت المرجوّ سبحانك لكشف هذا المصاب
يا من اذا دعي اجاب
يا كريم يا وهّاب
رب لا تحجب دعوتي
ولا تكلني الى حولي وقوّتي
وارحم عجزي
فقد ضاق صدري
وتاه فكري
وتحيّرت في امري
وانت العالم سبحانك بسري وجهري
المالك لنفعي وضري
القادر على تفريج كربي
وتيسير عسري
اللهم ارحم تضرعنا بين يديك
وقوّمنا اذا اعوججنا
وكن لنا ولا تكن علينا
اللهم نسألك يا غفور يا رحمن يا رحيم
للهم لا تردنا خائبين
وآتنا افضل ما يؤتى عبادك الصالحين
واغفر لنا الى يوم الدين
برحمتك يا ارحم الرحمين

Elsede3' said...

hey,
first time to visit ur blog
liked it alot, not to mention this prayer akeed
nice work and AMEN

Mariam Mekiwi said...

Besar7a maksoufa akalemm sa7ebna iah :-) but i'm hoping to see him in the opening of the cairo film festival, As i told you i got the most outstanding marks for my article and this is thanks to you.I had the presentation about it today and the proffessors want me to leave history and start journalism. Adam beisalemm 3aleik awii. I hope to see you very soon and thank you for making me smile with your wonderful writings

karakib said...

انا متابعك ي استاذ و بقرا جديدك دايما و حلو كالعاده لكن امتحانات اعمال السنه اسأل نور و هي تقولك كمان الحاله النفسيه شكلها ايه ...
و حفصه كمان هي اللي كانت بتبعت تقول لي عالجديد عندك :)
شكرا لسؤالك برأيي المتواضع و اهتمامك اللي بيخجلني جدا باراء الناس ... فنان محترم اوي و موهوب شكرا يا استاذ علي سؤالك ...
هاني جورج
انتوك

Anonymous said...

begad it's great.....ana tool 3omri ba7sed elnas eli bet3rf te3br 3an eli gwahom keda belkalam w ba3tbrha ne3ma men 3nd rabena....w enta 3abrt 3an eli gwak w gwa nas keter 3ala ma a3taked...

Anonymous said...

استاذ خالد اسمحلي اطبع الرابط ده هنا
فيه صورة ليك و انت في مظاهرة و بتكلم مراسل الحرة
لكن شكلك كله تحدي و غضب
شفت العند و القوة و هي طالعه من عينك
جميلة لابعد حد
http://flickr.com/photos/elhamalawy/222952510/

تحياتي

:)

Anonymous said...

بجد مش عارف أقولك أية أنا بحترمك و بحس اتك غير بقيت الممثلين بس بعد ماشفت فيلم عمارة يعقوبيان زعلت اوى سواء منك او من اى اى حد عمل الفيلم دة تعرف لية؟
انا شفت الفيلم فى احدى دول الخليج وطبعا طول الفيلم عمالين يضحكوا على مصر و اللى بيحصل فيها
تصدق بالله انا كان نفسى انزل ضرب فى السينما كلها بس كان معايا مراتى خفت عليها ولو كان حد شتم مصر ولا قال اى كلمة ماكنتش سيبتة
انا عارف ان الفيلم من الواقع بس مفرض يتعرض للناس اللى بتفهم بس مش للناس دول
بعدين حرررررررررررام مصر مفيهاش حد عدل خالص كدة؟
دة حتى اللى قتل حاتم رشيد طلع حرامى!!!!!!!!!!!!!!!!!!!
أسف انى طلعت عن الموضوع

Rana K S A said...

i'm sorry anonymous but i don't thik ur assumption is right.. ppl didn't laugh at egypt nor at what happens in it!! u know why? because this happens in all arab countries. they are badly corrubted my friend and every body knows it. people only saw the ugly face in ya3qoobian. so let's not start this!!

Corruption is worse than prostitution. Prostitution might endanger the morals of an individual; as Corruption endangers the morals of the entire country.

Remy said...

Actually, I’ve been following the poems and the comments, lately. But I’ve never really thought to share. However, this one makes it a must! I read it over and over again. And it never stops amazing me! And every time I stop with a different concept to appreciate! How deep in meaning, yet easy to grasp! In fact, what attracts me the most is the profound sensitivity and deep feelings of the poet, that shows in almost every poem! I can’t find suitable words to comment on this one. Any how, I guess it’s a reflection for most of us!
Khaled, I salute you.
Ragazza11, yes, I believe you’re right. It’s the wide experience that seems to be speaking here.
And as for you anonymous I tend to disagree. I believe that one of the most powerful means for correction, is to show the negative aspects you wanna fix. The shock it creates and that sense of disapproval makes a bigger impact than any other.
Remy…

ragazza11 said...

ragazza means "girl" in Italian. Ana assfa ya anonymous 3ala e7sasak tegah yacoubian laken kol belad el 3alam men 7akaha tonkod nafsaha leih benez3al lama nonkod nafsena. Enta law etfaragt 3ala film syriana el amricany el seif elly fat 7atshouf ad eih howa beyonkod seyaset Amrika el kharegeya laken feeh nass fel film tayebeen nafss el 7ekaya fee yacoubian 3adel Imam we hind sabry feehom nakaa we teeba ya3ni el film mesh koloh 3an el 7agat el we7sha bass..howa e7na 3alashan et3awedna 3ala el she3arat el fargha fel garayed 3eshna fe wahm en el donia bekheir "masr takoum bedor el reyada" ady masalan she3ar gameel laken ma ab3adoh 3an el wake3! ma yenfa3sh nehrab men el wake3 la'enaha shaklaha mesh 7elw fi film ...

Anonymous said...

This is such a heartfelt beautiful prayer. As for the comments on the Yacoubian building, I think that it is high time we learned to confront the problems of our soceity and when we do that others will follow in our steps rather than criticize us. It was very bold of Khaled to play that role.

صديقة عزيزة اوى said...

على فكرة الحواديت كثير وانا مش حسيبك تعمل فيها فنان و مناضل على العيال دى و الامورة اللى قالت انها مش محتاجة نصيحة من طنط تبقى تسأل الناس اللى عرفاك كويس و تخللى بالها من نفسها ... زى ما قلتلكم يا حلويين اللى تروحله تاخذ سكينة والا سطور معاها اصل خلود شرس

Rana K S A said...

i think that's way too much ya dear friend .. i call what u are doing now ignorance!! leave him alone coz what ur doing is not ethical even if it's is true.. what are u getting out of that for heavens' sake!!

" where ignorance is our master, there is no chance for real peace"

Anonymous said...

على فكرة.. أنا الأمورة اللى مش عايزة نصيحة من طنط! وبقولهالك تانى... مرسى يا طنط على النصيحة.. خلاص كده

رنا عندها حق... أموت وأعرف هاتستفيدى ايه من كده؟ مفيش حد مصدق كلامك أساسا! وهنصدقوا على أساس ايه أصلا؟ يعنى من الأخر أنتى بتدنى فى مالطة
ولو كان هدفك هو تشويه سمعة الأستاذ خالد أو فض الناس من حواليه.. فمتقلقيش خالص احنا برضه قاعدين ومش هنمشى


manal

Anonymous said...

تصدقى يا صديقه يا عزيزه
انتى مش اول واحده تقولى الكلام ده.. اتضح ان فى واحده تانيه كان عندها بلوج.. والاستاذ هجم عليها هجمه غلط.. فالبنت كانت ناويه تسيح له.. بس قالت ملهاش لازمه.. وقصرت الشر وبطلت تيجى هنا

وينكى said...

أستاذ خالد أنا بعتلك ايميل
ياريت تقراه وترد عليا بسرعه ضرورى
شكرا

Anonymous said...

رود ع الاموره يا خلود
ابوها عرف اللى بينكم يا حلو

Anonymous said...

بنت يا صديقه يا عزيزه
اوعى تنسى التفاصيل.. بتاعه الضحايا بتاعه الفنان علشان انا هانشر كل الكلام ده فى جريده الاسبوع..

Anonymous said...

يا صديقه
لو الاستاذ منع الانيمونيس
ابقى روحى على شات مصراوى بكره وادخلى باسم صديقه عزيزه وانا هأقلك تعلمى مدونه ازاى
علشان متحرمناش من التفاصيل.. لان انا برده عندى شويه تفاصيل..
والصيديق بتاع جريده الاسبوع ممكن تقلى اتصل بيك ازاى

Anonymous said...

ايه لعب العيال اللى أنتى فيه ده؟
والنبى مش مكسوفة

أنامكنتش ناوية أرد لكن أنتى زودتيها أوى
وينكى بنت مؤدبة ومحترمة زى كل الناس اللى فى البلوج هنا
والنمرة اللى أنتى كتباها دى الأستاذ خالد كتبهالنا قبل كده علشان اللى عايز يكلمه, يعنى معملتيش حاجة جديدة

من فضلك كفاية بقى

Mariam Mekiwi said...

how childish!! I can't believe what i'm reading! I don't think this is a place for taking revenge or blackmailing or talking about too personal stuff! This is a place to exchange art, i think you shouldn't solve your problems that way, you're just loosing credibility.

KHALED-ELSAWY said...

اولا بشكر كل انسان وانسانة على درجة عالية من الود والذوق انه اهتم يعلق ويقول لي كلام مشجع.
ثانيا بشكر اي حد بينقد شغلي وبؤكد له انه بيعمل حاجة مهمة انه بيوريني جانب ضعيف فيا مش شايفه وبكده بيخليني احاول اصلحه.
اما بالنسبة للأوباش اللي بيحاولوا يشوهوا صورتي قدام الناس هنا فبقول لهم ان انا يكفيني جبنهم عن مواجهتي هم واللي وراهم.. هو انا يعني مش متوقع ان حاجات قذرة كده تحصل لي بعد كل اللي بعمله وبكتبه وبقوله؟ ولو كانت واحدة مش طبيعية هي اللي ورا ده فعزائي ان جنونها واضح للجميع بالاضافة لانحطاطها طبعا وغباءها عشان خسرت الناس اللي جاية تقنعهم باني انا اللي سيء! شخصية غلاطة وعدوانية وقلت أدبها على حفصة قبل كده ثم على منال ووينكي .. اما الحثالة من عينة اللي ادعى انه صحفي في الاسبوع او وكيل نيابة فدول لا يستحقوا الرد اصلا.
كان نفسي البلوج يبقى مكان للناس النظيفة فقط لكن حنعمل ايه.. مهما حرصت لازم مرة يخش لك صرصار بتاع.. ودول في النهاية زي الصراصير صحيح مايقدروش يؤذوك بس وجودهم يبعث على القرف. وانا برضه شايف انهم ساحة للدراسة السيكولوجية.. مقدار الجبن مع التخفي واسقاط وساخاتهم على الناس والعدوانية ضد الجميع وادعاء حرصهم على الناس مع رغبة في الأذى "اللي تروحله تاخد سكينة او ساطور" وفي موضع سابق قالت "ورا ضهرها" مما يبرز الخسة في الشخصية.. يعني مادام جالنا فيروس ندرسه:)
ومساء الفل على جميع اصدقائي

Anonymous said...

ايه ده هي ريما رجعت لعادتها الغبية القديمة؟؟؟
طيب مجهول او مجهولة الهوية اللي عامل فيها قبضايا ليه ميقولش اسمه/ها؟
اه صحيح مينفعش عشان الجبن سيده و السفالة شيمته
ايه الهبل اللي بتقولوه ده
ما تحترموا نفسكوا بقي
يعني مش قادرين تشوفوا انكوا هبل و متخلفين و مالكومش اي لازمة
يا ريت لو تروحوا تعرفوا معنى كلمة محترم و محترمين و احترام و تبطلوا تيجوا هنا لانكوا بقيتوا قليلين ادب على جميع المستويات
و بعدين بجد مش فاهمة
الامور الشخصية دي احنا حنهمتم بيها ليه
احنا مش زيكوا
اللي يهمنا من خالد هو فنه ايا كان شكله

بجد تقرفوا و محتاجين علاج نفسي مكثف

Anonymous said...

والله يا استاذ خالد انا لما بيخش عندي صرصار مالوش عندي غير الشبشب و انزل بيه على دماغه و افرتكه
ابص الاقي بشكل خفي كده كل الصراصير التانية كشت و مشيت بعيد عشان بيشموا وساخة دمه المتفعص

Anonymous said...

Mr khalid,I 've been enjoying reading ur poems very much,but this one,it shoked me from the strong feelins,wow I dont know what to say,it 's so great.
I absolutly agree with the opinian of Remy.
Deep meaning, which Norish the sole,heart and the mind .

I bend my head as a respect to you Mr, khaled and salut you.

I want to say something to
صديقة عزيزة اوى

that you need to see a psychaitry because it seems that you have a seriouse problem.

وينكى said...

مش عارفه انا حاسه ان فيه تاتش هبل عالى قوى كده مش عارفه مصدره ايه
مين دى أصلا اللى جايه تتكلم؟
وانتوا بتتكلموا معاها ليه من الأساس
على رأى المثل: الكلاب تعوى والقافله تسير
هو أى انسان ناجح ومحبوب كده لازم تطلعله خوازيق مالهاش لازمه
الصديقه اللى مش عزيزه ولا نيله
انتى دخلتى ف حاره سد
وماعتقدش ان أمثالك يقدروا يعملوا حاجه.. لأنهم أجبن من انهم يتحركوا أو يعملوا حاجه فى النور
انتى مجرد واحده مريضه عاوزه تعمل حواليها رأى عام وخلاص
روحوا اتعالجوا بقى.. بلاوى ايه دى؟؟

Anonymous said...

على فكرة يا جماعة هى واحدة بس وعاملة علينا الفيلم الهندى الأهبل ده! والجميل بقى أنها مصممة تنصحنا, حتى واحنا مش تيقنها أساسا!! اللى هأموت وأعرفه هيا بتستفيد ايه من ده كله؟ بتحب تتشتم مثلا؟

عجبنى أوى موضوع الصراصير ده
:)

manal

Rana K S A said...

manal some ppl are sick minded. they are born with hatred and jealousy.. they don't know that revenge destroys them before it even touches others!! believe me they are dragged to hell..being caring and forgiving is not an easy task.. only those who have enough faith shall tolerate it.

Anonymous said...

خالد -- سعادتى بإيمانك الصادق لا يضاهيها إلا سعادتى بروعة مت تكنب ؛ دعواتى لك بمزيد من الآيمان و مزيد من الثقة بالله تعالى . و مزبد من التوفيق. جمال الصاوى

وينكى said...

معقول انت أستاذ جمال الصاوى؟؟
اهلا بيك فى عالم التدوين
ياريت نشوف حاجات كتير على مدونتك انا سبتلك تعليق هناك

KHALED-ELSAWY said...

حقيقي اللي عنده أصدقاء زيكم ما يقلقش من وجود أعداء :)
أبي الحبيب شكرا جزيلا كل شيء سيء فيا انا اكتسبته من الحياة ولكني اقاومه بالاشياء الجميلة التي اكتسبتها منك انت:) انا سعيد انك بتشوف كتابتي وخصوصا انك اول مستمع لي والمعلم الاول طبعا:)

smraa alnil said...

السلام عليكم يا جماعه
هي الشتايم وصلت هنا كمان
دة انا شبعت منها في الاسبيس الخاص بالماسنجر بتاعي
بس افضل شئ التجاهل
لانهم اصلا لا يستحقون الرد عليهم
وانتوا كدة اديتهوها او اديته اكتر من حقه
لان هو اصلا مش ليه حق
جت كسر حقه


خلينا في المهم
استاذ خالد بجد قصيدتك جميلة جداوشاملة كل حاجة في الدنيا والاخرة
اللهم امين
ويارب يغفر لينا جميعا
ويرزق كل اللي موجودين نصيب من دعواتك
اعمالك وفنك اكبر دليل علي انك كالنجمة التي اذا لم يستطع الفرد ان يلمسها او ياخذها اظهر عيوب ليست ليها فيها
وبالنسبة لموضوع الصراصير يا جماعه انا اصلا بقرف اموتها ومش بحبها
بس سيبكم انتو احسن حاجة كلام استاذ خالد

Anonymous said...

اهلا وسهلا بالاستاذ الجليل و المربي الاصيل
كل الفخر لك
كل الاحترام مننا
بالنسبة لي كانت من ضمن ما اعده مباهج الحياة هو ان جزء كبير من رسالة الشخص في الحياة انه يربي اولاده على المبدا الصحيح و الاخلاق المتعارف عليها و انه يفرح لما يشوف اولاده شاربين منه
فهنيئا لك بما انجبت فنعم الاب انت و نعم الابن هو

بجد الشرف كل الشرف لينا احنا معشر المدونين

تحياتي

Romahali said...

great poem.. that what i can say.... and i am with hafsa and winky of every single word they said.

walk as u want and choose ur steps ..u will alwyes find someone to attack u but the important thing is to stay as u r and do not let the little things beat u ... we live to fight and to win ..and this is the aim.

like u said Mr. Khaled..we wish from god to give us the faith and the power and now it is our turn to work.

even if we r worng ..no body is perfect..we wish from God to forgive us.
ya rab

Romah

Anonymous said...

والله يا أستاذ خالد ويا أستاذ جمال.. احنا فعلا اللى لينا الشرف أننا قاعدين معاكم

بجد ونعم الأب ونعم الأبن


manal

Nohaz said...

إزيكم؟؟؟
عاملين أية يا أبنائي؟؟؟؟؟

khalakhelo said...

ياه انتي بقى نهز ؟
كانو بيدورو عليكي في الحارة اللي جنبنا

Nohaz said...

حارة و بيدوروا؟؟
انت مين يا شاطر عشان تتكلم معايا كده إن شاء الله؟؟؟؟؟

يا ريت تراعي فرق السن أو علي الأقل تتكلم بأسلوب كويس

Anonymous said...

ماتزعليش من خلاخيلو يا نهى... هو كده! بيهزر مع دبان وشه
:) :)

وياجماعة الله يخليكوا احنا لسه طالعين من خناقة مع طنط اللى قاعدة تدى فى نصايح دى.... روقوا كده! وقلولى أعملكم ايه تشربوه بمناسبة رجوع نهى لينا؟ ومحدش يطلب سحلب علشان هو خلص
:)

manal

khalakhelo said...

أنا ؟
مش مشكلة واحد معدي, أنا بس جيت أقرا بس اتشغلت كل اللي قريته ان نهز جت, أصل عم خالد شيخ الحارة كان بيسأل عليكي

Khaled Khalil said...

ياه ده الصديقة العزيزة رجعت
طب لو سمحتي يا منال اعمليلنا كوبايتين نسكوتش

أهلاً بالأصدقاء الأعزاء, مقلتيلناش ايه آخر مغامراتك مع الساطور
أظنك اتجاوزتي حدودك المرادي قوي, يعني لما نيجي بالساطور متزعليش, دي نصيحتك, يعني مسيبتيهاش على خالد الصاوي, لأ و كمان الأمامير, طب كفاية كده لحسن أوصلك, أقدر, بلاش التحدي, يا ريت تيجي منك و تقوليلنا على شخصيتك

تعرف يا خالد تعبير الصراصير ده مناسب قوي, ده مش معناه إني مصدق إنك بريء :), طبعاً انتا مدان لآخر قطرة من دمك :) بس الأخت الفاضله (مليش اخوات صراصير) تقولنا على شخصيتها الحقيقية عشان نصدقها, مش كده ولا ايه يا أخت يا فاضلة
بمناسبة الصراصير, حفصة معاها حق, الشباشب اختيار كويس, بس احنا مش بنفعص البشر هه يا صديقة يا عزيزة, قدامك فرصة تثبتي شخصيتك أو متجيش تاني
لأ و قال واحدة تانية جاية تقولها نتناقش بقى بكرى في مصراوي, و الكلام ليكي يا جارة
ايه الهبل ده ؟ صدفة كل مرة بيتقابلو عالبلوج في نفس الوقت ؟
بيتهيألي ده كفاية قوي عشان مصدقكيش, أو مصدقكماش زي ما تحبي أو تحبان
:)

Khaled Khalil said...

ياه أستاذ جمال الصاوي هنا
يا ألف مرحباً
كنت أفضل نشوفك في ظروف أحسن شوية, بس زي ما حضرتك شايف فيه مشكلة صراصير, بس استاذ خالد سد البلاليع و الحمد لله
عايزين نقرالك بقى مواضيع على بلوجك

rudi said...

أتابع البلوج بتاع حضرتك منذ فترة ويعجبنى تنوع ما تتناوله من سياسه لفن لشعر, شعرك دائما صادق اوى وقوى لكنه يمتاز بالرقه فى نفس الوقت وهو شئ صعب . حلوة اوى "أبتهال أرجو لك مزيد من التوفيق (على فكره انا ذهبت لارى عرضك اللعب فى الدماغ 3 مرات حين كنت تعرضها بمكتبه الاسكندريه ومنذ ذلك الحين وانا بحترك حضرتك أوى وأتابع مواقفك وأعمالك)

Anonymous said...

الصديقة و الصديق بتاع الأسبوع، ممكن توصلولي علي ايميل
moza_elhaboba@yahoo.com

Mariam Mekiwi said...

Don't ever worry about the silly comments you receive from time to time, this happens to anyone who is creative and anyone who breaks taboos just like you, please don't bother to answer them, 3ashan dool naas fadya and they'll think they've achieved their goal when you answer them, let us just all of us ignore them and keep on exchanging comments about the beautiful art of Mr. Khaled, so the intruders won't feel important. We are waiting for more poems from you Mr.Khaled yalla mestanyeen, ana bawafe2 hafsa we winky 3ala kalamhom we begad 3aizeen kolenna ne2fel mawdou3 el silly comments and we shouldn't care aslan, because what brings us together is more or less art and we should just care about the art and i think we know Mr. Khaled and we don't intruders to try to ruin our relationship with him.
Mariam

Anonymous said...

أنا متفقة مع مريم فى كل حرف قالته

فعلا أحسن حل أن احنا نسيب طنط دى تهاتى مع نفسها كده ونكمل احنا كلامنا على فن الأستاذ خالد

نسكوتش ايه بس يا خالد؟ دى عايزلها كوبيتين ميه نار
:)


manal

Nohaz said...

إية نسكوتش ده يا ولاد؟؟
أنا جيل قديم أخر حاجة شفتها نسكافية

Lily said...

Y sob7an Allah elnas de tafkerha ghareeb 2awy


Awel 7aga a7eb a2olhalak ya ostaz khaled heya en e7nahnea kolena ben7ebak ka fanan we ensan, we 7ata law fe yom mel ayam 3amalt 7aga ghalat, meen fena malak ya3ny?

Man kan menkom bela khate2a fal yarmeha be awel 7aJar!

e7na malnash 7a2 enena nedakhal fe 7ayatk elshakhseya we sawa2 kalma elnas da sa7 awe ghalat da ma ye2alelsh men e7teramna leek

Enta bas khaly balak 3ala nafsak la2en enta 3aref 2ad eh fe elablad delwa2ty kol ma wa7ed ye2ol kelmet 7a2 yedawarolo 3ala zela 3ashan yekhresoh beha

Rabena ma3ak ya Osataz khaled we khaly dayman sekatak feh kebeera, kol wa7ed beyakhod 3ala 2ad 3amalo

Khaled Khalil said...

ليلي انتي فين ؟ بلوجك قفل في وشي و بروفايلك نوت أفالبل دلوقتي, كان لسه شغال أول امبارح

منال
بلاش مية نار, احنا عيال في ثانوي ؟
أنا كنت لسة دلوقتي شغال بكلوريد الحديديك, ينفع ؟

KHALED-ELSAWY said...

سمراء النيل متشكر وعندك حق.
منال وحفصة وخالد متشكر جدا على تحيتكم لأبويا:) هو مش عامل مدونة يا خلود هو بييجي يقرا في البلوج هنا وأحيانا بيعلق لكن ممكن نقنعه بموضوع البلوج وخصوصا لو حط فيه فكره القانوني ومن امنياتي انه يتفرغ قريبا لكتابة كتاب في فقه القانون..ربنا يسهل.
نهى انت فين يا بنتي؟ حد بيختفي كده؟ ومش اي حد.. نهى ذات الحضور المكثف.. نزل ساقع هنا للآنسة.
خلاخيلو ايها الرجل المهزار عاوزك تتعرف على نهى كويس دي من اجدع الناس.
رودي انا مبسوط ان العرض عجبك ومتشكر جدا:)واهلا بيكي دايما.
الآنسة اللي اسمها وايميلها عبارة عن مزة حبوبة ونسوان وبتاع..هو انت مش شايفة في نفسك صفة اهم من كده؟ يعني لما تعجزي حتبقي ايه؟ مزة معتزلة؟ عموما انا تقديري انك جيتي مكان غلط.. هناك مواقع أخرى يتكاثر فيها صائدو المزز فعليك بها.. هنا فيه شعر وفكر وتبادل آراء وكده.. اخلعي.
مريم ازيك انا متشكر على كلامك وموافقك على التجاهل بس برضه ساعات بيتحتم الرد.
ليلي شكرا جزيلا على ثقتك الغالية، وتعرفي انا نفسي في كتابتي بدين نفسي على اخطاء كثير بس لما ببص ورايا واشوف قد ايه اعداء عملتهم بأخطائي بلاقيهم قليلين جدا مقابل اعداء من المختلين روحيا أو مقابل عشرات الاصدقاء ممن كسبتهم خلال حياتي، انا اضطريت للرد عشان فيه حاجات السكوت عنها غلط، بدليل ان اول ما ظهرت الشخصية الشاذة اياها اتصل بي عدد من الاصدقاء يطالبوني بالرد.
على كل ده شيء متوقع.. الحقارة كثير ومصادرها معروفة.. اما جهة منحطة غير قادرة على الفعل او شخصية منحطة غير قادرة على المواجهة، وفي الحالتين يكفيني ان اصدقاء محترمين وانقياء مثلكم يساندونني ليس من منطلق اني ملاك بل من منطلق اني انسان بقول انا بغلط زي اي حد وبحاول اصلح نفسي زي الجميع.. اما نوع الاخطاء فأؤكد لكل من وثق في انها لم تتجاوز ما اراه انا خطا احمر ودي مسألة نسبية طبعا.. يعني معنديش بطحة أخبيها ولهذا مستعد للمبارزة دائما:)
وصباح الفل عليكم جميعا.

Anonymous said...

السلام عليكم

أولا بخصوص الدعاء الجميل ده فلا املك سوى انى ااقول اللهم آمين

ثانيا صاحبتى اديتنى اللينك من شوية
و كالعادة جيت متأخرة و ده بيضايقنى جدا بس ملحوقة ان شاء الله
المهم لما اديتنى اللينك بقولها ده خالد صاوى الممثل ؟
هو فاضى يعمل بلوج و يرد ع الناس ؟

يمكن علشان انا عارفة همك الوطنى و التمثيل و الدراسة كل ده اكيد بياخد وقت بس معلش ساذجة بقى


ثالثا
يمكن فى الاول كنت بالنسبة لى ممثل كويس و عنده نضج و بس على كده لكن لما عرفت موقفك السياسى احترمتك اكتر بكتير

رابعا
ينفع ااقول تعليق على فيلم عمارة يعقوبيان ؟
انا لما عرفت ان حضرتك اللى هتقوم بالدور قلت لا يمكن ازاى مش هيليق عليه الدور بس بجد مثلت الدور حلو اوى اوى ما شاء الله مثلته باحساس يخليك تقدر تستوعب حياة حاتم و تحترمه مع اختلافك معاه فى جانب معين من حياته
يعنى بجد من اكتر الشخصيات الحنينة اللى اتمثلت فى السينما كان حاتم رشيد
كان غايظنى ان فى مشاهد حاتم الناس فى السينما بيضحكوا كانهم بيتفرجوا على كوميديا و الست اللى كانت جنبى بقى كانت شغالة تؤتؤتؤتؤ
طبعا رأيهم على عينى و على راسى بس بالله عليهم بلاش سياسة النعامة
خلاص طفحنا الرملة كلها بجد هنحط راسنا فين تانى

سعيدة جدا بنضجك الفنى فعلا
بس الحاجة اللى ضايقتنى ان حاتم اتقتل بايد حد تانى غير عبده صحيح نهاية لاتزال منطقية لكن يمكن لو كان مات على ايد عبده كان هيبقى فى تطهير
بس دى رؤية وحيد حامد بس مش متفقة معاه ما علينا

رابعا
انا لاحظت من خلال الردود ن هنا فى ناس مش كويسة
عادى على فكرة
فى بلدنا دى طول ما انت ماشى صح هتلاقى اللى يقفلك لكن يوم ما تمشى غلط الكل يهيص معاك و يحبك

خامسا
يااااااااااااااه
بجد والدك انسان عظيم مش علشان رباك و طلعك راجل فى زمن فيه الرجالة بيلبسوا بنطلون ساقط لكن علشان بيتابعك و بيدخل يقرالك
الراجل ده جميل و عظيم


اعتذر عن الرغى
و سعيدة جدا بمرورى من هنا

سلام عليكم و خلاص هنط كل شوية بقى لو مفيش مانع

KHALED-ELSAWY said...

انا حرة شكرا جزيلا على ذوقك الشديد وبشكرك كمان على عقلك المرتب ، وعلى فكرة بكلم ابويا دلوقتي لقيته عمل بلوج:) :)
يا جماعة بصوا على اللينك ده ولي مقال فيه عن احداث العيد تحياتي
http://www.kotobarabia.com/BookDetails.aspx?ID=4052

Anonymous said...

Ana horra, I totally agree with you regarding how Khaled played his role in 3omaret ya3kobyan. It was actually my first time to know his name. I mean he was familiar to me as an actor, but I never really memorized his name. (no offense, Khaled, I’m just lousy with names) When I was watching the movie, I kept asking my friends about his name. Every time he appears in a scene, I ask about it. Tell they got fed up!! J I also find you quite right about his feeling the character, not only playing it as a negative aspect that shouldn’t exist and that’s all! He felt for the character. I believe it’s one of the major points a good actor should care about.

KHALED-ELSAWY said...

شكرا ريمي ومفيش اوفنس:)
انا شفت ان المطلوب مني في شخصية حاتم رشيد مش اني اشتمه لأن كل الصالة بتشتمه ولا أتريق عليه ولا أعمل له برباجنده.. كان نفسي نحاول نفهمه سوا وبس..

khalakhelo said...

أعتقد إني فهمت شوية, رغم إني مكنتش متصور إن ممكن حد يمثل الشخصية دي, بس قلت أشوف, بس والله براوة عليك
اللي لسه مش قادر أفهمه شخصية صاحب الشغل بتاع مش فاكر اسمها, آسف أنا قريت القصة من زمان و الفيلم برضه من زمان و ناسي كل الأسامي
بس أنا أقصد صاحب محل الهدوم, ما حد يفتكر معايا بقى
المهم شخصيته مبهمة تماماً, يعني مكانش متحرش عادي ولا حتى مغتصب, كان حاجة كده مش مفهومة, مش فاهم دوافعه

KHALED-ELSAWY said...

سطوته عالبنات اللي متقدرش تقوله لا.. اختلاس متعة مريضة بطريقة مريضة.. استمتاع مريض باحتقار النفس ويترسخ كلما حاول أن يواجهها.. على بعض كده .. متهيالي

Lily said...

Khaled Khalil---> ma3lesh asl 7aslaet zoroof mesh zareefa we mo2akatan ana 2afla elblo le7ad ma rabena ye7elaha

we azon en blog akhona el kebeer elostaz khaled maftoo7 lena 3ashan netkalem we netawasal

Anonymous said...

يا بشمهندس "موزة الحبوبة" مش "مزة"، بس انت شوفتها كده عشان المزز بس هما اللي في دماغك. اما بخصوص اسم البلوج "حكي نسوان" يا فنان دي اسم مسرحية لبنانية ترجمة لكتاب/مسرحية امريكية. نوع من المعالجة لنص امريكي بس بالعربي. و ضحت؟؟

Anonymous said...

أستاذ خالد رأيك يشرفنى و يسعدنى
بس عايزة أقولك مبروك لوالدك البلوج
ويبقى بلوج عبقرى أكيد

حاجة كمان اللينك اللى احتمال يكون فيه حاجه عن التحرشات مش شغال

:(

yasmine

Khaled Khalil said...

انتي حرة
على فكرة انتي ظالمة لأن اللينك اشتغل معاية, حتى بالأمارة كان عدد نص فبراير من الإشتراكي
ركزي انتي بس, هيفتحلك صفحة تنزلي منها فيل بيديأف تمام, هو ده

موزة الحبوبة و أخوها رشود
معلش الإسم يلخبط فعلاً
بس إنتي كنتي عايزة صديقة و صديق الأسبوع المفترضين ليه ؟ حكاوي نسوان (زي ما بنقول في مصر) ؟

Yasmin said...

yaaah kol da 7asal wana mesh daryana...
anyways, akeed ya khaled enta 3aref ad eeh e7na ben7ebak, we mesh hanghayar ra2yena da...
we aslan law enta mesh kowayes kan fe eedak te3mel 7agat keteer we ahy forsa banat 3al blog we bta3, fa da daleel #1 3ala enak mesh kida , fa i'm with Mariam ennena manedeesh el kalam da wedn la2en hadafo ma3roof, wana bardo kont seme3t 3an SMSs ghelsa betgeelak ayam Yacubian film...we aho kol la hay2adem wala hay2akhar...

Enta men aktar el fannaneen el mo7trameeen that I know,kefaya zoo2ak we adabak we thakaftak we mawakfak, we kefaya enak masal a3la le nas keteer...
3addy 3ala el kalam da, 3ala ra2y 3abd el wehab, o2af foo2 el kalam da hate3la :)

KHALED-ELSAWY said...

ليلي مش قلتلك انك صاحبة بلوج؟ اعمليلك نسخة من المفتاح وبلاش الحساسية دي مرة تانية:)
حكي نسوان اسمحيلي اقدم لك اعتذاري اذن ونعتبره سوء فهم عابر ارجوكي.. آسف.. كان فيه شخصية منحطة بتقل ادبها فده ساعات بيخليكي مستريبة في اي اسم شبه الموضوع وخصوصا ان الحروف لاتينية وكده.. تحياتي.
وعلى فكرة ده السبب اني شفتها كده مش تفسيرك اللي هو رد منطقي على هجومي طبعا:)

انا حرة متشكر جدا جدا جدا:)
ياسمين احترامنا متبادل وده كلنا على فكرة هنا وهو الشيء اللي بعتبره مكسب حقيقي.. طول ما معايا اصدقاء زيكم فليذهب العدو الى الجحيم:)

KHALED-ELSAWY said...

حكي نسوان رحتلك البلوج بتاعك اعتذرلك لقيته Profile Not Available
لعل المانع خير:)

Anonymous said...

اعتذارك و عذرك مقبول. حكي نسوان مدونة نسائية لنساء عانين من مشاكل بسبب الظروف او المجتمع. نوع من التنفيس الجماعي.البروفايل مش متاح للكل للحفاظ علي خصوصيتها

KHALED-ELSAWY said...

حكي عندي مشروع بناء على فكرة البلوج بتاعكم دون اي كشف عن خصوصيات اي واحدة.. واحدة فيكم تتولى صياغة المواضيع والشخصيات وتبقى كأنها سرديات متداخلة تعبر عن فكرة مركزية.. المرأة المصرية الآن.. ده ممكن يبقى عرض مسرحي قوي وارشح له مخرجة من اتنين عفت يحيى او عبير علي

Anonymous said...

فكرنا في الموضوع ده قبل كده و بعثنا لثلاث اربع مدونات اسلوبهم لطيف و عالجوا مواضيع قريبة في مدوناتهم، لكن مازلنا في انتظار الردود. الحقيقة يا ريت الموضوع ده يوصل لمرحلة العرض المسرحي، اعتقد اننا في حاجة ماسة له.

KHALED-ELSAWY said...

لا وممكن ارشحلك كذا ممثلة يمشوا مع دماغك كويس قوي.. انوي بس

LOLO . ALI said...

السلام عليكم
اول شئ رح اقوله آمين
كالعاده مبدع
ممكن سؤال ... هو في شئ انت ما بتفهم فيه؟؟؟
لان اللهم صلي على محمد متل الزبديه الصيني من وين ما بندقها بترن

تاني شي كل عام و انت بالف خير
بمناسبة السنة الهجريه الجديده
و يارب تكون سنة خير عليك
و انشاء الله تستمر في تحقيق احلامنا من خلالك
احنا بنشوف نفسنا فيك
كنت بحبك كفنان عادي و الان وصلت بالنسبة لي لمرحلة اصبحت اشوفك فيها القدوةليا
الله يخليك لينا و ما يحرمنا منك
و تحياتي للعم جمال
و اسمحلي اطبع قبلة على جبينه الطاهر
و بقوله شكراوالدي على احلى هديه
ابنك بيأثر في حياة الملاين و قدوة صالحة للكتيرين يابختك فيه
بجد شكرا خالد
بتهون علي دايما
احبك بجد بجد مرررررررررررة كتير
أختك لولو

yassoo said...

واصفح يا ربي عن ذنبي
لو كان لي ذنب ف غير نفسي
واللي عملته أنا ف نفسي
إشرح لي ليه كنت أسيره

واديني عالشّيْطان قدرة
واكسر له سيفه ومناخيره
واوهبني من عندك شابة
تفهم فؤادي وتعبيره
وتخرج الخوف من جسمي
وتملا بيتي بمحبة

جميل..واللهم امين
اروع الكلام كلامك واعلى احساس احساسك
اتمنى لك التوفيق والنجاح بعيدا عن المشاكل وشر وحقد الاخرين ولا يستعنيك رغبتهم في تشويه صورة الانسان والفنان والشاعر الجميل لانها حقيقة ولا يستطيع احد تغير واقع وحقيقة بكلام
وفي النهاية كلام الناس لا بيقدم ولا يأخر..وبالذات لو كان مش صحيح

ياريت كل حد في الدنيا دي وفي الزمن ده يعرف ان بكلمة ممكن نجرح وبكلمة نطيب وبكلمة نفرح وبكلمة نزعل وبكلمة نشجع وبكلمة نحبط... وان كل كلمة بنقولها بتتحسب علينا وبنتحاسب عليها.."الكلمة الطيبة صدقة"

loleta said...

انا بحترم كل شخص دافع عن مستر خالد الصاوي
ومش بحترم كل شخص دفعته الغيره والحقد والإنحطاط انه يتكلم بالإسلوب ده مع إنسان محترم وفنان مبدع وشخصيه عظيمه زي مستر خالد الصاوي
أحب اقول كمان إني شعرت بإحساس جميل لما قريت الكومنت بتاع والد حضرتك يا مستر خالد حسيت انه بيشجعك وحسيت حاجات تانيه مش هعرف اعبر عنها
عالعموم انا عايزه اقولك ان الشعر ده جميل جدا وبيجمع بين جوانب كتيره في الحياة العامه لأي شخص بسيط بيدعي ربنا
بجد ميرسي اني قريت حاجه جميله كده



تحياتي

SisSiwar said...

يا الله كم هو جميل و صافي دعاك يا أستاذ خالد حتى في دعوتك لست أناني. أنت عظيم والله عظيم و كريم أنا أحب الحياة أكثر بعد كل قراءة ربي يباركلك كما نقول بالتونسي.كل عام و أنت شاعر و أنت حالم وأنت خالد الصاوي خليك قوي كما أنت و لا تركع لماتكره. سوار