Wednesday, November 01, 2006

النهوض الذي أحلم به

النهوض الذي أحلم الآن به
ليس مثله في الوجود شيء ما
ليس مثله تفتح البراعم الضاحكة
ولا الحمام في زرقة الفجر يرفرف
ليس مثله احتراق البحر في الظهيرة
ولا الزلزال في انتفاضه المكابر
النهوض الذي صرت أحلم به
ليس كأيام الخلق الستة أو يوم يبعثون
النهوض الذي أحلم الآن به
كون يزيح كونا طائشا بلا هدى
متمددا على أنقاضه المنكسة الحزينة

15 comments:

Hafsa said...

كما عودتنا دائما
رائعة بصورها
بمعانيها
بحلمها

وهذا النهوض الذي تتحدث عنه ليس ببعيد
انه قادم

تحياتي

Hafsa said...

مش عارفة ليه الجلالة واخداني و بكتب بلسان عربي مبين

معلش احب اعتذر لحسن حد يفتكرني بتفذلك

:)
تحياتي

KHALED-ELSAWY said...

انشاءالله يا حفصة.. دي يا ستي كتبتها وانا منهار تحت الصفر.. الكلام اللي من النوع ده كان بيقويني.. مش فاهم ليه:) قلة عقل بعيد عنك:)

وينكى said...

ومين قال ان الكلام دا قلة عقل؟
الواحد لو ماكانش أول واحد يقوى من نفسه مش هاينفعه حد تانى
صورك رائعه وكلها من قلوبنا وفى قلوبنا
حلو العربى الفصيح بتاعك دا يا صفصوف
ياترى دا اللى انتى بتدرسيه للعيال بتوعك هناك فى أمريكا؟؟
بندحرج التماسي

ragazza11 said...

this idea of "el nohoud" reminds me of Jesus and resurrection..I guess you are some kind of prophet in a sense dreaming of changing this world and creating a better one..

nour said...

طب ياريت الواحد و هو مزاجه تحت الصفر يكتب كده..ده انا لو كده اكتب مجلدات:)حلوة جدا يا استاذ خالد..حفصوصه و وينكى ازيكوا ..غريبة مش شايفه منال معقول كتبت تعليق قبلها؟:)

وينكى said...

ازيك يا نور
جميل انى ألاقيكى هنا
مش عارفه منال اتحشرت فين
لا أنا كده هابتدى أقلق

fadwa said...

where are you for three days dr.khaled?
we miss your poems,,

fadwa said...

is there any problem?
where are you ?
fadwa

nour said...

ايه ده منال لسه مكتبتش فى ايه يا بنتى لازم نعمل حملة سريعة للبحث عن منال..

KHALED-ELSAWY said...

رجازة احساسك في محله.. عندي ديوانين منشورين بعث الخيول ونبي بلا أتباع.. شفتي المسميات؟:)
ازيك يا فدوى؟ معلش كنت مبعوت شوية بس:)
نداء.. اظهري يا منال.. منال.. لا تتناولي الدواء.. الدواء فيه سم ناقع

Albida said...

فى ايه يا جماعة؟! أنتو محسسنى أن أنا عيلة تايهة منكم
:) :)

أصل أنا اليومين دول مشغولة حبتين اصلنا بنتدرب على ترجمة تقرير من الأمم المتحدة... عينكم ما تشوف الا النور! حاجة عجب كده


نورت يا البلوج يا أستاذ خالد


manal

KHALED-ELSAWY said...

نعم؟ نورت البلوج؟؟ ده انا ضيف بقى:) الله يخليكي يا منولة ده نورك ونور اصحابنا كلهم والله.. لولاهم لكان البلوج ضلم كل ما اختفي شوية.. صحيح الفاتورة بتيجي عالية بس فداكم والله:)

mony said...

اسمحلى اقولك يا خالد انك حاله فريده لسه ما ظهرش كل اللى ممكن تنتجه و انك حقيقى محتاج تظهر اكتر علشان الشخص اللى بيكتب الشعر ده انسان من الدرجه الاولى و يستحق تقدير اكتر من اللى حصل عليه
و اتمنى انك دايما تخرج كل اللى جواك بالتعبيرات القويه دى
و تمنياتى لك بالتوفيق دايما

KHALED-ELSAWY said...

متشكر جدا يا ايمي على المشاعر الدافية دي واتمنى دايما اكون قريب من حسن ظنك بيا:)