Wednesday, November 22, 2006

أنا جاي اغني وبعدها ماشي
حزين كقط بدون ونيس واحد
كان طير وقلّع.. طار ولاجاشي
يا مين يقوللي فين أرى الجاحد
اللي بنيتله الغية والمراجيح
واللي قنيته من الشتا والخوف
أول ما رفرف.. دمعته تماسيح
خاين ولا عمره حيلقى وليف
إسمع كلامي وحطه في الحلمة
الدنيا شر اشترّ في العتمة
إسمع كلامي وقطعه تفاصيل
دون عياني.. دي الحكاية فصول
أول كلامي والحكا كان شيء
والوقت ده بقى شيء طالعله شيء
كتقول ده جسم وده في قلبه الجرح
أو قول جنين عايم في ماء السفح
كتقول رصاصة ماعادش فيها رجوع
كالفاس في راس، والشعر في الممنوع

9 comments:

AYDA said...

الدنيا شر اشترّ في العتمة
إسمع كلامي وقطعه تفاصيل

رااااااااااائعه اشتاذ خالد

KHALED-ELSAWY said...

ربنا يكرمك يا منال

Anonymous said...

ممكن لما ابقي اخلص كتابي الاول ابقي احط الرائعة دي مقدمة ليه بالذات عند فصل اصدقائي؟؟
ممكن بجد؟ و طبعا الشكر ليك واجب حتى لو من غير ما احطها
انت شجعتني جامد اوي على اني ارجع اكتب و مش عارفة اقلك ايه
انا ادينلك بفضل كبير من بعد ربنا
دلوقتي بكتب ولو كل اسبوع
مرة
لكن بكتب و انا نفسي مش مصدقة اني رجعت اكتب بالقوة دي

شكرا سيدي
شكرا سيدي
شكرا سيدي

تحية من مشروع كاتبة في بلاط شعرك الملكي المستوى
الشعبي التوجه

KHALED-ELSAWY said...

آسف عايدة قريتها البيدا عشان مش نايم فافتكرتك منال.. ف ربنا يخليك يا عايدة:)
ده يشرفني يا حفصة.. وارجوكي بلاش السلام الوطني اللي بينزل ورايا ده بحس انها حلقة السهرة بمناسبة تأبيني:)

Anonymous said...

تأبين ايه بس بعد الشر عليك

أكتر حاجة بحبها فيك
هو همك بالقضية
احساسك رائع بجد

KHALED-ELSAWY said...

اخجلتم تواضعنا الحقيقة:) شكرا

Anonymous said...

يوووووه هو كل ما اكتب حاجة تقلي حفلة تابيني
خلاص يا سيدي مش حكتب انبسط
سلام

KHALED-ELSAWY said...

ايه ده مالك يا حفصة؟:) طيب يا ستي سوري:)

Anonymous said...

ingratitude is an ingredient of human nature...We set ourselves to bite the hand that feeds us...