Thursday, November 30, 2006

طب ليه بقى
في لحظة الموت الحقيقي بنتولد
وازاي ف نفس الرمشة ينقاد الفرح
وتنطفي فينا الحياة

4 comments:

Anonymous said...

بليغة أوى يا أستاذ خالد!! أنا دايمة مفهوم الموت عندى بيساوى مفهوم الحياة, مش بيضاده
المكان اللى فيه موت لازم تتولد فيه حياة والمكان اللى بيتولد فيه شئ جديد لازم يموت فيه شئ قديم
القاعدة دى بتنطبق على الكون ككل وعلينا احنا كبنى ادمين كمان

manal

Anonymous said...

لانه دايما الحياة بتيجي بعد الموت
المعنى ده ظهر في كذا مكان
مثلا في القران اكتر من موضع يذكر الموت و من بعده الحياة
في مقطوعة عصفور النار الموسيقية
جه دمار شامل اتى عالاخضر و اليابس و بعدين من نقطة دمعة صغيرة ارتوى الخير و قامت حياةمن وسط رماد
و لاننا عمرنا ما كنا حنعرف معنى الموت لو مافيش حياة و العكس صحيح
يجب وجود عكس الشئ حتى يتقهم
ما لازمة الخير اذا ماكنش فيه شر؟

Anonymous said...

خالد
الموت والحياة مقترنين ببعض لأن الكون اللى أحنا عايشيين فيه كده... كون قائم على الاستمرار والتجدد.. والتجدد هو أنك تهد القديم وتبنى الجديد. يعنى فكرة الحياة متضمنة جواها فكرة الموت والعكس صحيح. أنت لما بيتولد جواك فكرة جديدة وبتؤمن بيها بتموت بدلها عشرات الأفكار التانية... تعرف أن أنا من يومين كنت بأفكر فى ايه اللى يحصل لو احنا خالدين؟ وفكرت أعمله بوست عندى فى المدونة. أنا لما قعدت أفكر اكتشفت أن لو الموت مش موجود الحياة ماكنتش هتستمر... النباتات كانت هتجيب المواد العضوية منين؟ المعادن كانت هتيجى منين؟ كنا هنجيب الأمل منين واحنا عارفين أننا هنعيش على طول؟... ربنا ربط فينا كبنى ادميين مفهوم الموت بالحياة علشان نعرف قد ايه هو عظيم ويعنى ايه أنه الحى الذى لا يموت! معلش يا جماعة أنى شطحت كده بس الموضوع خادنى

وبالنسبة لموضوع

وازاي ف نفس الرمشة ينقاد الفرح
وتنطفي فينا الحياة

فده ممكن يتفهم بأشكال مختلفة.. فلحظة انطفاء الحياة أو الموت دى جابت الميلاد أو الفرح
وممكن تعنى أن الانسان فى لحظة ممكن يكون مليان بالسعادة لكنه ميت من جوه

اللى بستغربله فعلا هو ليه احنا بنربط فكرة الموت بالحزن وفكرة الحياة بالفرح؟
الطفل فى لحظة الميلاد بيبكى بكاء بيقطع القلب بيبقى حزين أنه ساب ذلك المكان الدافئ الجميل (رحم الأم) زى بالظبط الشخص اللى بيموت ونفضل نعيط عليه
أحيانا الموت بيبقى هو السعادة والحياة هى الحزن

يا نهار أبيض... حد يحط بلاستر على بقى علشان شكلى كده مش هاسكت النهاردة
:)

manal

Anonymous said...

في لحظة الموت الحقيقي بنتولد

التجارب و الأزمات بتكّبر ... لازم ألم عشان نكبر و نتشكل
زي الفخاري لازم يضغط على الطين بأيده الخشنه عشان يأخد شكله النهائي
و لسه هنكبر .. لسه كتير
لغايت أخر نفس هنفضل نكبر