لابد من حركة مباغتة
أراوغ الجميع بها
آخذهم في اتجاه ما
ثم كسهم ناري أطير
في اتجاه معاكس تماما
لابد من حركة مباغتة خطيرة
أكاد أكسر فيها عنقي
أكاد أخسر فيها حياتي القصيرة
لابد من حركة مباغتة بارعة
ألم بها كرامتي المنثورة
وأرد بها للحياة الصفعة
أراوغ الجميع بها
آخذهم في اتجاه ما
ثم كسهم ناري أطير
في اتجاه معاكس تماما
لابد من حركة مباغتة خطيرة
أكاد أكسر فيها عنقي
أكاد أخسر فيها حياتي القصيرة
لابد من حركة مباغتة بارعة
ألم بها كرامتي المنثورة
وأرد بها للحياة الصفعة
8 comments:
اخر سطر فكرني بحاجة كتبتها بس الاسبوع اللي فات
اما عن المراوغة فهي واجبة و مطلوبة
"
فمكروا و الله خير الماكرين"
تحياتي
دي كتبتها بعد ما خنقوا فيلم عبد الناصر اللي هو كان فرصتي الكبيرة جدا لحظتها.. منهم لله:)
أنا شايفة أن حضرتك بتحب الحركات المباغتة أوى... فاكر لما قلتلنا أن الاصلاح فى مصر مش هيجى الا بحركة مباغتة... كأننا سايقيين عربية وحوادنا الدريكسيون مرة واحدة ناحية الشمال... ويحصل اللى يحصل بقى
manal
حركة مباغتة تلك ما نريدها حركة مباغته تفتح في الوجه انفاق اندهاش تتسع العين لتمر منها الاف الاسئلة
حركة مباغت استاذي العزيز بلا جسد كيف نتقنها؟؟؟؟
نظريا ممكن يكون الكلام دا معقول وحلو جدا
لكن الحركه المباغته دى.. مش لازم تكون مدروسه كويس.. نعرف ايه نتايجها وعواقبها؟
أنا باعشق المفاجآت والمباغتات
لكن شكلى هايبقى وحش برقبه مكسوره.. يؤهلنى لاتخاذ مكانى على باب السيده
معلش أصلى قاعده دلوقتى الساعه 4 صباحا( وقتى المفضل) وفايقه ورايقه عالآخر
اللى بيحب الشيكولاته يقول قبل ما تخلص
جميلة تلك الحركة المباغتة
أجمل ما قرأت لك :)
حلوة اوى
مارفضوهوش يا فدوى هم بس رزلوا علينا جامد واحنا بنعمله وشنكلوه في السكة كتير لكن هو في النهاية مقدرش يدافع عن نفسه فنيا في الأساس.. اهي تجارب بنتعلم منها.
منال يحصل اللي يحصل دي مدياني احساس اننا حنغامر بمصر وده طبعا مش قصدي بالضبط، المغامرة مطلوبة لكن بعد حسابات كثيرة، ولو فيه نسبة عالية من الخطر لازم نضبط اقتراحاتنا على هذا الأساس.. مغامرة آه لكن مخاطرة متهورة اكيد لا.. لكن اللي اقصده اكثر هو انك لما تلاقي الخطة تنفذيها ازاي؟ بحركة مباغتة.. هكذا ينتصر القائد الأرب -زي الأروبة كده- على من هم أكثر منه عددا وعتادا احيانا:)
فوكس معنديش نظرية متكاملة عن فنيات الحركة المباغتة، على حسب السياق المطلوب فيه التحرك.. ولكل مقام مقال.
وينكي حاسس اني رديت كده عليكي صح؟ وعموما لو حاسة ان رقبتك حتتكسر متعمليش الحركة طبعا بس ساعات بتدخلي المعركة بغض النظر عن الخساير المحتملة -ورقبتك العزيزة منها طبعا لا قدر الله- بناء على حسبة تانية.. بس انا معاكي لو نسبة الخطر عالية قوي لازم نؤجل الفعل.. وهي في النهاية دقة توقيت زي القتال بالسيف أو اللعب على المتوازي.
شكرا فيولينا..على كده حتحبي بجانيني عازف الفيولينا الفظيع المجنون طبعا:)
روماه انا سعيد جدا ان فكرتي أكلت معاكي:) وسعيد أكثر انها بتقول وعاملة نتايج .. ربنا يفرح قلبك فرحتيني بجد:)
Post a Comment