الحب جولة وجولة
وانا قلبي عاشق علَوْلَه
يكفيني شرك يا َلوْلا
ولا يوم ندمت ف غرامي
ولا عاف فؤادي المحاولة
ولّى شبابي مناولة
واديت حبابي عيوني
وجنوني خدني وحبا بي
يا احبابي صعب التلاقي
واصعب عليا المداولة
يا إما كوكب محبة
يا الحربة ديني وحبيبي
وصاحبي والحرب أولى
وانا قلبي عاشق علَوْلَه
يكفيني شرك يا َلوْلا
ولا يوم ندمت ف غرامي
ولا عاف فؤادي المحاولة
ولّى شبابي مناولة
واديت حبابي عيوني
وجنوني خدني وحبا بي
يا احبابي صعب التلاقي
واصعب عليا المداولة
يا إما كوكب محبة
يا الحربة ديني وحبيبي
وصاحبي والحرب أولى
11 comments:
أنا فى رأيى المحاولة شئ رائع.... الا فى الحب! لان الحب مش مشاعر ذاتية أو تجربة شخصية... دى علاقة بيشترك فيها اتنين
أما عن الندم فهو ابشع شئ فى الحياة لانه لا بيودى ولا بيجيب
manal
الفلسطينيين عندهم مثل بيقول
يا اطخوا يا بكسر مخه
مش عارفة ليه افتكرته لما قريت المقطوعة دي
يا اما تحب يا تحارب
الغريب و اللذيذ في الموضوع انه الفرق بين الكلمتين حرف واحد
حب= حرب
تحياتي
انا بتكلم عن حب البشر لبعض وان الدنيا من غير الحب الانساني ده كئيبة والحرب عشان ننصر الحب ده.
ما هيا فعلا بقيت كئيبة خلاص يا أستاذ خالد علشان مافيهاش حب
الناس بقيت تبص للحب على أنه رفاهية... شئ من كماليات الحياة
manal
شباب ايه ده اللي يائس من قبل ما يقول يا طريق؟؟ يا جماعة مش كده:) انتو ناسيين القول المأثور "الحياة حلوة بس نفهمها؟". اللي حشوفه يائس حجرب فيه واحدة هجاء .. بس:)
يا أستاذ خالد احنا مش يائسين... مشكلتنا أن احنا واقعيين زيادة عن اللزوم, و فى فرق كبير بين الاتنين
اليائس مش بيحاول يصلح, لكن المدرك لواقعه و عنده أمل فى بكرة هو اللى بيحاول
بلاش الله يخليك تجرب فيا واحدة هجاء... خلاص مش هاعمل كده تانى
:)
manal
ماهى الحال اللى احنا بقينا فيها لازم تستدعى اليأس
مصر بقت قاسيه قوى على أهلها ياباشا
مع تحيات بثينه السيد
ادينى الهجاء ياللا
(",)
ده على كده حضرتك حتجرب فيا الف هجاء..انا اكتر واحدة يائسة شفتها فى حياتى..الحياة حلوة بس للى بالى بالك..مش لينا حتى لو فهمنا كل التيتة و ده اللى عمره ما حيحصل بس يعنى لو..برضه مش حتبقى حلوة..على الاقل لينا..الشعب المهضوم حقه
لا الحياه حلوه بالرغم من كل شئ ولابد ان نقتحمها ولا نظل علي عتبات الانتحار فهي خطوه وطرقين وعلينا ان نختار
ولابد ان نبحث عن الحب حتي لو كان ما بينا وبينه دايما سفر
لما كانوا اجدادنا متنتورين في الارض بيلموا الثمار ويصارعوا الوحوش والجليد هل كانوا يائسين؟
لما كانوا جدودنا بيجروا من البراكين والزلازل وهم حافيين عريانيين كانوا يائسين؟
لما كانوا جدودنا بيترموا للأسود مع الرومان وبيترموا في النار مع الفرس وبيضربوا بكرابيج الفراعنة والهكسوس وبيدبح اهلهم قصاد عينيهم من التتر والترك والشركس كانوا يائسين؟
اكيد كانوا كفرانين ومتعذبين وطهقانين ومتقطعين لكن ماكانوش يائسين..
لو كانوا دول كلهم يئسوا كنا انقرضنا من زمان.. الانسانية هي المقاومة.. ده رأيي
you're amazing Fadwa.... u know what? this is a brilliant idea! but how can we do that?
We really need to talk... to know... to be heard
yesterday I was so depressed.. I felt like I wanted to explode but there was no one to pull the fuse!
Anyway... thanx, it's the first time that someone calls me "respectable"
:) :)
manal
Post a Comment