Sunday, October 08, 2006

بمقدورك يا عزيزي أن تبلغ عني اتحاد الكتاب
أو شرطة الآداب
تستطيع أن تفتن للرقابة على المصنفات الأدبية
والمجامع اللغوية
تستطيع طبعا أن تقلب الدنيا عليا
ولكنك يا عزيزي لا تستطيع مطلقا
أن تجبرني على كتابة ما تريد

بمقدورك يا عزيزي أن تشهر بي
وأن تدمر قواربي
وأن تورطني في مواجهة مفتوحة مع التراث
أو مع شعراء وسط البلد
لكنك لا تستطيع مطلقا
أن تعمدني بمداد الكتابة الرسمية

لا ترفع صوتك يا عزيزي ولا تلوح لي بعصا الزمخشريّ
أنا يا عزيزي لا أهاب الزمخشري ولا سيبويه
ولا وجهك الأحمر المربرب
أنا لا أكتب في ذكرى أصداء أنت حفظتَها
أنا لا أكتب إلا رحمة بكياني
درءا للقتل وتسويفا للعملية الانتحارية

تستطيع أن تقابل ما أكتب باستهزاء وخمول
وتحجب عني شارة الشاعر المعتمَد
تستطيع أن تحرق الأوراق في تترية مؤصلة
ولكنك لن تعلق لي مطلقا.. عظمة وجرس

12 comments:

Noha El Rewiny said...

بجد كلامك أكتر من رائع, يا ريت لو كل واحد كان عنده جرأتك لمواجهة الحجر علي العقول اللي بتمارسه السلطة عن طريق المؤسسات الاعلامية و الدينية وطبعا ضباط الجامعة (اللي ليا ذكريات رائعة معاهم). أتمني لك التوفيق دائما وجرأة أكتر.

وينكى said...

اللى يقدر يتكلم من غير ما يخاف
واللى يقدر ينشر أفكاره من غير ما يتأثر باللى حواليه
هو اللى يستحق لقب انسان

Hafsa said...

coooooool gedan ya man,
" تستطيع ان تحرق الاوراق في تترية مؤصلة و لكنك لم تعلق لي مطلقا عظمة و جرس"

الله عظمة علي عظمة يا خالد باشا
و زي ما قال عادل امام زمان
يسلم فمك يا استاذ خليفة
اسفة لركاكة التعبير بس ده اللي حسيت بيه في التو و اللحظة

Anonymous said...

استاذ خالد:التمرد على السلطة لا يعنى القوة
لا احد يعرف مدى التأثير السيء لكلمه واحده ضد السلطة او الحكم
انها قد تدمر دولة بأكملها
ويستمر ضررها لأجيال طويلة

Hafsa said...

لو سمحت يا انونيموس
الدولة حتسقط من كلمة سيئة لو كانت دولة ضعيفة قايمة علي الباطل
لكن لو دوله قوية لا يحكمها العسس فمش حيحصل فيها حاجة
لو عندك مثال علي دولة كويسة سقطت بسبب كلمة سيئة لو سمحت وريهولنا
شكرا

KHALED-ELSAWY said...

شكرا للجميع
والله يا انونيموس على حسب هي سلطة عاملة ازاي؟ سلطة مين؟ مش معقول قصدك انه حتى لو سلطة مش ايجابية مش ناوي تتمرد عليها؟ اكيد محتاج تقول ده غلط ومش موافق عليه.. اما الايمان بالسلطة لمجرد الخوف من انقلاب الحال وتغير الموجود فمعناه ببساطة احياء وتكريس مجتمع القطيع.. وانا لا احب اني اكون خروف في قطيع ولا احب انت ولا اي انسان يكون كده.. وانا طبعا متأكد انك مش عاوز كده انت كمان.. لكن رفض أي رفض ومقاومة كل تمرد ايا ما كان مراده يقود الى شيء واحد هو مجتمع القطيع.
وشكرا لاهتمامك

Albida said...

قصيدة مليئة بمشاعر ثورية فعلا
أنت محق لا يمكنهم ان يجبروك على كتابة ما تريد... لكنهم يمكنهم ان يجبروك علي عدم الكتابة أساسا!!! هل تفهم قصدى؟

Hafsa said...

عدم الكتابة عندي اشرف مليون مرة من الكتابةالموجهة لارضاء سلطة معينة او ديكتاتور بحد ذاته

KHALED-ELSAWY said...

الجبن أسوأ من الهزيمة.. فمن الهزيمة نتعلم الانتصار ولكن بالخوف لا نبرح مكاننا الى للأسوأ.

Albida said...

يا جماعة أنتوا عندكوا حق فعلا! بس انتوا مش فهمنى... أنا قصدى اقول أن الخوف غريزة أساسية داخل الانسان لايمكن أن يتفادها... أنها مثل الجوع و العطش. علشان كده يجب احترامها أيضا. ده مش معناه التخلى عن الشجاعة ولكن معناه كيفية استخدامها بالطريقة الصحيحة لتتناسب مع ظروف الانسان النفسية و الخارجية, وبكده هتكون أفعاله مؤثرة فى الأخرين

يا رب أكون وصلت اللى جوايا كويس

KHALED-ELSAWY said...

البيدا اشجع المقاتلين بيخاف.. بس لا يتراجع.. ده الموضوع

Anonymous said...

أما يا مصر صحيح غلبانة
يوم تتعشي وعشرة جعانة
وبتتغطي بناس بتوطّي
لما غرقتي في بحر خيانة

أما يا مصر صحيح غلبانة

أما يامصر عليكي حكومة .. غش ف غش
بتبدل في اليوم الواحد .. مليون وش
وبتستعبد ...شعبك تجلد
قهر وذل وخوف واهانة

أما يا مصر صحيح غلبانة

أما يا مصر عليكي رئيس.. مش متأخر
ان يسيب في كلابه تهيص ..وهو يشخر
لما الخير في ايديكي اتبخر
راح امريكا خدله اعانة

أما يا مصر صحيح غلبانة

لسه يا مصروشعبك ساكت...كاتم غلبه
امتى يا مصر ح يفهم ان بحقه يطالبه
خايف لاحسن نومه يغالبه
يصحى يلاقي الناس عريانة

اصحي يا مصر الناس نيمانة