Friday, October 13, 2006

أستطبع أن أفعل الكثير


أستطيع أن أعمل الكثير
هذه الحياة التي تريد معركة
سأمنحها هذا الذي تهواه
في ترابها الأسمر أزرع صلبي
وفي جوفها العميق أثبت نطفتي
وفي هوائها المريض أنفث روحي

أستطيع أن أفعل الكثير
أنثر الفوضى في عواميد الأدب
وأنزع عن الفن قداسته الوهمية
أجعل الأشياء طبيعية وعادية
وأحول جدول الأفكار في اتجاه المحيط

أستطيع أن أفعل الكثير والكثير
أشعل الشك في التاريخ كله
وأصور البركان الذي نعيش فوقه
أستطيع أن أدمر الجمال البرجوازي الخسيس
وأن أستحدث القبح النبيل

36 comments:

Hafsa said...

باذن الله نستطيع
الصورة حلوة اوي
ربنا يفرح قلبك زي ما ضحكتني
تحياتي

shaimaa said...

جميل ان تستطيع ولكن متى تنفذ ؟؟
هذا هو اللغز

تحياتى

وينكى said...

يستطيع المارد أن ينطلق من عقاله
محدثا كل التغييرات الممكنه
ويكفى ان الاراده موجوده
عسوله قوى الصوره دى
دا انت وانت صغير؟؟

amal said...

فاكر لما رايس قالت تعبير الفوضى البناءة ..طبعا على الطريقة الأمريكية
اللى كتبتة ده فوضى بناءة بس على طريقة خالد الصاوى
الثورة و التمرد يتجسدان بداخلك
لا أملك إلا أن أقول أنك غير قابل للتكرار ..أوعى تخلى حد يقلل حماسك اللى يجنن ده

KHALED-ELSAWY said...

شكرا حفصة
شيماء لو مؤمنين اننا نقدر فالتنفيذ بيكون مسألة وقت طال او قصر..وكل خطوة بنخطيها للهدف ده هي خطوة في الاتجاه الصحيح لأن لو احلامنا كبيرة مش حننفذها مرة واحدة ولا ايه؟:)
لا يا وينكي انا لي صور وانا صغير في الارشيف لكن الطفل القمور ده بمناخيره المنمنمة دي مستحيل طبعا يكون انا:)
شكرا امل بس الحقيقة انا لا احب مطلقا ان يجمعني برايس اي شيء ولا حتى تعليق لطيف ذي ده:)

Nohaz said...

عتقد ان الفوضي ابناءة مش تعبير يرجع للاخت رايس لان في اصلا ابحاث عن الفوضي وأعتبرها نظام في حد ذاته يعني مثلا منظمة تتبع في إدارتها نظام الفوضي
Chaos theory is applied in many scientific disciplines: mathematics, biology, computer science, economics, engineering, philosophy, physics, politics, population dynamics, psychology, robotics, etc.

ragazza11 said...

souret el baby to7fa geddan! Anta ensan tha'er we fi nafss el wa't enta activist we dih 7aga gameela laken ezzay bete'dar taqawem kol el e7batat elly 7awaleik..a3takad heya di ass3ab 7aga lamma el wa7ed yekoun activist ..zay amnta 'olt fi wa7da men modawanatak 3an el mothakafeen al mozayafeen..ay 7ad ye'dar yenadi beltaghyeer laken lammy yeegi wa't el gad el kol beylaki million sabab 3alashan yefalssef3adam kodretoh 3ala al mowagha..3alshan keda ana bashouf ennak mokhtalef la'enak kader 3al mowagha ..

ragazza11 said...

3andi so'al: ezay betkhalo feeh sorra gamb el username beta3ko? mathalan zay soret el fairy god mother beta3et winky?

Ghada said...

أتابع مدونتك "بصمت" من فترة، لكنني لا أستطيع منع نفسي من الانحناء ورفع القبعة هذه المرة..

أحييك على هذه الروح.. زرعت داخلي شجرة أمل وابتسامة :)

Albida said...

على فكرة صورة الطفل اللى حضرتك حاططها دى قمة فى الذكاء
اللى يشوفه كده يقول الله ايه البابى الامور ده! لكن تعبير وشه ولسانه ده تعبير قوى عن الثورة والتحدى اللى جواك

Manal (من هنا و رايح)

ام العيال said...

استاذ خالد
اولا كلامي حيكون قدييييم بس استحملني
مبروك على المدونه
قلتلك قديم
انا شفت فيلم عماره يعقوبيان و ليا تعليق في البلوج بياعي لو شرفتني ابقا اقرا
بس اداؤك كان وهم وهم وهم وهم
و الله من غير مجامله انت الي في الفيلم
ايه كل الاحساس ده
بس بلاش افلام شر
بالتوفيق

karakib said...

يد لوحدها ما تسقفش ... اسمح لي انضم لك لنفعل الكثير جدا ... انتوك

ragazza11 said...

hello just trying the picture thing

Anonymous said...

خالد

جميل أني اصادف مدونتك - عن طريق موقع الطلبة الاشتراكيين - وجميل بردو اني اقرا لك للمرة الأولى


خالد انت ممثل هايل

ودا لوحده مش قليل أبدا


محبتي

أحمد

Mariam Mekiwi said...

I believe that there's nothing in this world you can't be, if you want it enough. This poem shows the revolutionary spirit inside the writer. the poem shows, how badly you NEED to change something, how badly you need to revolt, how badly you need to break natural laws. After all that do you still believe there's something you can still do? I give up sometimes, though i'm still very young. But things are easier said than done.

Epitaph said...

:) and that should be the spirit!!

how rebellious!!

محمد ياسر said...

الواحد لازم يكون عنده امل و ثقة نفس شوية فعلا عشان يحلم ويحاول يعمل حاجات كتير

ربنا يوفقك و مدونتك جميلة هتابعها باذن الله

Rana K S A said...

Why do u wanna mess with life!! i'd rather be friends with it and let it go my way sweetly. trust me its kinder than u think .

sahar said...

أنا جاية أمسي ايه الأخبار ؟
بقالي مدة مازورتكش ده مدونتك عاوزة قاعدة بس تعرف انا كنت عارفة انك ثوري بس ماتخيلتش انك تبقي للدرجاتي
تحيـــــــــــــاتي
أم أحـــــــــمـــــد

Mariam Mekiwi said...

To Rana:
Well, if you think you shouldn't mess with life, than why do you live in the first place? ( i don't mean it personally, i'm just commenting on your comment)
I think we live to change, to affect,to leave a print to do something, to write to read to teach to act to sing to influence lives and above all to love.
You're right, those people who don't mess with lives are the ones, who live in peace, but they're not the ones we learn from in history books and they're not the once, who teached us the ethics and the morals. They're not the ones, who helped us to build our personalities. Above all they're not the ones, who died with unfullfilled dreams and are releying on us to fullfill them.

Rana K S A said...

who said not messing with life means being negative?? i think u totally missed my point as ur reply doesn't link to my comment.

amal said...

العقل الكوني والاقتصاد الكوني

Universal mind & Universal economy
( تمر المجتمعات البشرية في الوقت الحاضر بفترة تحول سوف تعيد ترتيب سياسات واقتصاديات القرن القادم فلن يكون هناك منتجات قومية أو تكنولوجيات قومية ولا شركات قومية، فالقرن الحادي والعشرين هو بداية لظهور الاقتصاد الكوني ليرسم صورة جديدة تعكس بوضوح أكثر حقائق الاقتصاد في العالم الذي بدأ في الظهور والمجتمعات التي تتشكل تبعا لذلك ( 3) ) ، إن دراسة المعرفة وحقول تطورها في هذا البحث تجد بان هناك توافقا عميقا بين التحولات الاقتصادية والتحولات ( المعرفية) وكما هو معلوم فان الاقتصاد عصب الحياة وأساس التطور الحضاري والعلمي في هذا القرن ، وتطور أي شيء في هذا العالم يتأثر بصورة كبيرة بالتطور الاقتصادي ، وتزامن ظهور الاقتصاد العالمي ومنظمة التجارة العالمية مع تطور الإعلام العالمي والشبكة العالمية للمعلومات ( الانترنت)ومنظمة الثقافة والعلوم العالميةUNESCO (اليونسكو)دليل على إن الاقتصاد والمعرفة يسيران باتجاه نقطة واحدة وهي : العـالـميـــة او الـكـونـيــة

ولا يقتصر هذا التوافق بين الاقتصاد والمعرفة على هذا القدر فحسب بل يتعداه إلى بعد خفي وربما غير متوقع .. وهو ازدياد الثقل الاقتصادي للعلماء والمخترعين والاستراتيجيين وذوي الخبرات والمهارات على مستوى الاقتصاد العالمي..( ففي العام 1920 كان يذهب أكثر من 85% من تكلفة سيارة لدفع أتعاب العمال الروتينيين والمستثمرين ، وفي عام 1990 حصلت هاتان المجموعتان على اقل من 60% بينما ذهب الباقي للمصممين والمهندسين وواضعي الأساليب والمخططين والاستراتيجيين وخبراء المال والمديرين التنفيذيين والمحامين والمعلنين والتسويقيين ، أما اليوم فيذهب أكثر من 85% للتصميمات المتخصصة والخدمات الهندسية وبراءات الاختراع وحقوق المؤلف على المكتشفات السابقة ) ( وبينما تتضائل بانتظام أجزاء الناتج القومي الإجمالي التي تذهب للعمالة الروتينية والمستثمرين ، فان الجزء الذي يذهب إلى الذين يقومون بالتعرف على المشاكل وحلها كان ينمو بانتظام ( 3 ) وهكذا فان الشكل الجديد للاقتصاد العالمي في القرن الحادي والعشرين سيكون :
اقتصادا عالميا يعتمد على مهارات ذات قيمة عالية مرتفـعـة بدلا من العمـالـة الـروتينية

وراس المال (3) ) ولعل العبارة الأخيرة مثيرة للاهتمام ، فهي تهديد صريح للرأسماليين من خلال بيان إن المهارة والخبرة بدأت تظهر كقوة فاعلة بدلا من راس المال... لكن من هم أصحاب المهارات والخبرات ؟؟

إن الذين سيعتمد عليهم الاقتصاد الكوني في المستقبل هم بلا ريب الذين ستعتمد عليهم منظومة المعرفة البشرية التي ستتحول بعد تدرج عالِ في التنظيم إلى :

( العــقـل الـكـونـي )

إن انبثاق النظام الاقتصادي الجديد والنظام المعرفي الجديد على ( نفس ) الدعائم البشرية في العالم والمتمثلة بالعلماء والمخترعين والاستراتيجيين والاقتصاديين ورجال القانون البارزين وأصحاب المهارات والكفاءات في المجالات العلمية والثقافية دليل على إن التحول إلى العالمية حتمي ومؤكد والمسالة مسالة وقت لا أكثر لظهور دستور ( علمي ) عالمي ودولة عالميـة يحكمها

علماء وخبراء و مثقفوا الجنس البشري، بحيث يكون الاقتصاد الكوني والعقل الكوني وجهان لعملة واحدة هي : ( الجـمـهـوريــة الــكـونـيـة ).

قد لا نستطيع التكهن أكثر بتفاصيل هذه ( الجمهورية) ونظامها السياسي والاقتصادي أو العقائدي ، لكن ومن خلال لمحة عابرة على واقع التطور التاريخي للجنس البشري فان ( العلم) ومنهج البحث العلمي هو عقيدة وسياسة واقتصاد جمهورية المستقبل .

ما رأيك فى ذلك ؟

poetic verse said...

How can i be assured that you are Khaled El-sawy, the famous actor??

Hafsa said...

to poetic verse,
i dont think that there someone in his right mind who will steel the personality of a well knowen public figure like khaled elsawy and expose his charachter this easily. if he can do it, it will be for a short time, till people inform khaled then he will be busted,.....right. thats a theoritical part, from another point of view, havent u read what is written by the so called khaled elsawy, does this sound far from what u saw him act b4??? there is something called charachter or personality order/symptoms. i hope i got the expression right, by which u can always analyze the person in front of u , thats how they discover peopel that have been exchanged in espionage stuff.
and finally , if u dont believe he is khaled elsawy, simply dont continue visiting the blog,although i will like to have u with us.
ta7eyati.

Hisham Eltawil said...

نعم نستطيع أن نفعل الكثير
الكلمان مؤثرة جدا يا أستاذ خالد

poetic verse said...

dear Hafsa:
first who told u that i'm speaking about someone "in his right mind" who would do smthng like this, ofcourse he would b someone just seeking popularity and fans only for his blog, and may b he is one of the fans who adores khaled el sawy like us all and knows his personality very well..and this is very easy actually, and there r many young men who r very talented in poetry and eloquent too, and if khaled el sawy knows may b he would do smthng and may b he wont bother..
i'm wth u concerning the personality and that he convinces me, but i always like to think of all the possibilities, because more or less it's still "the internet world", sometimes u cant b sure 100% of the truth..anyway i dont find it a problem 2continue reading the blog or not, the content is wht's important, but i just like 2b sure of this identity, no more..thnxx again.

KHALED-ELSAWY said...

نهاز ايها الملاك الحارس:) ممكن اعرف اكثر عن Chaos theory ؟
رجازة11 بشكرك انا الحقيقة كل اللي بفكر فيه في الجزئية دي اتشربت بيه من قراياتي للوجودية وانا في الثانوي..فكرة ان اهم حاجة في الكون انك تحترم مشروع وجودك لأن هو ده وجودك نفسه.. وكمان استفدت جدا من المسلمين الاوائل وشهداء المسيحيين على ايدي الرومان ومن سبارتاكوس ومن ناس كثير قوي حسيت معاها ان اي حاجة بعملها صغيرة قوي جنبهم بس كبيرة قوي في مسار مشروع وجودي:)
وليه بصمت يا غادة؟:) اشتبكي في الحوار معانا.. شوفيلك اي موضوع ونطي فيه زينا:) شكرا ليكي واهلا بيكي دائما
يا البيدا يا جامد:) برافو عليكي
ام العيال بشكرك واقبل عيالك جدا لأني للأسف معنديش رغم اني بموت في الاطفال عشان ماتجوزتش للأسف..ربنا يخليهوملك.. كلام مش قديم ولا حاجة ويا ستي بكرة اعمل حاجات تعبانة وتنقديني عليها:)
انتوك..انت من الاحرار يا انتوك:) يا عم ما انت ايدك في ايدي من اول ما بقيت من اعضاء المدونة.. انت ناسي ولا ايه؟
تك يا رجازة 11 مدونة عمو خالد بتاعتنا كلنا:) انا فخور اني كنت طالب اشتراكي ودفعت ثمن ده دون اي ندم بالعكس وفخور اكثر بهذا الجيل من الطلاب الاشتراكيين اللي انشاءالله يقربوا للشباب مدى انسانية مشروعنا الكبير اللي هو طبعا لا شبه الاتحاد السوفييتي الخربان ولا النظم التعبانة اللي سمت نفسها اشتراكية غلط.. كل تحياتي ليهم ولصلابتهم واخلاصهم للبشرية ولمجتمعهم.
مريم مش مشكلة ده كله المهم نستمر في المحاولة عارفة ليه؟ لأن البني ادم مننا ملوش طبيعة محددة قوي بتحدد وجوده بالعكس يقدر يطورها ويمدها ويضبط فيها طول عمره وهو ده مشروع عمره..كل الشجعان بيخافوا بس بيحاربوا خوفهم مرة واتنين لحد ما يبقوا الشجعان اللي نعرفهم واللي مايخافش خالص ده متهور مش شجاع..المهم مانفقدش ايماننا بامكانية التحقق وتحقيق اهدافنا حتى لو اهدافنا بتتغير طول الوقت لأن كل شيء بيتغير؛)
شكرا ابيتاف واهلا يا محمد ياسر بيك دايما معانا
رنا يمكن ظروفك الطف من ناس كثير قوي عشان كده بتقولي ده؟ اتمنالك الخير طبعا بس لما نبقى عايشين في عالم بيموتوا فيه الاطفال من الجوع عشان ملاك العالم يتنعموا ويعيشوا في بذخ ويصرفوا الملايين على موائد القمار تبقى الحياة هي اللي بتعبث بينا مش احنا وقصدي هنا الحياة بالصورة غير الانسانية دي.
مشكلتي مع كلامك يا امل انه كان مؤقت لدرجة انه انتهى تماما مع ما تلى احداث 11 سبتمبر من احداث.. عموما فيه ردود كثير قوي موجودة على موقع swp.uk
وفي كتاباتنا في مركز الدراسات الاشتراكية وبشكل عام المسئول عن تصوير ما ندعو اليه على انه تركيب ميكانيكي هو الستالينية مش الفكر الاشتراكي الراديكالي -ليون تروتسكي-توني كليف ..الخ حيث تبدو هنا الاشتراكية اكثر ديناميكية وفيها مساحات للتطور والابداع الجماهيري طبقا للتحولات التاريخية.
شكرا هشام وشكرا حفصة
بوتيك فرس انا خالد الصاوي ليه مش مصدقني هو انا قلت انا رشدي اباظة ولا عمر الشريف؟:) مجرد خالد الصاوي:)
عموما انا لي نمرة عامة ممكن اي حد يتأكد انه انا منها لو حب:)
0122188463
وشكرا للجميع:)

نيفين عمر said...

فى رأيى ان الذى يستطيع ان يفعل الكثير هم الاطفال ويمكن صورة الطفل البرىء التى زينت بها موضوعك يمكن تكون معبرة
لان الاطفال هم من يملكون البراءة والجراءة بدون مايدخل قاموسهم كلمات مثل عيب , مستحيل , ماينفعش , غلط
ولكن تفتكر هم بيفكروا ان يفعلوا شىء فعلا ؟؟؟؟؟
نيفين عمر

sally said...

هذه القصيدة تشعرني بروح التمرد عند من لم يعترك الحياة بعد ويقف على أعتابها متصورا أن كل شيء ممكن مهما كان صعبا. ويحمل في عقله وقلبه طموحات متوحشة ويتصور أن بإمكانه قلب الدنيا رأسا على عقب. ولكن السؤال إلى متى سيتبقى تلك الروح الثورية والرغبة في التغيير حتى وإن كانت ثورة للثورة أو تغيير للتغيير إلى متى ستظل متقدة دون أن يهزمها كل ما يحيط بنا من إحباطات؟

فهذه القصيدة تبدو لي شحنة عاطفية قويةغير عقلانية تفيض بالحماسة والغضب . كنت منذ فترة قصيرة مضت أومن بأنني يمكنني أن أفعل وأفعل ولكنني اكتشفت مدى ما كنت أعيش فيه من خيال ووهم وأن العالم الذي كنت أتصوره ليس له وجود إلا في خيالي.

وياريت محدش يقوللي على المظاهرات وتعبير الشباب عن غضبه وأشياء من هذا القبيل لان المظاهرات لم تسفر عن شيء كانت شوية صوت عالي وخلصت على كده مع احترامي لكل اللي شاركوا فيها لكن هل في أي حاجة اتغيرت ما اعتقدتش

كنت عازوة أسألك ما هو القبح النبيل وكيف يتفق القبح والنبل ؟

وثانيا أن لا أعتقد أن قداسة الفن شيء وهمي ربما صارت كذلك الان لان كل ما تقدمه لنا الوسائل المرئية والمسموعة لا يسمى فن بل مسخ "احنا عايشين في زمن المسخ" زي مقال عادل إمام في يعقوبيان

ولكن تبقى للفن الحقيقي قداسته عند كل من لا يزال يقدر ويفهم

KHALED-ELSAWY said...

نيفين اطفال ايه اللي حيعملوا؟ هو احنا حنخلع من المسئولية من اولها؟:) واجهي قبل ما تتواجهي.
سالي لو ماعندكيش 50 سنة على الاقل فمش حقدر اهضم ولا كلمة من كلامك شديد التعالي ده..بتتكلمي بتقرير الخبير اللي خبر الحياة كلها وبيستهتر باللي لم يصل لما وصل اليه؟ انا عندي 43 سنة..شفت كثير وبنيت خبرة مختلفة عنك ويمكن فيها حاجات صح وحاجات غلط لكن شطب المرء لتجارب وتأملات غيره شيء في اعتقادي غير علمي بل وغير انساني اصلا. يعني ايه ثورة للثورة وتغيير للتغيير؟ الكلام ده بيقولوه في السلطة عشان يهينونا بيه قدام الناس انما انت بتقوليه ليه؟ اغلب الظن انك متصورة الموقف العقلاني السليم هو الموقف غير المنتمي -التطهري بيسموه احيانا- والتطهري ده معناه انه مش عاوز يوسخ ايديه بقذارات الواقع.. يعني بيستسلم بس بطريقة شيك!! الثورة للعدل وللحرية مش ثورة للثورة! والتغيير للأفضل طبعا مش تغيير للتغيير! ثم يعني ايه هذه القصيدة شحنة عاطفية غير عقلانية؟ طيب ما كل قصيدة في الكون كده! التاني العقلاني دي اسمه مقال مش قصيدة.
اما لماذا التظاهر فبرضه ححيلك لمقال لماذا التظاهر على موقع الطلاب الاشتراكيون او الحوار المتمدن اما المظاهرات عملت ايه؟ فده اجابته على حسب انت متصورة الحل ازاي عموما؟ عاوزة تصحي من النوم تلاقي الجيش جايب حل مثلا؟ ولا عاوزة تصحي من النوم تلاقي الحل على ايد مين؟ ولو عاوزة تشاركي ناوية تبقي ايجابية ازاي؟ وازاي تبقي عنصر دفع للأمام مش عنصر بيكسر المقاديف لزملائه؟ اما ايه القبيح النبيل وبتاع فأنصحك بقراءة بودلير وخاصة ديوانه ازهار الشر لو عاوزة تتعرفي اكثر على هذا الموضوع.
الفن اللي هاجمت قداسته هو الفن البرجوازي الذي يصنع لا لشيء الا لمراكمة ارباح مستثمريه وليس طبعا الفن النابع من القلب كما اني اهاجم فكرة ان يكون اغلب الناس عاجزا عن الابداع كما لو كان الفنانون موحى اليهم دون سواهم مع ان الفلكلور منجم للابداع الشعبي.

نيفين عمؤ said...

حضرتك تطلب منى ان اواجه . اوافقك
ولكن دعنى اٍسألك ماذا فعلنا نحن ككبار ؟؟
هل استطاع احد منا ونحن الكبار ان يخلع رمز الحكم الكائن فى قصر الرئاسه 25 سنه؟؟
هل يستطيع احد ان يمنع توريث الحكم لو ارادوا ؟؟
هل حاكمنا احد من رموز الفساد الكبار ؟؟
هل نملك تغيير الحكومه ؟؟
كل مانملكه ان نتكلم ونهتف ونقول كفى ثم نذهب لننام وقد ادينا ما علينا
وفى الصباح نجد ان المشهد كما هو بل يزداد سوء .
فلماذا نضن على ان يكون من اطفلنا من هو اقوى من كبرائنا ؟؟
استاذ خالد هل احد منا يستطيع كما يقول لا ان يترجمها لفعل ؟؟؟
للأسف نحن أصبحنا صدى صوت ومنبع للسلبية ولا انكر ان الحكام هم من صنعوا بنا ذلك ولكنا إستعذبنا خنوعنا وضعفنا وذللنا
الست معى فى ان الطفل هو الوحيد الذى يملك الجرأة ؟؟
هو من يستطيع ان يخرج لسانه للحاكم وفى وجهه
هل احد منا ككبار يقدر ؟؟؟
نيفين

KHALED-ELSAWY said...

نيفين ناخدها حاجة حاجة
اولا طبعا فكرة ان الاطفال فقط هم اللي حيواجهوا دي فكرة رمزية على اعتبار انهم اكثر نقاء وكده ماشي لكن لو بنتكلم بجد اكيد ماتقصديهاش..معنى ده ان اجابتك على سؤال ما العمل اجابة سلبية..ما العمل يا نيفين؟ الاطفال..ايوة قصدك ايه؟نهتم بيهم يعني عشان هم لما يكبروا حيغيروا الدنيا؟ازاي؟كل ما واحد فينا يحاول يربي اولاده كويس بيلاقي الف شيء ضده..يعلمهم الامانة مايلاقوهاش في الدنيا..العدل فيلاقوا الظلم.. وهكذا..طيب مين اللي حيعلمهم في المدارس ؟ احنا برضه..عظيم..طيب واحنا اثناء ما بنربيهم ونعلمهم هل قادرين نقوم بواجبنا على اكمل وجه؟لا ليه؟عشان انت ممكن تبقى انسانة محترمة جدا وموهوبة في حاجة معينة ومجتهدة ومع ذلك فقيرة..الله!طيب تعملي ايه غير انك حتوديهم مدارس تعبانة؟ الاطفال دول بيتخطط مستقبلهم كله من اول حضانة..اللي بيروح مدارس نظيفة ونوادي ظريفة وكده بيخش توماتيكي عالطبقة الجامدة والعكس صحيح..حتقوليلي الانسان ممكن بكفاحه وبتاع..ماشي..انا شخصيا كافحت وطلع عين اهلي واقدس الكفاح لكن فيه غيري ناس يمكن احسن مني الف مرة ومدفونين في الاقاليم.. قصة المظاهرات بتعمل ايه دي محتاجة لتفكير.. بناء على ما سبق ان قلته شايف ايه الحل؟ شايف الحل اننا نغير الدنيا بأننا نغير الشروط اللي بتحكم الانسان من مولده لوفاته في مجتمعنا وكل ناشط يحاول يعمل كده في بلده..ازاي؟ فيه عدة حلول..اختاريلك حل غير "مفيش حل".. فيه ناس بتقول نغير بانقلاب وفيه بيقولوا بالارهاب وفيه بيقولوا طب ما التوريث عسل وفيه وفيه..انا بقى عن نفسي شايف ان وجود كتل كبيرة من الناس في الشارع للمطالبة بأي شيء بيخللي الموضوع تدريجيا مش في ايد السلطة او الطبقة الحاكمة فقط..الناس بتخش المعادلة وعند لحظة معينة ممكن تشقلبها تماما..ابقي اقري عن التغيرات اللي حصلت في الاتحاد السوفييتي واوروبا الشرقية عشان تشوفي الناس في الشارع ممكن تعمل ايه. لو شايفة طريقة افضل دلينا عليها ده احنا متشوقين الحقيقة.

sally said...

أولا انت اعتبرت كلامي هجوم عليك شخصيا وده غير صحيح ولا حتى هجوم على القصيدة. ولو دققت كويس في اللي أنا كتبته مش حتلاقي فيه التعالي وشطب تجارب الاخرين وكل الحاجات دى. أولا لاني لما قلت "هذه القصيدة تشعرني بروح التمرد عند من لم يعترك الحياة بعد ويقف على أعتابها متصورا أن كل شيء ممكن مهما كان صعبا" كنت بعبر عن الاحساس اللي وصلني لما قريت القصيدة ومش أكتر من كده وده مش معناه إني بتهمك بنقص التجارب أو بتعالى عليك زي ما بتقول ده الاحساس اللي أنا شعرت به لما قريت القصيدة دي سواء كان صح أو غلط . ثانيا الروح الثورية والحماسية ليس لها ارتباط بالعمر ولكنها مرتبطة بطبيعة شخص سواء كان في العشرين أو الاربعين أو حتى في الستين. وهذا الشعور الزائد بالحماس أو الغضب قد يكون سمة من سمات الانسان أو شعور عارض نتيجة تجربة ما ولكنه في كل الاحوال ليس تهمة أوجهها للقصيدة أو لكاتبها.

تاني حاجة حكاية ثورة للثورة أو تغير للتغيير فمرتبطة بشكل ما بموضوع المظاهرات اللي أنا لسه شايفاها ما أسفرتش عن أي نتيجة حقيقية سوى أنها كانت منفذ للتنفيس عن الغضب ومحاولة لتوصيل الصوت الساخط على الواقع الذي نعيشه وده في حد ذاته شيء كويس لكن مش المفروض إنه يقتصر على كده وبس. المظاهرات المفروض تحقق هدف أو على الاقل تلوح بوجود مجتمع مدني قوي يتعمله حساب عند اتخاذ أي قرار يمس المواطنين ولا أعتقد ان ده موجود على الاطلاق. ولكن لا يمكن حد مننا ينكر احترامه لكل اللي شاركوا في هذه المظاهرات لانهم على الاقل عندهم أمل. والموضوع مش محتاج قراءة مقالات لانه لو حصل أي نوع من التغيير بنحسه في ابسط الاشياء حولينا. وأنا معاك إن الحل بييجي تدريجي ومش هيحصل بين يوم وليلة ولازم ييجي من الناس نفسهم مش لما أصحى من النوم ألاقي الجيش في الشارع !!!!!!!!!! لكن ازاي أو امتى ده يحصل أنا معرفش لاني مش شايفة مؤشرات توحي بالتغيير للافضل.

وليس كل مشارك في المظاهرات منتمي كما أن ليس كل من لا يشارك غير منتمي أو مستسلم "و مش عاوز يوسخ ايديه بقذارات الواقع" ولكن لكل أسلوبه في التعامل مع الحياة ومحدش يقدر يحكم على شخص بالايجابية أو السلبية إلا من خلال تصرفاته. لان مع الاسف في بعض الناس بتمشي مع الهوجة وبعدين لما الحكاية تنفض يرجعوا يمارسوا حياتهم بشكل طبيعي جدا زي الاول. صحيح الثورة للعدل والحرية وده اللي كلنا بنتمناه لكن علشان ده يتحقق لازم يكون في تحرك منظم على نطاق واسع. أنا ما بعتبرش نفسي خبيرة في السياسة ولا بقرأ فيها كثيرا لكن ده رأيي من الواقع اللي بشوفه حولي ويمكن اكتشف بعدين انه غلط وأغيره لان كل صواب يحتمل الخطأ كل والانسان كل ما بيزيد عمره وبتزيد تجربته بيشوف الحياة بشكل مختلف. ولكني مبحبش حد يمسكلي عصا ويقولي أنا أكبر منك وأفهم أكثر منك لان كل كبير كان صغير وكل صغير مسيره يكبر فلازم نحترم آراء بعض حتى لو كنا مش موافقين عليها. وحتى لو كان رأيي غلط فهو من وجهة نظري صح وبدل ما تغضب مني ناقشني بموضوعية ووضحلي ايه اللي انت شايفه غلط يمكن تعرفني حاجات أنا ما كنتش أعرفها.

أما عن حكاية القبح النبيل فأنا عاوزه أعرف رأيك إنت مش رأي بودلير و أنا فعلا بستفسر لان التعبير لفت نظري يعني مش بوجه لك سؤال ساخر.

بأعتذر إذا كانت رسالتي حملت بعض الكلمات الحادة التي قد أسيء فهمها وارجو أن اكون اوضحت وجهة نظري. وياريت نقبل الاختلاف في الرأي بلا انفعال حتى نستفيد من أي جدل أو خلاف.

ragazza11 said...

el monaksha dih sekhnet gamed we ana shakhseyan ta7amast:

Awalan, ka mabda' el thawra leeha sababein; ya emma el wa7ed beyetmanzar we wa't el gad yekhla3, ya emma el wa7ed fe3lan 3ayez yeghayar el waqe3 elly 7awaleih..ana shayfa en Khaled men el no3 el tany.

Radan 3ala so'al Sally: el thawra 3amalet eih..ta3alo neshouf fi baladna ana wa7da men geil el sab3einat wa'taha ma kansh al ISlam Al Seyassy mawgood lessah beltaly lebss el nass we tafkeerhom kan mokhtalef. Lamma el gama3at shadet 7eilha el donia 7awaleina etghayaret we dah akbar daleel 3ala en el moqawma el monazama tegeeb nateega, wala eih?

E7na kasho3oub 3arabeya wala et3alemna ezzay nemaress 7okokna el seyaseya walla fann el idara wel tasweek..ana shayfa en sa3b geddan 3aleina ennena nastmaer fel 7amass la3amal taghyeer egtema3y aw seyassy ella fi 7alet enno yekoun ta7t essm el deen (gehad) la'en akher marra 3amalna feeha kedda wa't abdel nasser entaheina belnakssa wa betaly tarassab 3andena e3tekad en ay mashrou3 kawmy maloush dakhl beldein (secular) 7ayafshal bedoun shak..

A7eb a'oul enny wa7da men el nass elly ma3andeesh el gor'a 3al mowagha lakenny moktane3a en dah el 7al el wa7eed le'ay taghyeer fe ay makan fel 3alam :)

KHALED-ELSAWY said...

مفيش انفعال شخصي يا سالي ده مجرد حماس للموضوع.. لكن الروح اللي كتبتي بيها قبل كده كانت بالنسبة لي سلبية الحقيقة.
انا ماقلتش اني اكبر منك بفهم عنك راجعي كلامي انا قلت ما معناه ان التعالي اللي في كلامك لو مش جاي من خبرة كبيرة يبقى غريب قوي.. حتى لو فيه خبرة يبقى غريب بس كمان زي ما انت نفسك بتقولي مالكيش في السياسة ولا عاوزة تقري كمان يعني فكرة غير مدروسة جت في دماغك فسمحتي لنفسك انم تتعالي على الناس من منطلق معيب في رأيي.العالم كله مليان مظاهرات وفيه منها اللي بيغير الحكم وفيه منها اللي بيصلح الاحوال العامة ومنها اللي بيحقق مكاسب مطلبية زي زيادة اجر او كذا وفيه اللي بيفشل.. ولأن الدنيا تتحرك باستمرار فاللي فشل اليوم ممكن جدا ينجح بكرة.
انما يا امل لما انت لا عاوزة الناس تغير حياتها بالعمل الجماهيري زي المظاهرة والاضراب والاعتصام..الخ ولا عاوزة الانقلاب زلا عاوزة الارهاب اكيد.. طيب عاوزة التغيير ييجي ازاي؟ بالجمعيات الخيرية ولا لما يتم التوريث كله حيتصلح منه فيه؟
البحث والقراية عمرهم ما كانوا عيب، والتجربة بمعيار الصواب والخطا مستحيل تبقى عيب.. والجدل حول افضل الحلول مش عيب طبعا.. العيب كل العيب اني اوافق شخصيا على تأجيل الوصول لحل لعذابات الناس.. ومش عشان حياتنا مش منهارة نقدر نسوف ونأجل التغيير لأن الملايين منهرين فعليا وتحت حد الفقر والكرامة والحرية والعدل.. عندك حلول واقعية نحب نسمع

KHALED-ELSAWY said...

رجازة هي الناس بتتغير بالافكار ولا بالحركة في الواقع؟ الاتنين مهمين طبعا بس انهي بييجي الاول؟ الجماعات ظهرت في وقت كان اليسار فيه بينهار تدريجيا بعد فشل انتفاضة 77 ، شباب الجماعات الدينية دول فقراء ومقهورون ومظلومة أقاليمهم وكان لابد لهم من التمرد ولأن مفيش يسار متماسك راحوا في سكة اليمين.. عادي.. حصلت في بلاد كثير.. احنا بقى كان عندنا مثقفين وسياسيين متخلفين فكريا في رأيي فضلوا يحطوا ايدهم في ايد السلطة على انهم يبنوا جبهة يسارية ضد الاتنين.. والنتيجة شفناها كلنا بعد كده.
لو شروط الحياة ومظاهرها في العشوائيات والقرى الفقيرة اتبدلت للأحسن حتقل هستيريا الفكر الديني-السياسي.. مش لما نحطهم في السجن ونشتمهم في التلفزيون واحنا مرتبطين بالسلطة اللي هي سبب المظالم اصلا واللي هي نفسها النهارده وتحت تأثير الضغط الشعبي عاوزة تعمل اصلاح سياحي على رأي أ.فهمي هويدي.
الناس لا تتحرك بالأفكار الا في حدود انها وسيلة لتنفيذ مصالحها الحيوية بطريقة يوافق عليها ضميرها.
ابقي اقري النبي والبروليتاريا -عربي او انجليزي- حطيه على جوجول وخدي فكرة.
كلمة عامة..
اللي مش عاوز يواجه هو حر.. لكن محطمي المجاديف لن يفلتوا من النقد الحاد بالتأكيد لأني بشوفهم بصراحة حابين تميزهم عن الملايين الكفرانة المتبهدلة في الدنيا، التغيير بالنسبة لهم دردشة والاصلاح فضفضة والقتال بعبع وتكسير همم الناس كيف.
اذا كان المرء خاوي البطن ففيه رجاء، أما خواء الروح والعقل فلا دواء له الا المعرفة والتواضع والصبر والاتساق بين ما يقوله المرء وما يفعله. كيف نعرف خواء الروح والعقل؟ الأول عدم الاحساس بآلام الناس والثاني عدم الانصات لصوت المعرفة.
وشكرا للجميع