Sunday, October 08, 2006

ذلك الشيء التافه


نعم
أحتاج دائما ذلك الشيء التافه
كلما استيقظت راودني
كلما مشيت في الشوارع الشجرية
وكلما جلست قبالة النيل العظيم وحدي
وكلما نظرت للسماء في الغروب
فرأيت سربا من طيور مهاجرة
وكلما رأيت وجها عجوزا له يدان قويتان
وكلما رأيت طفلا يعاند كي يسير
وكلما رأيت امرأة حبلى تتساند بصلابة
وزهرة توشك أن تتفتح في ربيعها المخمليّ
وكلما رأيت الياسمين يفتح جفنيه للشمس والأطفال
وكلما سرت قرب الجامعة
ففارت الذكريات في المسام
وكلما شردت في نافذة الطائرة
وفكرت في بلاد بعيدة لم أزر
وكلما تعرفت توا لآنسة جميلة
وكلما نقصت كيلوجراما زائدا
وكلما أطفأت سيجارة راغبا في التوقف
وكلما وكلما
نعم أحتاج دائما ذلك الشيء التافه
ذلك الشيء الذي تستحيل حياتي بدونه
ذلك الشيء الذي له اسم مبتذل
ذلك الذي لا اسم له
سوى الأمل

9 comments:

Gid-Do - جدو said...

خالد
اسمحلى اعترض بشدة على تسميتك للامل ذلك الشئ التافه ـ لان فى عرفى ان الحياة نفسها بدون امل تبقى موت وتجربتى وعمرى يثبتوا ذلك فانا جدو حقيقى مش اسم وهمى لمدون ولذلك اعتبر ان الامل هو الشئ الوحيد اللى بيخلينا نعيش لبكرة ـ الامل فى ان الله يغفر خطاياناـ ودة لايمكن يكون شئ تافة على الاطلاق ـ تحياتى

Hafsa said...

و ليه خليت الامل يبقي تافه يا خالد
هو صعب الشعور بيه و التمسك باحباله الطوييييييلة اي نعم لكن مش تافة و حتي لو الامل شئ كداب بس صدقني مخلي ناس كتير عايشين و انا منهم
من غيره ممكن اقوم دلوقتي و اموت نفسي بشوية ادوية عندي صح؟
لكن بس عشان فيه امل فاديني بحاول و اصبر و اعيش
و كمان الحاجة التانية
كل الصور المعبرة الجميلة و الدقيقة اللي انت رسمتها دي عندي تساوي الدنيا لا يمكن تكون تافهة اوانها تكون شئ من العبث
هي الحاجات البسيطة الصغيرة المختفية وسط الزحمة و التراب اللي بتخلينا نشوف يومنا احلي و نحاول نصبر علي الجاي
و نأمل
و نحلم
و نعيش
بس برضة في النهاية
قصيدة جميلة
رسمت فيها كورنيش النيل باجمل ما فيه

amal said...

الحب ..الأمل .. الأرادة
حاجات مش بنعرف نمسكها .. يعنى ممكن نحاول نستدعيها جوانا ومنقدرش وتبدو لنا أحيانا مجرد أحاسيس تافهة بالرغم من أنها سر إستمرانا
جميلة ياخالد

KHALED-ELSAWY said...

اولا برحب بجدو جدا ويا رب تشوفهم عرايس وتشوف ولادهم عرايس
الخاطرة دي كتبتها وانا في اسوأ مراحل الاحباط وكنت بقوم بيها نفسي.. وقمت والحمد لله:)
انا قلت مستحيل اعيش من غيره لأني شفته ساعتها شبه مستحيل.. قصدي حتى لو تافه احيانا مستحيل نعيش بدونه
تحياتي للجميع

KHALED-ELSAWY said...

بس متهيألي ممكن يكون التعبير خانني فموصلش قوي

وينكى said...

لو الأمل شىء تافه
يبقى الحياه هى المستحيل
سعيده انك فقت من المود المحبط دا
عقبالى يارب

KHALED-ELSAWY said...

أعتقد يا جماعة ان التعبير خانني فعلا وبعتذر للجميع بس مش حقدر اغيرها:)

sally said...

أحييك على هذه اللقطات السريعة التي التقطها من حياة كل شخص فينا. وأكثر حاجة عجبتني في القصيدة دي هو حضور الصورة بقوة فهي قصيدة مرئية

وطبعا من غير أمل مفيش حياة حتى لو كان مجرد سراب لكن عمرنا ما بنبطل نجري وراه

Romahali said...

You know Mr. Khaled... there were an old greege story about a girl she had all the bad and the good things ) الصفات الكويسة و الصفات السيئة)in one box ...the owner of the box told her not to open the box but she had the curusity to open it...when she do that all the bad and the good things fly away...she try to close the box quickly when she open it the only thing stay in the box is the good thing .." the hope" for this story (هوا ده اللى بيخلى الواحد متمسك بالأمل لأن ده هيا الصفة الوحيدة اللى فضلت فى الصندوق).
so that a lot of people got a faith in the hope.