Sunday, October 01, 2006

غنوة لكفاية

من يوم ما بنتولد
نتباع ونتجلد
لما كرهنا البلد
وكرهنا نفسنا

مش طالبة جبن تاني
الخوف قتل حصاني
عايش ميت بعاني
بقالي ميت سنة

كفاية كفاية

ياللي سامعين ندانا
هاتوا ايديكم معانا
نحطم المهانة
ننصر حواريها

كفاية كفاية

يحرم عليا النوم
لو كنت أبات مظلوم
وازاي أعيش محروم
وأنا اللي بانيها ؟!

كفاية كفاية
خالد الصاوي

4 comments:

mirooooo said...

حلوه والله يا خالد

من يومك وانت مبدع

KHALED-ELSAWY said...

شكرا ميرو

وينكى said...

لو عاوزين حد يغنيها أنا مستعده
جهزوا ملحن جامد وكلمونى
هو دا الكلام وإلا فلا

KHALED-ELSAWY said...

انا ملحن الأغنية دي وغنيتها مع فرقتي -الحركة- في ميدان طلعت حرب ومرة في اعتصام نقابة الصحفيين قالوها معايا الناس
حنبقى نضمك للفرقة وتغني معانا في الشارع وكلنا عشانا عالكريم:)