Saturday, October 07, 2006

بعض ما تبقى الآن
قليل من وضوح ونزاهة
ورتوش إنسانية غامضة
هذا بعض بعضي
أستطيع أن أبدأ به
وأخوض الفصل الثاني
من المعركة الفاصلة

في البداية كنت وحيدا
أما الآن فاستجد عليّ
أني صرت وحيدا تماما

لمحة من القديم بقيت
ومضة الحزن الدفيء
نعم هناك رعشة للميت
وحمل في الصخور

أستطيع البدء حيث لم أهزم تماما
غافلت العالم عن نصره الزاعق
وبنفسي الجريحة انتحيت جانبا
عزفت لها العود وتمتمت بأشعاري
مثلت في المرآة ألف وجه
وبنيت كونا في الزجاج
هناك ما بقي عفوا
إرهاص بالقوة
واختلاج سعيد بلا سبب
ثمّ اندفاع لم يزل
لا سيما جار المنحدر
شيء من كل شيء مضى
ما زال في جسمي عبيره
شوارع المدينة الخالية المظلمة
والجلاليب السوداء المتمايلة
والشهوة القاتلة
ورغبة الفوز المستعرة
لآخر رمق سليب

8 comments:

karakib said...

عزيزي .. لم تعد وحيدا .. لن نكون مشاهدين من برج عالي مره اخري بل فاعلون مؤثرون
انتوك

Hafsa said...

ان شاء الله
نفسي نكون حاجة و مؤثرون
خايفة افقد اي امل في اي خير جاي
ساعتها استحق اني اموت

وينكى said...

دور وسط الناس
هاتلاقى زيك كتير من اللى بيحلموا بعالم أفضل
بيحلموا ان الكلام ما يموت على اللسان قبل ما يتقال
ناس مش عايزه تقف وتتفرج, وتمصمص بشفايفها على اللى بيحصل
المهم فتح عينك كويس
لأنهم عملة نادره

nour said...

لأ هو فى ناس كتير مش عايزة تفق تتفرج فعلا بس مش عارفين يعملوا ايه.. احنا ممكن نعمل جمعية للناس دى اللى انا منهم و نتجمع كده و نفكر نعمل ايه مع بعض.. بجد مش بهزر..يعنى ساعات بقول لا انا لازم اعمل حاجة و بحاول و الله بس فى الاخر....ولا بعمل حاجه بكل صراحة وشجاعة ايضا
!!!!!!!!!!!

hanan doghish said...

لأنك فنان حقيقى فأنت تبحث عن حلمك للواقع الذى ترفضة و تشعر بإغترابك أحيانا داخله ، تفتش دائما عن الجوهر ما وراء الأشياء وكلما زادت قدرتك على الرؤيا كلما زاد إحساسك بالوحدة

KHALED-ELSAWY said...

شكرا حنان واهلا بيكي ولا يمكن انسى دعمك ليا من فترة طويلة
بالنسبة بقى للشباب عارفين الأمل فين؟ في سنة 82 مع اجتياح بيروت كنا في الجامعة مجموعة صغيرة من الطلبة المهتمين وكان ريقنا بينشف عشان نقنع حد يعمل حاجة.. بصوا في 2002 لما اسرائيل حاصرت عرفات الجامعة عملت ايه؟
ده الأمل.. جيلكم.. مش لوحده طبعا.. مع بعض جميعا لكن هو ده بالضبط معنى الأمل في رأيي
(حييجي يوم
ويتولد عمري اللي فات:)
انتو بقى عمري اللي فات بجد
احب تمردكم واحب صداقتنا كثيرا

Hafsa said...

بس انا كتير بحس نفسي ضايعة
لا انا حصلت الجيل اللي قبلي و لا عارفة اتكيف مع اللي بعدي
مش عارفة ازاي اوصف شعوري بدقة
ساعات بحس ان جيلي او سنتي بالذات منحوسة او متعلقة بين البينين
حالة توهان موصومة في منزل برجي او
السنة كلها
يا جماعة حد مواليد الفترة من 1976 لغاية 1979 و حاسس زيي

nour said...

يا حفصه انت بتكتبينى يا حبيبتى..انا من مواليد 86 و فاهمة اللى انت بتقوليه طبعا..انا عايزة اعرف الايميل بتاعك..اعمل ايه بقى؟
banoota_3abita@hotmail