Sunday, October 08, 2006

حييجي يوم

حييجي يوم.. والحب يكبر في الفؤاد
ويمد قدامه الطرق.. وينور السكك البعاد
ما يحده سور.. ولا الكلاب ولا النمور
ولا الحرس والكشافات
والكلابات
حييجي يوم.. ويتولد عمري اللي فات
حيجى يوم مهما يطول الانتظار
والحب يقدر عالجدار
ويطل من طاقته الجميع
يتهد سور الانتظار
فوق الوحوش الشرانية
تدبل على الدم الشظيّة
ويولد الحب انفجار
حييجي يوم.. ويولد الحب انفجار

7 comments:

karakib said...

اليوم ده طال انتظاره اوي ... و لكن لم ايأس بعد ...
انتوك

Hafsa said...

يامين يديني صبر ايوب

وينكى said...

انا مستنيه اليوم دا بفارغ الصبر
ولو ماجاش.. هاعيش على أمل انه ييجى
ولحد اخر نفس جوا صدرى

Epitaph said...

قرأت لفاروق جويدة تلك السطور


لا تحزني
ان صارت الدنيا حطاما حولنا
فالصبح سوف يجئ من هذا الحطام
الصبح سوف يجئ من هذا الحطام

عزيزي خالد
حييجي اليوم مهما يطول الانتظار
واشعة الشمس تلمس وجوهنا
و سنشعر بها و نتلذذ بدفئها لاول مرة

amor said...

يا صابره يا نا يا مداريه...
تفتكروا حايجى اليوم ده قريب ؟؟

Ehab said...

فرجه قريب
و ان شاء الله اليوم ده هيجي طول ما احنا جنب بعض و بنشتغل عشان يجي مش قاعدين ايدينا علي خدنا و بنقول امتي يجي اليوم ده؟؟؟

nour said...

مش عارفه ليه لما قريت القصيدة افتكرت فيلم البرىء..الله يرحمك يا احمد يا زكى..