Monday, October 16, 2006

حصان من نار

حصان من نار
ركبته طار
وخلاني
حصان من نار
بلون بمبي
ركبته طار
وخد قلبي
وخلاني
أشوف من فوق
حصان من نار
بلون بمبي
وشعر فانوس
ركبته طار
وخد قلبي
وسابني طاووس
وخلاني أشوف من فوق
وخلاني على ظهره
حصان من نار
بلون بمبي
ركبته طار
وشعر فانوس
وخد قلبي وخلاني
وسابني طاووس
وخلاني على ظهره
ولِع قلبي من الشهوة
أبوس إيدِك
هاتيني للحياة ثاني
وخلليني على صدرك..حصان من نار
وخلليني أشوف ثاني وادوق الروح
أيا مهرة
أدوقك ربما مرة..واعود إنسان
أعود مرة..حصان من نار
حصان من نار
ركبته طار
وخلاني
أدوق الروح
وخلاني أعود بكرة
حصان من نار
بلون بمبي وشعر فانوس
وخد قلبي..وسابني طاووس
حصان من نار

12 comments:

Nerro said...
This comment has been removed by a blog administrator.
Hafsa said...

حلم الطيران و التحليق في الافق اللي بيراود كتير مننا
قصيده جميلة و فيها حرية و عنفوان
حرية زي حرية الخيل اللي كتبت عنهم


هواء طلق
شعر ينساب مع الهوا ده
و صوت خيل بيضرب في الارض و يقوم يطير في السما
الله
جميلة بجد يا خالد
شكرا و تحياتي
الف مرة

amal said...

ساعات كثير أسأل نفسى كنا هنعمل إيه لو كنا عايشين من غير حلم ومن غير خيال وكانت حياتنا هى الواقع المادى بس
عارف ياخالد إيه أجمل حاجه فى اللى انت بتكتبه
إنه بيحول السكون الى حركه
بيحرك المشاعر الداخليه اللى ممكن نكون بننساها مع إحباطات الحياه
يعنى انت الثورة اللى جواك عدت السياسة و تغيير المجتمع و دخلت تعمل ثورة تانية جوه مشاعرنا و أحاسيسنا

BaTaBeeT said...
This comment has been removed by a blog administrator.
BaTaBeeT said...

جميل قوى

انت في جواك طفل صغير نفسه يعيش من تانى

وده باين من صور الاطفال و صورك اللى ناشرها وانت طفل

Albida said...

القصيدة دى متتوصفش غير بكلمة واحدة... "غريبة"! مش عارفة هى نفسها أسلوبها غريب أو أن مش ده النوع اللى تعودنا عليه من حضرتك؟! ده مش معناه أن هي وحشة, بالعكس دى ممتعة جدا و عاجبنى جو الخيال الطفولى اللى فيها... كأنها حدوتة قبل النوم

حضرتك فعلا فنان أكتر من متنوع.. مش هندهش كتير لو عرفت ان حضرتك بترسم و بتغنى كمان
:) :)

manal

Nohaz said...

الصورة تحفة بجد بجد
و انا بحب اللون البمبي

وينكى said...

جديده جدا

KHALED-ELSAWY said...

اهلا بطابيط .. جوايا طفل صح ومعاه مراهق وشاب ورجل وكهل .. جوايا اسرة والله يا بطابيط فتلاقيني زحمة حبتين:)
شكرا البيدا عندك حق هي غريبة فعلا انا اصلا قمت مرة من النوم لقيتها بتزن في وداني كأن حد بيقولها:) وده شيء نادر جدا طبعا..فقمت وكتبتها وكل ما احاول اشتغل عليها الاقي انها كده بتكرار الكلام فيها وكده فاستسلمت وخليتها زي ما هي احتراما لمقاومتها الجامدة لمحاولاتي معاها:)
نسمع بقى اغنية بمبي للراحلة الرائعة سعاد حسني ونهديها الى الآنسة نهاز التي صممت ونفذت البانر اهداء للبلوج ولي .. مع..بمبي..:)

Nohaz said...

يعني كل الدلع ده عشان بانر صغنون امال لما اصمم لك فيلتك ان شاء الله ولا لو نفذتهالك بنفسي بقي

عموما اول بانر ببلاش تاني واحد ب 75 قرش و الدفع مقدم
علي فكرة انا بحب اغنية بمبي
و كنت بحب اغنية لشادية متصورة لابسة فيها بدوي وأغنية بتاعتها الي فيها كتكوت يا فصيح رفرف للريح ده الريح مراجيح و الرفرفة دوا

Nohaz said...

لا الاغنية كانت بتقول صوصو للريح

عصفور يا فصيح صوصو للريح ده الريح مراجيح و الصوصوه دوا

افتكرت و انا بصلي ولسه هفطر و لخبطت في الصلاة مسيطر علي دماغي اجي اصلح الاغنية و إلا ابقي بوظت الطرب المصري

KHALED-ELSAWY said...

هاهاهاهاهاها مستحيل يا نهى.. حالة وسواس قهري نموذجية:) على فكرة.. أنا كده جدا:)