Monday, October 30, 2006


لا تأخذنك بالعدو سماحةٌ
لو كان أنت.. لكنت أنت قتيلا
فاقتل عدوك عامدا متعمدا
القتل يبعث جسمك المقتولا
لا تخشينّ الموت إنك ميتٌ
والعار لم يكتب لنا تأجيلا
هذي حياتك.. حفنةٌ من رملها
فاقبض عليها واستعد رحيلا
أشهر سلاحك فهو كونٌ سافلٌ
لا يبصر الأشعار والتنزيلا
لغة الدماء وليس يقرأ غيرها
أتريد مجدا أم تريد وحولا؟
الشعر يصمت حين تحضر طلقةٌ
لو كان أجدى.. ما سقطتَ ذليلا

20 comments:

Nohaz said...

مش عارفة
أقول اية
لكن اعتقد ان لو لي عدو بيحاول يأذيني هرد أذاه و احمي نفسي لكن مش هأذيه
يعني لو وصلت ان دفعت ضرره .. ساعتها خلاص مش هقاتله و هعفو عنه

يعني مش هسيب حقي لكن لو بقي لي قدرة علي ايذاءه هعفو عنه
أعتقد ان ده الصح عشان اقدر اعيش بالي هادي

Anonymous said...

مش عارفه والله يا نهى
بس احيانا بيكون الدفاع عن النفس بيتطلب العنف كوسيله وحيده لحس الموقف
أنا من أشد كارهى العنف
بس ناس مثلا زى الجنود الاسرائيليين.. متهيألى دول ما ينفعش معاهم غير الخزوقه
لأنهم هما اللى بدأوا
السؤال دلوقتى.. لو كان غاندى عايش وسطينا اليومين دول.. هاتكون سياسته برضه هى اللا عنف.. ولا هايكون أول واحد يرفع سلاحه فى وش أعداءه؟
دول عالم تخاف ما تختشيش

Nohaz said...

ايوة يا موينكي ما انااقصد ان ادي عدوي بالجزمة و اخوفه لكن أول ما خلاص عرف قدراتي و ان انا مش سهلة
مش هفضل الطش في اهله و هعفو عنه

عارفة الشيخ محمد هداية ربنا يبارك فيه كان بيقول الأرهاب دي كلمة مش مفروض انها حاجة وحشة
يعني ربنا سبحانه و تعالي قال: ترهبون به.....
حسب فهمي لكلامه أن انتي بتهددي فقط بإستخدام العصا و ترهبي عدوك الي هو اوعي تقرب مني لحسن افرمك
لكن مش بتضربيه
بتخوفيه فقط
فهمتي قصدي

خافي مني بقي هيهيهيهي

albida said...

انا أتفق مع نهى تماما... تقريبا هو ده نفس اللى كنت عايزة أوصله لحضرتك

شكل الموضوع مضايق حضرتك بطريقة شنيعة- وهو مضايقنا كمان والله.. احنا بنات برضه!- أنا كنت حاسة وحضرتك بتعلق على اللى كتبته فى البوستين اللى فاتوا أنك كانت عايز تجيب كبريت وتولع فيا

ما علينا حضرتك عايز اقتراحات عملية, مش كده؟ ماشى.... نستخدم العنف! ايوه! ليه لا, بس مش لوحده. بعض مانضربهم ونبهدلهم نلف عليهم بحملات توعية... ننطلهم فى كل مكان.. فى الجرايد والتلفزيون... نقلهم تخيلوا الموضوع ده لو حصل لامكم ولا لأختكم
ثانيا نحد من قنوات الدش اللى قاعدة عمالة على بطال بتزيع فى برامج اباحية... الموضوع صعب لكن لازم منه

أنا اسفة أن كنت ضايقت حضرتك فى حاجة... أنت عندك حق! أنا لسه ماختبرتش حاجات كتير من اللى أنا بتكلم فيها علشان أنا لسة صغيرة
لكن مش عيب أن أنا اعتنق مبدأ علشان اتبعه فى حياتى بعد كده

صافى يا لبن؟
:) :)

manal

Nohaz said...

اقول حاجة و محدش يزعق في؟؟؟

انا من كذا سنة قريت مقال للاستاذ احمد بهجت .. اتكلم فيه عن سيدنا موسي و اليهود

في جيل من اليهود كان لازم يروح و يعدي اجيال لحد ما يتعالج القصور الي في الجيل القديم و ينتهي الجيل المعيوب و يظهر جيل صحيح ... لما تاهوا 40 سنة

انا بقالي كذا سنة بقول الشعب المصري محتاج يتوه 40 سنة
لحد ما يروح البايظ و يطلع فروع و براعم حلوة سليمة

eshteraky said...

سيقولون
ها نحن ابناء عم
قل لهم
انهم لم يراعوا العمومة فيمن انهلك
و اغرز السيف في جبهة الصحراء
الي ان يجيب العدم

^ H@fSS@^ said...

كانت علي لساني يا اشتراكي
ما اروعك

لا تصالح حتي لو فقأوا عينيك
اتري حين اثبت مكانما جوهرتين
هل تري؟
هي اشياء لا تشتري


تحياتي

Anonymous said...

الله الله على الاحساس العظيم بالعزه و الكرامه و الكبرياء والشجاعه و اللهى حسيت بغليان الدم فى عروقى فكرتنى ب قوم يا مصرى مصر دايما بتناديك ممكن اعرف كتبتها امتى بالضبط و ليه

salateenoo said...

إذا كنا سنخاف من إيذائ أعدائنا .. فلنتذكر أطفالنا الأموات ... نسائنا المغتصبات .. عندئذ .. سنعرف ان الموت وإن كان اخر ماسيحدث لهم في الحياة .. لتمينا الموت .. لكي تطارد أرواحنا أرواحهم وتؤذيها بعد الموت

الخبز و الحرية said...

نهى لو معاكي مسدس صوت اوعي تحاولي تخوفي بيه حد لأنه ممكن يكون مسلح ويقتلك لأنه خاف تقتليه.. فاهمة قصدي؟ اما الشيخ هداية فطبعا كلامه غلط لأن المقصود من الآية هو الاستعداد للعدو بدءا من إظهار القوة مش القيام بعمل خسيس في ميدان التحرير مثلا.
منال ارجوكي ماتزعليش الموضوع بس خانقني قوي.. صباح الفل:)
وشكرا للجميع

Nohaz said...

سلاموا عليكم
ايوة الشيخ هداية كان يقصد إظهار القوة للعدو
و انا كمان أقصد كده
التحرير كانوا ناس مننا مش عدو
الي حصل في التحرير في واحد فسرهولي بس ممكن التفسير ده يقلب علي ناس كتير فمش طالبة مشاكل
الي يحصل يحصل
في صورة عند وائل عباس قدام سنيما مترو
ان كان فيها الاحداث دي
في حاجة حصلت عند سنيما مترو ان في راقصة رقصت امام السنيما
ما علينا انا عارفة بجيب لنفسي المشاكل

albida said...

ودى تيجى برضه؟ أنا أزعل من حضرتك! ده احنا واكلين مع بعض عيش وجاتوه فى البلوج
:)

حضرتك لك الحق انك تكون غاضب لأن الموضوع فعلا يحرق الدم


manal

karakib said...

ش المفروض ننظر للمجتمع كله علي انه اصبح سييء يجب ان نؤمن بالخير دائما مهما صغر ... لانه هو السبيل الوحيد للنجاه في ناس كتير اوي فالبلد محترمه و تشرف مش هنقول معندناش مشاكل و الدنيا فل الفل لكن برضه النظره المتشائمه جدا دي مش صح ... لازم لازم نبقي ايجابيين اللي عملوا كده غلطانين و اكيد غلطهم ما يتحملهوش لوحدهم كل واحد فينا اشترك في هذا الخطأ حتي و لو كان عن طريق غير مباشر و بدون قصد ...
يعني لازم ندور سوا علي علاج بدل ما نقعد نقول الكل مرضي و يجب ان يموتوا و لا امل في الاصلاح الا كمان 200 سنه و مش هنسي دكتور فالجامعه مرهه قال قدامكم 100 سنه علي ما تبقوا حمير ...
و طبعا ده مش صح و لا حقيقي لانه الدكتور احمد زويل له كتاب بيتكلم فيه عن ان مصر ممكن في خلال من 5 الي 10 سنوات تبقي زي النمور الاسيويه اقتصادي لانه كل الظروف متاحه لها الا التخطيط السليم و طبعا لو بدأنا بحل مشكله الباقي هيكر وراها و يتحل عالاقل الناس تتلهي في شغل و تلاقي تاكل و تشرب و تتفسح و تتجوز بدل ما هم عاملين زي الانابيب اللي مستنيه تنفجر في لحظه ... لا زال الامل قائما ما دمنا مؤمنين بأنه الحياه بدون امل و حلم و طموح لا تعتبر حياه ...
انتوك

nour said...

بصوا انا اصلا مفقوعة من اللى حصل ده جدا و لو فى ايدى اجيب العيال دى و ارصهم صف كده و اضرب كل واحد على قفاه و بالكرابيج لحد ما يقولوا حقى برقبتى فى ناس مينفعش معاهم غير العنف هما اتربوا على كده و لما بقى مفيش عنف و ناس بتدعى للا عنف كان ده عز الطلب ليهم زى الدبان اللى بترشيه بمعطر جو كده دى القطة بتخربش اللى بيجى ناحية ولادها مش بترد آذاه امال لو كان بقى العدو ده بيعتدى على شرفكو عرضك و كل ده..لا انا عن نفسى ممكن اقتل فيها مش اضرب بس

Unknown said...

رائع يافنان...هل هذا من ابداعك؟

albida said...

أنا متفقة مع أنتوك فعلا
ننسى بقى شوية اللوم ونبدأ بالحل على طول... المسؤلية يا أنتوك بتقع على كل واحد بيشوف اللى بيحصل ده ومابيفكرش فى حل

ولولا أن احنا عندنا امل ماكنش زمانا قاعدين هنا بنتاقش فى الموضوع ده وفى اللى احنا ممكن نعمله

manal

albida said...

بما أننا بنتكلم على الحلول... أنا عندى فكرة وعايزة رأيكم وراى الأستاذ خالد فيها

ايه رأيكم لو البناتيت بتوع البلوج (انا وحفصة ونهى ونورا ووينكى مثلا) أشتركنا مع بعض وعملنا بلوج خاص يكون هدفه نشر التوعية بين النساء وعرض الانتهاكات السابقة اللى حصلت ونسمع الناس من خلاله صوتنا... ومين عارف مش ممكن شغلنا ده يتقلب عملى ويبقى بداية حركة نسائية بجد زى ما قالت حزينة؟

ها؟ ايه رأيكم؟


manal

^ H@fSS@^ said...

معنديش مانع يا منولة
قلي لي نعمل ايه و انش اء الله اساعدك
و كلنا نعمل حاجة مع بعض و لسه فيه بنات كتار في البلوجز ممكن يشتركوا معانا
انا متاكده ان احنا حنقدر علي الاقل نوعي البنات باشياء يقدروا يستخدموها لحماية نفسهم عبال ما الشباب يعملوا حركتهم الدفاعية و يتصدوا للرعاع دول
تحياتي

ibn_abdel_aziz said...

طب يا خالد
ما رأيك في قول الشاعر

لا تبتغي قتل " العدو" فأنه
قد صار ندا من صنيعك فيه

هذا العدو اخوك اصبح حاله
يرثي اليه ولا هدي يأتيه

قد تردع العاصي بشدة قمعه
حينا ولكن ذاك لن يثنيه

الكل في حال من الغضب الجلي
الكل مغتاظ وذاك بديهي

شنق الضحية بالضحية ممكن
لكنه لا حل يكمن فيه

لا لست ادعو للهوادة في الاذي
ان القصاص اري حياة فيه

قبل اقتطاع يد الذي سرق الدوا
ء الست تسال ما الذي يضنيه؟

علي فكرة اول دور شفته ليك كان في فيلم عمارة يعقوبيان
واعتقد انك اديت الدور ببراعة متناهية
اقنعتني
مع اني اري ان القصة نفسها عالجت موضوع الشذوذ الجنسي بطريقة سطحية قوي وباسلوب خطابي وعظي
لكن دي مشكلة النص نفسه

تحياتي
لم اعرف ان لك مدونة
امر جميل ان يسهل التواصل بين المشاهد والفنان بدون طقم نقاد او مديرين او سكرتارية
تجربة رائدة بجد
تحياتي

أحمــــــــدبــــــــــلال said...

فكرتنى بكلام مناحم بيجين
هو أه أسرائيلى بس قال حاجة غريبة
قال لو كنت عربى عمرى ماكنت هاتصالح مع أسرائيل أبداً بعد الضاحايا الكتير اللى سقطوا

بس فى نفس الوقت أؤيد
Nohaz
فى تعليقها الاول