Monday, October 16, 2006

وداع


ماتردينيش من غير غطا
وماتسرقيش مني الخطى
وسيبيني وحدي لو سمحتي أرددك
واعفيني حتى من السلام

ماتفتشيش جوة الرماد
وسيبيني راقد عاللهب
وماتفزعيش صمت الطيور
وماتضحكيش من غير سبب
وماتعمليش مالحبّة غيط طارح أنوثة
وماترسميش دمع المسيح على بسمتك
وماتخطفيش مني العروسة
وماتحزنيش
قادر أقوم وارمح واخطّي عاللهب
وف قلبي بوسة

8 comments:

^ H@fSS@^ said...

الله الله
حلوة و
فيها مسحة اسي و هدوء عميق

تحياتي

karakib said...

امممم انت عايزها دميه مطيعه اوي
و لا ده رد فعل مقابل للفعل في المقدار مضاد له في الاتجاه ؟
انتوك

الخبز و الحرية said...

لا والله يا انتوك ده حلم لا يتحقق:)

Enas Mossa said...

7elwa ya Khaled :)

الخبز و الحرية said...

شكرا ايناس شرفتينا:)

Anonymous said...

حلوه دى قوى قوى
تنفع أغنيه تدخل لقلوب الناس بسرعه
تلحنهالى واغنيها؟؟

الخبز و الحرية said...

وينكي لو بتغني بجد اصبري لما نبتدي مشروعنا الجاي في فرقة الحركة وتعالي قابلينا.. حقولك وقتها.

Anonymous said...

مستنيه بفارغ الصبر
وماتنساش
انت اللى طلبت آهوه
يعنى ما ترجعش تلومنى على التدبيسه
(",)