Monday, October 16, 2006

ولدي


ولدي راح اجني عليك وانا اللي مجني عليه
من جاني مجني عليه ولده انا..وأبوه..
كان برضه لما جنى مجني على اللي جابوه
وازاي تقول ان انا..جاني..ومجني عليه؟؟؟

10 comments:

karakib said...

لو لاحظت النماذج البشريه اللي حوالينا هتلاقي كتير جناه مجني عليهم
انتوك

^ H@fSS@^ said...

طيب دي معرفتش افهمها اوي لكن مين القاتل؟
و ليه لازم ندور علي الجاني و المجني عليه
كلنا جناه و مجني علينا
و مافيش حد احسن من حد
من كان منكم بلا خطيئة فليرمها بحجر
تحياتي

albida said...

صادقة و واقعية جدا
أنا برضه مؤمنة أن مفيش انسان هيجنى على أنسان تانى كده من الباب للطق
لازم يكون هو داق مرارة الظلم الأول, الموضوع عامل زى الدوران فى حلقة... مين ابتدى و مين انتهى؟ مين ظالم و مين مظلوم؟ محدش يعرف

مش عارفة ليه اول ماقرأتها فكرتنى ب"طبق طبقنا يطبق فى طبق طبقوا.." عارفها؟
:)

manal

الخبز و الحرية said...

هي فيها جو طبق طبقنا صح:)
عموما يا جماعة فيه بيت لأبي العلاء المعري بيقول فيه:
هذا جناه أبي عليّ
وما جنيت على أحد
فيه اللي فسروه انه يقصد عشان اتولد ضرير وفيه خدوه على المحمل الفلسفي الأعمق..ان الدنيا خطيئة مثلا او كارثة وابوه جنى عليه بخلفته فيها وعشان كده مش حيخلف عشان مايجنيش على حد ثاني.
جتلي مرحلة كده فكرت فيها زمان انه لو الدنيا عذاب ليه اخلف واعذب كائن تاني..وبعد شوية لقيت انه بصراحة كلام اهبل..ممكن تقول مش عاوز اخلف لأسباب ثانية لو عايز لكن ده مش السبب المقنع ابدا لأن الحياة فعلا رائعة وتستحق احتمال عذاباتها:)

Anonymous said...

على فكره.. دا بقى رأيي اللى انامقتنعه بيه 100000% ومستحيل أنى افكر انه يبقى عندى أطفال عشان أعذبهم معايا وأطلع عقدى عليهم
م الاخر..مابلاه الارتباط من اصله. وواحد ينكد عليا عيشتى ويتحكم فيا ويخنقنى؟؟
حلوه قوى الرباعيه دى
فكرتنى بأغنية شيرين
القلب اللى بيجرحنا
فيه حاجه اكيد جارحاه
وجراحنا بتفكرنا
بالقلب اللى جرحناه

وبنلف ف دواير
وعجبى عليك يا زمن
وكل سنه وانتوا طيبين

Anonymous said...

الكلام دا مش أهبل يا خالد فعلا، الحياة حقيرة كفاية انك ما تجبلهاش حد تاني يستحمل اكسارتها ومرراتها اللي ما بتنتهيش.وعلي رأي جاهين
لو فيه سلام في الأرض وطمان وأمن
لو كان مافيش ولا فقر ولا خوف وجبن
لو يملك الانسان مصير كل شئ
دا أنا كنت أجيب للدنيا ميت ألف إبن
عجبي!!!!!!!!!

الخبز و الحرية said...

انا عشان ابقى خلصت ذكتي ووضحت قصدي تماما.. انا شخصيا لا اجوزت ولا خلفت بالتالي.. لكن ده مش معناه اني مش ممكن بكرة اعملها.. والاهم ان ده مش معناه اني بنصح اي حد يعمل كده خالص.. لا بنصحه بكده ولا بالعكس الحقيقة.. بنصحه بحاجة واحدة بس.. اوعى تندم عاللي بتختاره النهارده بحرية.

albida said...

و الله يا جماعة احنا لما بنخلف اطفال هما اللى هيعذبونا مش احنا اللى هنعذبهم.... عندكوا مثلا لحد سن 2 أو 3 بيبقوا طعمين خالص(السن اللى مش بيقدروا يتكلموا أو يمشوا فيه!) لكن
بعد كده بيبقوا حاجة لا تطاق بالمرة! بتتجسد فيهم جميع الصفات الانسانية السيئة... أنانية و غلاسة و زن و ازعاج... و اوعى حد يقولى بيبقى فيهم براءة!!! ده كان زمان
:)

أما عن الجواز و عدم السعادة فيه, فهى ترجع للطبيعة الأنسانية المعروفة بعدم الرضا و حب التغيير... يعنى لو واحد أتجوز أحسن ست فى الدنيا, هيجى كمان سنتين و يقولك: انا ايه اللى خبطنى فى مخى و خلانى اتجوز الست دى!!! كأنه كان واحد تانى


manal

الخبز و الحرية said...

ما زال الزواج -للأسف يمكن- هو أفضل شكل لإنتاج الأطفال:) ده رأيي المتواضع

Anonymous said...

دا عشان احنا اتربينا فى وسط بيعتبر الجواز وسيله لإنتاج أجيال جديده مش أكتر
والاتنين الغلابه دول اللى فى الصوره
يولعوا