Saturday, October 07, 2006

في الحادية عشر من عمري
نظمت أول جملتين
فخططت مستقبلي الغامض
في غمضة عين
استمعت لحظتها لنداء مخيف
استولدت الحزن من باطني
وتعقبتني لعنة الكلمات
ليت ذاك العالم السحري لم ينفتح
ليته .. ظل مغلقا دوني
من الواضح أن المجد لم يتعرف عليّ
من الجليّ أنني أسير بنصف موهبة
أعرف الكثيرين ممن أحبوا الشعر فلم يحبهم
ولم أكن أعرف .. أنني أحدهم !
لم يعد لي من الشعر غير الطنطنة
غير لحن الفقد وذلك الشيء المنتزع
أبعد كل تلك القصائد المطولة
أكتب الآن لنفسي؟!
عل من الأجدر أن أريح وأستريح
أيها الشعراء الذين عشقتهم
أيها العالم الموازي الرائع
أيها المرض المزمن المقاوم للزمن
أيتها الكائنات جميعا
أنا أختفي
لا أقرأ صوتي فيما كتبت
أكتب الأشياء والأشياء صامتة
لا يأبه لي إلا قلبي العاجز
وصدى الأسئلة المنصرمة
وزيف الرغبات العابرة

حسنا
وأنا أكتب الآن لنفسي
أحتاج شيئا واحدا فقط
أن أبكي بحرية لم أذقها
يغفرها من يقرؤني صدفة

21 comments:

Nohaz said...
This comment has been removed by a blog administrator.
alnadeem said...

والله يا صاوي كل يوم بتفاجئني بمساحات الإبداع والطاقه اللي جواك
متابعك في التمثيل وعارف من زمان إنك ممثل كبير بس قليل البخت شويه يمكن
وبعديها بفتره لقيتك وسطينا في المظاهرات واتفاجئت انك مش من اللي بينزلوا المظاهرات عشان يشاركوا بجد مش عشان يتصوروا كام صوره لزوم الشهره لأ ده ببص في المظاهرع لقيتك بتضرب وتتضرب زيك زينا
والنهارده فاجئتني إنك شاعر موهوب
خالد الصاوي
تحياتي

^ H@fSS@^ said...

انا بس عاوزة اعرف كنت مخبي كل الشعر ده فين
انتاج جميل و جديد و غير عن المألوف
شكرا شكرا شكرا

محمد البرلسى said...

حبيبى واستا ذى الفنا ن الانسان
اه الحلاوه دى يا عم فنا ن فى كل شى شعرك حلو فنك حلو شكلك حلو
كلك على بعضك حلو
تحياتى
محمد البر لسى

hesterua said...

مش مندهش لما عرفت مدونتك
الفن والأحساس والحلم حالة كاملة
يعنى شعر جاهين وحداد لما يختلط فى الذاكرة بصوت منير و اغانى شتوية لفيروز مع احلام فترة كنا فينها بنقول اننا هنغير العالم اكيد بيخلق جوانا حاجه جميلة ومحسوسة واهم حاجة انها متشابهة بالنسبة لينا ع الأقل

اتمنى اشوفك فى شعر العامية ...نوعا ما حاسس انك هتعمل حاجة حلوة ليه

سمعت عنك كتير من زمان من مخرج مسرحى بورسعيدى بلدياتى اسمه خالد توفيق
وعارف انك مش مدعى ومش من بتوع الجوريون ولا المنتدى ولا خبينى
ومصطلحات الشوفونية والحنجورى
تحياتى وكل سنة وانت طيب

foxamr said...

صدمتني بمدونتك و بكلامك الجرئ فايقظني علي حقيقة
صدمتني بلطف فجعلتني اصدق ما تقوله
صدمتني بثورتك فجعلتني لا افصل بين كتاباتك و اداءك التمثيلي و كأنك واحد
لي طلب منك ان تخرج كتاباتك من الحزن الي الفرح قليلا قبل ان نموت حزنا منك

karakib said...

قديما كان يقول العرب علي الاديب ... اصابته حرفه الادب .. و كأنه مرض ...
انتوك

Anonymous said...

hi badi oul ana b7ibakkkkkkkk ktir ya a7la khalid wbmout fik lak to2borni shou 7ilo ana mo3jab bkil halishya taba3ak winta bitjanin...wbadi oul ino hayda lblog taba3ak ktir ra9i wosloub ktir 7ilou....wkaman soutak biyakhod il3a2llllllllll.

Anonymous said...

I totally relate to the part in which you say that you write and what you write is silent. It is as if it stares right back at you. As if it falls into a trap of having a life of its own and one that you made up for it in your own imagination, where it will remain imprisoned forever. I always told you Khaled... you are an artist! Having said that, I am sure that like all artists you know that you will never fit in with the rest of the world! We- the so called artists- are forever loners in our made up worlds which only very few people like us can enter!It is a price we must pay and an honor we carry!Nevine Shoukry

^ H@fSS@^ said...

بحب تعليقاتك يا انتوك
سلام

Anonymous said...

ليه مبتفكرش تنشر مل الحاجات في دواوين أعتقد إن الدواوين هي اللي تعيش أكثر وفي متناول الجميع. على الفنان إنه يعبر عن نفسه بس لازم يسعى إنه يوصل صوته للناس ويمكن اللي ما يسمعش دلوقتي بكره يسمع.

أنا مثلا كنت بفتكر إن سوق الكتب مات ومفيش حد بيشتري غير الطبعات الجديدة للكتب القديمة اللي كتبها مؤلفين كبار ومعروفين لحد لما نزلت يعقوبيان وعملت انقلاب في سوق الكتب بدأت أغير رأيي وأقول إن الحاجة اللي بتتعمل كويس ممكن تلاقي في يوم ما حد يقدرها.

ويمكن لو لقيت صدى واسع لما تكتب تخفف شوية النبرة التشاؤمية دي. لان الفن ما يستغناش عن جمهور ذواق والجمهور ميقدرش يعيش من غير فن راقي

Anonymous said...

الألم هو اللى بيخلق الفنان
ويفجر الابداع
وكل ما تتألم أكتر .. كل ما تبدع أكتر
لكن ألمك مصيره يزول
ومش هايفضلك غير قلمك
اتمنى اعرف الجديد بتاعك للمسرح

ayman_elgendy said...

فيما اسمي الماغوط الشعر (الجيفة القديمة )...

...واسماه البياتي (كلمات من الوحل)..واسماه أمل ابن الصعيد (الفرح المختلس)

سميته انت....العالم الموازي الرائع

المرض المزمن المقاوم للزمن

......دمت لنا

مودتي

Anonymous said...

السلام عليكم
حقا لم اكن أعرف أنك تمتلك هذه الموهبة الشعرية الرائعة, أعتقد أنك قد أثبت نظريتى فى أن الفن ليس له حدود... فالفنان الحقيقى هو الشخص القادر على تذوق جميع ألوان الفن... و البراعة فيها أحيانا! الشعر الذى تكتبه هو the prose poetryما يسمى ب
وهو المفضل لدى لانه يعطى الحرية للشاعر للتعبير عما بداخله دون التقيد بأى شئ... فتشعر وكأنه سيل متدفق من الأفكار و الأحاسيس
حقا كلماتك مؤثرة جدا... "سأكتب حتى أذكر نفسى بأنى انا" يالها من كلمات. لا يمكن لى التعليق عليها لانى لست الشخص المناسب لذلك... وفقك الله الى كل الخير

albida said...

السلام عليكم
حقا لم اكن أعرف أنك تمتلك هذه الموهبة الشعرية الرائعة, أعتقد أنك قد أثبت نظريتى فى أن الفن ليس له حدود... فالفنان الحقيقى هو الشخص القادر على تذوق جميع ألوان الفن... و البراعة فيها أحيانا! الشعر الذى تكتبه هو the prose poetryما يسمى ب
وهو المفضل لدى لانه يعطى الحرية للشاعر للتعبير عما بداخله دون التقيد بأى شئ... فتشعر وكأنه سيل متدفق من الأفكار و الأحاسيس
حقا كلماتك مؤثرة جدا... "سأكتب حتى أذكر نفسى بأنى انا" يالها من كلمات. لا يمكن لى التعليق عليها لانى لست الشخص المناسب لذلك... وفقك الله الى كل الخير

nour said...

حرية لم تذقها؟؟؟الكلام ده كبييير اوى..مش بقولك بتستفز فضولى الانثوى..وبرضه لسه مندهشه و بتمنى انى مفوقش من الدهشة الجميلة دى...

ROMIL said...

رائع يا استاذ خالد

الخبز و الحرية said...

ليه الحزن ده سؤال غريب يا نهاز:) مش مهم.. المهم لما كان حزين قال ايه؟ حسيت بيه ولا لا؟ ده رأيي، وبصيص النور هو في رأيي شباب زيك وزي أصدقاء لينا كثير هنا مش ناويين يعيشوا حياتهم الجاية في حزن وده معناه الرغبة في مواجهة أسباب الحزن.. وده المهم.. انكم ماتعدوش بالاغتراب والمهانة اللي احنا واللي قبلينا شفناها
النديم تحياتي انا ايضا
حفصة ده كلام بكتبه من زمان، نشرت ديوانين (بعث الخيول سنة 88 ونبي بلا أتباع 95) ومحدش اهتم بيهم لعدة أسباب ولم أتكيف مع الساحة الأدبية وركزت على الساحة المسرحية لكن بكتب طول الوقت ، فيه حاجات كتبتها وانا في ضيق بالغ نتيجة لحالة الإهمال أو الإنكار اللي عشتها سنين وفيه حاجات قلتها على المسرح وفيه حاجات غنيتها في المظاهرات وكده.. يعني.. عمري ما كرهت في الفن قد الشاعر اللي بيكتب للدرج والشاعر اللي بيقرا شعره لأصحابه فقط.. وللأسف كنت من الاثنين لفترة فقررت انتظر فرصة مختلفة تسمح لي بالاتصال المباشر والحيوي مع الناس حتى دخلت عالم النت ثم اخيرا عالم البلوجز
شكرا يا برلسي واهلا بك في وطنك الثاني العاصمة:)
وانت طيب يا هستروا وشكرا جزيلا
"قبل أن نموت حزنا منك".. عبارة قوية يا فوكس.. وحلوة على فكرة.. بص انا مش قصدي والله اكون حزين ولكني حزين فعلا في اعماقي.. اعمل ايه:(
عاشق لو تقصد عاشق لفن خالد الصاوي حكون مبسوط جدا وحستأذنك تغير اسمك لهذا المعنى وأهلا بيك صديقا لنا جميعا.. لو تقصد اي معنى آخر فالنمرة غلط يا سيدي وهذا الرقم غير موجود بالخدمة وشكرا:)
نيفين انا مبسوط انك لبيتي دعوتي وشفتي البلوج وانا حعمل المثل فورا:)
سالي انا كده بنشر افضل مما نشرت من قبل.. حي.. وكمان نشرت العدد ده من دبي الثقافية وصديقتي العزيزة رانيا تشجعني على نشر ديوان.. حنشر بس مش عاوز انشر لنفسي ثاني.. بموت بعدها اكثر بجد. لو انتو تذوقتوني وتذوقني اصدقاء آخرون أنشر.. غير كده مش حابب بصراحة.
وينكي والله بفكر في المسرح بس لسه بدور. لا عاوز اعمل اللعب في الدماغ جزء 2 ولا عاوز اعمل اللي اقل منها.. زي يعقوبيان كده عاوز اعمل حاجة تخلصني منه للأحسن بس صعب جدا.. بس في التمثيل سهل شوية تعملي توازنات.. في الكتابة مستحيل وفي الاخراج كمان.. بالنسبة لي يعني.. ربنا يسهل.
أيمن ثقتك في اكبر من حجمي الحقيقة .. انا فين من الماغوط وأمل والبياتي :)
شكرا ليك
الف شكر البيدا.. وانا فعلا رحت للكتابة الحرة بعد تجربة مع العمودي والحر بتفعيلة وكذا
شكرا يا نور وسلامة فضولك الأنثوي:)مقصدتش استفزه والله ده انا بس اللي مستفز اصلا:)
يا ابيتاف حتقعدي تسخنيني وفي الآخر مفيش عيش وحلاوة ولا ايه بالضبط؟:) عموما انا مش ناوي اتغير الا لو حصل حاجة في الواقع تخلي تمردنا بلا داع.. وهو المطلوب:) لكن التمرد لن ينتهي وقتها في الفن ولا في مناحي كثيرة ايضا.. التمرد حلو.. بيؤكد لنا ان الدنيا بتتحرك ولا يمكن ايقاف عجلتها.
شكرا روميل ولو ان اسمك مش عاطفي:) تحياتي

Nohaz said...
This comment has been removed by a blog administrator.
amor said...

على راى اللى قال " انا الخيل والبيداء تعرفنى والرمح والقرطاس والقلم " من الاخر يا عم الشباب انت عقدتنى .. انا كنت بكتب على قد حالى وراضيه بالحبه اللى عندى بكلماتك الرائعه دول طيرتهم وشكراااااااااا

الخبز و الحرية said...

الخيل والليل والبيداء تعرفني
والسيف والرمح والقرطاس والقلم
أنام ملء جفوني عن شواردها
ويسهر القوم جراها ويختصم
انا الذي نظر الأعمى الى أدبي
واسمعت كلماتي من به صمم
أبو الطيب المتنبي (اشعر شعراء العرب)
اول شعرائي المفضلين:)