Tuesday, October 03, 2006


مدونون نحن رغم أنف الكهنة
نكتب الشارد والوارد والمسكوت عنه
نشرح ما خفي من قواقعنا المغلقة
نبحث عن أذن تسمعنا بلا وصاية
عن روح تؤمن مثلنا بثورية التعري
عن خلايا تصارع النضوب والتحريف

مدونون نحن .. مدانون ونحن الدائنون
مدن خربة ألقت بنا للفضاء
حيث لا رحمة إلا في رفاق لا نعرف
وهمسات بلا ملامح

مدونون نحن .. حائط صد في الخيال
نقاوم الوضوح المزيف بالتخفي الساطع
وبين فحيح البوليس السري المتربص في الجو
وضجيج المزايدين الزائدين عن حاجة الأرض
ندون دون كلل تاريخنا السري
خالد الصاوي

11 comments:

مفلس افندى الرايق said...

مدنون رغم انف الجاهلون

مدونون وللكتابة عاشقون

مدونون ويتهموننا بالجنون

ولكننا سنظل رغم انف الحاقدون
مــــــــــــــــــدونـــــــــون


شرفنى المرور وكل سنه وانت طيب

ابقى تعالى زورنى والشاى على حسابى بس هات معاك كيس سكر اصل بطاقات التموين صعبوها

eshteraky said...

الف مبروك المدونة دة مكسب للمدونين المصريين

الخبز و الحرية said...

شوف يا مفلس يا صديقي
الشاي والسكر عليك لما اجيلك مدونتك، اشمعنى انت نازل في مشاريب ساقع وسخن على حساب صاحب المدونة هنا؟:)
مساء الفل وشكرا
اشتراكي.. والله انتو المكسب يا جماعة.. انا كمان زيك .. ابونيه:)
الف شكر

wa7ed mn masr said...

نقاوم الوضوح المزيف بالتخفي الساطع
..
حلوة جداً

تحياتى

voice of love said...

مصدقتش لما عرفت لينك المدونة
شرفت عالم التدوين يا أستاذ خالد
واضح كمان انك مواظب على التدوين رغم مشغولياتك وده هايل فى حد ذاته
كل سنة وانت طيب
رمضان كريم

أم أحمد said...

انا عندي سؤال بريء خالص
أنت مدونتك متراقبة ولا حاجة
لو كدة قول ماتخافش هانييجي نزورك برضه مايهمكش

Anonymous said...

المدونة جامدة و كلامها شديد
و ربنا يسطر على المدونيين من الحكومة

karakib said...

قصائدك كلها تحدي .. فيها شبهه تفاؤل مش عارف ليه !!
انتوك

الخبز و الحرية said...

الأرزاق على الله.. والكبير فيه اللي أكبر منه:)
المهم بس نلااقي اللي ييجوا ويجيبوا الزيارة:)

مفلس افندى الرايق said...

يا عم خد حساب اللى شربته عندك

ولا اقولك اعتبرنى انا اللى عازمك

اى نعم فى سجل الفنانين محفور اسمك

بس جايز ماعندكش سكر..وواجب عليه اساعدك

بس يكون فى حسابك يبقى ليه كيس سكر عندك

الخبز و الحرية said...

محامي شكرا وسعيد بلقائك ثاني
على الله بس يا صديقي تيجي فرص كويسة ومتنوعة قول يا مسهل
تحياتي