Saturday, September 30, 2006

الخنقة



كتر الكلام بقى زي البشر رطراط
كلام كلام ثرثرة رغي ابن كلب لت وعجن وقرقضة ف أم الودان
بس! اتخنقت كرهت صوتي وفردة الجرنان
كرهت فتي الكتب والجهل في الانسان
كرهت صوت الاستغاثة والبلد جبانات
كرهت همس المكان وبسبسة الاشباح في العتمة
وهمهمات الموتى في الجبانات
كرهت حتى الشعر والشعرا.. كرهت دول بالذات!
كرهت حتى زن فيروز عن الأرض اللي راجعة
ودوشة ام كلثوم عن الحب الحقيقي
كرهت حتى عبحليم.. تخيل؟؟!
ماعادش غير السلاح شعلة تنور طريقي
ماعادشي غيره صديق صدوق يفتح لي عالم حقيقي..
مدفون ف آخر الغريقي

6 comments:

shady said...

يتشرف حزب العواطلية صاحب الاغلبية الشعبية أن يسجل لكم أعجابه بفنكم الجميل

KHALED-ELSAWY said...

وأنا كرجل عاش عاطلا ومنبوذا لسنوات طوال رغم محاولاته المستميتة للعمل أرحب بكمأيما ترحيب:)
لا تيأس أبدا
غدا لنا
كل حبي
خالد

Nerro said...

what an addition to the blogshpere....u kinda made my day :D

KHALED-ELSAWY said...

شكرا نيرو:)

وينكى said...

قريت البوست وحاسه انى عاوزه أصرخ بأعلى صوتى
كفااااااااااااااااااااااايه

بنت البلد said...

تعبت أني أدافع عن نفسي .. بجد تعبت
هيه الدنيا صعبة كده ليه؟؟
وأرجع أصحي من النوم أقول النهارده جميل .. وأقول يا رب