Monday, October 09, 2006


تنتابني الرؤى الموحشة
والوجوه العفنة المتوحشة
وشعور بلانهائية جوفاء
ينتابني ظلام وغباء
وخلق خافت وسخيف
وطيور مزعجة
تنتابني الذكرى وأشلاء أسئلة ساذجة
ينتابني عبق الأيام السالفة النافلة
والسنون السافلة

26 comments:

^ H@fSS@^ said...

بسم الله ما شاء الله
مش معقول عبال ما علقت عاللي فاتوا كنت انت دونت دي
حاضر طيب ماشي برضة حقراهم
سلام

albida said...

مش عارفة ليه حاسة أن النهاردة ماكنش أسعد يوم فى حياتك!!!.... قصايدك النهاردة مؤلمة أوى علشان واقعية أوى

^ H@fSS@^ said...

" شعور بلا نهائية جوفاء"
يعني اقسي وصف ممكن يتقال عن اللانهائية
وصف جامد اوي يا استاذ خالد
و الله قلبي وجعني و مازال
يا نهار ابيض
يعني شعوري باللانهائية الجوفاء ده مالوش حل
ممكن اصرخ و اقول ااااه

^ H@fSS@^ said...

لا تعتذر عن شعور حسيت بيه و شاف طريقه للنور و البشر حسته
دي كانت ردودنا احنا او مشاعرنا بمعني اصح
انت عليك انك تكتب و احنا نديك راينا و حتي لو اختلفنا من غير افساد ود لاي قضية
يبقي علي الاقل حققنا ديموقراطية عقلانية و حقيقة واقعة بين مجتمعنا الصغير ده
و مين عارف
يمكن تكون بداية ديموقراطيه علي مستوي اعلي و منطقة اكبر منمجموعة مدونات افتراضية

يمكن و ارجو و ليه لأ
كل تغيير يبدا من النعود عليه و لو في حاجة تافهة او بسيطة او صغيرة

ده تعليق مني كنت نسيت اكتبه علي بوست "ذلك الشئ التافه
"

karakib said...

و يدور الزمان و بياخد
كل حبيب و احنا معاه
مهما نعيش مافيش واحد
بياخد اي شيء وياه
الدنيا دي دايره تجرح معاها قلوب
هنعمل ايه انا و انت في دنيا بتمشي بالمقلوب
علي ايه بتحسبها ده الكل هيسيبها
و يتوه وسط الزحام
الدنيا دي صغيره فيها ساعات و ايام
و يا بخت من كان ورا جابه الزمان قدام
---------------------------
انتوك

Anonymous said...

يقول بعض علماء النفس أنه إذا إستطاع الإنسان أن يتخلص من المشاعر السلبيه تجاه الآخرين و يمحو تلك التشوهات التى ترسمها عليه الأيام، فإنه يتصالح مع نفسه و مع الكون ، عندها تصفو بحيرة العقل و يكون الخلق و الإبداع ..واضح كده بحيرة العقل عندك بقت زى البرلنت
حاسه إن فيه جواك معاناة حقيقية لكن أتمنى أنك تقلل الحزن و التشاؤم شويه

الخبز و الحرية said...

البيدا الشغل ده بتاع سنين مش كل يوم بكتب طبعا.
ممكن تصرخي يا حفصة وسلامتك مقدما من الآه:)
شكرا حنان لكن انا الحقيقة رأيي ان قانون البشرية الحقيقي مش الصراع بس لكن التعاون كمان. احنا اكثر مخلوق متعاون رغم اننا اكثر مخلوق مدمر. يمكن ده ثراء البشرية.. التناقض الرهيب ده.

amor said...

عارف يا خالد طول عمرى كنت بتلخبط ما بين الجناس التام والجناس الناقص بس فى الكلمات ديه عرفتهم كويس اووووى.... فى سؤال ممكن ؟؟ انا اعرف ان بضدها تعرف الاشياء صح ولا لاء طيب اللى جمع الظلام مع الغباء .... عموما انا عارفه انه سؤال غبى بس مش مشكلة .

elgharep said...

لما كل هذا السخط على الواقع ؟؟؟؟
أألهذا الحد جعلتنا الحياة سبايا لها لا نشعر بشئ ألا ما تمليه علينا من ألام ووجع
تجربة شعرية صادقة ياأستاذ خالد
أحيك عليها

Anonymous said...

الأستاذ خالد ...
إكتشفت مدونتك للتو ، ولا أعرف .. هل هى مصادفة أن أشاهدك بالأمس فى فيلم " ظرف طارق " بأحد المراكز الثقافية ، وأصل بالصدفة البحته إلى مدونتك اليوم !!!
طالعت بعض ما نشرته على صفحات مدونتك خلال الأشهر الثلاثة الأخيرة ،وبصراحة شديدة لا يمكننى أن أوجه لك اللوم على نبرة التشاؤم السائدة فى موضوعاتك ، لأن الحال من بعضه كما يقال ، ولكن يحق لى أن أتسائل ولو بينى وبين نفسى ، هل تمثل نظرتنا المتشائمة للواقع من حولنا نهاية كل شىء ، بمعنى ... هل سنظل نصرخ ونرفض ونعترض ونعلن عن تشاؤمنا هذا طوال الوقت ؟؟؟!!!
أحيانا ... أجدنى أرغب فى نسيان كل ما حولى من هم وتعب وأن أخلق لنفسى عالم خاص أتصور فيه أن كل شىء على ما يرام وأن الأيام والسنون ( السافلة على حد تعبيرك ) قد ولت إلى غير رجعة ، وفى أحيان كثيرة كنت أعتزل كل من حولى وأعيش مع نفسى فى هذا العالم الموجود فى خيالى أنا فقط ، وعندما كنت أضطر للخروج من هذا العالم الخيالى إلى الواقع الذى تغيبت عنه لفترة طويلة أجد أننى قد أصبحت غريبا بعض الشىء وأنظر إلى كل ما يحدث حولى بإستغراب وذهول ... وكأنه لم يكن موجودا قبل ذالك ....
أنا لا أسئلك أو غيرك عن إمكانية تحقق أحلامنا الطوباوية من عدمه فهذا بالتأكيد أمر يخبئه لنا المستقبل الذى لا تتضح معالمه سوى عندما يطرق أبوابنا ، ولكن كل ما يشغل بالى هو هل من الحكمة أن يبقى الإنسان على حياته فى ظل هذه الأوضاع المفروضة عليه قسرا والتى لا يملك تغييرها فى المستقبل القريب ؟؟
لا أعرف لماذا يتهرب الكثيرون من الإجابة بكل صراحة عن مثل هذا التساؤل على الرغم من أنه لا يوجد إنسان على وجه الأرض لا يعانى ولا يشتكى ولا يتذمر ....
أعتذر عن الإطالة فى التعليق
وأتمنى لك من أعماقى دوام التوفيق ..
كريم

Shreif fahmy said...

في البداية أوجه لك التحية على اقدامك نحو مشاركتنا في كتابة المدونات على الانترنت وارجو منك التعليق على بعض خواطري المتواضعة

http://egyglobal.blogspot.com/2005/12/blog-post.html

الخبز و الحرية said...

أمور مش قصدي اجمع الظلام بالغباء انا شفتها كده لحظتها.
الغريب سخطي على الواقع له سببان واحد شخصي والثاني موضوعي.. لو تابعت كتاباتي في الشعر والمقال حتلاقي اجابتي. شكرا ليك.
كريم واجبنا ندور على حل لأن اللي قبلنا ماحلوش. دي مسئوليتنا قدام نفسنا قبل اي حاجة ثانية.
شكرا يا شريف:)

Mamdouh Dorrah said...

لا تسرقوه من السنونو
لا تأخذوه من الندي
كتبت مراثيها العيونو
و تركت قلبي للصدي


مش عارف ليه فتكرت كلام محمود درويش في قصيده احمد الزعتر و انا باقرا كلامك ده

علي العموم انا محتاج امر هنا كتير علشان اعرف اشوفك كويس

ayman_elgendy said...

بين الخيال والواقع خيط لا يري

انتابني في حلماً ما ما نزف به قلمك من كلمات

مودتي

soosa el-mafroosa said...

كلماتك العميقة تلمس شيئا داخلي

أشعر بها و كأنها صهيل حصان بري يضرب الأرض بحوافره

غضبا ..ضيقا ..غيظا..طلبا للحرية

كلنا نصهل و كلنا نضرب الأرض ولا يرتفع أمام اعيننا غير التراب..يعمينا و يكتم أنفاسنا

هل من مفر؟

wanna b a bride said...

كلامك بيوجع
بس ساعات الواحد يحب يشوف حد موجوع زيه
بيهون عليه

sarah la tulipe rose said...

ما شاء الله ااتدوينات سريعة و متلاحقة ربنا يزيد و يبارك جميل جدا رغم انه موحش و حزين
بس الاسلوب راقي جدا

أُكتب بالرصاص said...

سأعترف لك ..
يمكن هذه هي الخاطرة الوحيد التي اعجبتني لهذه الدرجة ،

حسيت فيها بالصدق ،
رسمت لنا صورة لحالتك النفسية وقتها
بغض النظر عن التشائم والحزن وقد نقول الانهزامية ،
لكنها ... كعمل ادبي..رائع

.

انجليزي ده يا مرسي ؟
:)

karakib said...

رحت فين ؟؟
ايه الغياب ده يا استاذ ؟؟
انتوك

albida said...

أكيد الأستاذ خالد مشغول شوية يا أنتوك... هو برضه بنى أدم ومن حقه يعيش حياته.. مش عايزين نكبت على أنفاسه, لحسن بعدين يقفل البلوك ويطردنا شر طردة
:) :)

و على فكرة يا أستاذ خالد أحنا زعلانين من حضرتك, كده متقولناش انهم هيستضيفوك على القناة الأولى يوم التلات بليل مع أسرة مسلسل نور الصباح؟

أنا لحقت اخر البرنامج بس
:(

abeermedhat said...

أضيف صوتي لي البيدا لأني فعلا إضايقت لأني ماشفتش البرنامج أصلا ..

Anonymous said...

تقريبا احنا قرينا عليك يا أستاذ خالد لما اتكلمنا عن غزارة انتاجك
بجد اتعودت على وجودك باستمرار لدرجه انى حاسه ان فيه شىء ناقص فى المدونه
أتمنى ان السبب خير
وانا معرفش ايه موضوع اللقاء دا
بتتحركوا من ورايا يا أندال؟؟
طب حد كان يقوللى؟
(",)

الخبز و الحرية said...

ارجوك اعمل كده يا ممدوح
نفس المودة هنا يا ايمن
سوسة ليس هناك مفر.. هناك مواحهة او موت وانسحاق

وونا بي الهم واحد والوجع مشترك صدقيني
موافقك يا ابية وعشان كده بتمرد على الحياة دي
شكرا سارة.. والله مدونتي اكيد شبهي:)
اكتب بالرصاص اشكرك جدا.. انا منكرش اني مريت بكل المشاعر السلبية دي.. بس دايما كان هدفي اسجل اللحظة مش تصوري عن اللحظة المفضلة
شكرا انجي بس ماجتليش حاجة
ابدا يا انتوك كنت بصور في مطحنة بعيد عنك (مش مطحنة بن ولكن مطحنة مجازا طبعا:)
شكرا ابيتاف

البيدا ما عاش اللي يطردكم ده انتو اصحاب مدونة عيب:) اما البرنامج يا البيدا ويا بيرا فوالله نرفزوني جدا لأنه كان مسجل وماحدش عبرني لما جم يذيعوا واتفاجئت زيكم
ويمكي قصدهم لقاء تلفزيوني لكن مستحيل نتقابل من غيرك طبعا:)

ولا يهمك يا ابية براحتك:)

abeermedhat said...

معلش يا جماعة كلمة حق ولازم أقولها ... مافيش مرة التليفزيون المصري يسجل حوار ويزيعه في ميعاده المتفق عليه أبدا .. إلا الهوا طبعا
أنا كنت زعلانه يا خالد بس لما قلتلي انه مسجل عزرتك طبعا ...
ومن غير حاجة إحنا زعلانين عشان عايزين
نشوفك على طول :))
مش زعلانين منك طبعا .. ودي تيجي برضه

Anonymous said...

ana 3an nafssi lamma adkhol fi mood men dol battanish wa abtassem la'en el wa7od 7ayez3al 3al fadi we 7akikiy el donia ma testahelsh...afadal arou7 a3od fel nadi ma3a azdekaa'y elly damohom khafeef geddan we ad7ak 3ala ay 7aga 3abeeta..howa dah el "Positive thinking" fi ra'yi. Belta'keed feeh aw'at kolenna benfakkar feeha eih lazmet el 7ayah we leih lazem nata7ammal sakhafetha awa'at keteera..a3taked ennena ma ne'darsh neghayar el sakhafat elly fel donia laken ne'dar nakhodha berou7 reyadeya..feeh nass keteer ra'yohom en dih salbeya laken anna bashouf enaha ta3ayoush ma3a el donia we ma'alebha el zareefa:)

الخبز و الحرية said...

رجازة كلامك كويس بس تعالي نفرق بين المواجهة كحل جذري للمشاكل وبين الانصراف المؤقت عن المشكلة .. مش لازم نستسلم لليأس والحزن وانا اهه كتبت كل الكلام الرزل ده بس لسه بشتغل بحماس وبعمل كل حاجة بحماس وبضحك بحماس اهه :):):)