Friday, October 06, 2006

يرحلون تباعا


يرحلون جميعا
منصور
عمرٌ ومجدي
مصطفى وهشام
يرحلون تباعا
في منتصف الثلاثين

يرحلون جميعا في منتصف الطريق
نفس الأعراض نفس الألم
كان الواحد منهم يشكو صدره
عطشانا قبل الأفول
يقول لي كلاما غامضا
يقص عن تعب في مفاصل الوجود
يحلم بالراحة الخالدة
وكلهم قبل الرحيل قالوا
(نريد اللقاء قريبا)

جميعهم كانوا يدخنون
ويحتسون بعض الشراب
يعشقون الفن والقفشة الذكية
وكلهم قبلها بليلة واحدة كانوا ..
يخططون للسنة القادمة

16 comments:

karakib said...

مش فاهم .. و لماذا رحلوا ؟ هل هو اليأس ام الاغتيال ام ماذا ؟
انتوك

الخبز و الحرية said...

جيلي منكوب.. ماتوا من الاكتئاب اعتقد

karakib said...

اما جيلي فمقهور فهو لم يولد من اساسه ... لم يكن له مكان تحت الشمس لم يرحمه سرطان الفساد يوما و ماتت احلامه قبل ان تولد ...
يا استاذ احنا استلمنا ايامنا سودا من الاصل انما الجيل اللي قبلنا شاف شويه ايام حلوه ...
انتوك

^ H@fSS@^ said...

هي الايام كلها مسودة من زمان
كمية الضوء اللي ظهرت من بين كل الظلام تساوي ضوء شمعة من علي بعد الفين الفين كيلو متر
بس ادينا عايشين

Nohaz said...
This comment has been removed by a blog administrator.
الخبز و الحرية said...

لا يا جماعة الجيل الحالي اللي في عشريناته اكثر حظا بالتأكيد من منطلق انه الأقرب لفتحة الضوء في نهاية النفق ولهذا انا بحب جدا هذا الجيل اللي نزلنا كلنا الشارع ثاني مع الانتفاضة

karakib said...

بص يا استاذ خالد .. بما انك قلت انه جيلنا اكثر حظا فاحب اقلك وجهه نظري في الموضوع ده ... كل جيل بيحصد اللي زرعه الجيل اللي قبله ... علي كل المستويات ... الثقافيه الفنيه العمليه الدينيه الخ الخ ...
اللي بيزرع بيخلي اللي بعده يحصد و لذلك يجب ان نتحد جميعا لزراعه هذه الارض الخصبه الجميله ... مصرنا العزيزه
باختلاف نظرتنا لكل ما يحيط بنا و تفاعلاتنا و الواننا و بيئاتنا نصنع افضل مقطوعه موسيقيه ...
انتوك

Anonymous said...

هل من الممكن نزرع في أرض بور أو نعزف لاذان صماء أو على أوتار مقطوعة معتقدش مينفعش نرقع ثوب مهلهل لازم نرميه ونشتري واحد جديد. واحنا عايشين في مجتمع مسوس مجتمع الكبار فيه كاتمين على أنفاس الصغيرين لا بيدوهم فرصة ولا حتى خبرة أو نصيحة أو أي شيء ينفعهم. ما بيمشيش غير اللي عنده واسطة واللي أبوه فلان أو علان. واعتقد النفق اللى احنا ماشيين فيه عمرنا ما حنطلع منه إلا إذا الناس تفكيرها اتغير وبطلت تمشي جنب الحيط وطالبت بتغيير حقيقي.

كنت بس عاوزة أقول مثل صغير لما اترفعت أسعار البنزين بنسبة 30 في المئة حد اتكلم أو أبدى أي اعتراض بس كل اللي شوفناه السواقين بيتخانقوا مع الركاب في كل وسائل المواصلات. لكن في اليونان مثلا قررت الحكومة إن هي ترفع أسعار البنزين بنسبة 25 بالمئة وقامت الدنيا ولم تقعد مظاهرات وإضراب عن العمل لغاية لما الحكومة رجعت في القرار. فيه مواطنين بني آدمين بجد مجتمع مدني مش ناس كل اللي بيهمها تاكل وتشرب وبس.

Nohaz said...
This comment has been removed by a blog administrator.
karakib said...

حتي و ان كانت ارض بور ..
فلنكن نحن ملح الارض ياسيدتي ...
انتوك

Nohaz said...
This comment has been removed by a blog administrator.
Nohaz said...
This comment has been removed by a blog administrator.
Nohaz said...
This comment has been removed by a blog administrator.
karakib said...

Nohaz
اولا في تلاته كراكيب فالمدونين ...
كراكيب نهي ...
و دي في مدونه جميله
اما في مدونتي المشتركه فيوجد كراكيب انتيكه و كراكيب انتوك ...
ما علينا مش ده الموضوع ...
انا مش انصار النظره المتشائمه دائما و لا المتفائله دائما الاتزان ... هو الافضل علي الاقل من وجهه نظري ... و قلت ده لما قلت حتي لو كانت الارض بور يبقي دورنا اننا نكون الملح الذي سيصلحها ... و ده كان كلامي ...
كثيرين لديهم الاستعداد ان يصلحوا الارض .. و يزرعوها ... فقط لانها ارضهم ... و ارض اجدادهم ... و الارض مش بور و لا حاجه فلم و لن تعقم هذه الارض الطيبه عن انجاب ابناء طيبين لها ... صحيح السيء هو اللي ظاهر لكن ده ما يمنعش وجود الجيد و الممتاز كمان
انتوك

Nohaz said...
This comment has been removed by a blog administrator.
^ H@fSS@^ said...

المعلومة دي لنهاز
بس حبيت اقلك ان تقريبا تلات ارباع الاحاديث اللي بيتادولوها الناس دي فشنك و كلها منسوبة غلط
مش قصدي حاجة بس حبيت اعرفك معلومة
متعدمديش عليها اوي يعني