أحبك
دون لحم ودم
ودون أن أسمع صوتك أصلا
أحب حديثك الطويل المرح
أحب روحك التي تدركني
عبر هذه البللورة المسحورة
ومع زقزقة القلب حين ترسمين ابتسامة
أكاد أقبل شاشة الكمبيوتر
أنت وأنا
على موجة فضائية واحدة
نسخّر القمر الصناعي لنا
بعيدا عن حسابات سوق المال واختلالات العملة
وأخبار الحركات الليبرالية المتراجعة
وصفاقة الإعلانات الفضولية
نخدم البشرية إذ نحرر ألف ميجابايت
نحمّلها صوري في الطفولة
وإبداع الله في خلقك على هذه الشاكلة
أحبك أنت
تلك الروح التي تقرأ أفكاري الشاردة
تخطف الكلمات من دماغي
وتطبعها في فمي
أحبك انت
ذلك الوحي الهامس في بدني
(لست وحدك)
نريد أن نجتاز هذه المرحلة المادية بسرعة
كي نصل إلى المستويات الصوفية الأعلى
حيث تغمضين جفنيك هناك
فتحضنيني في التو هنا
(أنت لي)
نقرأ في سرنا الفاتحة
نعقد القران قبل أن ننام
وبعدما تأكلين الأرز مع الملائكة
أدخل بك في عميق المنام
دون لحم ودم
ودون أن أسمع صوتك أصلا
أحب حديثك الطويل المرح
أحب روحك التي تدركني
عبر هذه البللورة المسحورة
ومع زقزقة القلب حين ترسمين ابتسامة
أكاد أقبل شاشة الكمبيوتر
أنت وأنا
على موجة فضائية واحدة
نسخّر القمر الصناعي لنا
بعيدا عن حسابات سوق المال واختلالات العملة
وأخبار الحركات الليبرالية المتراجعة
وصفاقة الإعلانات الفضولية
نخدم البشرية إذ نحرر ألف ميجابايت
نحمّلها صوري في الطفولة
وإبداع الله في خلقك على هذه الشاكلة
أحبك أنت
تلك الروح التي تقرأ أفكاري الشاردة
تخطف الكلمات من دماغي
وتطبعها في فمي
أحبك انت
ذلك الوحي الهامس في بدني
(لست وحدك)
نريد أن نجتاز هذه المرحلة المادية بسرعة
كي نصل إلى المستويات الصوفية الأعلى
حيث تغمضين جفنيك هناك
فتحضنيني في التو هنا
(أنت لي)
نقرأ في سرنا الفاتحة
نعقد القران قبل أن ننام
وبعدما تأكلين الأرز مع الملائكة
أدخل بك في عميق المنام
23 comments:
الله يا خالد
دانت شكلك بتحب جديد ولا ايه
الكلام اللى م القلب دا ما يقولوش غير واحد عاااااااااااااشق من الدرجه الأول
:)
أول ما قرأت القصيدة دي افتكرت حاجتين أولا فيلم "وصلتك رسالة" توم وهانكس وكيج ريان هذا الثنائي الرائع والفكرة اللي كانت مبتكرة في وقتها حتى وإن كانت خيالية شوية وصعب تتحقق في الواقع. وتاني حاجة هي مكاتبات مي زيادة وخليل جبران حيث ظلا يتراسلان لعشرين عاما ووقعا في غرام بعضهما البعض دون أن يرى أحدهما الاخر حتى مات جبران أولا بالولايات المتحدة.
هو ده بأه الادب العلمى.جميل اوى دمج الكلمات الحديثة فى القصايد الجديدة..افكارك جامدة جدا يا استاذ خالد..و ايه معنى الابتسامة دى بأه يا معلم؟::)))
فعلا جميلة جدا... و كأنها قصيدة من قصائد الحب العذرى القديمة و لكنها في القرن الواحد و العشرين!! جميل ذلك الحب الذى يسمو بروحك فوق كل الماديات و يصل بك الى مصدر العشق على الأرض... العشق الالهى
جميل إنك تكتب عن الحب بالوسائل الحديثة ولكن على قد ماالفكرة مودرن على قد ما هي خالياية جدا.
لان الرسائل بتتيح مساحة كبيرة للكذب والادعاء يعني اللي بيحب غيابي عبر المكاتبات والمراسلات ممكن يكون بيحب شخص تاني غير اللي بيتراسل معاه. وبعدين لو حصل واتقابلوا ممكن تكون الحقيقة صادمة.
حضور الشخص مهم جدا وبيكشف جوانب كثير من شخصيته.
ولكن اللي عجبني في قصيدتك الاهتمام بالجانب الروحي للحب أكثر من الجانب الحسي .
انت خلصتلنا علي كل الكلمات اللي ممكن الواحد يعلق بيها
yet another marvellous heart soothing poem
و يا بختها اللي بيتقالها الكلام ده
سالي ممكن على فكرة الحب على النت صحيح غريب شوية لكن ممكن جدا دول عقلين وروحين بيتخاطبوا من غير تأثير فيزيقي -اجسامهم يعني- ولا اصواتهم حتى.. معناه ان فيه فرصة يكتشفوا قد ايه متوافقين او على موجة واحدة، طبعا ممكن لو اتقابلوا يفصلوا من بعض ولكن ممكن يزدادوا توافقا.. فيه ناس بحبهم جدا اتجوزوا من على النت:)وده مش معناه اني بدور على عروسة على النت:) لكن برضه ممكن:):)
يا حفصة والله ما حد عارف يا بختها ولا امها داعية عليها:)
الحقيقة يا خالد أنا مش عارفه أقول إيه ... كنت فاكراك عقلية وثورجي بس ما كنتش أعرف إنك رومانتيكي قوي كده
وعلى العموم حب نت أو مش نت .. المهم انك تعيش الحب .. وكل شئ في الآخر نصيب
على فكره بقيت كل يوم لازم اقرا مدونتك :)) .. اصطباحه يعني ويارب كده دايما
لو حسيت بالحب تجاه إنسان من بعيد يعنى من غير ما تقابله ولا تعرف أى حاجه عنه وإستمر الإحساس ده جواك لسنوات دون أن تعرف السبب بالرغم من إن حياتك ليست فارغه و بها فرص متعدده
تفتكر ده يبقى إيه
اسمحيلي يا أمل أرد على السؤال ده ،ويهمنا طبعا نعرف رأي خالد ...
بس موضوع الحب من بعيد ده ليه شقين .. الشق الأول وهو الإحساس والشق الثاني وهو العقل أو التفكير ...
انتي ممكن تحسي قصيدة جميلة ،قصة ممتعة وبالتالي ممكن تحسي انسان تاني لأنه مليان أحاسيس .. وأما العقل أو التفكير فده بيرجع لخيال كل واحد مادام ماحصلش رؤية لحم ودم يعني ...
امتداده لسنين ده بيدل على خصوبة الخيال وممكن زي ما خالد قال لما يحصل التقابل كإنهم مايعرفوش بعض .. وممكن برضه يحصل حب من أول نظرة .. كل شئ جايز .. بس أنا بفضل لو فيه فعلا إعجاب وبداية أحاسيس إنه يحصل بعديها مقابلة ... عشان بس العلاقة تكون صحية أو يبقى الإتفاق على الخيال وبس ..
يعني يا خالد مهم البوح عشان تكتمل الصورة ... يعني يمكن الحياه علمتنى الواقعية شوية .. لازم الخيال والرومانسية والسهتنة لو دق التعبير تكون موجودة بس تكون على أرض صلبة عشان نتسهتن براحتنا ...
عرفه يا بيرا ساعات الواحد بيعيش جوه عالم من الخيال و يبقى خايف إن الواقع يدخل و يبوظه و عاوزة أقولك إنى فى جوانب حياتى الأخرى عقلانيه جدا
أشكرك على إهتمامك
حاجة واحده بس اللي تخللي الواقع يفسد الخيال ... وهو انك لما تقلبيه واقع ماتفكريش بعقلك ... حبي زي ما انتى عايزه .. طيري زي ما انتى عايزه ... بس المهم لما يتقلب واقع احسبيها الأول ..
عندي صديق هو متزوج قاللي في مره انه بيحب على روحه .. يعني يحب الواحده للحب أو يحب قصيدة أو موقف جميل .. وهو برضه بيحب مراته ..
هو أنا مافهمتش التناقض ده .. بس أنا اتعلمت ان كل شئ جايز وممكن ...
شكرا بيرا واهلا بيكي..
اعتقد يا امل انه يبقى شيء حقيقي من طرفك حتى لو كان هو في وادي ثاني..
اما حوار امل وبيرا فانا حتابعه لأن معنديش قوي اللي اقوله دلوقتي
كتابات خالد الجميله إنعكست على الموقع و جعلت فيه مناخ تواصل و حب ، ياريت ده يستمر لأنه شئ رائع
شكرا لك ياخالد
شكرا لكى يابيرا
بيرا عاوزة أقولك أن صديقك اللى بيحب على روحه ده ملقاش الحب اللى يملا كيانه و حتويه علشان كده هو بيدور دايما عليه، اعتقد ان الأنسان لو حب بجد مش هيعرف يشوف حد تانى أصلا .
انتى بتقوليلى طيرى زى ما انتى عايزة ،انا كتير بحلم انى اطير وساعات امتنى أصحى يوم الاقى ايديا اتحولت لأجنحه ،
مش جنان ولا حاجه مجرد حلم
على فكرة يا جماعة أحب أقولكم من منطلق رأيى المتواضع (جامد التعبير ده مش كده!) أن موضوع الحب ده ممكن تفضلوا تتكلموا فيه للأبد و برضه مش هاتوصلوا لحاجة, لأن الحب هو الشئ الوحيد الذى لايمكن ان نفحصه من المجهر.... و اذا كان لكل قاعدة شواذ فان بالنسبة للحب: لكل شواذ قاعدة! اذا كان لازم و لابد نتكلم فى الحب, يبقى نتكلم عن تجاربه فقط
بصي يا أمل ... ساعات انتى بتحسي الحب وتبقى متأكده انك لاقيتي اللي بتدوري عليه ... بس بعد الجواز الموضوع بيختلف ... بيبقى المهم هو الإهتمام المشترك ... بالنسبة للصديق اللي أنا قلته كمثل فهو فنان بس مراته مش مشجعاه على هوايته الفنية فعشان كده هو ممكن يميل لغيرها عشان بتفهمه فنيا ...
يعني احترام العقل والإهتمامات المشتركة ومن عندي أهداف الحياه لازم تكون مشتركة هو ده اللي بيأدي إلى جواز سليم ...
ودي روشتة كويسه للخرس الزوجي برضه :)
أشكرك على الحوار الممتع
متهيألي الخرس الزوجي آفة يحتمها تقلص المساحات المشتركة بين الزبون وحرمه:)
الحمد لله انا عايش لوحدي وهات يا رغي مع نفسي طول اليوم:)
فعلا عندك حق,وهو ده السبب الرئيسى لفشل معظم الزيجات اليومين دول,الشباب بقى يتجوز رغبة فى الجواز و خلاص مع عدم مراعة التوافق الفكرى... و بكده (الزبون و حرمه) مبيتفهموش خالص
فتلاقى طرف فيهم هاتك يا رغى و التانى نايم, أو الطرفين خرس زى السمك
am living alone as well, no one speaks arabic here, so i talk to myself most of the time.
i guess it cant be a sign of madness anymore,
or maybe,
:)
حب
أهو الحب أم هناك ما هو أكثر من ذلك ليدق له قلبي و تصحو أحاسيسي بهذا الشكل
ما تلك المشاعر التي تهز جوانحي
فأفرح أحياناً و يصيبني الشجن أحياناً
هل أنت السبب
أم أنه قلبي المشتاق للحب
يتلمس دقاته من أنفاسك
و بصيرته من أنفاسك و نور عينيك
أم هي أفكاري التي تتسابق لتفكر فيك
أم أحلامي التي تتنافس لترسم لك من خيالاتها قصوراً
تعيش فيها ، دنى غير الدنيا التي نعيشها
عوالم و أكوان لك وحدك لا يستحق أن يعيش فيها أحد غيرك
لأنك وحدك بقلبي و بعقلي و خيالي
حدائق غناء صارت حياتي بك
و صار قلبي معزوفة تعزفها أنت وحدك
لا ترحل أرجوك
فإني الآن فقط بدأت حياتي و أنت الحياة
دي حاجة من اللي انا بأكتبه يا خالد و كنت ساعتها بأسمع مقطوعة بنفس الإسم في حفل لنصير شمة
في حاجات تانية في مدونتي زي كده ... يمكن نضطر نعيش الحب عالورق و نحلم بيه بس المهم لما نعيشه عالحقيقة نلاقي اللي يفهمه و يقدره و يستاهله و من غير ما نحتاج نشرحله اللي جوانا علشان يبقا في فعلا تواصل و دي أكتر حاجة بنحتاجها خصوصا لما نكون بندور عالحب سنين طويلة
بالنسبة لموضوع الحب عالنت هو وارد جداً بس لما تكون الناس واضحة مع نفسها حتلاقيهم فاهمين بعض و كإن كل واحد فيهم لما بيتكلم عن نفسه بيكون كأنه بيتكلم عن التاني .... عموماً ربنا يوفقك و يسعد قلبك ... أتمنى أشوفك قريب
بجد تحفة قصيدة جميلة بعشقك خالد
Post a Comment