Monday, August 01, 2016

مالك يا حلوة

مالك يا حلوة؟؟!!
---------------
ياللي انتِ.. آاااه منك انتِ!
ياللي انت كنت وياما كنت..
بعد الهنا.. إزاي هنت؟
لا عرفنا دي.. ولا شيء عارْفون!
--------
"
مِصْريَّةٌ" حتى نخاعك
مع إن كل الكون باعك
والنخوة ليه مش بتساعك
بعدمّا كنت أميرة الكون؟؟
-------
الاحتلال بعد التاني
وقبلهم قصر أناني
والشعب جُلُّه بستاني
لكن جعان جُلُّه ومطحون!
--------
والعدل ده قصة قديمة
من يوم ما مات بقى ترنيمة
وبتنشده خلق لئيمة..
واهبة العدالة للفرعون!
-------
والنيل -كما قيلَ- نجاشي
وبقاله مدة ولا جاشي
ومصاروة وقعوا في أحباشي
وصابهم العمل الملعون!
--------
مالك يا حلوة يا عجوزة؟
شايلاني (حاسّك) للعوزة
في إيد سلاح وفي إيد جوزة
وانا وانت والناس الواقْعون!
--------
(
الاكتئاب صاب الثورة..
وكشفنا عَوْرة ورا عورة
خدنالنا في "الإفتاء" دورة
وفي الافترا.. كلنا ناجْحون!)
--------
((
الوضع ما يطمنش يا كنج
جاي الوجع من بعد البنج
"
يوسف لافندي" انطس لارنج..
والبرتقان.. بقى شاب لمون!!))
خالد الصاوي