Monday, May 07, 2018

سلام.. سلام


سلام.. سلام
——-
و عشت عاقل.. من بره!
وجنوني سر مونسني
والفن كان الغجرية
تحتلني، وتحنسني
وأغل مالظلم وأغلي
وبطانته ساقعة بتفرسني!
وفِي عز عز ما اشوط: لأه!!
تعلا صاجات نعمين حولي
وأشكمني لو جت مالضعفا
ولا عمري أزايد ولا اعلّي
وابطحني قبل ما أجرحهم
وأجور على زادي وجملي
وأركب غزير الليل وحدي
وأشق مع هوسي الصحرا
وادي الجعان لو ديب نونو
وانطح ولو خصمي الصخرة
واستر ذليلهم وأستّر
وانا أستتر بلوة وعورة
——
ماذكرش طبلت لروحي
ولا طبطبت روحي عليا!
نزع لفرس بري وفارس..
وحشي وتمزيعهم فيا!
موحود واصاحب على عيبهم
يا صاحبي.. كم صاحب ليا؟!
اشمعنى ..ودي كلمة غريبة..
والله لأقولها من نفسي!
"اشمعنى" رمل بلعتلهم؟؟
يوم ما انتكست لقيت.. "نفسي"!
واتلموا شاكب على راكب
يعايروا يومي ده بأمسي!!
فزيت.. مدد.. انا اموت واقف
أنزف ماعكزش عليهم
وغصبت ضحكة من قلبي
وخانتتي عيني في عينيهم
ومسكت خنجر ألفاظي
حرصا عليا وعليهم
وبعدت لحقوني بنمة
نماية وسعت لنميمة
أستاهل انا؟؟ صرخت: واكتر!!
مرايتي دفشة وغشيمة
وبكيت كفصل من التعسا
يتيم ونهنهته يتيمة
ويدوب سندت فوطيتها
الا وزعقت مرفوعة!
اه يا راسي يا لغمي الدايم
ماتخشعيش يا مسروعة؟؟!
ماتركنيش القط نفسي؟؟
مش كل ميل يبقى ميوعة!
——
قُصره.. وانا آسف ليكم
كل اللي طسيته بعشمي
خبلان وتوبة وبرقبتي
لا فضفضة ولا ابيح لحمي
البوح ركني على ناسي
ناسي اللي مكتوب على دمي!
سلام سلام وانا اهه باسم
والقلب والكبد جرايح
لكن صفيت والله بفضله
كما كنت.. مالليلة ورايح
وبحبي، وبغضبي وفني..
ساعي ورا الشيء ال رايح