Monday, November 07, 2016

أخبارنا ايه؟

أخبارنا ايه؟
معرفش آيه أخبار لينين!
بقالي مدة بكلمه..
يبدو انه غير نمرته..
عازز عليا أسيبه يسمع من جناح
مايرميليش في البوسطة ريشة!
وبعتله الزاجل بإنَّ
رجع الدكر من غير وليفته في بقه ريشة!
وعينه وارمة
والتانية سبتلي بصمت
أنا والكتب والمكتبة والعيشة!
واه! واه! ناديت عالسرب قلت أطمنه
فاجئتني غربان الشكوك
كلما أزعق تعلا عني
وتدب في الزحمة المسبة
وتلاقي فجأة المحترم نبي الطيور
كروان زمان.. بيطلعوه ولود الخبيثة معاش مبكّر!
ويرقوا مين؟ البغبغان!
ويختموا الباقي بطلسم عولمة
ويربطوا ويفكوا ياما
ويكوشوا حتى على نهر التاريخ
ويلمعوا هدهد زمانه
فوكوياما!
(قديس جديد في معبد الماضي السحيق
والرأسمال جدد كلامه
بس الدماغ ذاته العتيق
ويولعوا سوق الكتاب بسوء ما يكتب
ويعملوا مالجهل حرفة
حبة دَجَل ويربطوا ويفكوا ياما
وفِي الخلاصة مفيش سوى بؤس الفلاسفة
ويخصخصوك من العلاج لما السلاح
ويميزوا ويعززوا ويحيزوا
ما يؤمموش غير المصارحة
ما يقيدوش الا المكاشفة)
----
من ظهر عالم -حقه والله- بتيجي كودية
روسيا صحيح اتمخضت وادت لينين
لكن في ديله جه اللي يقبض بس ساعة ما اتزلط
روح أمه والداية وعروسة من الغجر!
توأم لهتلر زيه راضعين مالدبب
ومفقشين بيض الشمال
ايفانوف يقوله يا راسبوتين!
وراسبوتين يشوفه يعمل جوزفين!
سفاح عشيرته أبو الشناب.. سيدو ستالين!
من حبه للعمال في كراسة لينين..
خد فلاحين.. ملايين.. طمرهم في الجليد
ورجعلنا بمنظومة المواتير
القطر حتى اليوم لوحده قرب العاصمة يرزع نفير
ومفيش قضيب سوفييتي الا ويتني
لحد ما تعدي الغارات
وبألف لغوة بيستعاذ منه
أحقر خلف
ولمين
لخير سلف.. جدك لينين
سيدو ستالين!
ابو الشعوب يتم عشائر
وخصى شعوب
بنى المباني من حجر
شيد بشر من الستائر
هد وأقام وأقام هدد
يعيش ويلعن سنسفيل وارث قتل
وحط فوق الجثة راية
واحتاط عليها بالمداهنة والغلط
لحد ما لينين اختفى
تسأل يدلوك النحايف عالنبي الاعزل
نبي نحيف لكن مسلح!
على ما الصور توضح ف يدك
يقولوا: عمك
مغدور تروتسكي
شبه الشهيد
قديس عنيد
واسمع حكايته.. ويسحرولك بالملاحم
ولا حد بيكذب حبايبه
ولا حد بيحامي لعاديه
ولا حد بيقلل مطايبه
ولا حد بيشوف اللي فيه!
مقصدش احنا يا ست أولجا القصد صدفة بعضشي!
مش دي الشعوب؟
مش دي الشعوب؟؟
يا سقالات طارحة الكتب.. والقلب طوب
------
وهكذا تمر السنين
ويختفي زمن ال..لينين
زمن ال..تروتسكي
زمن الرجال جوا الجليد
والغاوي بينقط بكابه
بالمسطرة ماشي القلم جار السلاح
عامل فعامل! مش مهندس بس عامل فيها عامل!
فلاح مزارع في الخلا
ياخد ويدي مع العزيق ومع الدريس ومع الغيطان
ولا يخلا من همه جريده
مش جاي مفصل جلابية من الورق
ريحتها حبر ومكلمة
ومكسمة عالبرلمان!
ومسرحة الطير اللي شارد
ده يقول لينين
ده يقول لينينش
عاملين لجان علني وسري
متشعبين
متغلغلين
ومورطينا يمام وإمري!
----
اخباره ايه طب ماو تسي بابا؟
وماو تسي مات.. مات مرتين،
وفي الاخيرة مشت وراه القطط السمان!
وجيفارا مات..
أهو ده الولد
جيفارا مات..
أهو.. ده.. ال..ولد
أمريكا تاخد خزيها وتستفنظل عالخازوق!
جيفارا عاش وبنعشقوه في كافة بلد
------
وكاسترو عاش (ولا الملك)!
وكيم في كورياه اتعبد!!
خلف ملك.. وغار وراه..
لكن تحفنا بالحفيد!
-----
تعبت يابه
سخنان ولا أبرد
حموت ماموتش قبل ما أوصِل عرشها
بدم الغلابة
(سبارتاكوس
وست آلاف مصلوب تمرد)
أصحى بكرامبات الخنوع
وسيخ في صدري ماهوش بسلّم
وماهوش راح اسلَم مالكآبة
وكل ما ارمي وأقول كتابة
الحزب والحلف الوسيع
والجبهة ثم المؤتمر
الكل يحلف: بل ملك!
----
وده كله أثر فيك يا انجلز :(
وده كله قصر عمر ماركس :(
وطول الصف الشريد..
صف العبيد 😷
أ


Wednesday, November 02, 2016

وغرفة صناعة السينما تحث المنتجين والموزعين الكسبانين يشاركوا

وغرفة صناعة السينما تحث المنتجين والموزعين الكسبانين يشاركوا ومصلحة الضرائب موجودة وأرباح النجم والمنتج متاحة. تراني بهدي النفوس :)

استكمالا للفكرة

استكمالا للفكرة: أرجو من السادة نقباء المهن الفنية والاتحادات الرياضية تبني المشروع كي لا يتصدره محبو التلميع على دم الغلابة، وليدره الخبراء

يومين مش لاقي صيغة وقلقان اختار الفاظ غلط

يومين مش لاقي صيغة وقلقان اختار الفاظ غلط بس مابدهاش: نجوم الفن والاعلام والرياضة علينا بصندوق فوري لاغاثة منكوبي السيول او نبقى ولا شيء :(

الثورة لو فكست فلأن ملايين هتيفة للحرية

الثورة لو فكست فلأن ملايين هتيفة للحرية بس لاالرجل قصده حريةالست ولاالمسلم حريةالمسيحي ولاالمهني حريةالعامل! صدمته طب ساكت كداب لآخر نفس:)

عارضت مبارك ومرسي لم أتحمس للسيسي ولا لطنطاوي أحب عبد الناصر وبقيت أقدر السادات

 عارضت مبارك ومرسي لم أتحمس للسيسي ولا لطنطاوي أحب عبد الناصر وبقيت أقدر السادات وبحترم محمد علي ومشفق على اسماعيل ولو اي عدو قصدهم حقتله هو.
محمد علي ابراهيم سعيد واسماعيل وفؤاد وفاروق وحسين وعباس وسعد والنحاس وصدقي نقراشي هلالي ناصر سادات مبارك طنطاوي كلهم طغاة لا خاين الا توفيق
 مرسي والسيسي والسجال بين مؤيدي ده او ده واتهام الجوز بالخيانة هو موضوع يخصهم انا مش ناوي اخش في جدل مع معسكرين مش موضوعيين بس هما غير خائنين
الخيانة: قيام توفيق بالاعتماد عالانجليز في ضرب عرابي وتثبيت عرشه، ومثلت دوره مع استاذتنا انعام م علي بقاسم امين فعرضنا انه اتورط/ فنخ /فخان
 حد بيحب فاروق لأن نفسه يعيش فنتازيا الملوكية والتاني بيحب ناصر عشان نظراته صقر وشتم اي حد بالأم وحد شايف مرسي نبي وحد حبه لعرابي سنده شنبه
 ومدام حنفتح الصفحات دي فاسمعوا رأيي: هو فين التيار الوطني اللي على أساسه حنقيس؟ كلنا وطنيين ماشي ده في الستاد بس لما تفكر:هم كم مشروع حولنا؟
 الإسلامي كشف وشه لا مصر ولا ليبيا هي الخلافة، والعروبي يرفض التجزئة ومتعلق بالقطاعي، والليبرالي شبه الولاد بالورد منتظرين مسز عولمة،
قي اليسار وده فخفخينا السياسة! جربت سككه مالجامعة لأنه رد الطبقات الأدنى على سلطة رأس المال بس تفريعاته تحسسك انه منتديات باستثناء بضع

 محمد علي ملحقش ال4 تيارات والا كان سب بالتركي واحمدوا ربنا بعتني بالنهضة، وطوال 40 سنة بنحب عزه ونكره قسوته اما قلبناه مجرد جوز أم حليوة غلس
 بقي اليسار وده فخفخينا السياسة!
جربت سككه مالجامعة لأنه رد الطبقات الأدنى على سلطة رأس المال بس تفريعاته تحسسك انه منتديات باستثناء بضع

 محمد علي ملحقش ال4 تيارات والا كان سب بالتركي واحمدوا ربنا بعتني بالنهضة، وطوال 40 سنة بنحب عزه ونكره قسوته اما قلبناه مجرد جوز أم حليوة غلس
 شعبنا قرن 18كان ف شخيرلعهود ثم قام المارد عالفرنسيس والترك والمماليك ولطش مع الانجليز اترمى ف تحديات قادت نخوته طب كلمني عن قياداته..
 قيادات من منابع روحية: أزهرية وصوفية وأشراف + منظومة الصنايع، أي 3 مصدات تمردعلى ولد واحد هو الطوايف رجل ف الشارع ورجل ف بلاط ترك-مماليك
 محمد علي ملحقش ال4 تيارات والا كان سب بالتركي واحمدوا ربنا بعتني بالنهضة، وطوال 40 سنة بنحب عزه ونكره قسوته اما قلبناه مجرد جوز أم حليوة غلس
ماكانش المصري بيؤاخي الا المصري واغلبنا طبقة واحدة تعزق وتزرع وتبني وتورد للغير من أوسخ انكشاري ومحتسب مع دعاء كبارات الحرف لسلطان الترك
شعبنا قرن 18كان ف شخيرلعهود ثم قام المارد عالفرنسيس والترك والمماليك ولطش مع الانجليز
اترمى ف تحديات قادت نخوته
طب كلمني عن قياداته..

 نابليون مغامر كمحمد علي ف عصر خاص كلاهما بنى نفسه بنفوس شعب غريب هو اشتغلهم بتصدير ثورة فرنسا فاشتغلنا الجميع بواإسلاماه! وانقسم الأزهر!
 مالأزهر من ثار عالفرنسيس كيف حتنوروا الشوارع ربنا خلق الليل لننام! ومنهم من أحب التحديث أو التهدئة او عجل الانتاج، أوالشاي بلياسمين ثم..
 شمالك ويمينك مماليك هزء صحيوا من رقصة امير الانتقام بالسيوف فإذ بالفرنجة بيلبوا قنابل، مماليك اركض خيول كرداسة والفرنسيس تشكيلات بالكراسة
 انت صاحي عالجو ده: ابطال بتبزغ من شباب وغلابة الازهر والصنايعية وجدعان الاهالي بنسوانهم، بينما الكبارات نصين ده تركيا نينه وده حب فرنسا!
  معلش حصدمك: محدش هتف مصر حتفضل غالية يا عبلة! كرعايا عثمانية احنا زي موظفين ق ع والهيئة فكوها باعوها ادوها لمستثمر واحنا جايين معاها بس
 عالم بيتبني عالنصب والنهب قلب المسيحية والاسلام لدارين متعارضين وهما ديانتان للبشر! دنس الفرنسيس ديننا والمماليك واوا فثرنا بلا سلاح و
 عيش اللحظة: الكبار بقوا توكشوز وتركيا مسجات فقط ونابليون لابس حاج وجنرالاته بقت ابو نسب وابوالهول خدها في انفه وانا وانت وعبمسيح بالشوم..
 الشهيد بيقع ورا التاني صف لأن العدو راكب الجبل بالبوم بوم بس المعدن المصري اتسبك على 10 الاف سنة فلقينا بعض وصمدنا وقف 2 فاهمين مبهورين
 نابليون ومحمدعلي داسوا اوروبا ام تشكلات وتفجرات جماهيرية لقوا أمة بلا ذاكرة بتفتح وتبربش وصعب تاكلها بسبحة وسواك، وتسابق المغامران الصيع
 قشطة الحليب مترستأة لا اتقص من مالها ولا نفوذها والشعب مفحوت الصبح تظاهر الظهر اشتباك بالليل تكافل وتداوي، والثورة كالحب ذائقها مستزيد
 ثورة القاهرة الثانية والمصري لقى بعضه وحركته شرايط غامضة في وجدانه تجاه استقلاله عن تركيا وفرنسا مع لفظ المماليك وكبارات البولوتيكا
 محمد علي في هلته علينا كان ظل مولاه اجتمع بطوب الأرض وهرسها ولقى الثغرات زي ما طنطاوي كشف الشعاب بين الكتل ف لحظة 40 الف بسلاحنا حيارى
 الباقي انت عارفه بس افتكر قشطة الحليب بايعته خللي العجلة تدور وخدونا ف سكة مالنهارده انت الأمير بس احنا واعيين خدناه وكتبنا عقد!حلوين اهه
 شوية ووقع برقع الحياء عن الكسيبة وف لحظة بقى الوالي عاوزلنا ضريبة اقل من مين؟ من عمك عمر مكرم! والمملوك امتشق سيفه بعدما قلع البنطال
 وبص من رشيد عالبحر حادف زبالة انكليزي! هنا ظهر الجدع اللي بيلمنا وراه زي قطز وناصر56 اشمعنى؟ لما عطلوا اعتمدوا عالشعب يقاتل فسدينا ف
 اهل رشيد روقوا فريزر بحملته ومحمد علي روق عمر مكرم على المماليك ثم روقنا:) قلتلك انت عارف بس ناسي دي حلقة من مسلسلنا ابو عشرميت جزء كمل

انا اخر الفراعين!

انا اخر الفراعين!
سأحكم سبع سنين لا يسألني فيها نفر رحمة او حلما او سلاما او سكينة
بعدها اترك العالم لا يهمني كيف تدفننوني او تمجدون اثري
لن يذكرني التاريخ الا بسطور شحيحة ارتضيها:
ثم جاء الطاحن.. ففرك الارض وجوفها وماءها لمبدعيها، وسن السلاح لحراسها والشمس والرمال لعلمائها قدس الوالدين وصدم الوف الغزاة بملايين من ملح الارض، جمع النهر والبحر بحيرات تحت قدميها ، فتح الجهات ال4 بالسلاح الخفيف والشجن الثقيل
ثم نظر للسماء وكنا نخاله لا يعبد ربا نعرفه! ثم قال:
أسلم الروح بين يديك مولاي
أخذتهم عبيدا تائهين
وأودعهم فراعين في بيوتهم وحقولهم ومعامل البردي والبارود
الآن يبدأ الفنانون
ويستقيم التاريخ
وتحترم الأمم أمتي
تلك الأمم التي ستشتري نجاة لحمتها وبقاء سسلسالها
وإلا عدت في بذوري الكامنات لأنسف في كل عاصمة قصرها وفي كل قصر ركن النفاق الدنس الذي يجمع السيكوباث
الواحد بالمائة الذين يمتطون الخلق والخليقة.. حتى يظهر لهم ظهور مماثل.. وما انا الا مقصلة رقيقة في يد القدر الغاضب

الوله الملدوع اللي شمتان في ابن بلده

الوله الملدوع اللي شمتان في ابن بلده وهو لا زال رهن التحقيق وفي غربة ومصيبة اسمه ايه راس مقشة غرغريني ده حد جدعنة وخدمة لي يتبنى قطع رجله من مصر لا ييجي يزورها يغني ولا سائح ولا يسيق سلالم ولا يطوق عربيات، انا من كثر ما انا مخنوق منه حكتفي باني لو قابلته حقول اللهم زدني حلما، ولانها مش من جوايا فهو ونصيبه لكن ده يغني في مصر وابن بلده ابن مهنته متهم -والمبدأ القانوني وكلنا عارفينه بس بنتبعه عالكيف بقالنا حبة كده! المتهم بريء حتى تثبت ادانته، واهم شيء وقد عملت محاميا ونشطت سياسيا سنوات وعملت بالاعلام بماسبيرو وووووو اهم شيء ان اول ما المبدأ ده بيتني.. بيفسخ من استمرأ تنيه.. وساعتها بيعرف ان الله حق.
عموما يا غرغرينه فينا نتلاقى يا دبي يا لبنان يا المغرب اوباااااااا في وسط ملعبك.. تراك وانت بالشقلوب يستخدمك الرائح والغادي لمسح الاسفلت؟؟؟ الاسفلت قد ينظف ولكن..
من اين نأتي بمنظفات الضمائر؟

اللي يحب الحياة اكثر من كرامته

اللي يحب الحياة اكثر من كرامته ويخاف مالموت اكثر من مهانته انسان وغلبان وتعبان ومقهور وابن ميتين معذور فهمناااااا اووووف!!! بس عايش في مستنقع من الانسانية ان شئت!
طوبى لمن استولد كبرياءه بفصل برؤوس ظالميه
طوبى لمن عاش يوما نفر في ميليشيا سبارتاكوس ولا مية سنة دلدول في قطعان متغطرس وطماع ده غازي وده ابن بلده
طوبى لمن وجد قلبه اتحاده بعد ضياع مع عقله وضميره وقد تماسك بعضه بعضا على ما هو احب من الحياة واعظم من الموت:\
الكبرياء-المجد-الشرف كلها كلمات صغيرة لا تعبر عن امتلائك انت بالعبير والضياء في مقابل قاذورات الرياء والمداهنة والعيش كالبهائم

كل مرة بتجيبني قبل ما انط