Monday, October 09, 2006

ليست الحياة سهلة


ليست الحياة سهلة مطلقاً
وليس شيءٌ في الحياة مثلها
لا نستطيع أبدا أن نشرح جوهرها المكنون
ولا أن نفلسف مهما سعينا عقلها المجنون

غريبة هي الحياة.. أغرب من كل شيء فيها
رهيبة.. جامدة.. جاحدة
حقودة.. زائفة.. معربدة
تعشق المستهين بها.. وتستهين بالعاشقين

لا تعرف الرحمة لا تتكلم لغة القلب
تكره الضعفاء تحتقر الأطفال الفقراء
كالنار تأكل كل ما في وجهها
وبالدم تطفيء شهوة القاتلين

وهمية هي الحياة.. عاهرة رخيصة
مكياجها ثقيل.. ملابسها الداخلية قديمة ممزقة
تريد رجلا شرانيا يأتيها من خلف
ينكحها بقسوة.. يسلبها النقود والسلسلة الذهبية

مريبة هي الحياة ضحكها ساخرُ
أنسها زائل.. متعتها نافقة
لا تحبذ الذين يحنون على عقيدة ما
تفخر بالنسب التتري ..
تتمسح في القراصنة

سادية هي الحياة.. مازوخية أيضا
وثنية.. تقدس البنكنوت والسلاح
تمنح المقدس فيها لمن يأكلون نيء اللحم
وتمنع الحليب عن الجرو الجائع في الطريق

صعبة هي الحياة لا يسهل شرحها
لا يصلح معها غير ان تعيشها
كفنك الملائكي على يدك اليسرى
وفي يدك اليمنى سلاحك الآليّ

11 comments:

nour said...

فى مسحة اكتئاب يا يا خالد بتمنى يكون عادى زى اللى بيجيلنا كل يوم..و ميبقاش حاد زى اللى بيجيلنا كل اسبوع:)
قلبت عليا المواجع..القصيدة نفسها جميلة اوى تشبيهاتك رائعة و جديدة..و احسن حاجة الصدق اللى مخلينى احسها..انت حقيقى اوى

^ H@fSS@^ said...

استكمالا للسابق كتابته منك و السابق تعليقنا عليه
يمكن ربنا خلقنا عشان الحياة منيلة بستين نيلة كده و احنا المفروض اللي نغيرها ؟؟؟؟؟!!!
لان ربناادانا اراده حرة و عقل نفكر بيه و قلب نشعر بيه و كل اللفة دي
صح ولا غلط و لا كل ده مالوش لازمة و يلا نلم فرشنا من علي رصيف الحياة دي و نروح بيوتنا
اذا كان في بيوت حتفضل اساسا
الحقوا و ساعدوا واحدة تاهية لو سمحتوا

Anonymous said...

rana,
if and if and if.......and an endless sequence of "if" but who's gonna realise these "ifs"? yet, i always say "begin by yourself and don't wait to follow the herd." i think that IF everyone does so things might change

albida said...

بجد و الله العظيم يا أستاذ خالد دى من أجمل القصايد اللى أنا قراتها! انت مش متخيل هيا هزتنى اد ايه؟(مع العلم انى لا اتأثر بسهولة). المشاعر قوية و الكلمات أقوى... كأنى اسمعها منك شخصيا

حضرتك كل يوم بتذهلنى بموهبتك الشعرية دى

الخبز و الحرية said...

ما كل ده جميل يا رنا بس السؤال ازاي؟ انا شايف ان الظروف بتتحكم في الناس عشان كده لو الناس غيرت ظروفها حتكسر سيطرة الظروف عليها.. لو مفيش تفرقة بين البشر حيخفت الحقد حتى لو مانتهاش.. لو مفيش دكتاتورية اجتماعية -ناس احسن من ناس بدون سبب عادل او رحيم- الرحمة والتعاون والحب حيزيدوا.
والله ما عاوز اكون كئيب يا نور انا بس بحاول اكون صادق.. وبما ان في حياتي لحظات حزن كثيرة تلاقيها في كتابتي.. لكن انا فروش جدا اغلب الوقت:) بس لما ببقى لوحدي وبستسلم للكتابة دي مش الدراما خالص الاقي سحب الحزن بتتجمع. اما في المسرح مثلا فعادة لازم يكون في كتابتي جو كوميدي سوداء.. ما العالم برضه قاسي وماينعش الواحد يقابله طول الوقت على انه قشطة! لا مش قشطة.. عالم يحتاج لتغيير.
شكرا البيدا ده كلام كبير عليا:)

Anonymous said...

غريبة هى الحياه
مليئه بالتناقضات
واحنا دايخين وراها وجواها
هى عايزه مننا ايه؟؟
قلبت عليا المواجع يا سيدى

الخبز و الحرية said...

عايزة مننا الكفاح عشان كرامتنا كبشر وحريتنا.. عايزانا نثبت اننا فعلا نستحق نكون سادة المخلوقات

albida said...

فعلا عندك حق ربنا خلقنا و فضلنا على جميع المخلوقات فى الأرض و السماء.... يبقى ده مش حافز كفاية لينا؟

على فكرة أنا مش باجامل القصيدة فعلا تعجز عن وصفها الكلمات
أنا وريتها لكل الناس
كل ما اوريها لحد يقولى مين اللى كتبها, أقولهم خالد الصاوى, يقولولى الممثل؟لا, أكيد بتهزرى
:)

nour said...

ساعات الواحد بيكون محتاج الحزن الجميل ده علشان يحس انه لسه متفاعل و متواجد..الحمد لله ان احنا لسه بنحزن اصلا..المساواة بين الناس حلم جميل اوى بس معتقدش هيتحقق دلوقت..الناس نفسها بتحب التفرقة و كل واحد عايز يكون احسن من غيره

الخبز و الحرية said...

البيدا شكرا عالدعاية ليكي عندي واحد لمون.. 2 لمون هنا ومركب لو سمحت:)
رنا مشاعرك نبيلة ولكنها لا تكفي في رأيي.. لابد من تغيير جذري لأسس الظلم في العالم.. هل نستطيع ان نراهن على التعليم قبل التغيير السياسي مثلا؟ ازاي؟ مين حيعلم مين؟ مين حيعتمد ميزانيات جديدة واستراتيجيات تربوية حديثة؟ اذا استمرت الجذور نفسها فلابد من ان الطرح سيكون واحدا ولهذا ارى الحل في حركة حادة تأخذ الدركسيون في اقصى اليسار فجأة وبعدها نرتب البيت من جديد لأن الاصلاح التدريجي من قلب النظام نفسه -سواء المحلي او الاقليمي او العالمي- شيء في رأيي مستحيل
الناس يا نور مش بتحب التفرقة الا عشان اتولدت في دنيا عاملة كده.. ومع ذلك فالغالبية من الناس في العالم كله وعلى مدار التاريخ كانت ولازالت تكره التفرقة بدليل ان العالم كله لازال يغني في طلب العدل وهو ما يعني الاحساس الجماعي بافتقاده. لو اتولدت اجيال جديدة في دنيا غير مؤسسة على التفرقة مش حتسعى للظلم تلقائيا في رأيي

الخبز و الحرية said...

فيه عموما اتجاهين في التفكير السياسي دايما اتجاه اصلاحي واتجاه ثوري.. لكل واحد منهم وجاهته ومشكلاته..والحوار بينهما مفيد للجميع