Monday, October 09, 2006

ما العمل ؟؟

القضاة مرتشون
والضباط مجرمون
المهندسون يخطئون في الحساب
والعلماء يقتلون البشر
الأطباء يتاجرون في الأعضاء
والفنانون مخربون

رجال الدين يعبثون في التائبات
والمعلمون ينتهكون تلاميذهم
المحامون يبيعون موكلهم للخصوم
والملوك يسلمون شعوبهم للمصارف

الأرض كلها تعوم في القذارة
تطفح بالذنوب والدنس
في كل عام يُقتل المهديّ المنتظر
ويُعتقل الحواريون
يعمّر المؤمنون فيها مستشفيات الأمراض النفسية
ويمسح الأبطال فيها بلاط السجون

12 comments:

Anonymous said...

مرغم عليك يا صبح مغصوب ياليل
لا دخلتها برجليا ولا كانلي ميل
شايلني شيل دخلت أنا في الحياة
وبكرة حاخرج منها شايلني شيل

nour said...

العمل عمل ربنا..!
لا بجد انت بتكتبنى شكرا لتعبيرك على اللى كل الشعب المصرى عايز يقوله
الف تحية لعمر افندى..واللى بيحصلى كل يوم فى محطة مصر و انا مسافرة..الف تحية لكل قطر ركبته الساعة 4 علشان الحق الفطار مع اهلى فى طنطا ووصل الساعة 8
الف تحية للظابط اللى كل يوم بتخانق معاه فى المحطه و بهلله يعنى و برضه مش عايز يجرنى على امن الدولة غريبه..!الف تحية لبابا اللى علمنى القراية و السياية و السؤال و انى اقول رأيى علشان هو السبب فى اللى انا فيه ده

albida said...

غريب أوى التشاؤم ده يا استاذ خالد! انت نقلتنا نقلة كبيرة اوى من عالمك الحالم الى ذلك الواقع المرير. أحيانا الحزن و التشاؤم بيكونوا مفيدين و لكن علشان يشوقونا للامل من تانى, مش كده برضه؟

karakib said...

انا كاتب تدوينه شبه اللي بتقوله ده يا استاذ و مفترض نهايتها فالاخر لو عندك وقت احب انك تيجي تقراها عندي اسمها اسقاطات متوازيه
انتوك

الخبز و الحرية said...

والله يا البيدا انا مش قاصد احس بشكل معين انا اللي بحسه بحطه على الورق، توجيه الاحساس وترشيده ده يخش في باب قمع المرء لذاته وانا بكتب عشان اتحرر مش عشان ازداد قمعا:) حكتب اللي بحسه وانت دايما قوليلي باللي حسيته.. لا انا مطلوب مني اغير كتابتي ولا انت مطلوب منك تغيري رأيك.. المطلوب اننا نتواصل كده.. صح:)؟

Anonymous said...

أنا مش عاوزه الدنيا دى
انا رافضه الواقع دا
أنا راجعه تانى لحياتى الافتراضيه الجميله الودود
أنا مش باهرب
أنا بادور على عالم أفضل
يمكن ينفع أقلده وأحاول أطبقه هنا
تذكرتين للمريخ وحياتك

الخبز و الحرية said...

الانسحاب مش حل
حتهربي فين؟ النت مملوك لشركات عملاقة عالمية تقدر تتحكم فيه لما تعوز.. حتهربي فين؟ العالم كله تحت ايدين الظلم.. واجهي.. المساحة اللي بتحرريها بإيدك بيصعب على الغير انتزاعها منك.. وحدها الأشياء التي تأتي اعتباطا تضيع.. تأمليها كده

albida said...

عندك خق يا أستاذ خالد... أنت أقنعتنى و كسفتنى فى نفس الوقت

بس بجد القصيدة جميلة

Anonymous said...

حتى مساحتى الصغيره انتهت
البلوج بتاعى الله يرحمه
اتمسح كله بعد محاوله خرقاء منى لتحديثه
انا لله وانا إليه راجعون
بس انا مش هاستسلم وهاعمله تانى
بس انا فعلا متضايقه

الخبز و الحرية said...

البيدا مفيش بنا الكلام ده كلنا اللي يقول حاجة صح نصقف له وخلاص.. صقفة للنبي بقى:)
ولا يهمك يا وينكي اعمليه من الاول من منطلق انه مادام باظ اكيد خد الشر وراح:) انطلقي ببلوج جديد واعمليلنا افتتاح ونتلم عندك ليلتها

albida said...

خلاص... اتفقنا يا أستاذ خالد, بس نشوف وينكى هتعمل الافتتاح فين و أنا عليا الحاجة الساقعة

:)

الخبز و الحرية said...

فين البلوج بتاعك يا وينكي؟؟