Thursday, October 05, 2006


سأكتب
سأكتب حتى أراني
ولو كنت أكتب نبش الفراخ
سأكتب لو لم أكن شاعرا محدثا أو أصيلا
سأكتب حتى أذكّر نفسي بأني أنا
وحتى أحب حياتي قليلا

27 comments:

karakib said...

الكتابه هي بديل لاشياء كثيره مفزعه اهمها الموت
انتوك

وليد said...

والكتابة تجعل العروش تتزلزل

وتفتح الزنازين ؟
هل جربت الزنازين خالد ؟؟؟؟

أم أحمد said...

حمد الله علي السلامة طبعاً وانت غايب كان نفسك تفتح المدونة بتاعتك عشان تشوف اخبارها ايه مش كدة ؟
كلنا كدة انا عن نفسي ادمنت مدونتي وبقيت عامله ذي الجاسوسة اسمع اي خبر واحاول اشوف ان كان ينفع اكتب عنه في مدونتي ولا ماينفعش
نورتنا
إلا بالحق انت مانشرتش في الجرايد قبل كدة اصل اسلوبك حلو اوي احسن من ناس كتييير حرفتها الكتابة


أم أحمد

zordeak said...

مــــا عليك إلا الكتابة








ومـــا علينا الا التصفيق



بس خلاص

Nohaz said...

في لي نوتة اما احس ان هبدأ اتجنن اكتب فيها
زمان كنت بدأت اكتب شعر يمكن من اول ثانوي منه شعر في واحد كنت اعرفه ده كان في اولي كلية اعتقد مكانش بينا حاجة يدوب اعجبت بالولا
امي شافتها و طينت عيشتي
و حتي بعدها اكتشفت انه عيل مراهق مع انه كان مهندس كبير
الكتابة بتريح
سلام لحسن انا هموت و انام
صحيح .. مش هتغير عدد البوستات الي في الصفحة الاولي عشان تخف من حجم الصفحة و هي بتحمل؟

Anonymous said...

بجد بجد بجد طب والله العظيم تلاتة انت جامد وانا بحبك وبحترمك يا خالد يا صاوى يا فنان ,انا عايز اقول انت فخر ومثل لكل واحد بيمثل علينا واسمه ممثل . انا لا اجيد فن الخطابة بس عايز اقول انا حسيت بكلامك كأني انا اللى كاتبه

Anonymous said...

انا اللى كدة يعني ..ايوة دة هو انا . سلام

sarah la tulipe rose said...

الي ما نقدرش نقوله نكتبه احسن ما نتخنق باي في نفوسنا

الخبز و الحرية said...

لا يا وليد لم أجرب الزنازين ولكني شفتها فيديو:) الحقيقة انا كنت حبتين سريع ايام الشقاوة ليس من منطلق الجري نص الجدعنة فقط بل ومن منطلق اللي يحصلني يكسرني:)
لا لم أجربها ولكن اللي جربوها ماشفتهمش نخوا ولا حاجة وطالعين دايما أشد من الأول.. ولا غلط؟
ام احمد انا كانت لي تجربة سخيفة مع الساحة الأدبية بين 84 و91 فخلعت منها ومن خنقتها الى رحاب الدراما.. لكن نشرت ديوانين هما بعث الخيول ونبي بلا أتباع.. الأولاني بعافية قوي والثاني يعني
زورديك ده كثير علي:)
اما نهاز بقى فقد قامت بعمل عظيم معايا حيث أرشدتني الى كيفية التحكم في المدونة.. الف الف شكر يا نهاز.. هو المفروض اعمل ايه عشان اخفف المدونة؟ اقلل اللي في الصفحة الرئيسية؟ طب والحاجة حتروح فين ؟ لا مؤاخذة يا خوانا اخوكم متطفل على التكنولوجيا برضه
الف شكر انونيموس
فؤاد مش فاهم تعليقك الحقيقة
موافقك يا سارة

أُكتب بالرصاص said...

خالد

لو محتاج اي نصحية تكلنولوجية بلوجرية
ماعليك إلا ان تسأل اسئلة صريحة

هتلاقي الف من يدلك
بلاش ألف

هتلاقيني
واقف بجوارك

بس انت شاور وقول عايز تعمل ايه في المدونة
لو عايز تقلبها مراجيح ،
بعون الله
من الصبح نخليها كايرو لاند
عايز تركب عداد زوار ،
اعلانات
ساعة

ولا يهمك
.
بس قول واطلب

:)
كل عام وانت بخير

Nohaz said...

صباح الفل ولا عظيم ولا حاجة
مهو في واحد اسمه خالد برضة الي هو اخويا خالاني غصب عن عيني اتعدل و اتعلم الجدعنه
كنت استندل صراحة الاول بس هو كان يصمم اساعد اصحابي لحد ما بقت عادة
زي مرة ليلة امتحان اقوله عايزة اذاكر و ده مصمم ان صاحبتي تيجي اذاكر لها لانها مش عارفة اي حاجة و قالي يمكن ده يخلي ربنا ينجحك
و سمعت كلامه و اهو ماشية علي نهجه

تاني حاجة القديم بيروح ارشيف هبعت لك صورة اوريك بيبقي ازاي و سهل ترجع له
اي خدمة يا باشا

ayman_elgendy said...

فلتكتب حتي تستطيع التنفس....وحتي لا تسلب روحك ....وحتي تحب حياتك كثيراً

:-)

مودتي وتقديري

voice of love said...

طبعا لازم تكتب وتعلى صوتك
علشان حلمك مايموتش
أحسنت يا فنان

WS said...

اظن ان فؤاد محمد يقصد انه عندما يكتب الانسان عما يدور فى داخله ثم يقرأها على ورق او فى حالنا هنا على البلوج... يرى نفسه من زاويه اخرى فيثبت لنفسه انه هو فعلا الذى يفكر بهذه الطريقه... أو يرى اشياء فى نفسه لم يراها من قبل ... و لهذا يقول فؤاد: انا اللى كدة يعني ..ايوة دة هو انا . سلام

وليد said...
This comment has been removed by a blog administrator.
وليد said...

خالد
كان سؤالى للمعرفة
لأننى ربما أحل ضيفا لمدة عام عندهم
وكله بالقانون
ربنا يستر
ربما تمر على خير
وربما يشاء الله لون أخر من الابتلاء
له فى خلقه شؤون
لو تابعت مدونتى ((خربانة يا جدعان ))
ربما أنشر ما حدث لى
مفجع وغريب ومضحك فى الوقت نفسه

كل عام وانت بخير
خالد

Darweshe said...

اكتب ياخالد اكتب ... اما نحن سنقرأ سنقرأ سنقرأ ... حتى تاتى لحظة الخلاص ...فلكل ليل اخر مهما بدا من دون اخر ...
تحياتى

Diyaa' said...

اكتب و متكرهش حياتك لأنها نعمة من ربنا .., إن تعدوا نعم الله لا تحصوها
و الأرشيف بيكةن موجود في السيتينج بتاع البلوج
ممكن أبعتلك صورة أنا كمان علي الميل لو مش عرفت
تحياتي

^ H@fSS@^ said...

ارجوك يا خالد اكتب اكتب اكتب كل يوم حاجة
بالنسبة ليا البلوج بتاعك هو متنفسي عشان احس بمصر و انا بعيدة في اخر الدنيا
ماعتقدش اني بكون ببالغ لو قلت ان كلامك هو السلوي في اوقات كتيرة

^ H@fSS@^ said...

صحيح
كل سنة و كلنا طيبين بمناسبة 6 اكتوبر
متنسوش تقروا الفاتحة علي ارواح الشهدا

karakib said...

قليل اوي موضوع ثلاث تدوينات فقط في الصفحه الرئيسيه ...
بالذات انك في ايام بتنزل حوالي 7 تدوينات في نفس اليوم ...
يا ريت تحط 10 تدوينات فالرئيسيه دائما
انتوك

karakib said...

قليل اوي موضوع ثلاث تدوينات فقط في الصفحه الرئيسيه ...
بالذات انك في ايام بتنزل حوالي 7 تدوينات في نفس اليوم ...
يا ريت تحط 10 تدوينات فالرئيسيه دائما
انتوك

الخبز و الحرية said...

شكرا ايمن/ برافو ولدشاب دلوقتي فهمتها انا/ مقصدش حالتط طبعا يا وليد وربنا يعينك واثبت يا بطل فالسعي مطلوب متهيألي فاهمني:)/ درويش كلي ثقة ان الخلاص آت على يد هذا الجيل ان شاء الله كل ما علينا الا نترك لهم الساحة أبدا/ شكرا للجميع

Hend said...

هايل يا خالد و أسلوبك سهل و سلس ... إنت عارف أنا بأحب عقلك قد ايه ... مبروك المدونة و على فكرة بعد ما شفتها على طول فكيت الحصار عن رغبتي الملحة في عمل مدونة لأني كنت محتارة موت في إسمها و سميتها أوتار قلبي يا ريت تقولي رأيك فيها ... و لسة زيك بأضرب حيس بيس و مش عارفة أعمل لينكان و لا إعلانات و لا عداد ... عايزة رأيكم فيها ..على فكرة إنت ما رديتش عليا في موضوع التمثيل لما بعتلك السي في ... و إتصلت بيك و أنا في سحور كفاية و إنت ما رديتش عليا كنت أتمنى أشوفك و أباركلك وجهاً لوجه.. هند الحريري

الخبز و الحرية said...

معلش يا هند كنا بنصور قبل رمضان بجنون ولغاية دلوقتي الشغل مدربك
عموما لأن ده موضوع مهم وعام فاقتراحاتي دايما للشباب محبي التمثيل الآتي:
1. دراسة في الاكاديمية أو الكليات المشابهة (اداب حلوان مثلا)
2. بالاضافة للي فات متابعة الورش المسرحية في الهناجر ومركز الابداع وتحديدا مع خالد جلال لأنه مخرج كويس ومدرب كويس
3. بالاضافة لده وده ينضم لفرقة حرة ويطور معاها بعض الخبرة وده مهم جدا.
4. من خلال ده كله ممكن تبتدي تجيله فرص تكبر تدريجيا على اساس مجهوده لا على اساس علاقاته او شكله
5. ينسى خالص فكرة انه فيه اونكل او طنط ممكن يوصله اي حتة لأن السوق بقى صعب والمنافسة شديدة ومحدش حيحط ملايين مجاملة

الخبز و الحرية said...

اللي انا اقدر اعمله حاليا اني احتفظ بصور البعض والسي في بتاعهم ولما تكون فيه فرصة قدامي اعرضها عليهم.
اللي عاوز يبعت لي على الميل صورته والسي في لكن لا اعد بشيء طبعا الا ما قلت
اطيب المنى للجميع
حنعمل ايه؟ دولة عاجزة عن اكتشاف وتنمية مواهبها

Hend said...

متشغلش بالك أنا إكتشفت متأخر إن في معهد فنون مسرحية هنا في إسكندرية بس مكانش في فايلات فحأضطر أستنى السنة الجاية و أقدم و إبتديت أبحث عن فرق أشتغل معاها و مش معتمدة على عمو أو طنط ... عموما إنت شكلك ما بصيتش على مدونتي ، آه بالمناسبة أنا كنت فاكراك متجوز لحد خمس دقايق فاتوا ... معرفش البلد مبقاش فيها بنات للرجالة اللي زيك و لا مفيهاش رجالة للبنات اللي زيي على رأي الناس اللي حواليا ... عموماً ربنا يوعد الجميع بالزواج الصالح و الذرية الصالحة .... يا ريت رأيك في المدونة
هند