Sunday, October 01, 2006

نداء

نداء نداء
لكل طير
ولكل موجة
ولكل طفل..
ولكل حاجة
دنيا عوجة
يالله هوجة!

اخرجوا في الأرض موجة
كسروا كل الحواجز
دشدشوا كل النوافذ
دغدغوا كل الحاجات
دنيا عوجة
يالله هوجة

اقلعوا كل الحواري والنجوع
دنيا جوع
دنيا نوع ياكل ف نوع
دنيا عوجة
يالله هوجة

نداء نداء
كل طقل وكل حاجة
يالله هوجة
يالله هوجة!

12 comments:

Unknown said...

جميل عزيزي خالد ... بس سؤال انت خالد الصوي الممثل بجد هههههههههههه ... عالعموم ربنا يوفقك ان شاء الله :)

karakib said...

الله الله !!!
ده انت موهوب بجد في كذا حاجه بقي
التمثيل بصراحه شفت لك دور جمال عبد الناصر عجبني اوي و استغربت ليه ما خدش ربع شهره الفيلم الاخر ...
و دور يعقوبيان اللي ابدعت فيه و رسمت خطوط الشخص المكتوب عنه في الروايه بدقه بالغه من غير ما يهمك كلام اي حد علي انه الدور غريب و الكلام التافه ده
و تطلع كمان بتكتب شعر و تدوينات
ايه ده بقي يا استاذ ده كده في شخص متعدد المواهب بجد
انتوك

أم أحمد said...

لو أنت خالد الصوي بجد احب اعبرلك عن مدي إعجابي بتمثيلك الرائع انت تستحق ان تكون علي القمة بفضل موهبتك
أم أحمد

أم أحمد said...

علي فكرة انا شفت مسرحية اللعب في الدماغ ايه الجمال ده انا نفسي اشوفها تاني في التليفزيون ياريت يعرضوها احلي كتيير من اعمال تانية ولن ابالغ اذا قلت انها احسن مسرحية رأيتها في خلال عمري الصغير علي فكرة دي مش مجاملة
ام أحمد

الخبز و الحرية said...

ايوة يا مباشر انا خالد والله
ام الدنيا وأنتوك شكرا جزيلا
جيفارا صوتنا سوا عالي متقلقش:)
ام احمد انا انشاءالله ححط المسرحية فيديو على السايت بتاعي اول ما يجهز في آخر 11
بجد مبسوط من ردود فعلكم يا جماعة شكرا

^ H@fSS@^ said...

the more i read ur poems, the more u awaken senses that has slept long time ago out of despair, i imagine the words and i see them sprinkled with magical drops of energy, u make them become alive.

thanks

Anonymous said...

دنيا عوجه
ياللا هوجه
خللتنى أفكر واتامل فيها كتير

Polka Dotted said...

و عجبىىىىىى

ساعه الغروب said...

أ.خالد
بجد تمثيلك رائع موووووووت
وانت موهوووووووووب موووووووووت
بالاخص دورك فى يعقوبيان جسدته بعبقريه ما حصلتش بجد لدرجه انى تعاطفت مع شخصه جدا بدل ما اكرهه
وبعد الفيلم حاولت كتير افكر مين كان ممكن يجسد الدور ده بالروعه دى
بجد بكيت اثناء عتاب حاتم لوالده ووالدته

انت حد رائع موووووت
وموهوب جدا

انا بجد ليا الشرف انى بس ادخل اقرا كلمات انت كتبتها
يا رب تمتعنا بابداعك المتعدد والمتنوع ده دايما

شكرا ليك لاحتمالى

رودى

FATMA said...

جميلة اوي
تحياتي

Unknown said...
This comment has been removed by the author.
Unknown said...

Dear Mr. Khaled,
gamdaaaaaaaaaaaaaaaaaaaaa
that's my feelings when i walk down the streets sorrowfully