إحكيلي عن بكرة
إللي حيصبح حقيقة
سمرا وحلوة وبريئة
من بعد ما كان فكرة
جوة الفؤاد الدابل
وابقي ابعتي المرسال
يام العيون ساهية
ويا الحمام الزاجل
إحكيلي عن لون السنابل
يا نفحة هالّة على غيطان الملح
إديني بالفم الدوا
تترد من ثاني الحياة في القمح
إحكيلي يللا
إحكيلي عنك أكثر
طعم الكلام ما بين شفايفك سكر
إحكيلي عن شعرك بحور
إحكيلي عن لون السرور
عن حبنا المولود بيتكلم
حطي على جسمي الشهيد
خطي على عمري أثر
خلليني اخضّر في الحجر
إحكيلي عنك.. عن كلام القمر
عن ملحمة بكرة السعيد
الدنيا يرجع ليها صوت
وان كنت اموت .. يكفاني اموت فيكي
وان كنت اعيش .. أرجع واحبك موت
إللي حيصبح حقيقة
سمرا وحلوة وبريئة
من بعد ما كان فكرة
جوة الفؤاد الدابل
وابقي ابعتي المرسال
يام العيون ساهية
ويا الحمام الزاجل
إحكيلي عن لون السنابل
يا نفحة هالّة على غيطان الملح
إديني بالفم الدوا
تترد من ثاني الحياة في القمح
إحكيلي يللا
إحكيلي عنك أكثر
طعم الكلام ما بين شفايفك سكر
إحكيلي عن شعرك بحور
إحكيلي عن لون السرور
عن حبنا المولود بيتكلم
حطي على جسمي الشهيد
خطي على عمري أثر
خلليني اخضّر في الحجر
إحكيلي عنك.. عن كلام القمر
عن ملحمة بكرة السعيد
الدنيا يرجع ليها صوت
وان كنت اموت .. يكفاني اموت فيكي
وان كنت اعيش .. أرجع واحبك موت
9 comments:
خالد، أنا بجد مش عارفة أقول ايه ولا ايه... إحساس عالي أوى من فنان جميل... في الأربع مدونات
حسيت انى زى الأخرس اللى نفسة ينطق...أي حاجة حقولها حتبقى بلا قيمة...
أحسنت ولك تحياتي
متشكر يا عزيزتي الف شكر:)
مش عارفة.. القصيدة دى نقلتلى احساس غريب شوية
حسيت أنها رسالة مبعوتة من واحد مات من العالم الاخر بيحاول يعرف فيها ايه اللى هيحصل فى الدنيا اللى هو تعبب فيها… الدنيا اللى مات وهو بيحاول يحقق فيها حلمه ويوصل لحبيبته
بيسأل هل يا ترى اللى عمله هيكون ليه أثر فى ميلاد أمل بكرة
manal
جميلة قوييييييييييى الأبيات دى
ابيات مصرية بجد
ابيات عن الحب اللى بجد
ابيات من فنان بجد
ماكنتش اعرف إن إحساسك عالى قوى كده يا أستاذ خالد يا فنان
مفيش كلام تانى ممكن أقوله
غير شكرا ليك
سلام
انا قريت القصيدة 3 مرات وكل مرة كنت بتخيلها بشكل مختلف:
اول مرة تخيلت جد مناضل هجوز بيكلم حفيدته و يطلب منها تحكيله عن بكره. شايف ثمار العمل كلها اتركزت في كلامها الناري اللي بيرجع لروحه شبابها. وشايف فيها امل ملوش حدود.
الهدف اللي كان بيسعي ليه طول عمره اتحقق في حفيدته، كلامها و فعلها بالنسبة له امل بكرة و استمرار حلم دام سنين و اتضحي عشانه بحاجات كتير.
تاني مرة تخيلت اتنين عشاق واحد منهم بيستمد الحياة من كلام التاني عن بكرة. بيأكد لنفسه افكاره و مشاعره لما بيلاقيها طالعه من الطرف الآخر.
تالت مرة تخيلت مناضل جريح ومعاه رفيق. الحرب جواه و حواليه بتطل من الشباك و عنين رفيقه و من انعكساس عالازاز. بيطلب من الرفيق يحكيلة عن بكرة ، ثمرة جراحه اللي بيعانيها. بيحس بالامل الجديد نابت علي الجرح العميق المؤلم. بيحس انه لو خسر حياته فهو كسب بكرة اللي كان بيحلم بيه. لو عاش فحيلاقي امل بكرة يكمل بيه ايامه.
gameel en el wa7ed yastamed el amal fi bokra men wa7da bey7ebaha we 3ando amal en el 7ob dah yeghayar 7ayatoh..akeed el 7ob beyghayar kol shee'i we beykhali el donia a7la keteer..eza el wa7ed 7ab begad dah lewa7do yekhaleeh far7an..le'enoh lessa 3ayesh we ader ye7ess bel7ob! We dah beyfakarni bel set "toul 3omry bakhaf mel 7ob, we sert el 7ob, we zolm el 7ob lekol as7abo", Howa mesh kan 7ad abl keda ektara7 ennena ne3mel salon sakafy , 7assal eih lel fekra di?
الحقيقة رائعة و يمكن جمالها انها فيها امل.
تحياتي
بجد وحقيقي جميلة ..انت رائع ..وبعدين شكلي ححبك بجد ولا أيهّّ أنت فنان مبدع وشاعر مرهف الحس ربنا ينورلك طريقك أكتر وأكتر .
عزيزي الصاوي
تقول ايه عن زمن الحب الجميل..تقول ايه عن نهفة روح عاشقة في باكورة طلعتها..اهو انت اللي شاهد وعايش بيها...
الف شكر
Post a Comment