Wednesday, November 01, 2006

لست سعيدا هكذا

لا لست سعيدا هكذا
بعيدا ووحيدا في سعادة كاذبة
حرية وهمية وقصور في الفراغ
جبال من لا شيء وفضاء من عدم
نساء بلا وجوه وفرص هامشية
ثقوب معتمة في كبد السماء
وعكس خطوتي تمضي أعذب الأشياء

لا لست سعيدا هكذا
وليس هذا من أردت أن أكون
هائما على وجهه الهمجي يرحل في أراض شتائية
يحدها مربع الجنون
ليس هذا الصراخ ولا هذا الغموض في العيون
ليس هذا –طبعا- من أردت أن أكون

الشعر هاجرني كأنني معشوقة خائنة
والفن ينفضني كأنني جرب على جسمه المطهر
المال ينفر من وجودي
والأغنياء لا يهوون سلعتي
يستنكفون عطرها الدنس
وهؤلاء الذين كانوا أعظم تضحياتي
هؤلاء الفقراء الأنبياء والرسالة
هؤلاء الذين أحببتهم –ربما وحدهم- بحق
لا يفهمون ماذا يفعل الغبي بحياته المهدرة

النساء البديعة يأخذهن العتاة
والنساء المريضة هن نصيبي
كأنما العالم قسموه مرة وللأبد
كأن المجد كله محجوز لسواي
كأنني الوحيد الذي تجرأ وتخطى
وتمطى فتنبا
وامتلأ فأدلى
وارتحل فأقصى
وتملى فاستعلى
كأنني الوحيد الذي شذ هكذا
لا لست سعيدا قطعا هكذا

هل أنام الآن نومة الأبد؟
هل أصير ذاكرة أم لا أحد؟
ربما يبكيني أحد ما وربما لا أحد
أحدٌ أحد
مستوحد أنا في المولد واللحد
على وحدتي أبعث وعلى حزني الغائر
بئري التي جفت وصراخي فيها عبث
معطلة أعضائي.. مؤقت موتي أم حياتي المؤقتة؟
مؤرقة صامتة
مورقة كانت أصبحت يابسة
أكل البحر حدود اليابسة
يغرق الصفصاف والنخل تباعا
وحين يمسي العالم فخا والحقيقة عطنة
يصبح الرجال قنافذ والنساء عناكب

9 comments:

Anonymous said...

في البداية أحب أحييك يا أستاذ خالد على المدونة الهايلة دي.. بجد أكثر من رائعة.. واعترف بأني أول مرة اكتب تعليق في مدونة يمكن كنت غالباً بتكاسل عن التعليق..بس القصيدة دي خلتني أنفض الكسل، واكتب لحضرتك.. بجد قصيدة رائعة ومعبرة جداً

^ H@fSS@^ said...

u r a perfectionist, thats why u r not happy with anything u achieve,although u have achieved alot.

صدقني ان فيه كتير فاهمينك و عارفينك من غير ما تفسر وده لانك صادق بشكل طبيعي و ده مش بيحتاج دليل

استوحادك في المولد و اللحد مش خاص بيك انت وحدك
كلنا جينا لوحدنا و حنمشي لوحدنا و ده علي مستوى المعنيين للتعبير
سواء تعبير عن الوحدة او تعبير عن فلسفة الحياة في جزء منها

اما بالنسبة
للسطرين دول
وتمطى فتنبا
وامتلأ فأدلى
وارتحل فأقصى
وتملى فاستعلى

فهما قمة البلاغة
اسلوبهم قراني جدا
جميييييل
و صدقني
انت صنعت لنفسك صورة من نور في قلوبنا احنا العاديين مش مع صحافة او غيرة
فمتخافش بعد الشر عليك و لكن حتفضل في عقولنا و قلوبنا مهما طال وقت او قدم حدث

الخبز و الحرية said...

ياسمين اسمحي بعد البقين الجامدين دول اعزمك على واحد لمون ومركب في البلوج.. حقيقي اثلجت صدري:) متشكر.
معالي انت نورت البلوج ومن هنا ورايح اعمليلك نسخة من المفتاح من حفصة او منال او نهى او اي واحد من الرواد والاعضاء العاملين --مش عارف اقول مين ولا مين خايف انسى حد-- البق ده بيفقعنييييي لما بيقولوه الفنانين عالهوا:)
حفصة كلامك خلاني دمعت.. حسيت انه بيتقال قبل اسبوع واحد من تأبيني:)
شكرا رجازة انت لماحة وحساسة جدا.

albida said...

على فكرة شعورك بعدم الكمال الانسانى ده هو الكمال بعينه! شعورك ده دايما بيخليك تشتغل وتجتهد اكتر... وبتعلى فى نظرنا أكتر

أنا مع حفصة فى كل كلمة قالتها..
تأبينك ايه بس ؟ بعد الشر
حضرتك ممتخيلش قد ايه أنت أثرت فينا بجد... أنا كده هاعيط
:)


manal

Anonymous said...

لأ .. دا أنا اللى هاعيط بجد
ماتتصورش قد ايه حبيتها القصيده دى
حسيتها وحسيت بكل الألم المحفور على معالمها
مش قادره أعبر بجد .. مش لاقيه كلام أقوله
بس أنا زعلانه منك قوى
انت ليه مش اديتنى نسخه من المفتاح؟؟
plz remove the word verification
plzzzzz
:<(

nour said...

جميلة اوى يا استاذ خالد و متفقة مع كل الكلام اللى اتقال و مش لاقية كلام تانى اكتبه..انا بس عايزة اقول ان الناس اللى عرفتهم على البلوج ده بقوا مهمين اوى فى حياتى..منال و حفصة و وينكى ونهى و كلهم..و طبعا حضرتك يا استاذ خالد

الخبز و الحرية said...

منال ووينكي لو ناويين تعيطوا خشوا آخر أوضة في البلوج ومع نفسكو كده عشان مانعيطش كلنا مش عاوزينه بلوج نكد كفاية أشعاري:)
ياسمين انا مش شايفها بساطة انا شايفها طبيعية واللي يعمل عكس كده عيان:)
نور وفدوى ارجوكم انا كده اللي حعيط:)

بعيدا said...

wow..:)
بالرغم عن جمالها فى التعبير وإحساسهاالعالى،
إلا إننى أذكرك بالمقوله الجميله..."ما أضيق الحياه..لولا فسحه الامل" :) أليس كذلك؟ :)

إذن ..تتسأئل.."هل أنام الآن نومة الأبد؟"

والإجابه...لا، فالحياه ببصماتك المضيئه تستنجد :)

Mag Sa said...

جبال من لا شيء وفضاء من عدم

وليس هذا من أردت أن أكون

والفن ينفضني كأنني جرب على جسمه المطهر

والنساء المريضة هن نصيبي

هل أصير ذاكرة أم لا أحد؟



كل الشعر ده من أول حرف إلى أخر حرف فيه جميل جداّ و معبر و أنا أشعر به كما تعلم

أنت بجد يا خالد ملهم لكل فنان موهوب مهدر حقه و محروم من فرصتة الحقيقه لإنك بموهبتك الجباره و شعاعك و إصرارك و صمودك و بساطتك إستطاعت أن تصل إلى المكانه التى تستحقها فى قلوب الناس و ما قادم أفضل و أقوى لإنك عندك المزيد من العطاء و هذا الكم الهائل من الطاقه التى لا و لن تفنى

و على وجه التحديد الجمل الشعريه التى أنا نقلتها فى بداية تعليقى هذا، ده بالظبط إللى بردده فى نفسى كل بوم، بإستثناء كلمه (النساء)و لكنى أعتبرها فى المجمل تعبير عن سوء الحظ و عدم الحصول على اى شىء أو الحصول على أردأ النصيب. ده الفن هنا فى مصر طارد للمواهب الحقيقيه و لكن كما قلت لى، أنا عندى أمل أنه لن بستمر طويلاَ. كله أوهام و و سراب ووعود كاذبه و كل مره بأفتكر أن الفرصه قادمه، لأجد نفسى فى نقطة الصفر من جديد و ما من بدايات فاشله و محاولات عقيمه. أكون أو لا أكون، لا أعلم و بالرغم من ذلك أمضى و اسير فى طريقى الذى إختارته لنفسى بعد تحدى الكل لى و عدم إيمانهم بى. و ماذا افعل بهذاالكم الهائل من الطاقة المكنونه بداخلى التى تؤلمنى و تكاد أن تنفجر فى داخلى و تقتلنى.

أتنمى أن هذا الحال لن يستمر طويلاّ


أنا العربى عندى ضعيف أوى و إعذرنى لو كا ن فيه كلام مش واضح