Tuesday, November 14, 2006

فيه حاجة

فيه حاجة حاجز ما بيننا ربما الفستان
أحمر كحزمة ورود بلدي ف ضي الحان
أو ربما بدلتي السودا سواد الجان
فزعت بياض الملايكة عالملاية الروز
فيه حاجة حاجز.. ردائك ليه يا أخت عنيد؟
فيه ألف حاجز.. بهائك ليه يا أم بعيد؟
الكون يحاجز وعاجز يا حبيبتي أكيد
أرفع صوابعي تموت.. أنظر بلا تمييز

8 comments:

Anonymous said...

والله أنا مش عارفه أقول ايه
بس يعنى تجيلى فرصه انى أعلق أول واحده
لأ وايه.. وقت ما نزل البوست بالضبط.. طبعا فرصه لا تعوض
بس ياترى البوست دا قديم ولا فيه حاجه جديده بتحصل؟؟
(",)

Anonymous said...

مجنونة بشكل غير عقلاني بتاتا
يعني اللعب على اشباه الجمل
اخت عنيد و بعدين ام بعيد
مش طبيعي
سواء لوصفهم نوع فستانها و طبيعتها الغير متنازلة البعيدة او وصفها هي نفسها انها اخت العند و ام البعد

فده عبقري جدا جدا

الخبز و الحرية said...

والله من ده على ده يا وينكي.
بيوصف حالته يا راجاتسا مش اكثر..تشوش وكده.
شكرا حفصة ولو اني مش حاسس انك في الموود تمام.. على الله يكون خير:)

Anonymous said...

أولا الجناس فى القصيدة رائع
ثانيا ذهلتنى بتشبيهاتك كالعادة.. أول مرة أشوف حد يشبه شئ بلون الجن! وده اذا عكس شئ لا يعكس الا الانقباض والخوف.. فعلا مبتكر

بلا تمييز دى مهمة جدا لأنها بتفسر أن خوفك وقلقك مش منبعث من الحاجز نفسه ولكن من عدم معرفتك بهذا الشئ الذى يقف كحاجز... والدليل على كده (فيه حاجة حاجز).. ايه الحاجة دى؟ ده اللى يخوف ويخلى الانسان عاجز

وزى ماقلت قبل كده استخدامك للألوان رائع وكمان تشبيهاتك ليها أروع.. حسستنى كأنى شايفاها بعينى

بحب أوى قصايد حضرتك اللى بتخلى الواحد يفكر ويديها ألف معنى... ويفضل يقول طب ليه؟ ومين؟ وازاى؟

بتذهلنى كالعادة!واسفة على الرغى


manal

Anonymous said...

oh my god, does it really show that am out of mood??
thanks for noticing, but anyway, i truly wrote what i saw and felt, i know it might look a very strange angel far from the meaning u meant, but sometimes i really understand things in a very weird way, te3mel eih ba2a, magnona, :)

salam

الخبز و الحرية said...

منال مفيش اي رغي تحليل ملفت.
يا حفصة كلنا كده عادي:)

Anonymous said...

التشبيهات حلوة جدا و مميزة
جميل ان الانسان يكون بيحس
و يخللى اللى حواليه يشموا ريحة كلامه

الخبز و الحرية said...

عشان الموقف كان صعب للأسف مقدرش احكيه بس هزني لحظتها ومافكرتش في الكلام لقيته ف ايدي