Sunday, November 05, 2006


ونفسي اضمك سنة عالمئذنة الميري
واذيع بيان الهوى عالشعب يا طيري
ولما يطلع لنا الدراويش اقول طيري
يصلبني شيخ البلد عالمئذنة..وأطير:)

9 comments:

albida said...

ونفسى أضمك سنة عالمئذنة الميرى

فعلا فنان!! قدرت تجمع بين الرومانسية والثورية فى تعبير بسيط جدا

مش عارفة ليه احيانا بحس أنهم مرتبطين ببعض فعلا؟

وايه حكاية البيبيهات اللى مطلعة لسانها دى بقى؟!! :) ده عند؟


manal

الخبز و الحرية said...

عند طبعا.. اخوكي عنيد زي الخرتيت حضرتك:)

nour said...

حلوة جدااااااا
ايه يا منال البيبى زى القمر اهو..موضوع انك عنيد دى احنا عارفينها يا استاذ خالد

الخبز و الحرية said...

ما هي واضحة في شكلي اصلا يا نور:)

Anonymous said...

أحلى حاجه فى الدنيا هى العند
وانك تطلع لسانك لكل الناس ولكل حاجه
ياريتنى أقدر أطلع لسانى لكل اللى مش عاجبنى
بس لما أبقى أموره كده زى البيبى دا

Anonymous said...

آه على فكره يا أستاذ خالد
لو عندك وقت يوم الخميس 23 نوفمبر ياريت تيجى لساقية الصاوى قبل الساعه 9 مساءا
فيه حفله معموله بمناسبة عيد ميلاد فيروز.. وبعدها( أو ممكن قبلها )هانتجمع احنا البلوجراويه ونتعرف
ايه رأيك؟؟

Anonymous said...

3la fekra 3endak bayen awy f 3enek, let me tell u en 3enek bt3gbny awy, aktar 7aga ba7'od baly menha fel sha7's 3eneh, bab2a 3ayza a3raf homa bey2olo eh, wenta 3enek bet2ool enak 3aneed awy, w enek hatfdal tool 3omrak mestany el nefsak fih 7atta law daya3t 3omrak 3ashano, i mean ay 7aga y3ni enta 3ayezha, 3enek mo3abera gdan, 7'od balak heya bet2ool eh la2eno haywsall.

^ H@fSS@^ said...

انا عندي سؤال لُغوي ،ممكن؟؟
مع اني مش بحب اشدد في علامات النحو و غيراها لكن في كلمة هنا مش مخلياني اعرف افهم البوست

سنة اللي في اول سطر هي سنة وقتية يعني زي في يوم في شهر في سنة و لا سُنة بالضمة
يعني سُنة سيدنا محمد اللهمي صلي عليه؟
بجد مش عارفة
اللي يجاوب و يفهمني ليه اشتراك سنوي مجاني في بلوجي

و بعدين المئذنةالميري تعبير مكار انا شايفة فيه التحام الدين مع الدولة لتحقيق اغراض لهم بعيدة عن الدين و عن الدولة، صح؟

لكن ازاي ليهم علاقة بالحب او علاقة شخصية زي دي؟؟ مش عارفة الظاهر جاتلي حالة شلل عقلي و مش قادرة استوعب

تحياتي

صحيح انا ناوية افتح حملة توقيعات لحملة النضارات نطالبك فيها يا استاذ خالد انك تشيل الورد فريفيكاشن
ابوس ايديك شيله

الخبز و الحرية said...

لو حقدر يا وينكي مش حتأخر.
شكرا بويتيك فرس وحاخد بالي حاضر:)
حفصة هي سنة بمعنى عام.