Wednesday, November 01, 2006

كل هؤلاء


حين أرى أولئك الذين يحبونني بحق
أفكر أحيانا أني تجاوزت الحدود كلها
وأنني قفزت سور الغرور إلى أرض الكراهية

حين أرى أولئك الذين لم يزالوا طيبين
أنظر للدنس الذي يحيطني من يسار ويمين
وأشعر أنني أريد البكاء كطفل في الرابعة
كل هؤلاء طاهرون مثل أمي
وصادقون مثلما أرادني أبي
ليس لهم مثل أختي غير وجه واحد لا غير
كل هؤلاء لم يوقعوا في دفتر الشيطان
يواجهون الله كل يوم ببساطة وعشم
كل هؤلاء ليس لهم كوابيس ولا وساوس
ليس لهم غل أو أحقاد أو هلاوس
كل هؤلاء يعبرون نفس الجسر المتآكل كل يوم
ويمشون في ثقة غامضة في اتجاه الحياة

40 comments:

^ H@fSS@^ said...

"He who desires nothing but God does not walk in darkness, however
blind and poor he may think himself to be."
--St. John of the Cross

يا استاذ خالد انت محمل نفسك فوق طاقتها
صحيح كل واحد فينا بتجيله اوقات بيحس فيها انه شخص سئ و مش طيب لكن صدقني بيطلع الشخص ده احسن من غيره بمليون مرة

يكفي انك صادق مع نفسك قبل ما تكون صادق معانا
و ده باين في حاجات كتير

يكفي انك فعلا ترجمت معتقداتك لحقيقة واقعة الا و هي انك بتتواصل مع ناس عادية زينا من غير وجود طرف تالت
في ممثلين تانيين مفاعيص حتي ايميلات علي موقع ايجي فلم مش بيردوا
قال يعني هما مشغولين
و اذا كان فيه دنس يحيط بك لاي سبب من الاسباب فهو محيط بينا كلنا

و اعتقد الثقة الغامضة اللي حضرتك قلت علياها بقت شئ مفقود بالنسبة لي علي الاقل

بس ادينا عايشين و السلام
مافيش اي حاجة بقي ليها معني لكن لابد للحياة ان تستمر باي شكل

ارجو اني مكونش رزلت في التعليق او هرتلت بسخافة

دمت رائعا
تحياتي

Anonymous said...

أناا باتفق معاكي يا حفصة أن ساعات فعلاً الواحد فينا بيحس انه وحش أوي.. بس الحقيقة ان اللي بيراجع أفعالة ويحكم عليها أكيد مش بني أدم وحش.. بس هو واحد بيتطلع أنه يكون أحسن وأحسن.
بس معلش يعني يا خالد متزعلش مني لو قلتلك ان نور الصباح مسلسل وحش أوي( من غير مجاملة) كان ينفع يكون عشر حلقات وكفاية والكلام عن صورة العرب و11 سبتمبر فيه مباشر وسطحي أوي.. معلش متزعلش بس بحقيقي أنت ممثل أحسن من كدة بكتير.

Nohaz said...

:)
النفس اللوامة

دي حاجة كويسة قوي و لولاها كان زماني مجرم حرب دلوقت

والله انت الواحد بيقلق عليك اما بيشوف حاجة تدل انك زعلان

احنا كلنا بقينا نعتبرك اخونا الكبير
و يا رب نكون عنك بنفس المعزة
انا مبسوطة ان عرفت واحد زيك والله
عارف شوف انت بتحب أختك منسيتهاش حتي و انت زعلان و بتقول عنها
كل هؤلاء طاهرون مثل أمي
وصادقون مثلما أرادني أبي
ليس لهم مثل أختي غير وجه واحد لا غير

والله بجد انا احترم قوي الي يحب اهله
في واحد معايا في الشغل مفروض انه متدين .. عنده تخيل .. انا و مهندسة تانية اغلي من اخته... ممكن احنا يطلب مننا نخرج مع زوجته ونتفسح و ميفكرش مرة ان ياخد اختهمن امه و ابوه يفسحها تخيل؟؟؟؟


اهلك يا تهلك و الي بيحب اهله و بيكونوا راضيين عنه والله بيتزرع حبه في قلوب الناس

يا رب دايما حبك في قلوب الناس

يا رب ما تزعل مني بس انا من رأي معالي .. انا مشدينيش مسلسل نور الصباح و محاولتش حتي اتابعه او افهم فيه اية

خلي بالك منك
و بجد ربنا يكرمك و متوقعة لك كل خير
عشان انت من جوا قلبك نضيف قوي

...
حفصة أزيك؟؟

Nohaz said...

بجد احنا كلنا بنحب البني ادم خالد الصاوي او علي الاقل انا متأكده من اني كده و بعتبره اخويا الكبير برغم ان عمري ما شفتك و معتقدش هيجي يوم اشوفك

مش عشان انت ممثل
عشان انت من جواك انسان كويس و قلبك طاهر و دايما نفسك تكون احسن
يا رب تكون عند حسن ظننا و نكون عند حسن ظنك

Nohaz said...

http://song.6arab.com/Warda_Aktheb-3alek.ram

el song de ba7baha awe de hedia meni leek hatsam3aha we teroo2
جيفارا لو فضلنا نفكر ان كل الناس وحشة هنكره الدنيا لان مفيش علي الارض واحد كامل ومنهم احنا

يعني انا بعمل اية
باخد الحلو من الي قدامي و اتجنب عيوبه
بس بيبقي للاسف في ناس بشعة عيوب بس
عارف بجد والله
ابشع ناس قابلتها
كانوا كدابين.. الكدب في لسانهم لبانة

Anonymous said...

wass up mr.khaled..life is good , enjoy every moment of it ..you have one life only
el masry affendi

... said...

u have just been found !!!

say bye bye to " thinking alone "

الخبز و الحرية said...

شكرا ياسمين:)
حفصة ماتخافيش عليا انا عايش سعيد والله والحمد لله، مش سعيد عشان وصلت للي عاوزه بس سعيد اني بحاول ومش بيأس، فأنا تمام يعني:) متشكر.
معالي مفيش اي حاجة تزعل في كده:) وانا والله مقدر مشاعرك ومش ممكن حد يلومك عشان حسيت بالملل او السطحية.. وفي الحاجات دي قولي ولا يهمك انا مش بتعفرت الا في المناقشات اللي بتدور حوالين ازاي الواحد يكون ايجابي وكده:)
والله يا نهى انا شخصيا ماتابعتش المسلسل الا لما ابتديت اظهر وده عشان بسجل دوري بس:)ومتشكر جدا يا نهى بس انا مش ملاك خالص ولا شيطان خالص يرضه انا من ده على ده الحقيقة.. مش شيطان شيطان يعني بس مش ملاك قوي قوي برضه:)
متشكر جدا يا فدوى على المشاعر الرقيقة دي بس خللينا نتحرر من فكرة مين قائد وكده.. القائد بجد هو الصوت العاقل سواء طلع مني او منك او من اي حد فينا..:)
لا يا تشي انا عاوزك تعيد نظر شوية وعلى مهلك، البشرية رغم كل قذاراتها كيان سامي قوي.. بيسعى للأفضل بس هي يدوب عدت مرحلة المراهقة بتاعتها (سلاح نووي-تدمير بيئة-طمع وتناحر..الخ) وبكرة لما توصل لنضجها حتحول الأرض لجنة.. بصراحة انا مؤمن بده تماما.. من 30 الف سنة كنا وحوش فعلا.. صحيح لسه فينا وحشية بس خلال ال30 الف سنة عملنا المزيكا والشعر والمستشفيات ومجدنا الحب والحرية والعدل وقدمنا شهداء من كل الملل.. ناس قررت تموت فداء المبدأ.. لا البشرية عظيمة بس لسه بتهرتل وبكرة تعقل:) ده رأيي يا عم.
يا مصري افندي لا تقلق فأنا أقتنص لحظات الانس من الدنيا ولكن حزني من طبيعة ثانية.. جزء من العالم وجزء مني انا .. لكن انا تمام .. شغال:)انا لما بكتب بتبقى اللحظة مشحونة قوي وكل اللي جوايا بيقب فتحس اني رايح انتحر مثلا او داخل عالسراية عدل:) بس كله بيعدي:) خليها على الله.
حلم مش عارف ليه خفت قوي من تعليقك:) حسيت انك روح مثلا او جن او حاجة كده:) او بتعزمي عليا من عندك:)
عموما اهلا بيكي ونورتي البلوج

الخبز و الحرية said...

فدوى آسف نسيت ارد على سؤالك بتاع فيلم عبد الناصر هو كان نزل فيديو من كام سنة وممكن يبقى موجود في الشواربي مثلا، وبيتذاع على الفضائيات العربية، للسف معنديش الا نسخة واحدة والله يا فدوى لأنه قديم نسبيا.

albida said...

ايه حكاية الشعور بالذنب دى يا أستاذ خالد؟ لو حضرتك بتفكر فى نفسك بالطريقة دى... أمال احنا نعمل ايه؟! نحدف نفسنا من أقرب شباك
:)

هو الموضوع فى الاخر يتلخص بأن مفيش حد كامل ولا هيكون... ممكن نوصل لجزء من الكمال ده عن طريق انتقاد نفسنا ومقارنتها بالاخرين دوما- مع أن الموضوع ده دايما صعب وبيوصل للاكتئاب أحيانا
ممكن نرضى عن نفسنا فى حالة واحدة... لو كل واحد انقسم عن جسده وبدأ يراقب نفسه من بعيد

ماعلينا... يكفى أنى أقول لحضرتك انك فعلا أنسان جميل فى عنينا... واعجابنا بيزيد لحضرتك يوم بعد يوم
:)


manal

Anonymous said...

والذين لم يحبوك كيف تراهم

Anonymous said...

استاذ خالد انت فعلا جرئ عشان تعمل مدونه وتتواصل مع الشباب وفعلا انا بحترمك بس ممكن تسامحنى لو قلتلك ان معظم العائلات خرجت من نص فيلم يعقوبيان بسبب الجنس او التوريه عن الجنس بالفاظ وافعال غريبه جدا وانا شايف ان الفيلم عمل سبوت على مشكله الشواذ او عن الشواذ مع العلم انها مرفوضه داخل المجتمع ومش محتاجه يتحط سبوت عليها

وفعلا اتشرفت انى اكتب عند حضرتك ولو حتى مش عن موضوع البوست الجميل اللى حضرتك كاتبه وشكرا ليك

Anonymous said...

ماتتصورش البوست دا أثر عليا ازاى يا سيدى
دى الدموع خلاص طفرت من عينى وانا قلبى رهيف قوى
الاحساس بحب الناس اللى حوالينا جمييييييييل جداااااااا
خصوصا لما يكون لله ف لله
ولما يكون من ناس كويسه وطعمه زى البلوجراويه
احيانا السوداويه والماسوشيه اللى جوا البنى آدم بتحرمه حتى من حق الفرحه والاستمتاع بالحب دا ويقعد الواحد يقول: ياترى أنا أستاهل كل دا ولا لأ
ياسيدى احنا كلنا بشر
وكل البشر رمادى اللون
صحيح مش حلو ان الواحد يغلط
لكن الحلو هو الاعتراف بالغلط.. ووجود اللى يقدريحمسك عشان تسيب الغلط دا ويشجعك انك تكون احسن

نفسي أبطل أم الرغى واللت الكتير بتوعى دول
وحشتونى يا بنات قوى قوى
انتوا فين يا معفنين؟

albida said...

معفنين؟!!... ايه الاحترام ده كله ياوينكى؟
:) :)

احنا قاعدين هنا من الصبح.. أنتى اللى فينك؟

manal

Anonymous said...

أنا مش متفقة معاك خالص يا ياسر في حكاية ان العائلات خرجت من نص فيلم عمارة يعقوبيان، أنا شفت الفيلم تلات مرات وحصلش كدة في ولا مرة دخلت فيهم، بالعكس أن شايفة إن الفيلم قدم المشاكل اللي بيعاني منها مجتمعنا بصورة جادة جداً.

المواطن المصري العبيط said...

والله شيء مثير جدا اني ألاقي خالد الصاوي مدون، يا ريت باقي المشاهير تعمل زيك

على العموم اتمنى ألا تنقطع على التدوين، هواية جميلة كما ترى، وناس بني آدميين بشحم ولحم وليسوا من كواكب أخرى كما تصور الدولة للرأي العام، وهتلاقي مودة كبيرة قوي في المجتمع السيبري ده

اتمنى يا خالد انك ما تزهقشي، لأن كتيير قوي هيزوروك وهيطلبوا منك زيارتهم، يا ريت لو عايز تبقى مدون كده فعلا، ابقى زينا

اتمنى لك التوفيق في أعمالك الفنية، وأحييك على دور حاتم رشيد المتقن

Anonymous said...

أنا هنا والله يا قلبى
مابين المدونتين بتوعى
ومابين مدوناتكوا كلكوا
أصلى باعمل جوله طويله حبتين

Anonymous said...

أستاذي العزيز خالد الأول أقول لك مساء الورد

أنا سعيد جدا إني لقيت طريقة للتواصل معاك شفت حضرتك من بعيد لبعيد مرة في مظاهرة و كان نقسي أكلم حضرتك و ماعرفتش
و باشكر مدونة وينكي اللي عرفتني على مدونة حضرتك

وبأستأذن إني أضيف مدونة حضرتك لقائمة مدونات صديقة على مدونتي

Anonymous said...

لي وجه آخر لا يشهده أحدٌ قطْ
هو وجه القِطّ
نفس المكر ونفس البرية
نفس الحرية
جسدٌ غاضب
عين القناص المتسعة
لي أنيابٌ ومخالب
لي أرواحٌ سبعة

Anonymous said...

أريد أن أجمع أشعاري جميعا
وخطاباتي جميعا
ومذكراتي وبياناتي جميعا
أريد أن أجمع كل ورقة بالبيت
وبكبرياء شهيد انتحاري.. أشعل كعكة الميلاد

Anonymous said...

انهض من موتك
هذا بعثك
انهض من موتك هذا نور الله بصدرك
هذا اسمك قد نوديت به
هذا رسمك.. هذا لحمك
هذا دمك المهدر في الأرض وهذا اسمك
فانهض من موتك
ولتبعث في الجسد الأعلى
ولترشف نور الأبدية

Anonymous said...

من وقاحتي أن أحبك!
أن أطيل النظر..
أن أمني طفولة نفسي بكِ
أن أسترق البصر إلى الأصابع الشمعية
وأشتهي أظافر القدمين الشفافة
وأن أتجرأ لأمد يدي بعلبة السجائر الأجنبية
سائلا في حرج وهيافة:
(ألا تدخنين؟)
من وقاحتي أن أحبك حقا..
أنا.. الميت الذي مضى..
وأنت.. من هي على شفا ذراع من بدء الخليقة

Anonymous said...

There's a diversity in each and everyone of us.... A Dr. Jykyll and Mr. Hyde.
We claim to search for kindness and goodness but perpetuate evil and pain...
often aagainst people who love us most.
A touching poem but lacking in honesty.

schlau_oyoo said...

ممكن اضيف تعليق بس بدون زعل..............الحقيقة انت كلامك رائع و مؤثر جدا.بس محستش الرومانسية و الاحساس الدافيء ده في مسلسل نور الصباح حتي في المشاهد الرومانسية حسيت فعلا انه تمثيل علي عكس ادوار كثيرة كنت فيها في منتهي الصدق و الاقناع.بعد مسلسل نور الصباح اراك كاتب رائع افضل من ممثل.و بدون زعل بس انا صريحة و بحاول اكون دبلوماسية.و تهنئتي علي كلامك الرائع هنا.

Anonymous said...

انا متفق مع الرأى انك كاتب مش ممثل
بصراحة دورك فى نور الصباح اتسم بكثير من البرود و ماكنش مقنع
عموما ادوارك فى السينما لا تليق بمفكر و ناشط زيك
حتى دورك فى يعقوبيان حوله كثير من الجدل
انت مقتنع بحقوق الشواذ و الا عملت الدور و السلام
انا و اصحابى من المعهد بنشوفك كثير عند سفارى يا ريت مرة تقعد معانا نستفيد من خبرتك
سلام
سفارى

Anonymous said...

عزيزتى مايلى.... فعلا فيه ناس كتير وفى اسكندريه خرجت من نص الفيلم انا عن نفسى خرجت من الفيلم لانى ما كنتش قادر استحمل الايحاءات الجنسيه ديه كلها وان ممكن ان تكون اخلاقنا وفننا ممكن يعبر عن مشكله بالشكل ده الفيلم فى وجه نظرى اختصر الروايه اللى شعرت بالحرج وانا اقرئها وحيدا فى غرفتى لما فيها من الفاظ وايحاءات جنسيه ملا اعرف هل الجنس فى الروايه والفيلم ارادو ان يكون هو المحرك الاساسى فى حياه الانسان
فالروايه
رغم جمالها اختصرهاالفيلم فى جنس وجنس وجنس
فقط افرغ الروايه من محتواها

ولا انكر جراءه استاذ خالد الصاوى فى اختيار الدور او ان الدور اختاره لا اعلم

لكنى احب فنه واتمنى الا يكون مثل مثل هذه الدور

فانا احب فنه كما احب غناء منير وطرب فيروز وجمال صوت ماجده الرومى وتمثيل زكى
وجنون يوسف شاهين فهو كوكتيل من كل هؤلاء وانتظر المزيد منه

Anonymous said...

اولا مسا الخير يا خالد .. و كل سنة و انت طيب لكل المناسبات اللي عدت و اللي جاية :)
انا قلت قبل ما هاكتب اي تعليق لازم اعمل جولة على تدويناتك كلها .. و فعلا كنت بتفاجأني في كل مرة و احس يا بالدهشة او الحيرة او الاستغراب او الألفة ... بس عامة انا فعلا سعيدة اني قريت لك كل الحاجات ده و يا رب دايما كده سهمك في الطالع ... طبعا بعد كل اللي اتقال عن ان الناس مش ملايكة و مش شياطين انا مش عندي حاجة تاني اضيفها اكتر من كده .. انا شايفة الناس زي اللوجو اللي فيه نص ابيض و نص اسود .. هتلاقي جوا الابيض تقطة سودا و جوا الاسود نقطة بيضا .. انا على الاقل بحس نفسي كده .. مهما شفت نفسي كويسة فبلاقي دايما فيا عيب و العكس بالعكس .. احيانا بنجح اناي اواجه نفسي بعيوبي و احيانا لأ .. و اللي احترمته فيك بجد انك قادر تكون الشخص الي عارف نفسه و عارف يواجهها ازاي .
بالنسبة للي التعليقات الكثير بخصوص نور الصباح فأنا اصلا مش شفته بس اكيد اول ما يحصل هاقول رأيي .. و موضوع الناس اللي خرجت من فيلم عمارة يعقوبيان فانا مش مع الراي ده خالص ... انا لما رحته لقيت الناس امم طبعا مع اختلاف اهدافهم من دخول الفيلم بس مش لقيت حد ساب الفيلم و مشي .. و بالعكس انا شفت عائلات ف يالفيلم ... و مش حسيت ان في حاجة ممكن تخليني اتكسف و امشي .. و شايفة ان دورك كان حلو جدا و عملته جامد اوي ... لأنك عرفت توصل للناس البني آدم ده عامل ازاي من جوة بالذات في المشهد اللي بيفتكر فيه أهله و بيعمل معاهم حوار خيالي ... انت و خالد صالح كنتم فعلا منورين و انا فعلا بحييك على الدور ده و انشا الله دايما موفق في حياتك كلها ..

سوري طولت عليك بس عادي يعني اكيد هتعديهالي ... ربنا يديك اللي تتمناه و يكرمك في عيلتك و كل الناس الطيبة اللي حواليك.

karakib said...

لبلوجسبوت فيه حاجه غلط المدونات بتفتح ببطء و التعليقات لا تظهر!!
انتوك

الخبز و الحرية said...

فيه مشكلة!!
عملت رد كيلو وماظهرش
انا حزين على تعثر البلوج
يا رب تكون كبوة ويخف

Anonymous said...

Khaled check out wanamaly.blogspot.com
انا مش حاتم
11 September 2006.
You have become an icon in Egyptian Cinema

Anonymous said...

خالد شعرك مؤثر جدا و المدونين المشتركين تعليقاتهم بالرغم من تضاربها كلها لها معنى
انا تصفحت كل مدوناتك و بصراحة انزغجت من كم الغضب و الثورة
انت بتكره و بتبحث عن حاجة مش موجودة
اللى موجود معقد جدا و لو دورت على الحلو حتلقيه
لو دورت على القبيح مش حتشوف غيره
اختك اكيد لها وجه جميل
امك مع كل احترامى مهياش ملاك
انت مش مفروض تحقق توقعات والدك
انت خالد
اشتغل على خالد
صالح نفسك و صالح الدنيا يمكن تصالحك
صالح الناس حيصالحوك

الخبز و الحرية said...

شكرا انونيموس شفت وعلقت:)
حاضر يا بربل من عينيا:)
أصدقائي جميعا انا آسف اني مارديتش على تعليقاتكم.. والله كتبت ردود ودست تلاتين مرة مفيش فايدة ومااتنشرش الا البوست اللي كنت حزين فيه على عثرة البلوج.. عموما شكرا لكل من نقد شغلي لأنه كده بيفيدني والله، ومفيش داعي للحرج قول اللي يعن ليك انا دماغي كبيرة:)
تحياتي للجميع وبتوحشوني انتو كمان برضه على فكرة يا جماعة انا بس اللي خنيق في التعبير المباشر عن مشاعري للأسف:)

albida said...

فعلا فى حاجة فى البلوج سبوت مش مظبوطة... الظاهر بيصلحوا السباكة ولا حاجة
:)

يا جماعة لحد لما الكبوة دى تعدى اللى يكتب كومنت ما يحاولش يخليه طويل ويبقى يعمله كوبى قبل ما ينشره علشان مايضعش

أستاذ خالد.. مين قال أن حضرتك خنيق فى التعبير عن مشاعرك؟! مشكلتك أنك بتعبر عنها بكل صراحة وجرأة

manal

الخبز و الحرية said...

الحقيقة اه يا منال وصراحتي بتصل لدرجة الوقاحة احيانا.. بتحبني؟ لا الحقيقة! ايه رأيك في الشغلانة اللي بعرضها عليك بس قوللي بصراحة.. بصراحة عمل ساذج ولا اتصور نجاحه! انت مخنوق مني صح؟ الحقيقة صح.. جدا!
وهلم جرا:)ترماي يعني

Anonymous said...

I'm glad you looked up ana mesh 7atem & good post on wanamaly. On being 'tramway'... careful cause even the tram slows down, stops at stations or crashes. Ew3a tersha2 ba3d el shar 3leik:)

albida said...

ترماى؟!! :) بجد أنا بعشق تشبيهات حضرتك

والله لو الأنسان اللى قدامى جرحنى بصراحته هعرف أنه فعلا بيحترمنى وبيقدرنى وعايزلى الخير ده بجانب انه انسان صادق مع نفسه
والله أحسن من الانسان اللى بيجرحنى بنفاقه وعدم اهتمامه

فاكر حضرتك لما اختلفنا على موضوع العنف ده وهبيت فيا جامد.. أنا والله مازعلت من حضرتك لانى عارفة أنك كنت بتحاول تصححلى مفهوم معين يعنى مش بتنافقنى وبتقولى على كل حاجة حلوة وخلاص


manal

Anonymous said...

جايز حضرتك تكون صريح.. بس أكيد الصراحه دى ما توصلش لحد الوقاحه
انا باحترم اللى يكلمنى بصراحه.. لأن دا معناه انى انسانه مهمه بالنسباله
وغير كده.. طب ماهو هايقول: ماتخبط دماغها فى الحيط.. وانا مالى بيها؟
لازم الواحد يقبل الصراحه لأنها نقد بناء ليه.. ولو زعل منها
يبقى يتفلق
معلش أنا اتحشرت كده ف نص الموضوع من غير احم ولا دستور

الخبز و الحرية said...

والله يا ايمي انا بحب التناقضات الكثيرة اللي فيا واللي بتاخدني من حالة لحالة مناقضة، بحس اني كده بلمس حدود الحاجات كلها وبمر بكل الخبرات والمشاعر وبزداد عمقا واتساعا حتى لو ارتكبت اخطاء في السكة او اسأت التقدير أو كده:)

Unknown said...

Dear Khaled:)
Ma Shaa Allah, klamak 7elw gidan.sa3at betmor bel wa7ed la7azat beyatakhayel enoh aw7ash wa7ed fel wogood.El mohem ne7awel ne7asen men nafsena we nokoun a7san we eza fashalna ne7awel NE7AWEL TANI WE TALET:D

حبة حاجات (ايمان) said...

كلنا فينا التناقضات دى بس طبعا بتفرق فى النسب

وكلنا جوانا الخير والشر والطيب والخبيث

انا راىى انه لازم نشوف نفسنا باسوء حالتنا مع نفسنا

لكن كمان لازم نشوف نفسنا باحسن حالتنا مع الغير

مش عارفه اذا كان كلامى دا مفهوم ولا لا
عموما تعبير حلو ما قدرش اقول حاجه عنه