عندي مكان
لكل قلب حينفتحلي
ولكل قلب حتتقفل بينه وبيني البيبان
ولكل حبة من بشاير خير
ولكل حتى والله حتة أذى
ولكل طعم ولون جديد
ولكل ريحة من زمان
أو من بعيد
علشان بخاف لما بموت وحدي
محتاج ماعيشّي لوحدي يا خلان
ياما نفسي انبت في سنابلكم
وتشجروا جوة بساتيني
وانا إن أغفّل في مواجعكم
حتريحوا يا عيوني ف عيوني
وان كان حبايبي صغيرين القد
انا قد وعدي حجيب لهم تفاح
من فوق شجر عالي لهذا الحد
وعلى الحصيرة حنشتهي نرتاح
وان كان حبايبي مجرمين وبجد
نايبي ف يمينهم والشمال سكيني
يكفيني أكتب فوق قساوتهم
على ديني عشت واموت على ديني
عندي مكان
يا جرح مانتاش مميت
واللي ما يقتلني انكتب.. على طيشه يحييني
لكل قلب حينفتحلي
ولكل قلب حتتقفل بينه وبيني البيبان
ولكل حبة من بشاير خير
ولكل حتى والله حتة أذى
ولكل طعم ولون جديد
ولكل ريحة من زمان
أو من بعيد
علشان بخاف لما بموت وحدي
محتاج ماعيشّي لوحدي يا خلان
ياما نفسي انبت في سنابلكم
وتشجروا جوة بساتيني
وانا إن أغفّل في مواجعكم
حتريحوا يا عيوني ف عيوني
وان كان حبايبي صغيرين القد
انا قد وعدي حجيب لهم تفاح
من فوق شجر عالي لهذا الحد
وعلى الحصيرة حنشتهي نرتاح
وان كان حبايبي مجرمين وبجد
نايبي ف يمينهم والشمال سكيني
يكفيني أكتب فوق قساوتهم
على ديني عشت واموت على ديني
عندي مكان
يا جرح مانتاش مميت
واللي ما يقتلني انكتب.. على طيشه يحييني
11 comments:
full of optimism and positive site
having a place in ur heart for every one who loved u is the ultimate wish of every person to be able to love and be loved
عندي مكان حتى للي ماحبونيش على فكرة ده اللي قلته:)
عندك حق والله يا أستاذ خالد!! لازم نخلى مكان فى قلبنا للى حبنا واللى جرحنا... صعب أننا نعيش الحياة لوحدنا, كفاية اننا هنموت لوحدنا!! علشان ميبقاش موت وخراب ديار زى ما بيقولوا
:)
بس ازاى نسامح من غير ما نستسلم؟ نفسى أعمل كده بس الموضوع صعب!! ممكن يبقى فيه مكان لجروحى وأعدائى فى ذكرياتى لكن مش فى قلبى
manal
ثانيه واحده بس
لو عندك اماكن لكل دول يبقي اكيد قلبك ده تلاتين اربعين فدان
انا باقترح تتبرع بجزء من قلبك لحل مشكله الاسكان في مصر
:D :D :D :D :D
معلش بس باحب اهزر في الاول كده
بس بجد الكلام حلو اوي اوي اوي
ياريت بجد اعرف ابقي زيك كده
عندي مكان لكل حد
حتي للي مش بيحبوني
استاذ خالد
قلبك فريد من نوعه اجمل من ماكنت اتصور
وانا اطمع ان يبقالي لو حتة صغنطوطة اوي فيه
والقصيدة تحفة تحفة بجد
باسمه
منال.. مطلوب ناخد حقنا ومش مهم قوي نسامح عمال على بطال.. بس المهم قوي حتى لو لينا أعداء نتذكر عبارة السيد المسيج الخالدة :"أحبوا الإنسانية في أعدائكم".. في فيلم تروي المعنى ده واضح جدا لما "أخيل" بكى على روح "هكتور" بعد ما قتله ومثل بجثته أول ما ضميره صحي تجاه عدوه.. اكرهه واقتله لو مضطر.. بس احترم وحب انسانيته وشجاعته على مواجهتك.. مش عارف كلامي مفهوم ولا مكعبل.. اظن مكعبل:)
ايهاب ممكن.. فكر في كم الاحترام اللي الفرسان زمان كانوا بيظهروه لبعض قبل ما يتقاتلوا.. فكر في لحظة أن تقدر وتعفو.. أن تسامح لأنك تستطيع.. وأؤكد على رفضي التام للمسامحة عمال على بطال.. بس المهم الحقد مايخليكش انت اللي وحش.. معنديش مشكلة يحاكموا صدام مثلا ولا انهم يعدموه.. بس عندي كارثة ان دي تكون المحاكمة وان دي تكون كيفية الاعدام.. ده الفرق الرفيع بين اقرار العدل أو الانتقام المتشفي الأعمى.. في الاولى بترسي مبدأ وبترتفع لأعلى.. في الثانية بتهد مبدأ وبتنزل أرضا.
باسمة ده انت تنوري.. عندي حتة صغيرة على البحر كده بس حتكلفك حبة:)
لا والله مفهوم
:)
عارف؟... حضرتك فكرتنى بكتاب كنت قريته عن الجاحظ وازاى أنه كان محبوب من كل الناس وعلى الرغم من كده كان بيعرف ياخد حقه من أعدائه كويس أوى!! يعنى مثلا لو فيه حد هاجمه يروح الجاحظ مديله الحتة الهجاء اللى هيا, ميقدرش ينطق بعدها.. والغريب أن الجاحظ كاد بعد كده بيسامح أعدائه
أنا فكرة الحتة دى من الفيلم كويس.. مع أن أخيل كان غاضب جدا من هيكتور الا أنه طلب يواجهه بشرف وده بان بعد قتله ليه وازى أنه رجع جثته للملك تانى
manal
تسلملي يارب كلك ذوق
ماشي عالبحر ولو اني اخاف من الرطوبة:D بس اللوكيشن حلو اوي
يعني تكلفتها تكون قد ايه كده؟
طبعا حتعملي خصم عشان انا لسا طالبة
:D
باسمه
صدقت ان قلت ان لك مكان فهذا ماننتظره من شاعررقيق وقلب دافئ كقلبك لقدتا كثيرا في العودة كانك عدة من زمن العمتلق لكن ان تاتي متاخرا خيرا من ان لا تاتي ابدا رجوا ان تجد مكانا لي عصفورة صغيرة من اقصى المغرب
رائعة جدا القصيدة حسستنى إنى مش وحدى اللى فاتحه فى قلبى مكان لكل الناس
طمنتنى
متشكرة جدا على القصيدة
تجيبك الدنيا:
جِدْ لي مكانا في أحضانك
إنْ كنتَ تُريدني خليلة فسأمكث بين شرايين قلبك الأمينة
إن كنتَ تريدني أُمٌ حنونة فإن صدري فسيحٌ ليغمرك ساعة ألامك
إن كنت تريدني إلهامُكْ فسأنفخُ من روحي في رصاص أقلامك
إن كنت تريدني بِحارًا فأمواجي كفيلة بأن تُغرق همومك و أحْزانك
.........
أشك في أن لي مكان عندك لكن المؤكد أن هناك الكثيرون من لهم مكان.
ما كتبته يدل على أنك مرهف الإحساس و على أنك لست ملك نفسكو هذا ليس بغريب على الكُتاب الشعراء .سوار
Post a Comment