Wednesday, January 24, 2007

التي قمحها مالحٌ واسمها علقمُ
التي روحها مُرّةٌ.. ولا تفهمُ

هي التي أشد خطرا من ركوب البحر
هي التي أشد تعقيدا من قصيدة شعر
هو الموت بين عينيها صليب من لهب
جنيةٌ مجروحةٌ تفيض بالحنان والشغب
هي التي..
هي التي لا أستطيع اختصارها في أي سطر

بيان الفتوح
يلقيه العاشق نيرون
في عشق فتاة تترية
تقلع روما
وتثبت في قاع الدولة
غابات الشعب المرجانية

آخر الفتوحات أنتِ
وآخر مهرة
آخر الجزر المستقلة.. آخر زهرة
آخر الانتظار وآخر ضوء النهار وآخر شطرة
آخر الذكريات المذابة
آخر الفتوحات أنت
وأنا آخر الفاتحين الغلابة
فادخلي ملتي
واشربي قلتي
وإن شئت أن نتقاسم هذا الرغيف وهذا النبيذ وهذا القمر
جادلي بالتي

10 comments:

bassma 87 said...

مساء الورد
اولا انت وحشتنا جدا
ومن حقك تتقل ياجميل

ايوة كده عاوزين حب وغزل ..انا بموت في القصائد الغزلية
وروحي دابت وانا بقرى القصيدة دي لأول مرة احس الاحساس ده
واجمل حاجة فيها ان مالهاش عنوان
مش عارفة دي حاجة مقصودة ولا ؟

وعندي ليك مفاجأة
منتدى الفنان خالد الصاوي ..من تصميمي المتواضع

http://khaled-elsawy.forum-free.org/

والدعوة عامة للجميع للمشاركة
والاعلان موجود بالبلوج عندي لأي استفسار

باسمه

Tarek said...

بعد البوست الأنجلوساكسوني
والبوست الفرانكوني
جميل قوي بوست الضاد يا معلم
في ملاحظة وحيدة هنا
الحقيقة أنا مش عارف مدى ولاءمة استخدام مفردة عامية في قصيدة كلها بالفصحى
طبعا اتفقنا على جمال ورقي العامية
لكن قصدي هنا إنك استخدمت مفردة واحدة بس، لو كان أكتر كنا دخلنا في تجربة دمج بين العامية والفصحى
لكن مفردة واحدة وممكن يكون ليها بديل من الفصحى...مش عارف
خالد أنا عارف إنك بتكتب بحرية، بتكسر كل القواعد، ويمكن بتجربتك دي بتعمل قاعدتك الخاصة
يمكن من الزاوية دي أبديت الملحوظة
هل الفكرة هي حرية كتابة، ولا في وجهة نظر فنية هنا

Blau Lilie said...

WOW

BIRA said...

القصيدة حلوه قوي ..
حلوتها فى اختلاف العرض ..
يعني طبيعي في قصايد وأشعار الحب وخصوصا اللي زي دي بتبقي رومانسيه قوي ... تقطيع يعني .. اللي هو الواحد بعديها بيقول "غبية اللي ماتوافقش" ..
بس دي مكتوبه بشكل مختلف .. حسيت انك بتخاطب عقلها .. هي فيها تهديد شويه وانذار بالإختيار ..
بس برضه جديده .. بس لو حد حيقول لواحده كده ممكن قوي ماتفهامش وخصوصا لو كانت زي فهمها على قدها في الحاجات دي :))
كمان استخدامك لكلمة آخر ليها معاني كتير ... يعني مافهمتش الآخر ده كويس ولا وحش .. يعني كويس انها الآخر وان هي آخر المطاف وآخر اختيار ... ولا دي حاجة وحشه انها الآخر بقه ومافيش خيار ..
يعني ده اللي أنا حسيته .. بس بجد يا خالد جديدة ومختلفة ... أحسنت يا أستاذ

KHALED-ELSAWY said...

باسمة انت رائعة:) متشكر من قلبي. حندوره ازاي بقى؟
طروق ازيك.. اظنها ممارسة حرية من النوع المحسوب، حاجة زي حر ما لم تضر:) بجد والله .. يعني ببقى لقيت الكلمة نطت على لساني مثلا ومفيش موانع من استخدامها الا موانع عتيقة هنا بكسر، لكن مرات بلاقي موانع لها منطق فني أساسا فبتراجع عن التكسير، كمان انا بحب اتجادل مع الكليشيهات جدا وفي نفس الوقت بموت في التقاليد الفنية بشكل خاص شوية.. تقدر تقول فوضوي بس مش مؤذي:)
شكرا بلو:)
شكرا بيرا بس اعذريني مش بحب اشرح شعري.. ممكن اقول ملابسات مثلا حصلت وقت الكتابة.. لكن اشرح اللي فعلا كتبته لا.. لما بشوف ان اكثر من حد مش واصله المعنى بحط ده في اعتباري للمرة القادمة.. يعني..

وينكى said...

فى الأول حسيت بحاله كره مسيطره على الكلمات
وبعد كده اتقلبت الآيه 180 درجة وحسيت بحالة حب
هل تضاد المشاعر هنا مقصود
ولا انا اللى مافهمتش؟
حمد لله ع السلامه
وقولولى مبروك عشان خلصت العك اللى اسمه امتحانات

BIRA said...

لأ طبعا براحتك ... ومش مفروض تشرح بالضبط ولو الفن عموما محتاج شرح يبقى مش فن ...
بس أنا قصدي ان القصيدة التضارب اللي فيها كتير ... هي الحقيقة فيها كل حاجة حب وكره .. إجبار وإختيار .. قسوه وحنيه
وده بيدل انك وانت بتكتبها كان جواك مشاعر متضاربه وده اللي أدي للخبطة
أنا عارفه انك مش حتزعل ...
وممكن يكون انت قاصده ... يعني شوية غموض :))

ragazza11 said...

enta garalak eih elnaharda..7aram 3aleik tel3ab bekhayalna ..mesh ma3o'ula ad eih gameela ennak 3ayaez tekoun akher 7ob fi 7ayatha we heyya akher 7ob fi 7ayatak beraghm 3oyobha elly el kol 7azarak menha..el 7ob howwa taqabol 3oyob shakhss ..henna enta 3ala yakeein men 3oyobha lakenak 3ayezha geddan..anta 7assass bedaraga 3alya gedan we 3alashan kedda fi keteer men ash3arek betkoun fi 7alet ya'ss we ka'aaba..el enssann el 7assass betwaga3 aktar men el nass el 3adeyyeen la'ennoh bey7ess bekol 7aga moda3fa ..el mood dah 7elw argouk 3ayeshna feeh showwaya

KHALED-ELSAWY said...

مبروك النجاح مقدما يا وينكي. انا مش بقصد اي تضاد والله انا اللي مليان تناقض بس كل ما في الأمر اني واعي بده ومقدره ومش بحاول اخبيه لما بينط من كلامي بالعكس ببرزه زي ما حسيته.
بيرا ازعل من ايه؟؟ مش فاهم بصراحة. عموما انا فكرتي ببساطة اني التزامي الأصلي ان اكتب وواجبي الرئيسي ان استمع لكل تعليق لو عاوز اطور نفسي وعشان كده بشكرك وبشكر كل نقد وده كلام من قلبي لأني بستفيد فعلا من انك توريني نقطة ضعف عندي وخصوصا انكم أصدقائي الافتراضيون اللي بيكلموني وبينقدوني بنية حسنة .. فصباح الفل اذن:)
عزيزتي رجازة بشكرك جدا بس مقدرش اوعدك اني اثبت على موود معين لفترة، لو اقدر اعمل كده كان زماني عندي قبيلة أولاد:)

bassma 87 said...

أ/خالد
العفو كلك ذوق
كل ماعليك انك تسجل في المنتدى باسمك
في كلمة register
فوق اظغط عليها واملأ البيانات
حتوصلك رسالة على الايميل فيها لينك تفعيل الاشتراك تظغط عليه ومبروك حتلاقي نفسك مشترك طبعا بالاسم لي دخلته وكلمة السر

المشكلة في الاعلان عن المنتدى عشان الأصدقاء يسجلو ويشاركو لازم نعلن عنه
ايه رأيك تحط الاعلان هنا في البلوج عندك
في بوست خاص ؟
دي اضمن واسرع طريقة عشان الناس تعرفه

باسمه