Wednesday, January 10, 2007

تحقيق

مين اللي تاهمني؟
وانا اللي تاهمكم
إيدي على قلبي
تفرد ما بتخبي
مطرح ضوافركم
مليون سؤال أبكم
يتقال ما بيفهّم
مين اللي طالقكم
أنا تهمتي غامضة
خلخالك الفضا
خليه وما تبيعيهوش
لا رشوة راح تنقبل
منك ولا دية
حفلة على موتي
حفلة ووردية
واللي قادوها ماجوش

5 comments:

صفصف لادي said...

اول حاجة طفرت من عيوني كانت دمعة
بعديها كلمة اي


إيدي على قلبي
تفرد ما بتخبي
مطرح ضوافركم
مليون سؤال أبكم

لا تعليق

KHALED-ELSAWY said...

شكرا حفصة.. بس مش ملاحظة ان القصيدة دي ملهاش زباين غيرنا:(

صفصف لادي said...

معلش ما هو المثل بيقول في فرحكوا مدعية و حزنكوا منسية

لا اراكم الفضاء مكروها في بلوج لديكم
البقاء لله
توفت جميع مدوناتي

سلام يا عزيزي

bassma 87 said...

عشان مابنحبش نشوفك حزين
بنشجعك عالفرفشة :D

بس تعرف
لما بتبقى القصيدة موجهه بشكل مباشر
المتلقي بيحس انه متوتر
وكأن الكلام موجه ليه
لو الكاتب مجروح القارئ بيحس بالذنب
لو فرحان القارئ بيحس الفرح

ده طبعا لو كان القارئ طيب وعلى نياته :D

باسمه

ملكة آلآحزآن said...

إطلالة كلماتك كانت كسحابة تمر
بين السماء لتمتزج بسحابة أخرى
تشرق بينهما الشمس
ويحتضنها الطير
هكذا كلماتك
تقابلت في حوار صريح مع المعنى
وتناشدت في معزوفة راقية داخل الكلمة
عزفت على وتر عذوبة ذوقك وروعة إختيارك
أبدعت في حروفك وأتقنت جمال سحر حضورك
دمت مبدع
تحيتى ملكة الاحزان