Wednesday, January 10, 2007

فكرت اقول لك

فكرت اقول لِك إن حبك كربلاء
واني ف حبك كالحسين
حاصريني بين خطين دماء
وبين دموع العين
جيشي قليل
صبري طويل
لكن حبك كربلاء
وانا ف حبك كالحسين
وكم حسين ف هواكي نازف بس واقف في العراء
بيشوف دماه عمالة تجري للوراء
وتبقى ماء

فكرت اقول لك إن حبك زمزمية
مرشوقة ف جبين العطش
هلال ف صدر الظهر في رحلة شجاعة صحراوية
وانا الناياتي
ناي وآتي
أنا المغني يا فتاتي
لكني صابني الطرش

فكرت اقول لك إن حبك كرب كرب
ومالوش سند مالمنطقية
ولا جدوى منه ولا ثمن
الدم.. مية؟!
صورة قديمة جهلتها حتى لقيت دمي على إيديكي لا لون
ولا طعم له
ولا رائحة
يا حبيبتي يا قبر الحسين بعد الحسين بعد الحسين

فكرت اقول لك كيت وكيت
لكن لا فايدة من القوالة
هواكي خطوة شئتها ولا أبيت
خطّيت ومرت في الزمن
حصلت وأمحيها استحالة

12 comments:

frozen love said...

يبدو اني اول المعلقين هنا برضه...اولا حمد الله عالسلامة...والف سلامة

ثانيا قصيدة هائلة اعجبتني..ربما مس بقدر بلاد الخوف اللي بعدها لكنها رائعة

الجزء ده فوق الرائع


فكرت اقول لك كيت وكيت
لكن لا فايدة من القوالة
هواكي خطوة شئتها ولا أبيت
خطّيت ومرت في الزمن
حصلت وأمحيها استحالة

تحياتي

maf2ou3a said...

i missed u really ur blog has become sort of an addiction to me

maf2ou3a said...

ana shayfa en kol qaseydak el mara de feha 7ob we amal mafehash el ya2s beta3 el mara elly fatet mesh keda wala betheya2ly

mateb2ash tet2akhar 3alena

KHALED-ELSAWY said...

فروزن الله يسلمك شكرا جزيلا.
مفقوعة متشكر بس انا عموما بطلع وانزل في كل حالاتي.. أي قصيدة بالنسبة لي هي لحظة، عشان كده دايما حتلاقي عندي تناقضات في كتابتي عشان فيه تناقضات في اللحظات نفسها.

صفصف لادي said...

الصورة حلوة
لكن السطر بتاع
فكرت اقولك ان حبك زمزمية مرشوقة ف جبين العطش
بوظ جو القصيدة
لا الجو العام كله بيرجع القارئ بكل وضوح لمشهد قت سيدنا الحسين
وتيجي بعديه كلمة زمزمية
مممممم
مش عارف بس هي ردتني بقسوة للحاضر
طبعا اللي انكتب انكتب خلاص لكن حسيت انها ممكن تكون
فكرت اقولك حبك نبع مية
مرشوق في جبين العطش
او حتى غدير ميه

غير كده فهي عالية جدا في التصوير من تاني يا خالد بتبهرني بصور جديدة
حبها كربلاء و انت الشهيد

و برضة نفس الشعور بالندم والحب المفقود

احساس عالي جدا

KHALED-ELSAWY said...

بس انا يا حفصة بكتب عني وعن كربلائي أنا وبستلهم من كربلاء الأصلية.. مقدرش انسى ده واغرق في الماضي فقط.. مش عارف.. ده احساسي

ba3eedann said...

Welcome back :)

As much as I was sorry to hear that you weren't feeling well, as much as it was good in a weird sort of way as it helped you "tebde3".

I mean...this is so unique comparing love to Karbela2 and el7usein...wow...:)

Insha'Allah the next one is about hopeful love, instead of el-love elma2sawy 3afana Allah gamee3an :)

Ehab said...

حلوه
بس بلاش كربلاء دي
لحسن تلاقي حد من اخواننا في جماعه التكفير و الهجره بيزورك في البيت
الف سلامه
:D

ragazza11 said...

Hi ya Khaled,

Happy New Year! Enta fein men zaman? 7elwa awy awy la'enaha men el 'alb. Aw7ash 7aga enn el wa7ed yektem e7sassoh gowa nafsoh le'en law e7ssaso sadek ma yehemesh elly odamoh yebadloh wala la' la'en el e7ssass lewa7do beyeb'a massdar sa3ada..

KHALED-ELSAWY said...

بعيدا الله يسلمك شكرا.. تصحيح معلومة: دي مكتوبة سنة 87
يا عم ايهاب والله خيلتني:)
رجازة وانت طيبة.. بس انا لما كنت بكتبها ماكنتش بفكر في واحدة ست.. بصراحة كنت حاسس اني عاوز اقول الكلمتين دول لبلدي!!

ba3eedann said...

أوبس :)
إللى ما يعرفك يجهلك يا فندم:)


بس مش إحتمال كنت عيان برضه سنه 87
:)

على كل حال ألف سلامه ومبدع دائما ان شاءالله

bassma 87 said...

مكتوبة سنة 87 !!
يعني عمرها من عمري

انا كنت فاكرة ان القصائد لي بتكتبها
دي حديثة

باسمه