Saturday, September 30, 2006

نشيد البلوجرز


أولئك الذين يشتموننا لأننا بلوجرز..
أولئك ال"ماذر فاكرز!"
ماذا يريد أولئك الأوغاد منا؟
تركنا لهم غثاء القول في الجرائد القومية
والغنج والقوادة على القنوات الفضائية
والطنطنة المخبولة في مؤتمرات الأحزاب الورقية
تركنا لهم الأرض وما عليها
ويممنا وجوهنا شطر الفضاء
ماذا يريد أولئك الظالمون منا
وقد كرهنا لهم العالم المرصوف بالبؤس والخراب
وانطلقنا نحو عالم مفترض
نضع الجرح جوار الجرح والفقر جار الفقر
نلثم إصاباتنا في جميع المواضع
ونغني للثورة القادمة
شئنا أو أبينا.. شاؤا أو أبوا

17 comments:

CHE GUEVARA said...

أنا فعلا مبسوط جدا جدا بإنضمامك إلي هذا العالم و أتمني أن تجد في هذا العالم الإفتراضي ما يخفف من الهموم التي يلقيها علينا العالم الحقيقي و إن كنت بدأت أشك أن هذا هو العالم الحقيقي فعلا فلا شيء يبدو حقيقيا في هذا الزمن.
المهم يمكن تكون بدخولك عالم البلوجرز عايز تبعد عن المعجبين و الدوشه بس لا لازم أقولك إنك فنان غير عادي بس دورك في يعقوبيان كان حاجة تانية خالص فعلا عرفت إن عندنا فنانين أحسن من أي فنانين عالميين مستنيين الكثير و الكثير بالتوفيق إنشاء الله

Anonymous said...

انا خجلة من نفسي اني لسة ما شوفتش الفيلم وعد اني حشوفة ..كلامك جميل نعم نحن هنا نقول ما نحسة ونشوفه من دون زيف او تجمل

بتمنالك التوفيق وكل سنة وانت طيب

Geronimo said...

معرفش ان كنت انت خالد الصاوي الحقيقي ولا لاء
بس انا باحترم خالد الصاوي الممثل جدا
ف ادوار كتير وف رؤيته كمخرج مسرحي

وكمان لما قريت قصيدة اطلع بقة وسط رسايل الجروب والبلوج
احترمتك كشاعر متمكن قوي من لغته ومن افكاره
لو انت مش خالد بتحاول تشهر بلوجك
مالوش لازمة لانه شعرك كفاية وخليك واثق فيه
ولو انت خالد يبقة بجد انت حد جميل قوي

KHALED-ELSAWY said...

لازم تشوفي الفيلم يا رشا بجد فيلم مهم
شكرا تشي جبفارا
انا خالد يا جيرونيمو:)

shaimaa said...

خالد الصاوي عندنا يا مرحبا


نورت البلوجسفير يا فندم

Ehab said...

بجد هو ده اللي جوه كل واحد فينا
كل واحد عمل بلوج عشان يعبر عن نفسه و في الاخر لقي نفسه مراقب حتي في البلوج
ممكن احط النشيد ده في البلوج بتاعي؟
علي فكره انا شوفت الفيلم مرتين :) مش مره واحده
سلام

CAESAr-DIABLo said...

ايه ده .. وااااو .. مكنتش أعرف إنك بلوجر .. انت فخر للبلوجرز .. حلوة فخر دي ؟؟ دايما بتبقي منور المظاهرات و كنت متألق طبعا في يعقوبيان ..
بالمناسبة .. أنا طرحت فكرة عند علاء علشان نتناقش فيها .. عاوزين نعمل كرنفال في يوم 12/12 بمناسبة مرور 2 سنة علي الحركة و إنطلاق أول مظاهرة .. يعني نبتكر شوية و نعمل حاجة كبيرة أوك .. و لو مهتم اديني خبر في البلوج وانا هعرف أوصلك :)

KHALED-ELSAWY said...

أهلا شيماء شكرا
أرجوك اعمل كده يا بوب
فكرة تحفة يا سيزر خلونا ندرسها تفصيليا

Victory for the Victims said...

Atef Shahat Ya Khaloud,

أنا سعيد جداً بروحك فى البلوج
وبنشيد البلوجرز
وكمان عشان الواحد ممكن يشوفك باستمرار عن طريق البلوج
تحياتى يا بطل

KHALED-ELSAWY said...

عاطف! ازيك يا صديقي؟ واحشني بعنف:) رحت البلوج بتاعك ملقيتش كلام.. ليه وانت ابو الكلام الموزون؟

Victory for the Victims said...

حبيب قلبى
فى الحقيقة انا عملت كذا بلوج ولم افلح فى الاستمرار فى عمل صيغة
واللى انت شفته كان فاضى خالص
واكن بلوجك حاجة مشجعة جداَ وجميلة
على الأقل فى التواصل معك فى هذه اللحظة
وانا مشغول جدا ً دراسياً وفى التفكير فى الامبريالية وانت فاهم طبعاً التفكير فى الامبريالية ناهيك عن المعيشة فى الامبريالية نفسها حاجة مرهقة وربما وسخة
لكن على الأقل انا باتعلم وباحاول افهم الامبريالية ماشية ازاى
طبعاً مشحون بغضب من هنا للصبح
عموماً سوف نتواصل أكتر
ولو بدأت في بلوج بالطبع سوف أقوللك

تحياتى وواحشنى جدا

مونوكلى الصغير said...

تيك-تاك-توك

اهلا خالد الصاوى

توك-تاك-تيك

KHALED-ELSAWY said...

يا سيد مونوكل.. مالك ماشي تتكتك لنا كده؟ عاوز ايه:)؟

Hafsa said...

i think this is the only time the expression of " Mother f***ers" is well-dealt with, again ya khalid u excelled urself. Viva elsawy.

وينكى said...

نحن بلوجرز رغم أنف الجميع
حتى لو زرعولنا ألف عين وسلسلونا [الف كلابش
برضه احنا بلوجرز وهانفضل
وهانكتب وهانعبر
واللى يقدر يمنعنا يورينى نفسه
أنا فرحانه أكتر لأنك سمعت كلامى وعدلت البلوج بتاعك بحيث انه يقبل تعليقات غير البلوجرز
مش كده أحسن برضه؟؟

KHALED-ELSAWY said...

طبعا والفضل لتعليقك

Khalid Abozaid said...

انا عيد جدا بما قرأت في البلوج ده وحسيت بان الحريه لسه قادره تعيش
انت يا خالد كنت السبب في تعرفي على المطويات من خلال برنامج الناس وانا
للفنان الجميل حسين فهمي
انا مدرس وباعتقد ان دور الفنان ودور المدرس متشابهين وباحاول اكون مدرس كويس على قد ما تتيحه ليه الحريه المتاحه في المدرسه.......اسف للتطويل وارجو انك تزور البلوج بتاعي سلام