Thursday, December 19, 2013

مدد يا مصر

مدد يا مصر
في أي شرع؟ في أي دين؟؟
يا أخو البنات.. يا أبو البنين
تمشي البنية في غابة طين
خنازير شمال.. وضباع يمين
ده يرمي كتف، وده إيدين
وينجسوا توب الفتى
-قبل الفتاة- يا مؤمنين!
ويدنسوا شرف الحياة
ويلوموا بنتك عالأنين!...

عالظلم ساكت.. تبقى إيه؟
وبدون كرامة.. تبقى مين؟؟

يا ولاد بلدنا يا سامعين
النخوة فين؟ النخوة فين؟؟
يا اهل البلد.. مدد يا مصر
يا أوليا.. يا محاربين
عاوزينها تنضف مالبلا
والأوّلة.. عالسافلين
حطوا الدراع ويا الدراع
ويالله بينا أجمعين
الموت لأنطاع الحياة
"المَوْتُ للمتحرشين

7 comments:

Bahaa ibrahim said...

برافو ...استاذ خالد ...

Bahaa ibrahim said...

برافو يا فنان ... احترامى و تحياتى لك استاذ خالد

hend sayed said...

تحفه

Osama Shawky said...

احترامى..وتحياتى
فنان من القلائل الذين لم ننصدم فيهم
راجل يا صاوى

Mohamed Mostafa said...

رائعة جدا يا فنان

sasso jad said...

جميل فعلا

Anonymous said...

I respect you :)