كأني حفار قبور مخمور ومسطول موت
بكتب ف نعي الأحبا خليل ورا الثاني
واشرب ف نخب جمال سي العربي الحياة والموت
وأعزّي فيه البشر.. ولا حد عزّاني
كثر المراثي يقسّي ويلكم الإنسان
حنقول ونرغي ف إيه والحبل عالرقبة؟
من مية سنة بعرفه واسأل جبال وهران
جمال جبل في الجزاير.. والسفح في العتبة
المرء صيته شعاع ليزر يجوب الكون
واسم ابن آدم حمام زاجل يعرّف بيه
عرفته قبل امّا اقابله سمعت جدعنته
ورأيت عينيه الجريئة ولحيته الرزّي
جمال حبيب الغلابة وجنة المطاريد
مطرود وهربان تمللي كالرسل تِمّاً
ماحلفش ياخد بحقه حلفا مالدنيا
ولا حلف عالردى ولا خرّ قدامه
يوم ما الكئيب دق بابه هب يفتحله
ولم حاجته ورحل بكرامته صباحي
آه.. الوداع يا جمال يا عاشق الملايين
سفر مفيش درجة أولى فيه ولا سياحي
والله ما اعرف حنصحى بكرة نرثي مين!
مافضلش من جيلنا أي ملايكة بترفرف
بهائي سافر وصالح والسفر طوّل
منصور.. عمر نجم.. حسن عبده ومصيلحي
ومجدي أحمد وفانيا وشادي ويماني
كأني حفار قبور مخمور ومسطول موت
بكتب ف نعي الأحبا خليل ورا الثاني
واشرب ف نخب جمال سي العربي الحياة والموت
وأعزي فيه البشر.. ولا حد عزاني
بكتب ف نعي الأحبا خليل ورا الثاني
واشرب ف نخب جمال سي العربي الحياة والموت
وأعزّي فيه البشر.. ولا حد عزّاني
كثر المراثي يقسّي ويلكم الإنسان
حنقول ونرغي ف إيه والحبل عالرقبة؟
من مية سنة بعرفه واسأل جبال وهران
جمال جبل في الجزاير.. والسفح في العتبة
المرء صيته شعاع ليزر يجوب الكون
واسم ابن آدم حمام زاجل يعرّف بيه
عرفته قبل امّا اقابله سمعت جدعنته
ورأيت عينيه الجريئة ولحيته الرزّي
جمال حبيب الغلابة وجنة المطاريد
مطرود وهربان تمللي كالرسل تِمّاً
ماحلفش ياخد بحقه حلفا مالدنيا
ولا حلف عالردى ولا خرّ قدامه
يوم ما الكئيب دق بابه هب يفتحله
ولم حاجته ورحل بكرامته صباحي
آه.. الوداع يا جمال يا عاشق الملايين
سفر مفيش درجة أولى فيه ولا سياحي
والله ما اعرف حنصحى بكرة نرثي مين!
مافضلش من جيلنا أي ملايكة بترفرف
بهائي سافر وصالح والسفر طوّل
منصور.. عمر نجم.. حسن عبده ومصيلحي
ومجدي أحمد وفانيا وشادي ويماني
كأني حفار قبور مخمور ومسطول موت
بكتب ف نعي الأحبا خليل ورا الثاني
واشرب ف نخب جمال سي العربي الحياة والموت
وأعزي فيه البشر.. ولا حد عزاني
42 comments:
يااااااه .... هو انت يابنى خالد الصاوى ، ورحمة امى وجوزى المرحوم محمد حسين بكر وحياة بنتى نهى بكر أنك وحشتنى جدا جدا جدا ... وطبعا انا بطمن عليك كل ما الاقيك منور وزى القمر فى السينما والتلفزيون وربنا يباركلك فى كل خطوة يا خالد ... وطبعا انا انا عارفه انك مهما بقيت نجم كبير عمرك ما بتنسى اصحابك ... لكن الدنيا تلاهى اوى اوى ... ولأنك برج القوس زى وزعى وزة حبيبتنا احنا الاثنين انا اصرت انى اعلق على البوست الجامد دا ... يا فنان بجد ، انت بتعرق شعر وبتاكل كتب وبتلبس تمثيل وبتنام تحلم بليالى المسرح ... ربنا معاك يا خالد ...
Nice poem!!
good to read from you again! donot stay away for too long....have a great day!
هاااايل ..يا خالد...رغم نبرتها الحزينة..الا انه حزن لذيذ..حزن فيه نفس وجودي عميق و حميم..حزن وضاء..لماع..براق..و مش حزن منهار..شاحب......
.برافو .
و ما عادش تختفي برشه على اصحابك...
عزيزي الفنان خالد
كلمات غاية في التعبير بجد
طالعة من فنان بجد
ومن قلب حساس بجد
ومن مشاعر رقيقة بجد
اقبل مروري
و اه و اه و اه.....
كلمات جميلة و مشاعر أجمل .....
أفضل مافى الأشجار أنها تموت واقفه
دا اول ماجه فى بالى لما قريت قصيده الرثاء دى
الحزن والشموخ والألم امتزجوا ليصنعوا لوحه كتبت حروفها بالدموع والدم
تقبل وافر عزائي
الله يا أ/ خالد
اولا حمدالله علي السلامة
ثانيا: حسيتك بتكتب عن المعلم :ابرهيم الفقي مش عارف لية؟؟؟
البقاء الله يا أ/ خالد
ــاღوحشتنــ
:)
الحمدلله على سلامتك
ويارب تكون بخير
والبقية في حياتك ياغالي
بس مين جمال ؟؟
عموما هو رثاء رائع جدا وأسلوب سلس ويلمس القلب حقيقي عجبني تسلم ايديك
اه مين جمال فعلا ؟
انت على فكرة ياستاذ خالد موهبتك فى التمثيل طاغية
دائما متألق ولك حضورك الخاص ما ان تظهر على الشاشة ويتوقع الجميع انهم على وشك ان يشاهدوا شوتات سبيشيال جدا
very special shots
ربنا معاك ويوفقك دايما يارب
من أكتر ما عجبنى فى هذا العمل، هو مقدمته القوية..
استطاعت أن تشدنى لبقية العمل..
و بما أن المقدمة كانت قوية، فالخاتمة جاءت أقوى..
تحية لك يا أستاذ خالد على هذا العمل، و نتمنى المزيد بإذن الله..
عمرو عز الدين
تم أفتتاح العدد الأول من مجلة نفسنا
نتمنى منكم زيارتنا
ألا الحماقه فقد أعيت من داواها...
ياعم
Pixelya
مش تقرا اﻷول قبل ماتفتح المدفع اﻷستاذ خالد الصاوى ينعى أحد أصدقائه وأحد أقرب أصدقائى ونسيبى أخو زوجتى نائله الفنان واﻷنسان جمال سى العربى والا أهو كلمتين كنت مزنوق فيهم والسلام..
عزيزى خالد الصاوى أتابع مدونتك من فتره وأيقنت أنى سأجد فيها شئ عن جمال سى العربى ولم تخيب ظنى
جميله جدا..أحساس راقى..وحزن نبيل جميل..
وجعت قلبي ياخالد لما جبت سيره بهائى فاكر سهرات الهرم وغناء بهلئى لنا....
آآآآآآه يازمن..
تحياتى وتحيات نائله....خالد
السلام عليكم
استاذ خالد .. عايزة اقول لحضرتك ان مدونتك والصقحة الخاصة بالتعليقات هنا بيحملوا جوايا ذكريات مهمة اوى
من 6 شهور تقريبا كنت لسة مش عارفة يعنى ايه تدوين وايه المدونات دى .. ابتديت اتعرف شوية على عالم التدوين من خلال بعض المدونات ومدونة حضرتك كانت واحدة من ضمن المدونات دى
عملت لنفسى مدونة .. ومع الوقت اتشهرت شوية الحمد لله واتنشرلى بوست فى المصرى اليوم الحمد لله
بس الدنيا تلاهى زى ما مدام سهى بتقول
وبطلت للأسف ادخل هنا او عند اى مدونة من اللى دخلتهم فى الاول
بس لما رجعت دخلت تانى افتكرت لما مكنتش فاهمة حاجة خالص
وكنت مستغربة الموضوع اوى
سبحان الله
وتحياتى ليك جدا يا فنان
ربنا يكرمك ويعزك
سلام عليكم
ندعوكم للمشاركة فى حملة المليون توقيع لنصرة الأقصى
الموضوع فى مدونتى
It's needless to say that I admire your work, especially on the theatre. First time to know about your blog though.. Don't worry, I'm a new blogger myself :)
Well, I was amazed to read your poems. I had read a few of your articles on Modern Discussion, but poetry, that's new.
You have a very nice rythem and controlled vocabulary. There is also a since of dignity even when you are expressing feelings of weakness or loss. I find your writings worthy of admiration. And I will sure come back often to read more. Good luck.
P.S. Please don't play small evil roles. I feel it takes a lot from your profile. I was not happy to see your roles in Ahmed Helmy's and Kareem Abdel Aziz films. But Yacoubian Building, that was spot on!
الله يرحمه
كان راجل
تحياتى على الرثاء
قصيده رائعه تثنى عليها يا خالد
تحياتي
ما اجمل الذكرى
ما اجمل ان نتذكر وننعى احبائنا
كل من قرأ قصيدتك تذكر مرحوميه
رثائك بالفعل مؤلم فى الذكرى
عميق فى التفكير
عزيزى الاستاذ خالد
احييك
ورحمة الله على فقيدك واحبائنا المفقودين
تحياتى
واضح ان قلبك موجوع اوى بس الوجع ده وصل ولا تزعل عشان البشر مش بتعزيك هى بس بتنسى عموما البقاء لله ....
الجميل خالد الصاوى :
حفار قبور مرهف الشعور ؟
نورلنا طريقنا وبيه هانقول وبيه هانثور
حفار قبور فكرنا بكل ماضينا وشفناة بينط سور ورا سور
حفار قبور حنين ودمعه اشتكى منه
قال الحنين جواة وقلبه انسرق منه
حفار قبور طيب وفتح القبر
حساس مالوش لا فى الحساب والجبر
فكرنا بالحنيه وكمان بالحصار والقهر
وافر العزاء .
محمد فوزى .
والله فرحت اوي لما عرفت ان الاستاذ خالد الصاوي عمل مدونة بجد المدونة رائعة و الموضوعات شيقة احيك عليها اما بالنسبة للتمثيل فأنا بعد وفات النجم احمد ذكي لم اجد ممثل احب ادائة التمثيلي و لما ظهرت حضرتك قلت هو دة احمد ذكي الجديد لانك اداءك التمثيلي رائع
انا مبحبش الشعر المرسل ولا الرباعيات غير الموزونة....بس عشان انت خالد الصاوى ...انا حاولت اقرا ومفهمتش او فهمت ومحبتش الكلام.....لاني مش بحب جمال عبد الناصر
انا بس عايز اقولك ان دي اول مرة ازور مدونتك.....وانى من زمان عايز اراسلك......بعد دورك الممتاز او فوق الممتاز فى عمارة يعقوبيان
بجد انت ممتاز وعبقرى و نفسي اشوف لك ادوار تانية قوية بالشكل ده
وبعيدا عن التملق او الثناء.....لازم الممثل المحترم اللى بيحب بلده ويحترمها والشباب يعتبره قدوة ليهم....لازم يعمل مع بلده زي ما بتعمل.....ربنا يوفقك ويهدينا ويهديك و يوفق كفاية للنجاح فيما يسعون اليه
والسلام
ياجماعة القصيدة مش بتتكلم عن جمال عبد الناصر
بتتكلم عن " جمال سي العربي " وواضح انه جزائري
سواء كانت بتتكلم عن جمال المصري أو الجزائري أو اللبناني او السوري أو الفلطسيني..هي بتتكلم عن جمال عربي .. عربي كتير .. كتير جدا .. عربي لدرجة ان الأخ أو الأخت أو الأخوة
pixelya
عمل مناحة هنا ..ولو انه مش مكانه الرد عليه هنا .. إلا انني أقول له ..: تحتاج الى صفحات وكتب وتواريخ جديدة وربما حضارة جديدة كي تنزع حب جمال المصري العربي من قلوبنا ..انا اللبناني اللي بحب حسن نصر الله حتى الكرامة والفرح .. حتى العزّة والبكاء .. لم استطع أن أجد نورا في نفق هذه الأمة المظلم سوى نور جمال والسيـّد .. ورجال هنا وهناك لا أسماء معروفة لهم ..لكن يكتبون أسماء جديدة للتاريخ ..أسماء تليق بهم وبنا ..
ومن منكم كان بلا خطيئة فليرجمنا بتاريخه بعد أن ألصقتوه بنا رغما عنا .. تاريخ بعناوين سوداء أعمت العيون والقلوب ..
ـ ان كان هذا الجمال مصريا أم شاميا أو مغربيا مسلما أم مسيحيا.. فهو جمالنا الحقيقي
وأنا أحببته جدا بين كلماتك يا استاذ خالد
ـ لك أعطر تحيات بيروتي ..مشتاق لبيروت
www.joe75.jeeran.com
قصيدة رائعه من فنان اروع فكرني بقصيدة صغيره كنت كتبتها
بجد احساس عالي اوي يا أ/خالد وصل للقلب بسرعه تقبل مروروي ولك تحياتي :)
صديقي خلود
حقيقي كل يوم بأكتشف فيك حاجة جديدة جميلة
واليوم أكتشفت فيك قيمة الوفاء للصديق
جعلها الله آخر الأحزان
خالص تحياتي
هاى كنت اتجول بين المدونات اتلمس عبقا من نسمات الفن الجميل استوقفتنى مدونتك كثيرا و اعجبتنى للامام دائما مع الشكر
ألى الأخ
joe75
عادى .. الناس فيها هذا و فيها و ذاك .. فيه ناس محترمة و بتفهم .. و فيه ناس بتحب جمال عبد الناصر لأنهم بيعشقوا الهزيمة و الذل
و مبروك عليكم ذكرى 5 يونيو
تحياتى
بجد بجد مش مصدقه اللي بيحصل هنا!!!! الناس فعلاً مش بتقرا قبل ما تكتب.. مش بتفهم قبل ما ترد... يانهار مطيّن... شويه أضحك وشويه أحزن على حال الناس في البلد دي.. كفايه ضياع بقى واللا هوه يللا نعلق والسلام؟
سهى ازيك مبسوط جدا اني شفت تعليقك وسلامي الكبير لبنوتك:)خللينا على اتصال.
سمر وباست متشكر وماكانش بإيدي والله.
بج كوود الف شكر والف اهلا بك في اي وقت.
اوو مريم شكرا اصل الشخص اللي برثيه اللي هو جمال سي العربي الفنان المثقف والمناضل الاشتراكي كان فعلا شخص جميل ويستحق اكثر من كده بكثير.
شكرا وينكي وفعلا جمال سي العربي كان مناضل شديد المراس وكله كبرياء.
حياتك الباقية يا مشربية شكرا.
الله يسلمك يا باسمة وجمال سي العربي صديق عمر عرفت به عام 83 ثم قابلته بعدها هجر الجزائر وجاء لمصر ومن يعرف رؤية جمال سي العربي للإنسان وإيمانه بتحرره الشامل لابد وأن يشاركني رثاءه.
شكرا ميراج وده والله اللي بيشغلني دايما لما بمثل والله.. ازاي يكون المشهد فيه حرارة.. دعواتك:)
عمرو الف شكر.. بصراحة المقطع ده هو اللي قعد يتردد في دماغي من اول ما سمعت الخبر.. كانوا بيسموه زمان بيت القصيد.
بيكسيليا.. اسأت الفهم القصيدة دي في رثاء جمال سي العربي مش جمال عبد الناصر!! للأسف.. انا أرثي صديقي وحزين من أجل فقده وحزين اكثر لاضطراري لعمل هذا التوضيح ولحذف كل التعليقات المطولة التي تتعارض مع المقولة المنطقية: لكل مقام مقال.
الف مبروك لمجلة نفسنا وبالتوفيق يا رب.
ابو فارس.. ازيك يا خلود.. واحشني جدا.. كيف حالك وحال نائلة والاسرة جميعا؟ تقبلوا شديد عزائي. خيرا فعلت انك علقت عشان نبقى على اتصال دائم. تحياتي.
انسانة انا سعدت قوي باللي قلتيه ده بجد. شكرا:) والى الامام.
فانتازيا متشكر على ثقتي في امكانياتي:)ربنا يسهل وما اخيبش ظنك.
الحلم العربي، ربا، شيماء وبوسي وانا من اهوى وضوء القمر وياسر حسين متشكر يا جماعة.. أدام الله صداقتنا المنزهة عن المصالح.
عمرو غريب كلامك مشجع جدا جدا بأمانة .. دعواتك ابقى قده:)
عروسة حلاوة.. دهشتي أكبر!!
يا استاذ خالد .. معاليكم ساهمت فى اللبس و سوء الفهم .. و ذلك بسبب اختياراتك التعبيرية
ووظيفة الكاتب ان يكون واضحا بطريقة لا تدعو للبس و سوء الفهم
ولا ايه رأيك؟
على العموم الحدث كان فرصة لإثبات موقف
تحياتى
Post a Comment